Ɛfɛsɔ 5:1 - Ku̍o̍ Delee 1999

¹ Ka mɔ̀ nu̍-a Nyɔsoa-a tìh kma nynuu̍-ɛ, nɛ̀ ɔ̍ wɔ̀ɔ̀ bo mɔ̀ iě-e i̍ sà.

Ɛfɛsɔ 5:1 Iomraidhean Croise

Matio 5:45

Ɛ̍ bo ɛ̀ mu̍ ɛ̍ nu̍ iě mɔ̀ Baa nɛ-a dě ja̍i̍wlɔ̀-ɛ, wɛ̀ mɔ̀ iě ɔ̍ nynuu̍ nu̍. Dɛ̍nu̍ɛ, ɔ̍ nu̍ jlǔh iě ɛ̍ wlǔh kwlǎ dǒ dɛ̍ sɔ̀n nu̍ nyɔ̍ we̍, wɛ̀ ɛ̍ wlǔh kwlǎ dǒ nyɔ̍ chɛ̀ we̍. Wɛ̀ ɔ̍ dbo̍ nǐ dǒ i̍ slɛ̌-nyɔ̍ we̍, iě ɔ̍ dbo̍ ɛ̍ dǒ se̍ i̍ slɛ̌-nyɔ̍ we̍.

Matio 5:48

Ɛ̍ tìh-ɛ, ka mɔ̀ Baa ɔ̀ nɛ-a dě ja̍i̍wlɔ̀-ɛ, ɔ̍ nu̍-dɛ̍ nu̍-a gblɛ̍ja̍i̍ wɛ̀-ɛ, kǎ mɔ̀ naɛ iě gblɛ̍ja̍i̍ wɛ̀-ɛ nu̍ ke.”

Chɔɔn 1:12

Jɛ nyɔ̍ juh gbɛ̍n-a ɔ̍ tìh i̍ iě u̍h gbaɛ-a ɔ̍ wlùh-ɛ, ɔ̍ nu̍ ɛ̍ iě u̍h nu̍ Nyɔsoa-a nynuu̍.

Ɛfɛsɔ 4:32

Jɛ mɔ̀ nmɔ-ɛ we̍ gblɛ̍n-ɛ, mɔ̀ jiěe we̍ wɔɛ. Nɛ̀ mɔ̀ tǎli mɔ̀ ba̍ᵻá dɛ̍ sɔ̀n-a tìh i̍, ka Nyɔsoa nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛ dě Klai ja̍a̍-ɛ.

Felepai 2:15

Nɛ̀ mɔ̀-a nynɛ̌ se̍ kɔ̌ mu̍, mɔ̀ iě wlaǎwla nɛ. Nɛ̀ mɔ̀-a mu̍ Nyɔsoa-a nynuu̍ ùh se̍-a nɛi̍ nɛ-ɛ wɔ̀ dě ùh-a nu̍-a klǐ-dɛ̍ᵻ ke tba̍ɛ kɛ̍n i̍-ɛ we̍. Mɔ̀ kɔn mɔ̀ iě fa̍n dě u̍h nynɛ̌ ka chǔhtlɛ̀n-a fa̍n dě ja̍u̍n wlì-ɛ,

Kalase 3:12

Nɛ̀ɛ̍, ka mɔ̀ nu̍-a Nyɔsoa-a tìh kma nyɔ̍, iě ɔ̍ tba̍-a mɔ̀ chèɛ̀, wɛ̀ ɔ̍ nu̍-a mɔ̀ ɔ̍ chɛ̀-a nyɔ̍ we̍i̍-ɛ, nɛ̀ mɔ̀-a chɛ̀ wlù ja-a ke, gba̍n gbɛ̍n-ɛ ke, wlùh i̍ gbɛ̍n-ɛ ke, wɔɛ kɔn-ɛ ke, gblɛ̍n-ɛ nmɔ-ɛ bo mɔ̀ iě dǒ pùn tù la̍ sǔh.

1 Chɔɔn 4:11

Ǎn tìh kma nyɔ̍, pò Nyɔsoa nu̍ ka à-a jbɛɛ-ɛ, nɛ̀ à kɔn à iě we̍ jbɛɛ ke.