Ɛfɛsɔ 4:32 - Ku̍o̍ Delee 1999

³² Jɛ mɔ̀ nmɔ-ɛ we̍ gblɛ̍n-ɛ, mɔ̀ jiěe we̍ wɔɛ. Nɛ̀ mɔ̀ tǎli mɔ̀ ba̍ᵻá dɛ̍ sɔ̀n-a tìh i̍, ka Nyɔsoa nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛ dě Klai ja̍a̍-ɛ.

Ɛfɛsɔ 4:32 Iomraidhean Croise

Matio 6:12

Tǎli à gblɛ̍n sɔ̀ɛ̀n-a tìh i̍, ka à nu̍-a gblɛ̍n sɔ̀ɛ̀n nyɔ̍ duuh nu̍-a à pùn-ɛ i̍ tǎli-ɛ.

Pɔ̀n Chɛ̀ Maɛ To-a La 11:25

Nɛ̀ pò mɔ̀ nyna i̍ mɔ̀ iě ba̍le-ɛ, nɛ̀ dɛ̍ sɔ̀n nyɔ̍ nu̍-a mɔ̀ pùn-ɛ, mɔ̀ tǎli ɛ̍ tìh i̍. Nɛ̀ mɔ̀ Baa nɛ-a dě ja̍i̍wlɔ̀-ɛ, ɔ̍ mu̍ mɔ̀ naɛ gblɛ̍n sɔ̀ɛ̀n-a tìh i̍ tǎli ke. [

Pɔ̀n Chɛ̀ Luu To-a La 1:78

À Nyɔsoa nɛ blɛ, iě ɔ̍ kɔn wɔɛ. Ɛ̍ kɔn ɔ̍ mu̍ ɛ̍ nu̍ sɔ̀n chɛ̀ ɛ̀ sɔ-a dě ja̍i̍wlɔ̀-ɛ ɛ̍ iě à sɛ̀n-ɛ, wɛ̀ à iě pǔh.

Pɔ̀n Chɛ̀ Luu To-a La 11:4

Tǎli à gblɛ̍n sɔ̀ɛ̀n-a tìh i̍, ka à nu̍-a gblɛ̍n sɔ̀ɛ̀n nyɔ̍ kli̍hgbɛ̍ nu̍-a à pùn-ɛ i̍ tǎli-ɛ. Bɔ̌ à blu̍ja̍a̍ gbǎ tìh i̍ wɔ̌ɛn.’ ”

Pɔ̀n Chɛ̀ Luu To-a La 17:4

Pò ɔ̍ nu̍ ìn dɛ̍ᵻ sɔ̀nᵻ mɛ̀sɔɔ̌n pùn dǒ weɛ̍ due di̍i̍ wɛ̀ ɔ̍ iě laǎn kɛ̀n chɛ̍n-ɛ nu̍-ɛ, nɛ̀ ìn tǎli ɔ̍ dɛ̍ᵻ sɔ̀nᵻá tìh i̍.”

Pɔ̀n Chɛ̀ Luu To-a La 6:35

Jɛ mɔ̀ jbɛɛ mɔ̀-a nyɛ̌-nyɔ̍-ɔ, nɛ̀ mɔ̀ nu̍ u̍h dɛ̍ chɛ̀ pùn. Mɔ̀ po̍ u̍h gba̍-aɛ, nɛ̀ mɔ̀ bɔ̌ ɛ̍ sà-a tìh gbàɛ̀. Nɛ̀ mɔ̀-a jě-dɛ̍-a mu̍ wɔ̍n ku̍, wɛ̀ mɔ̀ iě Sìì Nyɔ̍ Wɔ̍n Nyɔsoa-a nynuu̍ nu̍. Dɛ̍nu̍ɛ, ɔ̍ nmɔ gblɛ̍n-ɛa chɛ̀ dǒ nyɔ̍-a nynɛ̌ kɔ̌-ɛ nyɔ̍ ke kà kɔn nyɔ̍ we̍.

Pɔ̀n Chɛ̀ Luu To-a La 6:37

“Mɔ̀ bɔ̌ nyɔ̍ duuh tìh pùn tù-ɛ, nɛ̀ Nyɔsoa se̍ mɔ̀ tìh pùn tù mu̍ ke. Mɔ̀ bɔ̌ nyɔ̍ duuh kɛ̀n sà-a, nɛ̀ Nyɔsoa se̍ mɔ̀ kɛ̀n sà mu̍ ke. Dɛ̍ᵻ sɔ̀nᵻ nyɔ̍ duuh nu̍-a mɔ̀ pùn-ɛ, mɔ̀ tǎli i̍h i̍, nɛ̀ Nyɔsoa-a mu̍ mɔ̀ naɛ i̍ tǎli ke.

