Ɛfɛsɔ 4:5 - Ku̍o̍ Delee 1999

⁵ À blě Joi due, wlùh gbaɛ due ke nǐ dlǔ po̍-ɛ due.

Ɛfɛsɔ 4:5 Iomraidhean Croise

Matio 28:19

Ɛ̍ tìh-ɛ, mɔ̀ mu̍, mɔ̀ ple̍ blǔh kli̍hgbɛ̍ la we̍ mɔ̀ iě nyɔ̍ kli̍hgbɛ̍ ǎn kòà we̍i̍ nu̍. Nɛ̀ mɔ̀ po̍ u̍h nǐ dlǔ dǒ Baa ke Jǔ ke Nyɔsoa-a Sùù-a nynɛ̌ kɛ̍n.

Nu̍-dɛ̍ᵻ 10:36

Mɔ̀ juo tu̍owli ɔ̍ dbo̍-a dě Eslɔɛ nyɔ̍ we̍-ɛ, nyɔ̍-a wlùh i̍ tè-e pɔ̀n chɛ̀ la Jusu Klai ɔ̀ nu̍-a nyɔ̍ kli̍hgbɛ̍-a Joi-ɛ, dě ɔ̍ ja̍a̍ bo ɔ̍ jii wɛ̀ ɔ̍ bla̍ ɛ̍ we̍i̍.

Nu̍-dɛ̍ᵻ 2:36

“Ɛ̍ tìh-ɛ, Eslɔɛ nyɔ̍ kli̍hgbɛ̍ kɔn u̍h iě ɛ̍ i̍ juo. Jusu ɔ̀ mɔ̀ kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍ bo Nyɔsoa nu̍-a ka Joi ke Chèɛ̀ Tba̍ju we̍ i̍ wɛ̀.”

Wloma 3:30

Nyɔsoa nɛ due gbài̍, ɔ̍-ɔ due laa̍ bo ɔ̀ mu̍ Juu nyɔ̍ i̍ slɛ̌-ɛ dě u̍h-a wlùh gbaɛ blě-ɛ di̍i̍. Ɔ̍ mu̍ ùh se̍-a Juu nyɔ̍-ɛ i̍ slɛ̌-ɛ ke dě u̍h-a wlùh gbaɛ blě-ɛ di̍i̍.

1 Kɔwlɛntiɔn 1:13

Klai nɛ sɔɔ̌n ae? Pɔɔ bo ɔ̀ mɛ̌ dǒ gbàɛ̍ kɛ̍n i̍ tu̍ wlì dǒ mɔ̀-a tàà ɛɛ, àe̍e̍ dǒ Pɔɔ-a nynɛ̌ kɛ̍n bo mɔ̀ poe-ɛ nǐ dlǔ ae?

1 Kɔwlɛntiɔn 1:2

Ǎn chlǐh ɛ̍ Nyɔsoa-a chɔchi̍h nyɔ̍ ùh nɛ-a dě Kɔwlɛn wlɔ̀ di̍i̍-ɛ we̍, ùh Jusu Klai tba̍-a chèɛ̀-ɛ. Mɔ̀ dǎ-ɛ mɔ̀ iě Nyɔsoa-a nyɔ̍ nu̍, ɛ̍ ke nyɔ̍ ùh nɛ-a tà kli̍hgbɛ̍ ùh-a dǎ-a à Joi Jusu Klai-a nynɛ̌ i̍-ɛ ke, ɔ̀ nu̍-a u̍h ke à Joi-ɛ.

1 Kɔwlɛntiɔn 12:13

Kǎ ɛ̍ nɛ ke dǒ à kli̍hgbɛ̍ we̍. Juu nyɔ̍ o, se̍ Juu o, kèi̍ᵻ o, de̍e̍ i̍ flɔn nyɔ̍ o, à kli̍hgbɛ̍ dě ku̍ due di̍i̍ bo Sùù poe àɔ̀ nǐ dlǔ. À kli̍hgbɛ̍ Nyɔsoa nyǐ àɔ̀ Sùù due dě à wlùh di̍i̍.

1 Kɔwlɛntiɔn 12:5

Joi-a jǔ dbee-ɛ blě gbɔ̍ᵻ gbɔ̍ᵻ, jɛ ɔ̍ nɛ-a due-ɛ bo à dbee-e jǔ.

