Ɛfɛsɔ 4:2 - Ku̍o̍ Delee 1999

² Mɔ̀ ja mɔ̀-a chɛ̀ wlù, mɔ̀ iě gba̍n gbɛ̍n. Mɔ̀ gbɛ̍n wlùh i̍, mɔ̀-a jbɛɛ iě ɛ̍ nu̍ mɔ̀ɔ̍ je̍e feǎn wlì kɔn.

Ɛfɛsɔ 4:2 Iomraidhean Croise

Matio 11:29

Mɔ̀ gba̍ ǎn kɛ̌n wìè mɔ̀ iě ǐn dɛ̍ we̍ cheǎn-ɛ, dɛ̍nu̍ɛ, ǐn gbɛ̍n gba̍n, wɛ̀ ǐn ja ǎn chɛ̀ wlù. Pò mɔ̀ nu̍ la̍a̍n-ɛ, nɛ̀ mɔ̀-a wlùh-a mu̍ i̍ tè.

Pɔ̀n Chɛ̀ Maɛ To-a La 9:19

Wɛ̀ Jusu la̍a̍ dě u̍h we̍, “Mɔ̀ɔ̍ ti̍laa nyɔ̍ la, mɔ̀ se̍ wlùh gbaɛ blě. Ti̍ tìèwe̍ iě da̍a mɔ̀ we̍ nu̍ ke̍ gbɔ̀ɔ ɛ? Ka iě mɔ̀-a tìh nu̍ ɛ? Mɔ̀ ja jǔwɛ laa̍ nɔ̌ ǐn we̍.”

Nu̍-dɛ̍ᵻ 20:19

Ǎn dbee Joi jǔ iě ǎn wàn-ɛ ǎn chɛ̀ i̍. Ǎn jě tìh wɛ̀ mǐtɛɛn-a wɛ̀ dě ǐn jlǐh i̍ dǒ ka Juu nyɔ̍ nu̍-a ǐn sɔ̌-ɔ sɔɛn-ɛ we̍.

Wloma 15:1

Àɔ̀ juh kɔn wlùh gbaɛ ku̍-a i̍-ɛ, àɔ̀ bo à iě juh kɔn naɛ se̍-a i̍ ku̍-ɛ we̍ gbǎ wɛ̀ ɛ̍ iě u̍h-a gbǔh ja̍i̍ dǔ. Ɛ̍ se̍ à chɛ̀-a wlùh i̍ tè-e kai.

1 Kɔwlɛntiɔn 13:7

Jbɛɛ-ɛ sà dɛ̍ sɔ̍nᵻ i̍, ɛ̍ blě wlùh gbaɛ ma̍u̍. Ɛ̍ tè dɛ̍ wlì ti̍ kli̍hgbɛ̍ we̍, iě ɛ̍ ku̍-e klì i̍ dǒ dɛ̍ᵻ kli̍hgbɛ̍ we̍.

Kelesea 6:2

Pò jɔ kɔn ba̍ ja tìh jě-ɛ, nɛ̀ ɔ̍ gbǎ ɔ̍ we̍ u̍h iě ɛ̍ kwa̍a̍ i̍ gblè-e. Ɛ̍ ja laan nɛ-ɛ, nɛ̀ mɔ̀-a jě la̍ Klai-a telě kli̍hgbɛ̍ dɛ̍ɛ̍.

Ɛfɛsɔ 1:4

Kmɔ̌ la ɛ̍ iě-a nui-ɛ, nɛ̀ ɔ̍ tba̍ à chèɛ̀ wɛ̀ se̍e̍ à ke Klai iě due nɛ. Ɔ̍ tba̍ à chèɛ̀ à iě nɛi̍ wɛ̀, wɛ̀ à nynɛ̌-ɛ je̍e kɔ̌ dǒ ɔ̍ jlǐhwai. Nyɔsoa-a à-a jbɛɛ bo

Kalase 1:11

Ǎn sà nǐ wɔ̍n Joi-a tìh-a i̍ bɛ̌-ɛ gbǐh iě ɛ̍ nu̍ mɔ̀-a kmu-ɛ iě gbǐh kɛ̍n nɛ. Wɛ̀ mɔ̀ iě-e klì i̍ ku̍ dǒ dɛ̍ᵻ kli̍hgbɛ̍ we̍ dě wlùh i̍ gbɛ̍n-ɛ di̍i̍, mɔ̀ iě nmɔ.

1 Timote 6:11

Jɛ mɔ̀ jɔ nu̍-a Nyɔsoa-a pòi̍ju-ɛ, sà ìh kli̍hgbɛ̍ la sɔ̍n we̍. Jɛ dɛ̍ kɔn chììn ìè-a po̍-ɛ, ɛ̍ nu̍ i̍ slɛ̌-ɛ ke, Nyɔsoa dɛ-ɛ nɛ-ɛ ke, wlùh gbaɛ ke, jbɛɛ ke, dě klì i̍ ku̍-ɛ ke gba̍n gbɛ̍n-ɛ.

2 Timote 2:25

Nɛ̀ ɔ̍ po̍ nyɔ̍ ùh-a tbaɛ-a ɔ̍ bu̍hᵻ i̍-ɛ wìè-e gba̍n gbɛ̍n ka. Nyɔ̍-se̍-juo dǒ Nyɔsoa-a mu̍ u̍h flɔn la̍ nyǐ-i, wɛ̀ u̍h iě i̍ bǐi u̍h iě tìh-a taǐn juo la̍ ji̍.

Chiin 1:21

Ɛ̍ tìh-ɛ, mɔ̀ sà sììjii̍ nu̍-ɛ sɔ̍n di̍i̍, ɛ̍ ke kà kɔn-ɛ ke. Nɛ̀ mɔ̀ ji̍ ja̍ mɔ̀ iě wlu̍ Nyɔsoa tù-a dǒ mɔ̀ wlùh kɛ̍n-ɛ i̍ gbɛ̍n. Ɛ̍-ɛ bo ɛ̀ bɛ̌ɛ mɔ̀ pǔh-iɛ.

1 Pitɛ 3:15

Mɔ̀ jě Klai dɛ̍ɛ̍ kleǐnklein ka ɔ̍ nu̍-a mɔ̀-a Joi-ɛ. Mɔ̀ gbàɛ̀ ti̍ kli̍hgbɛ̍ we̍ nyɔ̍ mu̍-a mɔ̀ i̍ tèle-ɛ, wɛ̀ mɔ̀ iě u̍h wlùh sèàɛ̍ dɛ̍ kɔn tìh mɔ̀ tè-a Nyɔsoa wlì-ɛ.

1 Pitɛ 3:8

Nɛ̀ɛ̍, mɔ̀ kli̍hgbɛ̍ mɔ̀ blě wlùh due, mɔ̀-a ku̍-a chlɛ̌n-ɛ iě due nɛ. Mɔ̀ jbɛɛ mɔ̀ ba̍ᵻ Nyɔsoa nyɔ̍-ɔ, nɛ̀ mɔ̀ nmɔ gblɛ̍n-ɛ, mɔ̀ bɔ̌ mɔ̀-a chɛ̀ i̍ bɛ̌-ɛ.