Nu̍-dɛ̍ᵻ 28:2

Blǔh nyɔ̍ nɛ-a doǒ-ɛ, u̍h nmɔ-a gblɛ̍n-ɛ dǒ àɔ̀ we̍ sǔh-ɛ, ɛ̍ se̍ dɛ̍ka nɛ. Nǐ-a dba̍-aɛ, sɔ seɔn-a ji̍-i. Wɛ̀ u̍h tbà nɛ̍ gbà, iě u̍h dǎ àɔ̀ kli̍hgbɛ̍ à iě wěla.

Wloma 12:10

Mɔ̀ tbà mɔ̀-a we̍ jbɛɛ nɛ̍ i̍ ka mɔ̀ nu̍-a de̍di̍i̍ᵻɛ́. Mɔ̀ tù-e gbǐh mɔ̀ iě we̍ ja̍ tìèe̍.

1 Kɔwlɛntiɔn 13:4

Jbɛɛ blě wlùh-i gbɛ̍n-ɛ ke gblɛ̍n-ɛ nmɔ-ɛ. Jbɛɛ se̍ wlɛ̀n nu̍-ɛ ke nyɔ̍ jlǐhɛ̍ dlǔ bla̍-a ke blɔ̌-ɛ blě.

2 Kɔwlɛntiɔn 2:10

Nyɔ̍-o-nyɔ̍ kɔn dɛ̍ sɔ̀n-a tìh mɔ̀ tǎli-a i̍-ɛ, nɛ̀ ǐn tǎli ɔ̍ dɛ̍ sɔ̀n-a tìh i̍ ke. Pò ǐn kɔn iě nyɔ̍-a dɛ̍-o-dɛ̍-a tìh i̍ tǎli-ɛ, nɛ̀ ǐn nu̍ ɛ̍ mɔ̀-a tìh. Klai bo ɔ̀ nu̍ ǎn sàànsi̍i̍h.

2 Kɔwlɛntiɔn 2:7

Ɛ̍ tìh-ɛ, mɔ̀ bǐi i̍ mɔ̀ iě ɔ̍ gblɛ̍n sɔ̀ɛ̀n-a tìh i̍ tǎli mɔ̀ iě ɔ̍ we̍ gbǎ. Wɛ̀ ɛ̍ iě ɛ̍ nu̍ ɔ̍-ɔ je̍e seɔn gbǎ kaa̍ wɛ̀ ɔ̍-ɔ je̍e i̍ kà chɛ̀ɛ̌chɛ̀.

2 Kɔwlɛntiɔn 6:6

À to ɛ̍ ka à nu̍-a Nyɔsoa-a pòi̍nynuu̍ dǒ à wlùh-a wlaǎwla nɛ-ɛ ke, pɔ̀n chɛ̀-a tɔɔ blě-ɛ ke, wlùh i̍ gbɛ̍n-ɛ ke gblɛ̍n-ɛ nmɔ-ɛ we̍. Nyɔsoa-a Sùù nɛ à we̍, iě à blě jbɛɛ chɛ̀.

Ɛfɛsɔ 5:1

Ka mɔ̀ nu̍-a Nyɔsoa-a tìh kma nynuu̍-ɛ, nɛ̀ ɔ̍ wɔ̀ɔ̀ bo mɔ̀ iě-e i̍ sà.

Chiin 5:11

Ɛ̍ kɔn à la̍ u̍h nmɔ i̍, dɛ̍nu̍ɛ, u̍h ku̍-e klì i̍. Ka Joo nu̍-a wlùh i̍ gbɛ̍n-ɛɛ, mɔ̀ wɔ̌n i̍h. Joi pe̍ɛ-ɛ ɔ̍ pɔluh dode̍, dɛ̍nu̍ɛ, Joi nmɔ gblɛ̍n-ɛ iě ɔ̍ kɔn wɔɛ.

2 Pitɛ 1:7

Dǒ Nyɔsoa dɛ-ɛ nɛ-ɛ de̍e̍ laa̍ mɔ̀ iě-o kɛ̍n i̍ gbe̍ɛ̍ɛn po̍, wɛ̀ dǒ kɛ̍n i̍ gbe̍ɛ̍ɛn de̍e̍ laa̍ mɔ̀ iě-o nyɔ̍ tìh kma-a po̍.

1 Chɔɔn 1:9

Jɛ pò à sà à gblɛ̍n sɔ̀ɛ̀n gbɔ̀ i̍ dě Nyɔsoa ɔ̀-ɔ gblìh-a wlu̍ kɛ̍n iě ɔ̀ slɛ̌-a i̍-ɛ we̍-ɛ, nɛ̀ ɔ̍ mu̍ à gblɛ̍n sɔ̀ɛ̀n-a tìh i̍ tǎli, wɛ̀ ɔ̍ iě à se̍ i̍ slɛ̌ gblɛ̍n kli̍hgbɛ̍ wɔ̍lɔ pihpǐh.

1 Chɔɔn 2:12

Ǎn nynuu̍, ǎn chlǐh mɔ̀ we̍, dɛ̍nu̍ɛ, mɔ̀-a gblɛ̍n sɔ̀ɛ̀n-a tìh tǎli-ɛ i̍ Klai-a tìh.