Ɛfɛsɔ 4:21 - Ku̍o̍ Delee 1999

²¹ Ǐn juo ɛ̍-ɛ mɔ̀ wɔ̌n ɔ̍ dɛ-a pɔ̀n wɛ̀, iě mɔ̀ poe-ɛ nǎ wɛ̀ ke dǒ tìh-a taǐn ɛ̀ nɛ-a dě ɔ̍ ja̍a̍-ɛ we̍.

Ɛfɛsɔ 4:21 Iomraidhean Croise

Matio 17:5

Ɔ̍ nɛ dǒ wlu la̍ sǔh wɛ̀ nǐgban ji̍ iě ɛ̍ kaɛn dǒ u̍h dlǔwèàì. Dǒ wlu̍ sɔ-ɛ dě ɛ̍ di̍i̍, ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍. Mɔ̀ tù ɔ̍ wlu̍ dounᵻ.”

Pɔ̀n Chɛ̀ Luu To-a La 10:16

Jusu la̍a̍ dě ɔ̍ kòà we̍, “Nyɔ̍ ɔ̀ mu̍-a mɔ̀-a wlu̍ i̍ wɔ̌n-ɛ, nɛ̀ ǎn wlu̍ bo ɔ̍ wɔ̌n i̍. Nɛ̀ nyɔ̍ ɔ̀ mu̍-a mɔ̀ chla tba̍-aɛ, nɛ̀ mɔ̍ bo ɔ̍ tba̍ chla. Nyɔ̍ ɔ̀ tba̍-a ǐn chla-aɛ, nɛ̀ nyɔ̍ ɔ̀ dbo̍-a m-ɛ bo ɔ̍ tba̍ chla.”

Chɔɔn 1:17

Nyɔsoa-a telě jii dě Mose ja̍a̍, jɛ ɔ̍ blɛ ke tìh-a taǐn kli̍hgbɛ̍ ìh kɔ̍-a dǒ ɔ̍ pùn i̍-ɛ, i̍h jii dě Jusu Klai ja̍a̍ iě à jě i̍h.

Chɔɔn 10:27

Ǐn juo ǎn blawɛ̌ᵻ i̍, nɛ̀ i̍h-a wɔ̌n ǎn wlu̍-u i̍, iě i̍h-a wɔ̀ dǒ ǐn de̍e̍.

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Wloma 10:14

Jɛ nɛ̀ ɔ̀ u̍h se̍-a wlùh gbaɛ-ɛ, ka u̍h-a mu̍ ɔ̍ nynɛ̌ i̍ dǎ-a nu̍ ɛ? Nɛ̀ ɔ̀ kɔn nynɛ̌ u̍h se̍-a wɔ̌n-ɛ, ka u̍h-a mu̍ ɔ̍ wlùh gbaɛ nu̍ ɛ? Pò tìh bla̍ nyɔ̍ se̍ nɛ-ɛ, nɛ̀ ka u̍h-a mu̍ ɔ̍ nynɛ̌ wɔ̌n-ɛ nu̍ ɛ?

2 Kɔwlɛntiɔn 1:20

Dɛ̍nu̍ɛ, ɔ̍-ɔ bo ɔ̀ nu̍ “I̍i̍n” dǒ Nyɔsoa-a wlu̍ kli̍hgbɛ̍ ɔ̍ po̍-a tɔ̀ma̍a̍-ɛ we̍. Ɛ̍ kɔn à wlu “Kǎ ɛ̍-ɛ nɛ” dě Jusu Klai ja̍a̍ dǒ Nyɔsoa-a tìh-a i̍ bɛ̌-ɛ we̍.

2 Kɔwlɛntiɔn 11:10

Ka Klai-a tìh-a taǐn nɛ-a dě ǐn ja̍a̍-ɛ, nɛ̀ ǎn wɔ̍i̍n po̍-ɛ la nyɔ̍ se̍ ɛ̍ bɔ̌ i̍ po̍ mu̍ nɔ̌ Akaia bloa̍ kɛ̍n.

Ɛfɛsɔ 1:13

Nɛ̀ɛ̍, kǎ mɔ̀ nɛ ke. Ti̍ mɔ̀ wɔ̌n-a tìh-a taǐn tu̍owli ɛ̀ nu̍-a pɔ̀n chɛ̀ iě ɛ̍ pǔh-ia mɔ̀-ɛ, mɔ̀ gbaɛ Klai wlùh iě Nyɔsoa nyǐ mɔ̀ ɔ̍ Sùù ɛ̀ kɔn wlu̍ ɔ̍ po̍-a tɔ̀ma̍a̍. Wɛ̀ ɛ̍ nu̍ juola ka mɔ̀ kɔn-a dǒ ɔ̍ we̍-ɛ.

Ɛfɛsɔ 2:17

Klai ji̍-aɛ, wɛ̀ ɔ̍ bla̍ kmɔ̌ i̍ gbe̍ɛ̍ɛn pɔ̀n chɛ̀-a tìh we̍i̍ dě mɔ̀ɔ̍ ùh se̍-a Juu nyɔ̍ ùh ti̍ɛ̍ɛn-a Nyɔsoa we̍ i̍ de-ɛ we̍. Iě ɔ̍ bla̍ ɛ̍ dě Juu nyɔ̍ juh kɔǎn-ɛa ɔ̍ we̍ i̍-ɛ we̍ ke.

Kalase 1:5

Mɔ̀-a nu̍ ìh la, dɛ̍nu̍ɛ, ɛ̀ mɔ̀ kɔ̍-a wlùh i̍-ɛ ɛ̍ tè-eɛ i̍ dě ja̍i̍wlɔ̀ dǒ mɔ̀ we̍. Ti̍ tìh-a taǐn pɔ̀n chɛ̀ sàɛ̀-a ji̍-ɛ i̍ dě mɔ̀ we̍-ɛ, dǒ mɔ̀ wɔ̌n-ɛ wlùh kɛ̍n i̍ kɔ̍ dɛ la ɛ̍ nynɛ̌.

Kalase 1:6

Pɔ̀n chɛ̀ la ɛ̍ ku̍ i̍ iě ɛ̍ wɔ̀ ka bloa̍ kli̍hgbɛ̍ dlǔ. Kǎ ɛ̍ nu̍ ke dě mɔ̀ nynɛ̌ sɔ dǒ weɛ̍ mɔ̀ wɔ̌n-a ɛ̍ iě mɔ̀ ju̍o̍e-a Nyɔsoa-a blɛ we̍ i̍-ɛ.

Kalase 2:7

Mɔ̀ po̍ sɛ̌n mɔ̀ iě-o ta̍i̍ gbǎ dě ɔ̍ ja̍a̍. Mɔ̀ tè ɔ̍ wlì. Ka mɔ̀ nu̍-a nǎ poe-ɛɛ, kǎ mɔ̀-a wlùh gbaɛ iě kmu-ɛ nu̍. Nɛ̀ tlɔ̌ po̍-ɛ bo ɛ̀ iě i̍ tìè dě mɔ̀ ku̍sɔ̀n.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.