1 Kɔwlɛntiɔn 8:6

Jɛ àɔ̀ nɔ̀ɔ̍-ɛ, à blě Nyɔsoa due gbài̍. Baa ɔ̀ nu̍-a dɛ̍ᵻ kli̍hgbɛ̍-ɛ, ɔ̀ à nɛ-ɛa kmɔ̌-ɛ bo. Nɛ̀ à blě Joi due gbài̍. Jusu Klai, ɔ̀ kɔn ja̍a̍ dɛ̍ᵻ kli̍hgbɛ̍ nui-aɛ bo. Ɔ̍ kɔn ja̍a̍ bo à nɛ-ɛ kmɔ̌.

2 Kɔwlɛntiɔn 11:4

Ɛ̀ kɔn ǎn bla̍-a ɛ̀ la-ɛ, ɛ̍ nu̍ nyɔ̍ ji̍ dě mɔ̀ we̍ wɛ̀ ɔ̀ bla̍ Jusu dɔɔ kɔn tìh à se̍-a bla̍-ɛ, iě ɛ̍ po̍ mɔ̀ gbǐh. Wɛ̀ Nyɔsoa-a Sùù ke pɔ̀n chɛ̀ ìh nɛ-ao dɔɔ̌ ìh kɔn tìh mɔ̀ se̍a wɔ̌n dě à we̍-ɛ, iě mɔ̀ gbɛ̍n i̍h i̍.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Ɛfɛsɔ 4:13

U̍h-a mu̍ ɛ̍ nu̍ te̍e̍ wɛ̀ à kli̍hgbɛ̍ à wlùh gbaɛ blě-ɛ ke à Nyɔsoa-a Jǔ juo-ɛ iě ɛ̍ nu̍ wɛ̀ à iě nyɔ̍ due nu̍. Nɛ̀ à mu̍ ku̍ dě Nyɔsoa dɛ di̍i̍ wɛ̀ à iě gblɛ̍ja̍i̍ wɛ̀ slèěslè ka Klai nɛ-aɛ.

Felepai 2:11

Nɛ̀ nyɔ̍ kli̍hgbɛ̍-a mu̍ ɛ̍-ɛ wɔ̌ɛn dǒ gbaɛ̍we̍ ka Jusu Klai nu̍-a u̍h-a Joi-ɛ, wɛ̀ ɛ̍ iě Baa Nyɔsoa tìhwe̍ po̍.

Felepai 3:8

Jɛ ɛ̍ se̍ ìh la nɛ due, dɛ̍ᵻ kli̍hgbɛ̍-a chɛ̀ bo ìh nu̍ ka pɔ̀ɔ̍pìe̍ dɛ̍ᵻ wɛ̀ dǒ ǐn we̍. Ǎn Joi Jusu Klai juo dɛ nɛ due ɛ̀ gbǎ ka dɛ̍kɛ̍n dǒ ǐn we̍. Ǐn tǎli dɛ̍ᵻ kli̍hgbɛ̍ i̍, iě ǎn dǎɛ ka ìh la dɛ̍ᵻ flu̍hᵻ, wɛ̀ iě Klai gba̍.

Taitɔ 1:1

Mɔ̍ Pɔɔ, ɔ̀ nu̍-a Nyɔsoa-a pòi̍ju ke Jusu Klai-a gba̍tòà-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa kàn m iě ɔ̍ chèɛ̀ tba̍ nyɔ̍-a wlùh gbaɛ-ɛ dǒ nya̍ na-ɛ, wɛ̀ tìh-a taǐn ɛ̀ tba̍-a dǒ Nyɔsoa dɛ pùn i̍-ɛ, u̍h iě ɛ̍ tɔɔ blě.

Taitɔ 1:4

Taitɔ, dě ìn we̍ bo wlu̍ la ɛ̍ ji̍. Mɔ̀ ǎn gblangbai̍ jǔ dě wlùh gbaɛ à klɛ̀ɛ̀n-a kwa̍a̍ i̍-ɛ di̍i̍. Ǎn sà nǐ wɔ̍n Baa Nyɔsoa ke Jusu Klai ɔ̀ nu̍-a à Sèìe Nyɔ̍-ɛ, u̍h iě ìn blɛ ke wlùh-a i̍ tè-ɛ nyǐ.

