Ɛfɛsɔ 4:22 - Ku̍o̍ Delee 1999

²² Mɔ̀-a tu̍ soa mɔ̀ nɛ-a dě di̍i̍ de ɛ̀ kɔn-a dǒ mɔ̀-a kmɔ̌ soa we̍-ɛ, mɔ̀ sɔ dě ɛ̍ di̍i̍. Ɛ̍ nyni i̍ mɔ̀ jii̍ dǒ mɔ̀-a chɛ̀-a wlùh dɛ̍ᵻ ìh-a boe-a mɔ̀ i̍-ɛ we̍.

Ɛfɛsɔ 4:22 Iomraidhean Croise

Wloma 6:6

À juo i̍h à tu̍ soa nɔ̀ɔ̍ ɛ̍ mɛ̌-ɛ Klai we̍ wɛ̀ dǒ gbàɛ̍ kɛ̍n i̍ tu̍ wlì. Wɛ̀ à gblɛ̍n sɔ̀ɛ̀n ku̍ la ɛ̍ iě-e gbɔ̀lɔ, wɛ̀ à-a je̍e gblɛ̍n sɔ̀ɛ̀n-a kèi̍ nu̍ dɛ dode̍.

Wloma 7:11

Dě telě di̍i̍ bo gblɛ̍n sɔ̀ɛ̀n jěe flɔna̍ wɛ̀ ɛ̍ boe ǐn i̍. Iě ɛ̍ jii dě telě di̍i̍ wɛ̀ ɛ̍ dbǎ m̌.

2 Kɔwlɛntiɔn 11:3

Jɛ ǎn ple̍ faɔn ka sɛ̍ nu̍-a Ii i̍ boe-ɛ dǒ ɛ̍ di̍i̍ i̍ flɔn-ɛ we̍-ɛ, mɔ̀-a wlùh-u je̍e la̍a̍n fèàɛ̀ nu̍, wɛ̀ mɔ̀ɔ̍ je̍e Klai we̍ fòè-ɛ chɛ̀ɛ̌chɛ̀ i̍ tǎli.

Kelesea 1:13

Ti̍ iě-a dě Juu nyɔ̍ naɛ Nyɔsoa wɛɛ sà kmɔ̌ di̍i̍ nɛ tɛin-ɛ, mɔ̀ wɔ̌n ɛ̍ pɔ̀n. Nɛ̀ ǎn jě-e Nyɔsoa-a chɔchi̍h klě kàka̍, iě ǎn fɔ̀n dɛ̍ we̍ iě i̍h-i gbɔ̀lɔ.

Ɛfɛsɔ 2:3

Ka u̍h nɛ-aɛ, kǎ à nɛ ke de. Dɛ̍ᵻ à gblɛ̍n sɔ̀ɛ̀n ku̍ ke, à wlùh ke à nyi̍ɔ̍ku-a pɔ̀n-aɛ, i̍h bo à nu̍. Ka nyɔ̍ kli̍hgbɛ̍ nɛ-aɛ, kǎ à nɛ de, iě Nyɔsoa-a mu̍ à kli̍hgbɛ̍ jlu̍h po̍-e ke de à gblɛ̍n sɔ̀ɛ̀n-a tìh.

Ɛfɛsɔ 4:17

Nɛ̀ɛ̍, ǐn gbɛ̍n mɔ̀-a bu̍hᵻ i̍ dǒ Joi-a nynɛ̌ kɛ̍n, mɔ̀ bɔ̌ kmɔ̌ nɛ-ɛ dɛ ka se̍ Nyɔsoa juo nyɔ̍-ɛ. Dɛ̍nu̍ɛ, u̍h nɔ̀ɔ̍, pɔ̀ɔ̍pìe̍ dɛ̍ᵻ bo u̍h-a slè-e wlùh i̍.

Ɛfɛsɔ 4:25

Ɛ̍ tìh-ɛ, mɔ̀ tǎli si̍h tmɔ̌ dɛ̍ i̍. Nyɔ̍ kli̍hgbɛ̍ sà tìh-a taǐn la̍ sǔh dě u̍h pònyɔ̍ we̍. Dɛ̍nu̍ɛ, à kli̍hgbɛ̍ à nɛ due wɛ̀.

Ɛfɛsɔ 4:31

Mɔ̀ tǎli wɔ̍n nyni gblɛ̍n kli̍hgbɛ̍ ke, nyɔ̍ɔ nyɛ̌-ɛ ke, jlu̍h ke, i̍-i wǐi-ɛ ke, nyɔ̍-a wlu̍ wɔ̍i̍n i̍ nyni-ɛ ke kà kɔn-ɛ i̍.

Kalase 2:11

Dě ɔ̍ ja̍a̍ bo mɔ̀ gbǎ-ɛ plɔ̀n, ɛ̍ se̍ nyi̍ɔ̍-a sɔ̍n ɛ̀ se̍ mɔ̀ plɔ̀n po̍. Jɛ Klai naɛ plɔ̀n gbǎ-a sà nyɔ̍ dě gblɛ̍n sɔ̀ɛ̀n ku̍ la di̍i̍.

