23 Mɔ̀-a pɔluh ke mɔ̀-a wlùh kɔn i̍h iě delee nu̍,
Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.
Ti̍ à po̍-a nǐ dlǔ-ɛ, nɛ̀ à ke Klai mɛ̌-ɛ, wɛ̀ u̍h nma̍le ɔ̍ ke à tàdùè i̍. Wɛ̀ ka ɔ̍ nu̍-ae wlǔh-ɛ dě Baa Nyɔsoa-a tìh-a i̍ bɛ̌-ɛ di̍i̍-ɛ, wɛ̀ à iě feɛ delee blě ke.
Nɛ̀ nyɔ̍ ɔ̀ kɔn wlùh gblɛ̍n sɔ̀ɛ̀n-a tu̍ kɔn-a wlu̍ i̍-ɛ, ɔ̍ mu̍ mɛ̌. Jɛ nyɔ̍ ɔ̀ kɔn wlùh Sùù kɔn-a wlu̍ i̍-ɛ, nɛ̀ ɔ̍ mu̍ feɛ ke wlùh-a i̍ tè-ɛ blě.
Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.
Mɔ̀ gbǎ-e tu̍ delee di̍i̍ wɛ̀, wɛ̀ Nyɔsoa ɔ̀ nu̍-a ɛ̍ nu̍ nyɔ̍-ɛ, ɛ̍ iě ɔ̍ dɛ̍ i̍ juo. Ɛ̍ kɔn ɔ̍ po̍ ɛ̍ delee i̍ dě ɔ̍ chɛ̀-a tu̍ di̍i̍.
iě ɔ̍ sèìe àɔ̀. Ɛ̍ se̍ à nu̍-dɛ̍ᵻá i̍ slɛ̌ tìh ɔ̍ se̍ àɔ̀ sèìe. Jɛ ɔ̍ wɔɛ kɔn-ɛ bo ɛ̀ nu̍ ɛ̍ iě ɔ̍ pǔh-i àɔ̀ dě ɔ̍ Sùù di̍i̍. Ɔ̍ Sùù dle àɔ̀ i̍ ɛ̍ kɔn à wlǔh-ɛ ke à kmɔ̌ gbǎ delee i̍.
Ɛ̍ tìh-ɛ, mɔ̀ po̍ mɔ̀-a wlùh gba̍a̍ dǒ dɛ̍ᵻ mɔ̀-a mu̍-a nu̍-ɛ we̍. Mɔ̀ nu̍ mɔ̀-a chɛ̀-a nɛnɛ̌ wɛ̀ blɛ mɔ̀-a mu̍-a jě dǒ Jusu Klai-a nyɔ̍ kli̍hgbɛ̍ kɛ̍n wlǔh-i la̍-ɛ, mɔ̀ iě ɛ̍ wlì tè kleǐnklein.
