Ɛfɛsɔ 4:30 - Ku̍o̍ Delee 1999

³⁰ Mɔ̀ bɔ̌ Nyɔsoa-a Sùù-a wlùh seɔn po̍-ɛ. Dɛ̍nu̍ɛ, ɛ̍ bo ɛ̀ nu̍ mɔ̀ naɛ juola dǒ weɛ̍ mɔ̀-a mu̍-a sèìe-ɛ di̍i̍.

Ɛfɛsɔ 4:30 Iomraidhean Croise

Pɔ̀n Chɛ̀ Maɛ To-a La 3:5

Wɛ̀ ɔ̍ gbèɛ̀ɛ̍n u̍h ja̍ i̍, jɛ nɛ̀ ɔ̍ gbǎ jlu̍h-u. Sɔ nɛ̀ dɛ̍ u̍h nu̍-a dlǔ ku̍-ɛ, ɛ̍ po̍ ɔ̍ kà di̍i̍. Wɛ̀ ɔ̍ la̍a̍ dě jɔ̍gbau we̍, “Slɛ̌ɛ àn kɔba i̍.” Wɛ̀ ɔ̍ slɛ̌ɛ ɛ̍ i̍, iě ɔ̍ kɔba nmɔ jii̍ dode̍.

Pɔ̀n Chɛ̀ Luu To-a La 21:28

Pò dɛ̍ᵻ la i̍h ja la̍ nɛ-ɛ, nɛ̀ mɔ̀ nyna i̍ mɔ̀ iě ku̍ dbǎ la̍ sǔh. Dɛ̍nu̍ɛ, nɛ̀ ti̍ Nyɔsoa-a mu̍-a mɔ̀ sèìe-ɛ kɔǎn we̍ wɛ̀.”

Chɔɔn 3:33

Nyɔ̍ jɔ gbɛ̍n-a ɔ̍ wlu̍ i̍-ɛ, nɛ̀ ɔ̍ juo ɛ̍ i̍ ka Nyɔsoa nu̍-a tìh-a taǐn nyɔ̍-ɛ.

Nu̍-dɛ̍ᵻ 7:51

“Mɔ̀ɔ̍ la mɔ̀ ku̍ dlǔ iě mɔ̀-a pɔluh nyni wɔ̍n, wɛ̀ mɔ̀-a wɔ̌n-ɛ Nyɔsoa-a tu̍owli dounᵻ. Ɛ̀ kɔn taǐn mɔ̀ baaᵻ nu̍-a Nyɔsoa-a Sùù bu̍hᵻ i̍ tbaɛ-ɛ, ɛ̍ bo mɔ̀-a nu̍-a ke.

Wloma 8:11

Nyɔsoa ɔ̀ sà-e Jusu-ɛ, ka ɔ̍ Sùù nɛ-a dě mɔ̀ ja̍a̍-ɛ, nɛ̀ ɔ̍-ɔ due sà-e Jusu Klai-ɛ, ɔ̍ mu̍ ɔ̍ Sùù ɛ̀ nɛ-a dě mɔ̀ ja̍a̍-ɛ jii wɛ̀ ɔ̍ iě mɔ̀-a ku̍ ɛ̀ mu̍-a mɛ̌-ɛɛ kmɔ̌ nɛ-ɛ ke.

Wloma 8:23

Jɛ ɛ̍ se̍ kmɔ̌ kli̍hgbɛ̍ ɛ̀ nui-aɛ nɛ due, dě à di̍i̍-a si̍n i̍ ke. Àɔ̀ juh jě-a Nyɔsoa-a Sùù ɛ̀ nu̍-a nyǐ-dɛ̍ᵻá sàǐtòò naɛ-ɛ, à chlì Nyɔsoa we̍ i̍ ɔ̍ iě àɔ̀ ɔ̍ kui nynuu̍ we̍i̍ nu̍, wɛ̀ à ku̍ kli̍hgbɛ̍ iě sèìe-ɛ.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 15:54

Pò dɛ̍ ɛ̀ mu̍-a jii̍ nyni-ɛ, ɛ̍ pa̍ dě dɛ̍ ɛ̀ se̍-a jii̍ nyni mu̍-ɛ ɛ̍ ku̍-ɛ, iě dɛ̍ ɛ̀ mu̍-a mɛ̌-ɛ ɛ̍ iě dě dɛ̍ ɛ̀ se̍-a mɛ̌ mu̍-ɛ ɛ̍ ku̍-u pa̍ wɛ̀-ɛ, nɛ̀ Nyɔsoa-a wlu̍-a mu̍ tìh-a taǐn nu̍. Ɛ̍ la̍a̍, “Nyɔsoa sà mɛ̌ɛ klà wɛ̀, iě ɔ̍ gbɔ̀lɔ ɛ̍-ɛ.”

1 Tɛsoloniɔn 5:19

Mɔ̀ bɔ̌ Nyɔsoa-a Sùù-a nɛ̍ mɔ̌-ɛɛ.

Iblu 10:29

Pò nyɔ̍ jaɛ Nyɔsoa-a Jǔ-a tìh jlǐh, wɛ̀ ɔ̍ se̍ nymɔ̍ ɛ̀ to-a ɛ̍ ka Nyɔsoa po̍-a ku̍o̍ iě nymɔ̍-a chɛ̀ dle ɔ̍ i̍ dǒ Nyɔsoa we̍-ɛ, pò ɔ̍ se̍ ɛ̍ dɛ̍ dǎɛ wɛ̀ ɔ̍ iě blɛ nɛ Sùù chlèe-ɛ, nɛ̀ ka ɔ̍ naɛ kàn gbɛ̍n-ɛa mu̍-a wɔ̍n ku̍ ɛ̍ iě-a telě wa̍ nyɔ̍ sìì-ɛ, mɔ̀ se̍ i̍h juo ae?

Iblu 3:10

Ɛ̍ kɔn ǐn gbǎ-ɛ nyɔ̍ la jlu̍h-u, wɛ̀ na̍a̍, “U̍h-a nu̍ klǐ-dɛ̍ᵻ ma̍u̍, iě u̍h-u nu̍ ǎn wlùh.”

Iblu 3:17

Nyɔ̍ bo Nyɔsoa gbǎ-ɛ jlu̍h dǒ sɔ̀nᵻá kwela nyìɛ̍ (40) di̍i̍ ɛ? Ùh nu̍-a gblɛ̍n sɔ̀ɛ̀n-ɛ bo, iě u̍h mɛ̌ dě kwlǎslò we̍.