Ɛfɛsɔ 4:29 - Ku̍o̍ Delee 1999

²⁹ Mɔ̀ bɔ̌ wɔ̌n-ɛ wlu̍ sɔ̀n bɔ̌ dě mɔ̀ wɔ̍ɔ̍n sɔ-ɛ, jɛ wlu̍ ɛ̀ iě-a u̍h dǒ ta̍i̍ po̍ ɛ̀ blaɛ-a i̍ dǒ ti̍ laa̍ di̍i̍ ɛ̀ iě-a u̍h we̍ gbǎ-a, ɛ̍-ɛ bo mɔ̀ iě bla̍. Wɛ̀ nyɔ̍ ùh-a mu̍-a ɛ̍ dounᵻ we̍ po̍-ɛ, ɛ̍ iě-o u̍h-a dɛ̍ po̍.

Ɛfɛsɔ 4:29 Iomraidhean Croise

Matio 5:16

Ɛ̍ tìh-ɛ, mɔ̀-a sɔ̀npli bo ɛ̀ iě fa̍n dǒ nyɔ̍gbei we̍, nɛ̀ mɔ̀-a nu̍-dɛ̍ᵻ chɛ̀ bo u̍h-a mu̍ jě sasǎ, wɛ̀ u̍h iě mɔ̀ Baa Nyɔsoa nɛ-a dě ja̍i̍wlɔ̀-ɛ tìhwe̍ po̍.”

Pɔ̀n Chɛ̀ Luu To-a La 4:22

Wlu̍ sɔ-a dě ɔ̍ wɔ̍ɔ̍n-ɛ, ka ɛ̍ nu̍-a wɔ̍n nmɔ-ɛ, sɔ ɛ̍ wlǔh i̍ u̍h de̍e̍. Iě u̍h po̍ ɔ̍ wlu̍ tìh chɛ̀-ɛ. Wɛ̀ u̍h la̍a̍, “Na̍ ɔ̀ la ɔ̍ se̍ Josɛ-a jǔ ae?”

Chɔɔn 1:37

Dɛ̍ ɔ̍ bla̍-ɛ, ɛ̍ bo ɔ̍ kòà nɛ-a sɔɔ̌n-ɛ u̍h wɔ̌n iě u̍h gbǎ dǒ Jusu de̍e̍.

Wloma 14:19

Ka ɛ̍ nɛ-a ka-a, nɛ̀ dɛ̍ mu̍-a à kɛ̍n i̍ gbe̍ɛ̍ɛn-ɛ bo à iě we̍ fɔ̀n à iě nu̍. Mɔ̀ à nu̍ po̍ ìn ba̍ gbǐh ku̍u̍ ìn ba̍ po̍ ìn gbǐh ku̍u̍.

Wloma 15:2

À jɔ-ɛ, nɛ̀ ɔ̍ tè-e ɔ̍ pònyɔ̍-a wlùh i̍ ɛ̍ iě ɔ̍ wlùh gbaɛ-ɛ i̍ kui.

1 Kɔwlɛntiɔn 14:19

Jɛ dě chɔchi̍h-ɛ, ɛ̍ mu̍ ǐn gbǐh po̍ iě wlu̍ m̀m̌ nyɔ̍gbei-a wɔ̌n-a i̍-ɛ bla̍, wɛ̀ i̍h iě u̍h nǎ po̍, ɛ̍ sìì po̍ wlu̍ diih-a wlǔ pùè (10,000) wɛ̀ nyɔ̍ se̍ i̍h wɔ̌n.

Ɛfɛsɔ 4:12

Ɔ̍ nu̍ ɛ̍-ɛ wɛ̀ ɔ̍ iě Nyɔsoa-a nyɔ̍ gba̍a̍ po̍ dǒ Nyɔsoa-a dbo̍ u̍h-a mu̍-a nu̍-ɛ we̍. Wɛ̀ u̍h iě ɔ̍ nyɔ̍ ùh nu̍-a ɔ̍ ku̍-ɛ dǒ ta̍i̍ po̍.

Ɛfɛsɔ 4:16

Dě ɔ̍ ja̍a̍ bo ku̍ kli̍hgbɛ̍ tùi i̍ iě ɛ̍ gbe̍ɛ̍ɛn i̍, wɛ̀ ɛ̍ poe-ɛ nǐ i̍. Pò ka ɛ̍ fɔ̌ᵻ nu̍-a nɛ-ɛ i̍h ja laan dbo̍ nu̍-ɛ nu̍-ɛ, nɛ̀ ku̍-a chɛ̀ ɛ̍ mu̍ ku̍ wɛ̀ ɛ̍ iě ɛ̍ chɛ̀ dǒ ta̍i̍ po̍ dě jbɛɛ di̍i̍.

Kalase 4:6

Mɔ̀ nu̍ ɛ̍ mɔ̀-a wlu̍ iě dě nyɔ̍ dounᵻ i̍ nmɔ ti̍ kli̍hgbɛ̍ we̍. Nɛ̀ mɔ̀ kɔn mɔ̀ iě nyɔ̍ kli̍hgbɛ̍-a wlu̍ pɔ̀n we̍ sà-a juo.

1 Tɛsoloniɔn 5:11

Ɛ̍ tìh-ɛ, jɔ-ɛ, nɛ̀ ɔ̍ fùka ɔ̍ ba̍-a wlùh, nɛ̀ ɔ̍ po̍ ɔ̍ ba̍ gbǐh we̍. Ɛ̀ mɔ̀-a nu̍-a ka-ɛ, ɛ̍-ɛ bo mɔ̀ iě nu̍.

1 Pitɛ 2:12

Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.

1 Pitɛ 3:1

Nynɔ̌gbaɔᵻ, kǎ mɔ̀ iě nu̍ ke. Mɔ̀ jě mɔ̀-a kɔanᵻ dɛ̍ɛ̍, wɛ̀ pò u̍h-a nyɔ̍ se̍ Nyɔsoa-a wlu̍ tìh chɛ̀ po̍-ɛ, wɛ̀ mɔ̀-a nu̍-dɛ̍ᵻ iě ɛ̍ nu̍ u̍h iě ɔ̍ wlùh gbaɛ. Ɛ̍ se̍ mɔ̀ iě tìh bla̍ gbɔ̀ dě u̍h we̍.

2 Pitɛ 2:18

U̍h-a chɛ̍n blɔ̌-ɛ ke bo-sɔ̀ìn. Wɛ̀ u̍h-a nu̍ se̍i̍kɔɛn, nyɔ̍ ùh-a ple̍-a la̍ de ùh-a sɔ-a dě dɛ̍ᵻ sɔ̀nᵻ di̍i̍ tǐn nyɔ̍ we̍-ɛ, u̍h-u bo u̍h-a po̍ dě de̍ biě laa̍ di̍i̍.