Ɛfɛsɔ 4:28 - Ku̍o̍ Delee 1999

²⁸ Nyɔ̍ ɔ̀ jlǐ-aɛ, ɔ̍ bɔ̌ jlǐ-ɛ dɛ. Jɛ ɔ̍ nu̍ dbo̍ ɛ̀ slɛ̌-a i̍-ɛ. Nɛ̀ ɔ̍ mu̍ la̍ dɛ̍ blě ke, wɛ̀ ɔ̍ iě nyɔ̍gbà nyɔ̍ we̍ gbǎ-a bɛ̌ɛ.

Ɛfɛsɔ 4:28 Iomraidhean Croise

Pɔ̀n Chɛ̀ Luu To-a La 19:8

Wɛ̀ Saikeɔ nyna i̍, iě ɔ̍ la̍a̍ dě Joi we̍, “Nyɔ̍ klaa, ǎn mu̍ ǎn kɔn-dɛ̍ᵻ kli̍hgbɛ̍-a fɔ̌ nyɔ̍gbà nyɔ̍ nyǐ. Nɛ̀ pò ǐn di̍ nyɔ̍ kanieǐ dǒ dɛ̍-o-dɛ̍ we̍-ɛ, nɛ̀ ǎn mu̍ ɛ̍ gbɔ̍ᵻ nyìɛ̍ wɔ̀ɔ̀ poe.”

Pɔ̀n Chɛ̀ Luu To-a La 3:8

Mɔ̀ nu̍ dɛ̍ᵻ i̍h iě ɛ̍ to ka mɔ̀ poe-a gblɛ̍n sɔ̀ɛ̀n kɛ̍n i̍ wɛ̀-ɛ. Mɔ̀ bɔ̌ ka nu̍, ‘Àɔ̀ Eblaɛɛn-a nynuu̍, nɛ̀ Nyɔsoa se̍ à kàn gbɛ̍n mu̍,’ ɛ̍ nɔ̀ɔ̍, mɔ̀ bɔ̌ ɛ̍ dě di̍i̍ i̍ po̍-ɛ, dɛ̍nu̍ɛ, Nyɔsoa bɛ̌ɛ sɔɔ̌ᵻ la Eblaɛɛn-a nynuu̍ we̍i̍ nu̍-ɛ. Ɛ̍ kɔn ǎn sèàɛ̍ mɔ̀ wlùh,

Chɔɔn 12:6

Ɔ̍ bla̍ ɛ̀ la̍ sǔh jɛ ɛ̍ se̍ ɔ̍ nyɔ̍gbà nyɔ̍-a tìh kma-a. Ɔ̍-ɔ jlǐ-nyɔ̍ dɛbo. Ɔ̍ bo ɔ̀ nu̍ wlǐ i̍ tè nyɔ̍, jɛ nɛ̀ kǎ ɔ̍ di̍ i̍h we̍i̍ wɛɛ wɛɛ.

Chɔɔn 13:29

Sɔ dɛ̍ laa̍ Juda nu̍-a wlǐ i̍ tè nyɔ̍-ɛ, u̍h-a duuh jajeɛ̍ dɛ̍ᵻ u̍h-a pɔ̀n-a i̍ dǒ peě laa̍ kɛ̍n-ɛ, i̍h bo Jusu-a sèàɛ̍ ɔ̍ wlùh ɔ̍ iě tɛ̀n la̍-a mu̍ de, àe̍e̍ ɔ̍ iě nyɔ̍gbà nyɔ̍ dɛ̍ nyǐ de.

Wloma 12:13

Dɛ̍ Nyɔsoa-a nyɔ̍ nɛ-a blě ka̍-ɛ wɛ̀ mɔ̀ iě ɛ̍ blě-ɛ, nɛ̀ mɔ̀ nyǐ ɛ̍ u̍h. Mɔ̀ gba̍ nyɔ̍ gbò we̍.

1 Kɔwlɛntiɔn 4:12

À nu̍ kmu-u dbo̍ dǒ à chɛ̀-a sɔ̍n gbǎ we̍. Pò nyɔ̍ chlèe àɔ̀-ɛ, nɛ̀ à sà-ɛ u̍h nǐ wɔ̍n. Pò u̍h jě-e àɔ̀ klě-ɛ, nɛ̀ à ku̍-e klì i̍ kleǐn.

2 Kɔwlɛntiɔn 8:12

Pò mɔ̀-a wlùh ja jàjà nu̍ mɔ̀ iě dɛ̍ nyǐ-ɛ, Nyɔsoa-a mu̍ mɔ̀-a nyǐ-dɛ̍ i̍ gbɛ̍n dǒ ìh mɔ̀ blě-aɛ we̍. Ɔ̍ se̍ dɛ̍ mɔ̀ se̍-a blě-ɛ mɔ̀ɔ̍ i̍ pɔ̀n-ɛ mu̍.

2 Kɔwlɛntiɔn 8:2

Tìh jě-ɛ klaa ji̍ u̍h we̍, jɛ u̍h-a nmɔ-ɛ kaa̍ ti̍ kli̍hgbɛ̍ we̍. U̍h nu̍ nyɔ̍gbà pa̍ nyɔ̍-a pɔ̀ɔ̍pìe̍ naɛ, jɛ u̍h blě wlùh wlǎ kaa̍ dǒ dɛ̍ nyǐ-ɛ we̍.

Kelesea 6:10

Ɛ̍ tìh-ɛ, pò à jě flɔn la̍-ɛ, mɔ̀ à nu̍ dɛ̍ᵻ chɛ̀ dǒ nyɔ̍ kli̍hgbɛ̍ we̍. Nyɔ̍ ùh ke à nɛ-a dě Klai wlùh gbaɛ dɛ di̍i̍-ɛ, u̍h bo à iě ɛ̍ pùn nu̍ chɛ̀ɛ̌chɛ̀.

1 Timote 6:18

Chlì u̍h-a dounᵻ u̍h iě gblɛ̍n-ɛ nmɔ, u̍h-a dɛ̍ᵻ chɛ̀ i̍ nu̍-ɛ iě nya̍ pàn-ɛ, u̍h iě kwa̍ pɔ̀ni.

Taitɔ 3:14

Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

Taitɔ 3:8

Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.