Ɛfɛsɔ 4:25 - Ku̍o̍ Delee 1999

²⁵ Ɛ̍ tìh-ɛ, mɔ̀ tǎli si̍h tmɔ̌ dɛ̍ i̍. Nyɔ̍ kli̍hgbɛ̍ sà tìh-a taǐn la̍ sǔh dě u̍h pònyɔ̍ we̍. Dɛ̍nu̍ɛ, à kli̍hgbɛ̍ à nɛ due wɛ̀.

Ɛfɛsɔ 4:25 Iomraidhean Croise

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Wloma 12:5

Ɛ̍ kɔn ba̍ bo ke, à tìè i̍ sǔh jɛ à ke Klai-a due nɛ-ɛ nu̍ ɛ̍ iě à nu̍ nyi̍ɔ̍tu due. Sɔ nɛ̀ jɔ-ɛ, nɛ̀ ɔ̍ ke àɔ̀ juh sie-a dǒ de̍-ɛ, à tùi i̍ iě à nu̍ nyi̍ɔ̍tu due.

1 Kɔwlɛntiɔn 10:17

Blèe̍ gba̍n nɛ due, wɛ̀ àɔ̀ dɔu la iě à nu̍ nyɔ̍ due, dɛ̍nu̍ɛ, à kli̍hgbɛ̍ à gblè-e blèe̍ gba̍n due kwa̍a̍ i̍.

2 Kɔwlɛntiɔn 7:14

Ǐn po̍ bu̍hᵻ wlù i̍ dě ɔ̍ we̍ mɔ̀-a tìh, iě mɔ̀ se̍ ǐn tɛ̀n nui. Jɛ ka dɛ̍ᵻ kli̍hgbɛ̍ à sà-a dě mɔ̀ we̍ nu̍-a tìh-a taǐn-ɛ, kǎ à bu̍hᵻ à po̍-a wlù i̍ dě Taitɔ we̍-ɛ nu̍ ɛ̍ to ɛ̍ ka ɛ̍ nu̍-a tìh-a taǐn-ɛ ke.

Ɛfɛsɔ 4:15

Jɛ pò à ja la̍ tìh-a taǐn sà dě jbɛɛ di̍i̍-ɛ, nɛ̀ à mu̍ ku̍ tà kli̍hgbɛ̍ wɛ̀ à iě Klai wɔ̀ ɔ̀ nu̍-a chɔchi̍h-a dlǔ-ɛ.

Ɛfɛsɔ 4:22

Mɔ̀-a tu̍ soa mɔ̀ nɛ-a dě di̍i̍ de ɛ̀ kɔn-a dǒ mɔ̀-a kmɔ̌ soa we̍-ɛ, mɔ̀ sɔ dě ɛ̍ di̍i̍. Ɛ̍ nyni i̍ mɔ̀ jii̍ dǒ mɔ̀-a chɛ̀-a wlùh dɛ̍ᵻ ìh-a boe-a mɔ̀ i̍-ɛ we̍.

Ɛfɛsɔ 4:31

Mɔ̀ tǎli wɔ̍n nyni gblɛ̍n kli̍hgbɛ̍ ke, nyɔ̍ɔ nyɛ̌-ɛ ke, jlu̍h ke, i̍-i wǐi-ɛ ke, nyɔ̍-a wlu̍ wɔ̍i̍n i̍ nyni-ɛ ke kà kɔn-ɛ i̍.

Ɛfɛsɔ 5:30

dɛ̍nu̍ɛ, ɔ̍ ke à ke à nɛ due.)

Kalase 3:8

Jɛ sà ìh kli̍hgbɛ̍ la sɔ̍n we̍ la̍ sǔh. I̍h bo ìh nu̍-a jlu̍h ke, nyɔ̍ faɛn ke, kà kɔn-ɛ ke, nyɔ̍-a wlu̍ wɔ̍i̍n nyni-ɛ ke chlèwli̍ po̍-ɛ.

Kalase 3:9

Ka mɔ̀ sɔ-a dě mɔ̀-a tu̍ soa ke ɛ̍ nu̍-dɛ̍ᵻ di̍i̍ wɛ̀-ɛ, nɛ̀ mɔ̀ bɔ̌ si̍h we̍ tmɔ̌-ɛ dɛ.

1 Timote 1:10

Ɛ̍ poe-ɛ dǒ gbǎn nu̍ nyɔ̍ ke tba̍ɛ kɛ̍n i̍ nu̍ nyɔ̍ we̍. Ɛ̍ poe-ɛ dǒ bɔ̍lɔ nyɔ̍ di̍ wli̍ ke si̍h tmɔ̌ nyɔ̍ we̍. Ɛ̍ poe-ɛ dǒ po̍ wlu̍ tɔ̀ma̍a̍ nɛ̀ nɛ̀ nu̍ ɛ̍ nyɔ̍ we̍, ɛ̍ ke nǎ po̍-ɛ kli̍hgbɛ̍ ìh se̍-a Nyɔsoa-a wìè gba̍-a ke.

1 Timote 4:2

Nǎ po̍-ɛ kaɛn la ɛ̍ sɔ dě mɛɔ sɔɔ̌n wɔ̍ɔ̍n nɛ nyɔ̍ we̍. Dɛ̍nu̍ɛ, u̍h se̍-e kmɔ̌ we̍ kɔn, u̍h-a wlùh gbǎ gbǎ i̍. Ɛ̍ kɔn u̍h-a tmɔ̌ si̍h.

Taitɔ 1:12

U̍h-a chɛ̀-a nyɔ̍ ɔ̀ nu̍-a gbànwli po̍ nyɔ̍-ɛ bo ɔ̀ la̍a̍, “Kli nyɔ̍-a tmɔ̌ si̍h ma̍u̍, u̍h wɔ̀ kà kɔn nmi̍i̍, u̍h flàn-ɛ, iě u̍h nyni wɔ̍i̍n.”

Taitɔ 1:2

Kmɔ̌ sie feɛ à kɔ̍-a wlùh i̍-ɛ, dǒ ɛ̍ kɛ̍n bo i̍h tba̍ i̍. Nyɔsoa ɔ̀-ɔ tmɔ̌-a si̍h-ɛ, ɔ̍ bo ɔ̀ po̍ ɛ̍ wlu̍ tɔ̀ma̍a̍ sasǎ wɛ̀ kmɔ̌ la ɛ̍ dǔ nui-ɛ.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.

Chiin 1:21

Ɛ̍ tìh-ɛ, mɔ̀ sà sììjii̍ nu̍-ɛ sɔ̍n di̍i̍, ɛ̍ ke kà kɔn-ɛ ke. Nɛ̀ mɔ̀ ji̍ ja̍ mɔ̀ iě wlu̍ Nyɔsoa tù-a dǒ mɔ̀ wlùh kɛ̍n-ɛ i̍ gbɛ̍n. Ɛ̍-ɛ bo ɛ̀ bɛ̌ɛ mɔ̀ pǔh-iɛ.

1 Pitɛ 2:1

Ɛ̍ tìh-ɛ, mɔ̀ tǎli gblɛ̍n sɔ̀ɛ̀n kli̍hgbɛ̍ i̍, si̍h tmɔ̌-ɛ o, wlɛ̀n kɔn-ɛ o, nyɔ̍ wlu̍ sɔ̀nᵻ pùn i̍ po̍-ɛ o, mɛɔ sɔɔ̌n wɔ̍ɔ̍n nɛ-ɛ o, mɔ̀ tǎli i̍h i̍.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.