Ɛfɛsɔ 4:31 - Ku̍o̍ Delee 1999

³¹ Mɔ̀ tǎli wɔ̍n nyni gblɛ̍n kli̍hgbɛ̍ ke, nyɔ̍ɔ nyɛ̌-ɛ ke, jlu̍h ke, i̍-i wǐi-ɛ ke, nyɔ̍-a wlu̍ wɔ̍i̍n i̍ nyni-ɛ ke kà kɔn-ɛ i̍.

Ɛfɛsɔ 4:31 Iomraidhean Croise

Nu̍-dɛ̍ᵻ 21:30

Tùgbàwlɔ̀ gbàǐ laa̍ sɔ slɛ̀ gbe̍ɛ̍ɛn dǒ ɛ̍ di̍i̍ sǔh. Wɛ̀ nyɔ̍gbei gba̍ ple̍-ɛ, iě u̍h gbɛ̍n Pɔɔ. Wɛ̀ u̍h blě ɔ̍ i̍ klǎ-a u̍h sà ɔ̍ dě slaǎ sà gbò sɔ̀n. U̍h sǐ-ia ɔ̍ sɔ̀n-ɛ, nɛ̀ gbò-a chɛ̀-ɛ wɔ̍nᵻ wɔ̀ ka̍n-ɛ wɛ̀ se̍e̍.

Wloma 3:14

Nyɔ̍-ɔ nyɛ̌ wlu̍ ke nyɔ̍ wlu̍we̍i̍ po̍-ɛ jǐ dě u̍h wɔ̍ɔ̍n.

1 Kɔwlɛntiɔn 14:20

Ǐn de̍di̍i̍ᵻ, mɔ̀ bɔ̌ wlùh i̍ naɛ ka nynuu̍plìh-ɛ. Dǒ dɛ̍ sɔ̀n we̍ bo mɔ̀ iě nynuu̍plìh wɔ̀ɛ-ɛɛ. Jɛ mɔ̀ nu̍ nyɔ̍ klaaᵻ nɔ̀ɔ̍ dǒ wlùh-i naɛ la̍.

1 Kɔwlɛntiɔn 5:8

Ɛ̍ tìh-ɛ, mɔ̀ à nu̍ à Sììkɛ̍n Weɛ̍-a Peě. Jɛ mɔ̀ à bɔ̌ ɛ̍ blèe̍ fù-i dɛ̍-a soa naɛ we̍ po̍-ɛ. Blèe̍ fù-i dɛ̍ᵻ ìh blě-a gblɛ̍n-ɛ nyni-ɛ ke kà-ɛ, mɔ̀ à tǎli i̍h i̍. Jɛ mɔ̀ à nui ɛ̍ blèe̍ ɛ̀ se̍-a fù-i dɛ̍ we̍ nɛ, ɛ̀ se̍-a nɛi̍ nɛ iě ɛ̍ nu̍-a tìh-a taǐn-ɛ.

2 Kɔwlɛntiɔn 12:20

Ǎn ple̍ faɔn pò ǐn ji̍ dě mɔ̀ we̍-ɛ, nɛ̌ je̍e mɔ̀ kɛ̍n jɛɛ wɛ̀ ka ǎn pɔ̀n-a mɔ̀ iě-a nɛ-ɛ, mɔ̀ɔ̍ se̍ la̍a̍n nɛ. Wɛ̀ nɛ̌ se̍-e ka mɔ̀-a pɔ̀n-a iě-a nɛ-ɛ nɛ ke. Nyɔ̍-se̍-juo wɔ̍ɔ̍n i̍ sà-a ke, wlɛ̀n nu̍-ɛ ke, jlu̍h-u gbǎ-a ke, klǎn kɔn-ɛ ke, nyɔ̍ wlu̍ sɔ̀nᵻ pùn i̍ po̍-ɛ ke, nyɔ̍ chɛ̍n-ɛ ke, nyɔ̍-a chɛ̀ i̍ bɛ̌-ɛɛ ke dɛ̍ᵻ ja̍i̍ gbà-a je̍e dě mɔ̀ nynɛ̌ nɛ.

Kelesea 5:20

kwɛ̍i̍n gbo̍ᵻ wɛɛ sà-a ke wù po̍-ɛ. Ɛ̍ ke nyɔ̍-ɔ nyɛ̌-ɛ ke, fɔ̀n-ɛ ke, wlɛ̀n kɔn-ɛ ke, nyɔ̍ jlu̍h-u gbǎ-ɛ ke, klǎn kɔn-ɛ ke, wlu̍-a se̍ due nɛ ke, dɛ̍ɛ̍ i̍ gblè-ɛ ke,

Ɛfɛsɔ 4:22

Mɔ̀-a tu̍ soa mɔ̀ nɛ-a dě di̍i̍ de ɛ̀ kɔn-a dǒ mɔ̀-a kmɔ̌ soa we̍-ɛ, mɔ̀ sɔ dě ɛ̍ di̍i̍. Ɛ̍ nyni i̍ mɔ̀ jii̍ dǒ mɔ̀-a chɛ̀-a wlùh dɛ̍ᵻ ìh-a boe-a mɔ̀ i̍-ɛ we̍.

