Ɛfɛsɔ 5:11 - Ku̍o̍ Delee 1999

¹¹ Dɛ̍ᵻ ìh-i po̍-ao nyɔ̍ dɛ̍ ìh kɔn-a dǒ kwile we̍-ɛ, mɔ̀ sà i̍h sɔ̍n we̍. Jɛ mɔ̀ nu̍ ɛ̍ i̍h iě gbɔ̀ wlǔh dǒ sɔ̀npli we̍. (

Ɛfɛsɔ 5:11 Iomraidhean Croise

Matio 18:15

Jusu la̍a̍, “Pò ìn ba̍ nu̍ ìn dɛ̍ sɔ̀n jii̍-ɛ, nɛ̀ ìn nɛ due mu̍ dě ɔ̍ we̍ ìè ɔ̍ wlùh sèàɛ̍ ka ɔ̍ nu̍-a ìn dɛ̍ sɔ̀n jii̍-ɛ. Nɛ̀ pò ɔ̍ wɔ̌n àn wlu̍ i̍ wɛ̀ ɔ̍ iě kɛ̀n chɛ̍n-ɛ, nɛ̀ mɔ̀-a wlu̍ wɔɛ̌ɛn i̍ wɛ̀ dode̍.

Pɔ̀n Chɛ̀ Luu To-a La 3:19

Jɛ Chɔɔn wlu-i kɔ̀mla̍ Ɛlo we̍. Dɛ̍nu̍ɛ, ɔ̍ dǔ Ɛlodia ɔ̀ nu̍-a ɔ̍ fɛ̀i̍n-a nynɔ̌-ɛ, ɛ̍ ke dɛ̍ᵻ sɔ̀nᵻ kli̍hgbɛ̍ ɔ̍ nu̍-aɛ ke.

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Wloma 13:12

Wlù la ɛ̍ tɛn dlǔ wɛ̀, sɔ̀n-a ji̍ la̍ sɛ̀n la̍. Ɛ̍ tìh-ɛ, mɔ̀ à tǎli kwile-a dɛ̍ᵻ i̍, mɔ̀ à dǔ fɔ̀n-dɛ̍ᵻ i̍ à iě tu̍h fɔ̀n dě sɔ̀npli di̍i̍.

Wloma 16:17

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍, nyɔ̍ ùh-a nui-a nyɔ̍ gblɛ̍n sɔ̀ɛ̀n wɛ̀ u̍h-a che̍ɛ̍ɛn-a nyɔ̍ i̍-ɛ, mɔ̀ nu̍ u̍h-a nɛnɛ̌ o. Ùh faɛn-a dɛ̍ ɛ̀ mɔ̀-a nǎ poe nyɔ̍ poe-a mɔ̀ nǎ-a, nɛ̀ mɔ̀ sà u̍h sɔ̍n-ɔ i̍.

Wloma 6:21

Ìh kɔn nu̍-ɛa po̍-a ka mɔ̀ tɛ̀n-ɛ ti̍laa-ɛ, ti̍ mɔ̀-a nu̍-a i̍h-ɛ, sɔ dɛ̍ mɔ̀ jě-o ɛ? I̍h naɛ dlǔ i̍ chlà la̍ nɔ̀ɔ̍ mɛ̌ɛ bo ɛ̀ nɛ-e sǔh.

Kelesea 6:8

Pò nyɔ̍ tù dɛ̍ dě ɔ̍ gblɛ̍n sɔ̀ɛ̀n-a tu̍ di̍i̍-ɛ, nɛ̀ mɛ̌ɛ bo ɔ̍ mu̍-e gbǎn-ɛ. Pò ɔ̍ tù dɛ̍ dě Nyɔsoa-a Sùù di̍i̍-ɛ, nɛ̀ dě Sùù di̍i̍ bo ɔ̍ mu̍ kmɔ̌ sie feɛ gbǎn-ɛ.

Ɛfɛsɔ 4:22

Mɔ̀-a tu̍ soa mɔ̀ nɛ-a dě di̍i̍ de ɛ̀ kɔn-a dǒ mɔ̀-a kmɔ̌ soa we̍-ɛ, mɔ̀ sɔ dě ɛ̍ di̍i̍. Ɛ̍ nyni i̍ mɔ̀ jii̍ dǒ mɔ̀-a chɛ̀-a wlùh dɛ̍ᵻ ìh-a boe-a mɔ̀ i̍-ɛ we̍.

Ɛfɛsɔ 5:12

Dɛ̍ᵻ u̍h-a nui-a dě kwile-eɛ, i̍h-a sà-aa chɛ̀ nɛ tɛ̀n-ɛ.)

Ɛfɛsɔ 5:7

Ɛ̍ tìh-ɛ, nyɔ̍ kaɛn laa̍ u̍h ke mɔ̀ bɔ̌ we̍ nɛ̍aɛ.