Taitɔ 3:3

Sàì laa̍ nɛ̀ à bo we̍i̍ ke, nɛ̀ à-a nu̍ nyɔ̍-a wlu̍, iě à sìì wìè. Nɛ̀ à nu̍ gbale̍e̍ gbǎ-a ke wlùh dɛ̍ᵻ kaɛn kaɛn-a kèi̍. Nɛ̀ gblɛ̍n-ɛ nyni-ɛ ke wlɛ̀n kɔn-ɛ bo à ja-ɛ ja̍-a. Nɛ̀ nyɔ̍ɔ faɛn àɔ̀, iě à faɛn nyɔ̍ɔ.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.

Iblu 3:13

Jɛ ka sɔ̀n-a sɛ̀n-aɛ kǎ mɔ̀ iě wlùh we̍ fùka-ɛ ka ɛ̍ nu̍-a sèàn ke̍-ɛ, wɛ̀ gblɛ̍n sɔ̀ɛ̀n je̍e mɔ̀-a nyɔ̍ i̍ boe, iě ɔ̍-ɔ je̍e dlǔ ku̍.

Chiin 1:21

Ɛ̍ tìh-ɛ, mɔ̀ sà sììjii̍ nu̍-ɛ sɔ̍n di̍i̍, ɛ̍ ke kà kɔn-ɛ ke. Nɛ̀ mɔ̀ ji̍ ja̍ mɔ̀ iě wlu̍ Nyɔsoa tù-a dǒ mɔ̀ wlùh kɛ̍n-ɛ i̍ gbɛ̍n. Ɛ̍-ɛ bo ɛ̀ bɛ̌ɛ mɔ̀ pǔh-iɛ.

Chiin 1:26

Nyɔ̍ jɔ ɔ̀ la̍ ɔ̀ nu̍-a Nyɔsoa dɛ wɛ̀ ɔ̀ se̍-a ɔ̍ chɛ̀-a wɔ̍n gbèwe̍ gbɛ̍n-ɛ bɛ̌ɛ-ɛ, nɛ̀ ɔ̍ boe ɔ̍ chɛ̀ i̍. Nɛ̀ ɔ̍ Nyɔsoa dɛ se̍ dɛ̍kɛ̍n gbǎ.

1 Pitɛ 1:18

Mɔ̀ juo ka Nyɔsoa nu̍-a mɔ̀ kɛ̍ɛ̍n pùhbɔ-ɛ dě mɔ̀ baaᵻá pɔ̀ɔ̍pìe̍ kmɔ̌ di̍i̍-ɛ. Ɔ̍ se̍ sebla̍ ke kòo̍ ìh-a gbɔ̀lɔ-aɛ nu̍ dǒ mɔ̀ kɛ̍ɛ̍n pùhbɔ la̍.

1 Pitɛ 4:3

Ɛ̍ se̍ ti̍ dɛ mɔ̀ iě ùh se̍-a Nyɔsoa juo-ɛ u̍h-a gblɛ̍n nu̍. Tɛin-ɛ, nɛ̀ mɔ̀-a nu̍ nynɛ̌à, mɔ̀-a sìèè mɔ̀-a chɛ̀ nmɔ̍ wlì, mɔ̀-a nu̍ sììjii̍, mɔ̀-a sà kwɛ̍i̍n wɛɛ, iě mɔ̀-a mu̍ nmɔ̍ nǎ peě kɛ̍n i̍ mɔ̀-a nu̍ mɔ̀-a chɛ̀-a wlùh.

2 Pitɛ 2:13

Ka u̍h-a nu̍-dɛ̍-a nu̍-a nyɔ̍ i̍ poa-ɛ, nɛ̀ nu̍-dɛ̍-a nyɔ̍ i̍ poa bo ɛ̀ mu̍ u̍h-a pɛ̌ɛ la̍ nu̍. Se̍i̍kɔɛn nu̍-ɛ jlǔh gbàɔ̀ kloklǒ bo u̍h-a dǎɛ kmɔ̌ nu̍-ɛ. Ɛ̍ nu̍ tɛ̀n dɛ̍-ɛ wɛ̀ ɛ̍ nu̍ nyɔ̍ mlɔ̌ wɔ̍n po̍ dɛ̍, u̍h iě mɔ̀ nynɛ̌ gbǎ dǒ dɛ̍ di̍ la̍. Pò u̍h ja mɔ̀ i̍ boe-ɛ, nɛ̀ ɛ̍ pɛ̌n-ɛ u̍h-a pɔluh i̍.

2 Pitɛ 2:7

Wɛ̀ Laa ɔ̀ nu̍-a i̍ slɛ̌-nyɔ̍, iě kà kɔn nyɔ̍-a jěe-a tìh dǒ u̍h-a se̍i̍kɔɛn we̍-ɛ, wɛ̀ Nyɔsoa sèìe ɔ̍.