Ɛfɛsɔ 4:25

Ɛ̍ tìh-ɛ, mɔ̀ tǎli si̍h tmɔ̌ dɛ̍ i̍. Nyɔ̍ kli̍hgbɛ̍ sà tìh-a taǐn la̍ sǔh dě u̍h pònyɔ̍ we̍. Dɛ̍nu̍ɛ, à kli̍hgbɛ̍ à nɛ due wɛ̀.

Ɛfɛsɔ 4:26

Pò nyɔ̍ gbǎ jlu̍h-ɛ, ɔ̍ bɔ̌ wɔ̌n-ɛ ɔ̍ jlu̍h bɔ̌ ɔ̍ gblɛ̍n sɔ̀ɛ̀n we̍ gba̍-a. Bɔ̌ wɔ̍n-ɛ wlù bɔ̌ àn jlu̍h kɛ̍n i̍ wɔ̀-ɛɛ.

Kalase 3:19

Kɔanᵻ, mɔ̀ jbɛɛ mɔ̀-a nynɔ̌gbaɔᵻ, nɛ̀ mɔ̀ bɔ̌ u̍h jua̍i̍ sàɛ̀.

Kalase 3:8

Jɛ sà ìh kli̍hgbɛ̍ la sɔ̍n we̍ la̍ sǔh. I̍h bo ìh nu̍-a jlu̍h ke, nyɔ̍ faɛn ke, kà kɔn-ɛ ke, nyɔ̍-a wlu̍ wɔ̍i̍n nyni-ɛ ke chlèwli̍ po̍-ɛ.

1 Timote 3:11

Ɛ̍ we̍ nynɔ̌gbaɔᵻ kɔn u̍h iě tìh-a i̍ gbɛ̍n nyɔ̍ nu̍ ke. U̍h bɔ̌ nyɔ̍-a wlu̍ wɔ̍i̍n nyni-ɛ, u̍h tù u̍h-a chɛ̀ jlǐhɛ̍, nyɔ̍ iě u̍h wlì tè dǒ dɛ̍ᵻ kli̍hgbɛ̍ we̍.

1 Timote 3:3

Nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, jɛ ɔ̍ gbɛ̍n gba̍n, ɔ̍ iě kmɔ̌ i̍ gbe̍ɛ̍ɛn nyɔ̍ nu̍. Ɔ̍ bɔ̌ wlǐ klǎn kɔn-ɛ.

1 Timote 5:13

Ɛ̍ se̍-o siee, nɛ̀ ɔ̍-ɔ wɔ̌ɛn dɛ̍ nu̍ tìh i̍. Jɛ nɛ̀ wlɔ̀ i̍ na-a bo ɔ̍ tba̍ dlǔ di̍i̍ wɛ̀ sǔh. Ɛ̍ se̍ flàn-a due ɔ̍ se̍ nu̍. Jɛ nɛ̀ ɔ̍ sìi̍ fɛ̍lɛ̍-ɛ i̍, iě ɔ̍ po̍ tìh ɔ̍ se̍-a kɔn-ɛ bu̍h di̍i̍ ke. Wɛ̀ tìh se̍-a dě ɔ̍ wɔ̍ɔ̍n bɛ̌ɛ-ɛ, iě ɔ̍ sà i̍h.

2 Timote 2:23

Nɛ̀ ìn sà sa̍a̍sa̍ ke bo-o tòlo-ɛ sɔ̍n di̍i̍. Àn chɛ̀ juo ɛ̍-ɛ, wɔ̍ɔ̍n i̍ sà-a bo ɛ̀ bɔ̌ɛ dě i̍h mlǎ-i.

2 Timote 3:3

U̍h-a mu̍ gblɛ̍n-ɛ nyni. U̍h se̍ wɔɛ kɔn mu̍, u̍h-a mu̍ nyɔ̍-a wlu̍ wɔ̍i̍n nyni. U̍h se̍ dlǔ kɔn mu̍, u̍h iě dɛ̍ᵻá kloǒ nu̍. U̍h-a mu̍ dɛ̍ chɛ̀-ɛ faɛn.

Taitɔ 1:7

Ka ɔ̍ nu̍-a fààmlà iě Nyɔsoa-a kɔan nɛ-a dě ɔ̍ kwa̍-ɛ, ɔ̍ bɔ̌ kǐh bu̍hᵻ i̍ nɛ-ɛ. Ɔ̍ bɔ̌ ɔ̍ chɛ̀ i̍ bɛ̌-ɛ, dǒ ɔ̍ wlì bɔ̌ i̍ kɔǎn-a, nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, ɔ̍ bɔ̌ wlǐ klǎn kɔn-ɛ.

