Ɛfɛsɔ 4:6 - Ku̍o̍ Delee 1999

⁶ Nɛ̀ à blě Nyɔsoa due ɔ̀ nu̍-a Baa dǒ à kli̍hgbɛ̍ we̍-ɛ. Ɔ̍ nɛ dǒ nyɔ̍ kli̍hgbɛ̍ dlǔwèàì. Ɔ̍ jii nyɔ̍ kli̍hgbɛ̍-ɛ, iě ɔ̍ nɛ nyɔ̍ kli̍hgbɛ̍-ɛ.

Ɛfɛsɔ 4:6 Iomraidhean Croise

Matio 6:13

Bɔ̌ à blu̍ja̍a̍ gbǎ tìh i̍ wɔ̌ɛn, jɛ sèìe àɔ̀ dě Nyɔ̍ Sɔ̀n laa̍ kwa̍a̍. [Nɛ̀ɛ̍, àn kmɔ̌, ɛ̍ ke àn gbǐh, àn tìh-a i̍ bɛ̌-ɛ, mɔ̀ kɔn i̍h nɔ̌ kmɔ̌-a kmɔ̌. Kǎ ɛ̍-ɛ nɛ.]’

Matio 6:9

Kǎ mɔ̀ iě ka ba̍le-ɛ nu̍, ‘À Baa mɔ̀ nɛ-a dě ja̍i̍wlɔ̀-ɛ, àn nynɛ̌ bo nyɔ̍ iě ja̍ tè.

Chɔɔn 14:23

Iě Jusu la̍a̍, “Pò nyɔ̍ jbɛɛ m-ɛ, nɛ̀ ɔ̍ mu̍ ǎn wlu̍ nu̍, nɛ̀ ǐn Baa-a mu̍ ɔ̍-ɔ jbɛɛ. Nɛ̀ à mu̍ dě ɔ̍ we̍ ji̍, wɛ̀ dě ɔ̍ we̍ iě à blǐ nu̍.

Chɔɔn 17:26

Ǐn nu̍ ɛ̍ u̍h juo àn nynɛ̌ wɛ̀. Nɛ̀ ɛ̍-ɛ bo ǎn mu̍ dluwe̍ i̍ gba̍ wɛ̀ ka ìn nu̍-a ǐn i̍ jbɛɛ-ɛ u̍h iě laǎn nyɔ̍ duuh jbɛɛ nu̍ ke, wɛ̀ iě u̍h-u nɛ ke.”

Chɔɔn 20:17

Wɛ̀ Jusu la̍a̍ dě ɔ̍ we̍, “Bɔ̌ ǐn i̍ gbɛ̍n-ɛ, dɛ̍nu̍ɛ, nɛ̌ se̍a dě ǐn Baa we̍ ja̍i̍ mu̍ ke̍. Jɛ mu̍ dě ǐn de̍di̍i̍ᵻ we̍ ìè u̍h wlùh sèàɛ̍ ka ǎn mu̍-a la̍ dě u̍h ke ǐn ke à Baa we̍ ja̍i̍-ɛ, ɔ̀ nu̍-a u̍h ke ǐn ke à Nyɔsoa-a.”

Wloma 11:36

Ɔ̍ bo ɔ̀ nu̍ dɛ̍ᵻ kli̍hgbɛ̍. Dě ɔ̍ ja̍a̍ bo i̍h nɛ. Ɔ̍ tìh bo i̍h nɛ kmɔ̌. Ɔ̍ bo tìh-a i̍ bɛ̌-ɛ kɔn dǒ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.

1 Kɔwlɛntiɔn 12:6

Nyɔ̍ kli̍hgbɛ̍ blě dbo̍ kaɛn kaɛn u̍h iě nu̍, jɛ Nyɔsoa nɛ-a due-ɛ bo ɔ̀ nyǐ i̍h u̍h.

1 Kɔwlɛntiɔn 8:6

Jɛ àɔ̀ nɔ̀ɔ̍-ɛ, à blě Nyɔsoa due gbài̍. Baa ɔ̀ nu̍-a dɛ̍ᵻ kli̍hgbɛ̍-ɛ, ɔ̀ à nɛ-ɛa kmɔ̌-ɛ bo. Nɛ̀ à blě Joi due gbài̍. Jusu Klai, ɔ̀ kɔn ja̍a̍ dɛ̍ᵻ kli̍hgbɛ̍ nui-aɛ bo. Ɔ̍ kɔn ja̍a̍ bo à nɛ-ɛ kmɔ̌.

2 Kɔwlɛntiɔn 6:16

Ka Nyɔsoa-a slaǎ sà gbò ke kwɛ̍i̍n gbo̍ᵻá mu̍ wlu̍ i̍ wɔɛ̌ɛn-ɛ nu̍ ɛ? À-a bo à nu̍ kmɔ̌ nɛ Nyɔsoa-a slaǎ sà gbò. Nyɔsoa-a chɛ̀ la̍a̍, “Ǎn mu̍ dě ǎn nyɔ̍ nynɛ̌ tǐn, wɛ̀ iě u̍h nynɛ̌ i̍ na. Ǎn mu̍ u̍h-a Nyɔsoa nu̍, wɛ̀ u̍h iě ǎn nyɔ̍ nu̍.”

Ɛfɛsɔ 1:21

Dɛ̍ᵻ wlu̍ i̍ kɔn-ɛ ke, gbǐh ke, tùn blě-ɛ ke, joi kli̍hgbɛ̍ nɛ-a dě dlǔwèàì-ɛ, Klai kɔn i̍h wlu̍ kɛ̍ɛ̍n wɛ̀. Nɛ̀ nyɔ̍ wɔ̍n sìì nynɛ̌ kli̍hgbɛ̍ nɛ-a kaka-ɛ ke jih-a mu̍-a ji̍-ɛ, ɔ̍ naɛ sìì i̍h wɔ̍n.

Ɛfɛsɔ 2:22

Mɔ̀ɔ̍ bo ùh nu̍ gbò ɛ̀ poe-a la̍ ke dě mɔ̀ ke ɔ̍ due nɛ-ɛ di̍i̍ tà Nyɔsoa-a Sùù tǐn-a.

Ɛfɛsɔ 3:17

Wɛ̀ Klai iě dě mɔ̀ wlùh di̍i̍ tǐn dǒ mɔ̀-a wlùh gbaɛ blě-ɛ we̍. Ǎn ba̍le Nyɔsoa wɛ̀ jbɛɛ iě mɔ̀-a blǔh nu̍ mɔ̀ iě ɛ̍ sɛ̌n kɛ̍n poe, wɛ̀ mɔ̀ iě i̍ ku̍.

Ɛfɛsɔ 6:23

Ǎn sà nǐ wɔ̍n Baa Nyɔsoa ke Joi Jusu Klai iě de̍di̍i̍ᵻ kli̍hgbɛ̍ kmɔ̌-a i̍ gbe̍ɛ̍ɛn ke wlùh gbaɛ ke jbɛɛ nyǐ.

1 Chɔɔn 3:24

Nyɔ̍ jɔ tè-ao Nyɔsoa-a telě i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ ɔ̍-ɔ. Nyɔsoa-a Sùù ɔ̍ nyǐ-a àɔ̀-ɛ bo ɛ̀ nu̍ ɛ̍ iě à juo-o dɛ̍ i̍ ka ɔ̍ nɛ-a dě à ja̍a̍-ɛ.