Kalase 1:12

Wɛ̀ mɔ̀ iě Baa Nyɔsoa tlɔ̌ po̍, ɔ̀ jɔ nɛ-a kmɔ̌ wɛ̀ mɔ̀ iě-a ɔ̍ nyɔ̍ nynɛ̌ gbǎ, iě dɛ̍ ɔ̍ tè-a i̍ dě sɔ̀npli di̍i̍-ɛ mɔ̀ kɔn-a ɛ̍ fɔ̌ wɛ̀-ɛ.

1 Tɛsoloniɔn 5:7

Nyɔ̍ ùh-a mɔ̌-aɛ, maɔ̍ bo u̍h-a mɔ̌. Nyɔ̍ ùh nmɔ̍-a nu̍-aɛ, maɔ̍ bo nmɔ̍-a nu̍ u̍h.

2 Tɛsoloniɔn 3:14

Pò nyɔ̍-o-nyɔ̍ se̍ dɛ̍ à bla̍-a nɔ̌ chlǐh-dɛ̍ la di̍i̍-ɛ nu̍-ɛ, nɛ̀ mɔ̀ tù ɔ̍ jlǐhɛ̍, mɔ̀ iě ɔ̍ sɔ̍nᵻ i̍ sà wɛ̀ tɛ̀n iě ɔ̍ nu̍.

2 Tɛsoloniɔn 3:6

À de̍di̍i̍ᵻ, à po̍ mɔ̀ telě i̍ dǒ à Joi Jusu Klai-a nynɛ̌ kɛ̍n. De̍di̍i̍ jɔ nɛ-a dě flàn-dɛ̍ di̍i̍-ɛ, nɛ̀ mɔ̀ ti̍ɛ̍ɛn ɔ̍ we̍ i̍, ɛ̍ ke nyɔ̍ ùh-u nu̍-a dɛ̍ à poe-a mɔ̀ nǎ-ɛ ke.

1 Timote 5:20

Nyɔ̍ ùh nu̍-a gblɛ̍n sɔ̀ɛ̀n-ɛ, nɛ̀ ìn wǐi u̍h dlǔ i̍ dǒ nyɔ̍ nynɛ̌. Wɛ̀ juh sie-a dǒ de̍-ɛ, u̍h iě faɔn gbǎ.

1 Timote 5:22

Bɔ̌ gbù-ɛ, wɛ̀ ìn bɔ̌ nyɔ̍ sɔ̍n dlǔ tè-ɛ. Bɔ̌ dě nyɔ̍ duuh-a gblɛ̍n sɔ̀ɛ̀n di̍i̍ gbǎ-a. Nu̍ àn chɛ̀-a wlaǎwla.

1 Timote 6:5

Nyɔ̍ duuh nɛ-o u̍h-a wlu-ɛ i̍ pɔ̀n-ɛ se̍ siee la̍ kɔn, iě u̍h-a nu̍ sàwlùh-ɛ. U̍h nɔ̀ɔ̍, tìh-a taǐn se̍ dě u̍h ja̍a̍ nɛ. Sɔ u̍h jajeɛ̍ Nyɔsoa wɛɛ sà-a bo ɛ̀ pàn-ɛ nyɔ̍ de.

2 Timote 3:5

U̍h-a mu̍ Nyɔsoa wɛɛ sà nyɔ̍ nu̍ fli̍h kɛ̍n i̍, wɛ̀ u̍h iě ɔ̍ gbǐh nɔ̀ɔ̍ chla tba̍. Bɔ̌ dǒ nyɔ̍ kaɛn laa̍ de̍e̍ gbǎ-a.

2 Timote 4:2

Wɛ̀ ìè Nyɔsoa-a tu̍owli po̍, ɛ̍ jɛ nɛ nɔɔ i̍, iě ɛ̍ jɛ se̍ nɔɔ i̍ nɛ-ɛ, nɛ̌ ɛ̍ kɛ̍ɛ̍n ìè ɛ̍ bla̍. Nɛ̀ ìn wǐi u̍h dlǔ i̍, ìè u̍h wìè-e po̍. Nɛ̀ ìn fùka u̍h-a wlùh, ìè u̍h nǎ po̍ dǒ wlùh i̍ gbɛ̍n-ɛ we̍.

Taitɔ 2:15

Ìh laa̍ bo ìè nyɔ̍ nǎ poe, gbɛ̍n-ɛ u̍h wɔ̍i̍n, ìè u̍h-a wlùh fùka dǒ tùn ɛ̀ nyǐ i̍-a m̀-ɛ we̍. Bɔ̌ wɔ̌n-ɛ nyɔ̍ bɔ̌ ìn jlǐhɛ̍ dlǔ bla̍-a.

Wlɛfeleseɔn 18:4

Wɛ̀ ǐn wɔ̌n wlu̍ dɛɛ ɛ̍ sɔ dě ja̍i̍wlɔ̀. Ɛ̍ la̍a̍, “Ǎn nyɔ̍, mɔ̀ sɔ dǒ ɔ̍ we̍-e, wɛ̀ mɔ̀ɔ̍ je̍e ɔ̍ gblɛ̍n sɔ̀ɛ̀n gbǎ. Wɛ̀ ɔ̍ ke mɔ̀ɔ̍ je̍e kàn gbɛ̍n-ɛ.