Ɛfɛsɔ 4:24 - Ku̍o̍ Delee 1999

²⁴ mɔ̀ iě dě tu̍ delee ɛ̀ Nyɔsoa nu̍-a dě ɔ̍ chɛ̀-a tu̍ di̍i̍-ɛ gbǎ, ɛ̀ slɛ̌-a i̍ iě ɛ̀ wɛ̀-a nɛi̍ slèěslè-ɛ.

Ɛfɛsɔ 4:24 Iomraidhean Croise

Pɔ̀n Chɛ̀ Luu To-a La 1:75

Wɛ̀ à iě Nyɔsoa i̍ wɛ̀ɛ̀, à iě i̍ slɛ̌ dǒ ɔ̍ jlǐhwai dǒ wǐh kli̍hgbɛ̍ à mu̍-a nu̍ nɔ̌ kmɔ̌ we̍-ɛ di̍i̍.

Chɔɔn 17:17

Tè-e u̍h pɔ̌ dǒ àn wlu̍ ɛ̀ nu̍-a tìh-a taǐn-ɛ we̍.

Wloma 12:2

Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.

Wloma 13:12

Wlù la ɛ̍ tɛn dlǔ wɛ̀, sɔ̀n-a ji̍ la̍ sɛ̀n la̍. Ɛ̍ tìh-ɛ, mɔ̀ à tǎli kwile-a dɛ̍ᵻ i̍, mɔ̀ à dǔ fɔ̀n-dɛ̍ᵻ i̍ à iě tu̍h fɔ̀n dě sɔ̀npli di̍i̍.

Wloma 13:14

Jɛ Joi Jusu Klai bo ɔ̀ iě jliɛ̍ nu̍ mɔ̀ iě-e pa̍, nɛ̀ mɔ̀ bɔ̌ mɔ̀-a gblɛ̍n sɔ̀ɛ̀n nu̍ ku̍-a wlùh-a i̍ pɔ̀n-ɔ dɛ̍ᵻ nu̍-ɛ dɛ.

Wloma 6:4

Ti̍ à po̍-a nǐ dlǔ-ɛ, nɛ̀ à ke Klai mɛ̌-ɛ, wɛ̀ u̍h nma̍le ɔ̍ ke à tàdùè i̍. Wɛ̀ ka ɔ̍ nu̍-ae wlǔh-ɛ dě Baa Nyɔsoa-a tìh-a i̍ bɛ̌-ɛ di̍i̍-ɛ, wɛ̀ à iě feɛ delee blě ke.

Wloma 7:6

Jɛ telě jɛ nu̍-a à gbɛ̍n-nyɔ̍ we̍i̍ de-ɛ, à mɛ̌ wɛ̀ dǒ ɛ̍ we̍ iě Nyɔsoa sà àɔ̀ dǒ ɛ̍ sɔ̍n wɛ̀. Sɔ nɛ̀ à se̍ dǒ telě soa nɔ̀ɔ̍ sɔ̀n nɛ dɛ, jɛ à dbee la̍ Nyɔsoa jǔ dě gblɛ̍n delee di̍i̍, dɛ̍nu̍ɛ, à jě ɔ̍ Sùù dɛ̍ɛ̍.

Wloma 8:29

Nyɔ̍ ùh Nyɔsoa tba̍-a chèɛ̀ se̍e̍-ɛ, ɔ̍ tè u̍h pɔ̌ wɛ̀ u̍h iě ɔ̍ Jǔ wɔ̀, wɛ̀ ɔ̍ iě sàì Jǔ nu̍ dě de̍di̍i̍ᵻ dɔu nynɛ̌.

1 Kɔwlɛntiɔn 15:53

Dɛ̍ ɛ̀ mu̍-a jii̍ nyni-ɛ ɛ̍ kɔn ɛ̍ iě dɛ̍ ɛ̀ se̍-a jii̍ nyni mu̍-ɛ ɛ̍ ku̍-u pa̍. Dɛ̍ ɛ̀ mu̍-a mɛ̌-ɛ, ɛ̍ kɔn ɛ̍ iě dɛ̍ ɛ̀ se̍-a mɛ̌ mu̍-ɛ ɛ̍ ku̍-u pa̍.

