Ɛfɛsɔ 4:9 - Ku̍o̍ Delee 1999

⁹ Nɛ̀ɛ̍, ɔ̍ mu̍ dě ja̍i̍-a ja̍i̍ dɛ la, ɛ̍ gbɔ̀-a nynɛ̌ ɛ? Ɛ̍ gbɔ̀ nu̍ ɔ̍ iě-a dě ja̍i̍ mu̍-ɛ, ɔ̍ ji̍ nɔ̌ sɔ̀n nɔ̌ bloɔ̍ sasǎ.

Ɛfɛsɔ 4:9 Iomraidhean Croise

Matio 12:40

Ka Jona nu̍-a sɔ̀n-wǐh ta̍a̍n ke wlù-wǐh ta̍a̍n dě smìɛ̍ klaa di̍i̍ nu̍-ɛɛ, kǎ Nyi̍ɔ̍-a Jǔ-a mu̍ sɔ̀n-wǐh ta̍a̍n ke wlù-wǐh ta̍a̍n nu̍-ɛ nu̍ ke dě wlù.

Chɔɔn 20:17

Wɛ̀ Jusu la̍a̍ dě ɔ̍ we̍, “Bɔ̌ ǐn i̍ gbɛ̍n-ɛ, dɛ̍nu̍ɛ, nɛ̌ se̍a dě ǐn Baa we̍ ja̍i̍ mu̍ ke̍. Jɛ mu̍ dě ǐn de̍di̍i̍ᵻ we̍ ìè u̍h wlùh sèàɛ̍ ka ǎn mu̍-a la̍ dě u̍h ke ǐn ke à Baa we̍ ja̍i̍-ɛ, ɔ̀ nu̍-a u̍h ke ǐn ke à Nyɔsoa-a.”

Chɔɔn 3:13

Nyɔ̍ dɔɔ se̍a dě ja̍i̍wlɔ̀ mu̍, jɔ nu̍-a Nyi̍ɔ̍-a Jǔ ɔ̀ sɔ-a dě ja̍i̍wlɔ̀-ɛ, ɔ̍ kɔn tɛ̀ ǐn sà-o.”

Chɔɔn 6:33

Nyɔ̍ ɔ̀ sɔ-a dě ja̍i̍wlɔ̀ ɔ̀ ji̍-a nɔ̌ bloɔ̍ wɛ̀ ɔ̍ nyǐ-a kmɔ̌ nyɔ̍ feɛ-ɛ, ɔ̍ bo ɔ̀ nu̍ blèe̍ Nyɔsoa-a nyǐ nyɔ̍.”

Chɔɔn 6:38

Dɛ̍nu̍ɛ, dě ja̍i̍wlɔ̀ ǐn sɔ-a wɛ̀ ǐn ji̍-a nɔ̌ bloɔ̍-ɛ, ǐn se̍ ji̍ iě ǎn chɛ̀-a wlùh nu̍. Jɛ ǐn ji̍-i nyɔ̍ ɔ̀ dbo̍-a m-ɛ, iě ɔ̍ wlùh nu̍.

Chɔɔn 6:41

Dɛ̍ Jusu la̍ ɔ̍-ɔ bo ɔ̀ nu̍ blèe̍ ɔ̀ sɔ dě ja̍i̍wlɔ̀ ɔ̀ ji̍ nɔ̌ bloɔ̍-ɛ, ɛ̍ kɔn nyɔ̍gbei-a wlu-i wɔ̍ɔ̍n i̍.

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Chɔɔn 6:58

Blèe̍ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ, ɛ̍ se̍ jih à baaᵻá baaᵻ di̍-a iě u̍h mɛ̌-aɛ wɔ̀. Nyɔ̍ jɔ di̍-a blèe̍ jɛ la nɔ̀ɔ̍-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌.”

Chɔɔn 6:62

Nɛ̀ pò mɔ̀ jě Nyi̍ɔ̍-a Jǔ wɛ̀ ɔ̍ iě dě de̍ ja̍i̍ tà ɔ̍ nɛ-a se̍e̍-ɛ mu̍-ɛ, nɛ̀ ka mɔ̀-a mu̍ nɛ ɛ?

Chɔɔn 8:14

Jusu la̍a̍, “Pò ǎn jɛ ja ǎn chɛ̀-a sàànsi̍i̍h nu̍-ɛ, dɛ̍ ǐn sà-aɛ, nɛ̀ tìh-a taǐn bo. Dɛ̍nu̍ɛ, ǐn juo tà ǐn sɔ-aɛ ke tà ǎn mu̍-aɛ. Jɛ tà ǐn sɔ-aɛ ke tà ǎn mu̍-aɛ, mɔ̀ se̍-o juo.

Iblu 2:7

Ìn ja ɔ̍ wlù dǒ ti̍ gbɔ̍ di̍i̍ ɛ̍ sìì àn ǐnchɔ̀. Jɛ kaka la̍ ìn tèè ɔ̍ tìh-a i̍ bɛ̌-ɛ ke ja̍ tè-ɛa blawɛ̌,

Iblu 2:9

Jɛ à jě Jusu, ɔ̀ Nyɔsoa ja-a wlù ɛ̍ sìì-a ǐnchɔ̀ dǒ ti̍ gbɔ̍ di̍i̍-ɛ. Wɛ̀ dě Nyɔsoa-a blɛ nɛ-ɛ di̍i̍-ɛ, ɔ̍ iě mɛ̌ dǒ nyɔ̍ kli̍hgbɛ̍-a tàà. Ɔ̍-ɔ bo ɔ̀ tèè-a ka tìh-a i̍ bɛ̌-ɛ ke ja̍ tè-ɛa blawɛ̌ kaka, dɛ̍nu̍ɛ, ɔ̍ sàɛ̀ jua̍i̍ dǒ ɔ̍ mɛ̌ la̍-a.