Taitɔ 2:3

Nɛ̀ ìn sèàɛ̍ nynɔ̌gbaɔᵻ klaaᵻ wlùh ke u̍h iě tìh i̍ ple̍ ka Nyɔsoa we̍ fòè nyɔ̍-a nɛ-aɛ. U̍h bɔ̌ nyɔ̍-a wlu̍ wɔ̍i̍n nyni-ɛ, iě u̍h wɔ̍ bɔ̌ nmɔ̍-a kèi̍ nu̍-ɛ ke. Jɛ ɛ̀ nu̍-a dɛ̍ chɛ̀-ɛ, ɛ̍ bo u̍h iě nyɔ̍ nǎ poe.

Chiin 1:19

Ǎn tìh kma de̍di̍i̍ᵻ, ɛ̀ la bo mɔ̀ iě dounᵻ tù. Bɔ̌ nyɔ̍ kli̍hgbɛ̍ pu̍e̍e dounᵻ i̍ suei̍, jɛ nɛ̀ u̍h tlɛ̀n dǒ wlu la̍, nɛ̀ u̍h tlɛ̀n dǒ jlu̍h-u gbǎ la̍-a.

Chiin 3:14

Jɛ pò mɔ̀ kɔn wlɛ̀n sɔ̀n wɛ̀ mɔ̀ iě klǎn kɔn-ɛ, nɛ̀ mɔ̀ bɔ̌ blɔ̌-ɛ mɔ̀-a flɔ̍nwlùh blě tìh. Pò mɔ̀ blɔ̌-ɛ, nɛ̀ mɔ̀-a tmɔ̌-ɛ tìh-a taǐn si̍h-i.

Chiin 4:11

Ǐn de̍di̍i̍ᵻ, mɔ̀ bɔ̌ mɔ̀ ba̍ᵻá wlu̍ wɔ̍i̍n nyni-ɛ. Nyɔ̍ jɔ nyni-a ɔ̍ ba̍ Nyɔsoa nyɔ̍-a wlu̍ wɔ̍i̍n, àe̍e̍ ɔ̍ tù-a ɔ̍ tìh pùn-ɛ, nɛ̀ telě-a wlu̍ bo ɔ̍ nyni wɔ̍i̍n, iě ɔ̍ tù ɛ̍ tìh pùn. Pò ìn ja telě tìh pùn tù-ɛ, nɛ̀ ìn se̍ ɛ̍ dɛ̍ɛ̍ jě nyɔ̍, jɛ nɛ̀ mɔ̀ ɛ̍ tìh pùn tù nyɔ̍.

1 Pitɛ 2:1

Ɛ̍ tìh-ɛ, mɔ̀ tǎli gblɛ̍n sɔ̀ɛ̀n kli̍hgbɛ̍ i̍, si̍h tmɔ̌-ɛ o, wlɛ̀n kɔn-ɛ o, nyɔ̍ wlu̍ sɔ̀nᵻ pùn i̍ po̍-ɛ o, mɛɔ sɔɔ̌n wɔ̍ɔ̍n nɛ-ɛ o, mɔ̀ tǎli i̍h i̍.

1 Chɔɔn 3:12

Mɔ̀ à bɔ̌ Kein-a dɛ nu̍-ɛ. Ɔ̍ kɔn dǒ Nyɔ̍ Sɔ̀n we̍, ɛ̍ kɔn ɔ̍ po̍ ɔ̍ de̍di̍i̍ gbe̍ja̍a̍. Kein po̍ ɔ̍ gbe̍ja̍a̍, dɛ̍nu̍ɛ, Kein naɛ nu̍-dɛ̍ᵻ klǐ-i, iě ɔ̍ de̍di̍i̍ naɛ slɛ̌ i̍.

1 Chɔɔn 3:15

Nyɔ̍-o-nyɔ̍ ɔ̀ faɛn-a ɔ̍ de̍di̍i̍-ɛ, nɛ̀ nyɔ̍ gbe̍ja̍a̍ po̍ nyɔ̍ bo. Mɔ̀ juo ɛ̍-ɛ nyɔ̍ gbe̍ja̍a̍ po̍ nyɔ̍ se̍ kmɔ̌ sie feɛ blě.

Wlɛfeleseɔn 12:10

Wɛ̀ ǐn wɔ̌n we̍le wlu̍ dě ja̍i̍wlɔ̀. Ɛ̍ la̍a̍, “Kaka-ɛ, à Nyɔsoa-a nyɔ̍ sèìe-ɛ ke, ɔ̍ gbǐh ke ɔ̍ kmɔ̌ wlu̍ i̍ kɔn ti̍ nyni̍ wɛ̀, ɛ̍ ke ɔ̍ Chèɛ̀ Tba̍ju-a tùn blě-ɛ ke. Dɛ̍nu̍ɛ, ɛ̀ nyna-a i̍ de dǒ à Nyɔsoa jǔ wlù ke sɔ̀n wɛ̀ ɛ̍ nyni-a à de̍di̍i̍ᵻá wlu̍ wɔ̍i̍n-ɛ, ɛ̍ poe-ɛ sɔ̀n wɛ̀.