Iblu 13:7

Mɔ̀-a nyɔ̍ klaaᵻ ùh po̍-a Nyɔsoa-a tu̍owli dě mɔ̀ we̍-ɛ, mɔ̀ nu̍ u̍h-a kmɔ̌ wlùh we̍. Ka u̍h nu̍-a mɛ̌-ɛɛ, mɔ̀ nu̍ ɛ̍ wlùh we̍, wɛ̀ mɔ̀ iě-e u̍h-a wlùh gbaɛ-a wɔ̀ɔ̀ i̍ sà.

Iblu 6:6

Wɛ̀ u̍h sɔ dǒ ɔ̍ wìè kɛ̍n, nɛ̀ nyɔ̍ se̍ ɛ̍ nu̍-ɛ bɛ̌ɛ dɛ u̍h iě i̍ bǐi. Dɛ̍nu̍ɛ, ɛ̍ wɔ̀ ka u̍h kɔ̍ Nyɔsoa-a Jǔ dǒ gbaɛ kɛ̍n i̍ tu̍ wlì dode̍ dǒ u̍h-a chɛ̀-a sɔ̍nᵻ we̍, iě u̍h po̍ ɔ̍ nynɛ̌ ja̍a̍i̍ dǒ wlɔ̀gbàɛ̀.

Chiin 2:18

Jɛ nyɔ̍ dɔɔ-a mu̍ ka dǎ, “Mɔ̍ɔ-ɛ, ǐn blě wlùh gbaɛ-ɛ, wɛ̀ jɔ la ɔ̍ blě nu̍-dɛ̍ᵻ.” Nɛ̀ ǎn mu̍ ka dǎ, “Àn wlùh gbaɛ ɛ̀ se̍-a nu̍-dɛ̍ᵻ blě-ɛ, to ɛ̍ iě ɛ̍ jě. Wɛ̀ mɔ̍ɔ-ɛ, iě ǎn wlùh gbaɛ to dǒ ǎn nu̍-dɛ̍ᵻ we̍.”

1 Pitɛ 3:21

Nǐ dlǔ po̍-ɛ ɛ̀ pǔh-ia ka mɔ̀-ɛ, ɛ̍-ɛ bo jǐ-nǐ laa̍ wɔ̀. Nǐ dlǔ po̍-ɛ se̍ flɛ̀n ja̍i̍ sà-a. Jɛ wlu̍ tɔ̀ma̍a̍ po̍-ɛ bo dě Nyɔsoa we̍ dǒ à wlùh-a wlaǎwla nɛ-ɛ we̍. Mɔ̀ pǔh-i, dɛ̍nu̍ɛ, Jusu Klai wlǔh-e.

2 Pitɛ 1:1

Mɔ̍ Samo Pitɛ, ǐn nu̍ pòi̍ju ke gba̍tòà dǒ Jusu Klai we̍. Nyɔ̍ ùh jii-a dě à Nyɔsoa ke à Sèìe Nyɔ̍ Jusu Klai-a i̍ slɛ̌-ɛ di̍i̍ iě u̍h-a Klai wlì tè-ɛ ke à naɛ nɛ-a due-ɛ, u̍h bo ǎn chlǐh we̍.

Judi 1:20

Jɛ ǎn tìh kma nyɔ̍, mɔ̀ kui mɔ̀-a chɛ̀ i̍ dě Nyɔsoa wlùh gbaɛ di̍i̍. Nɛ̀ mɔ̀ ba̍le dě ɔ̍ Sùù di̍i̍.

Judi 1:3

Ǎn tìh kma nyɔ̍, sèìe la mɔ̀ ke à gblè-a kwa̍a̍ i̍-ɛ, ɛ̍ kɔn tìh bo ǎn wlùh-a nu̍ jàjà de iě mɔ̀ we̍ chlǐh. Jɛ kaka la̍, wlùh gbaɛ ɛ̀ Nyɔsoa nyǐ-a ɔ̍ nyɔ̍ wɛ̀ kleǐnklein-ɛ, ɛ̍ kɔn tìh bo ǐn kɔn iě mɔ̀ we̍ chlǐh, iě mɔ̀-a wlùh fùka, wɛ̀ mɔ̀ iě ɛ̍ tìh we̍ fɔ̀n.