2 Kɔwlɛntiɔn 3:18

Nɛ̀ɛ̍, à kli̍hgbɛ̍ à jě Joi-a tìh-a i̍ bɛ̌-ɛ dǒ à jua̍i̍ᵻ ìh se̍-a dɛ̍ kɛ̍n kaɛn-ɛ we̍. Joi-a Sùù bo ɛ̀ bǐi àɔ̀ i̍ dě ɔ̍ tu̍ di̍i̍ ma̍u̍, iě à wɔ̀ ɔ̍ tìh-a i̍ bɛ̌-ɛ ti̍ kli̍hgbɛ̍ we̍.

2 Kɔwlɛntiɔn 4:16

Ɛ̍ tìh-ɛ, à se̍ se̍a̍ dǒ dbo̍ nu̍ la̍. À nyi̍ɔ̍tu-a nyni̍ la̍ jii̍ gbɛɛ, jɛ à wlùh-a gbǎ delee i̍ ti̍ kli̍hgbɛ̍ we̍.

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

Kelesea 3:27

Mɔ̀ɔ̍ ùh poe-a nǐ dlǔ dě Klai ja̍a̍-ɛ, nɛ̀ mɔ̀ pa̍ Klai-i wɛ̀.

Kelesea 6:15

Nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ tìh se̍ kma. Jɛ nyɔ̍ delee nu̍ tìh bo ɛ̀ kma.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 2:15

Ɔ̍ sà telě Nyɔsoa nyǐ-a Mose-ɛ ke telě diih Juu nyɔ̍ blě-a dǒ wìè-i. Ɔ̍ nu̍ ɛ̍-ɛ wɛ̀ u̍h-a gbɔ̍ᵻ nɛ-a sɔɔ̌n-ɛ, ɔ̍ iě u̍h nyɔ̍ delee we̍i̍ nu̍ u̍h iě due nɛ dě ɔ̍ chɛ̀ ja̍a̍. Wɛ̀ ɔ̍ nu̍ ɛ̍ iě u̍h-a wɔ̌ɛn ka wlu̍ i̍.

Ɛfɛsɔ 6:11

Mɔ̀ pa̍ fɔ̀n-dɛ̍ᵻ kli̍hgbɛ̍ Nyɔsoa nyǐ-a mɔ̀-ɛ, wɛ̀ mɔ̀ iě Kǔ-a gblàa̍ i̍ nyna-a bɛ̌ɛ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 1:8

Jɛ dǒ ɔ̍ Jǔ we̍ nɔ̀ɔ̍, ɔ̍ la̍a̍, “Nyɔsoa, nàɛ̀ nynɛ̌ gbalǎ-a mu̍ nɛ nɔ̌ kmɔ̌-a kmɔ̌. I̍ slɛ̌-ɛ bo àn kɔn-ɛ àn kmɔ̌ wlu̍ i̍.

Iblu 12:14

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍ iě kɛ̍n i̍ gbe̍ɛ̍ɛn. Nɛ̀ mɔ̀ fɔ̀n dɛ̍ we̍ mɔ̀ iě nɛi̍ wɛ̀ ke dɛ̍nu̍ɛ, nyɔ̍-ɔ se̍ la̍a̍n nɛ wɛ̀ nɛ̀ tba̍ Joi jlǐhɛ̍.

1 Pitɛ 2:2

Ka nynuu̍pli-a nu̍-a nyɛnɛ nǐ i̍ pɔ̀n-ɛ, kǎ mɔ̀ iě sùù-a di̍-dɛ̍ chɛ̀ i̍ pɔ̀n-ɛ nu̍ ke. Pò mɔ̀ di̍ ɛ̍-ɛ, nɛ̀ mɔ̀-a mu̍ ku̍, wɛ̀ mɔ̀ iě pǔh.

2 Pitɛ 1:4

Ɛ̍ kɔn ɔ̍ wlu̍ ɛ̀ gbǎ-a dɛ̍kɛ̍n iě ɛ̀ ku̍-a wɔ̍n-ɛ, wɛ̀ ɔ̍ po̍ ɛ̍ tɔ̀ma̍a̍ dǒ à we̍. Ɛ̍ bo ɛ̀ mu̍ kmɔ̌ nɛ wɛ̀ mɔ̀ iě kmɔ̌-a tba̍ɛ kɛ̍n i̍ la wɔ̍i̍n wa̍n, wɛ̀ mɔ̀ iě Nyɔsoa wɔ̀.