Ɛfɛsɔ 4:18 - Ku̍o̍ Delee 1999

¹⁸ U̍h-a wlùh gbe kɛ̍n i̍ dǒ dɛ̍ɛ̍ i̍ wɔ̌n la̍-a, sɔ u̍h nɛ-ɛ fɔ̌ i̍ dǒ kmɔ̌ Nyɔsoa nyǐ-a àɔ̀-ɛ we̍. Dɛ̍nu̍ɛ, u̍h-a se̍ dɛ̍ jlǐh juo ke u̍h-a dlǔ ku̍-ɛ bo ɛ̀ nu̍ ɛ̍.

Ɛfɛsɔ 4:18 Iomraidhean Croise

Matio 13:15

Dɛ̍nu̍ɛ, nyɔ̍ la u̍h ku̍ dlǔ. Iě u̍h-a sà nyɔ̍ dounᵻ. Iě u̍h ka̍n u̍h-a jlǐh. Pò ɛ̍ se̍ la̍a̍n nɛ de-ɛ, nɛ̀ u̍h-a jlǐh-a mu̍ i̍ jě de, u̍h-a dounᵻ iě i̍ wɔ̌n de, iě u̍h-a wlùh iě dɛ̍ɛ̍ i̍ wɔ̌n de. Nɛ̀ u̍h-a mu̍ nɔ̌ ǐn we̍ i̍ bǐi de wɛ̀ iě u̍h pǔh-i, kǎ Nyɔsoa dǎ.’

Pɔ̀n Chɛ̀ Maɛ To-a La 3:5

Wɛ̀ ɔ̍ gbèɛ̀ɛ̍n u̍h ja̍ i̍, jɛ nɛ̀ ɔ̍ gbǎ jlu̍h-u. Sɔ nɛ̀ dɛ̍ u̍h nu̍-a dlǔ ku̍-ɛ, ɛ̍ po̍ ɔ̍ kà di̍i̍. Wɛ̀ ɔ̍ la̍a̍ dě jɔ̍gbau we̍, “Slɛ̌ɛ àn kɔba i̍.” Wɛ̀ ɔ̍ slɛ̌ɛ ɛ̍ i̍, iě ɔ̍ kɔba nmɔ jii̍ dode̍.

Chɔɔn 12:40

“Nyɔsoa gbe-e dě u̍h jlǐh, iě ɔ̍ mǎ-ɛ u̍h-a pɔluh, u̍h-a jlǐh-i je̍e i̍ jě, wɛ̀ u̍h-a wlùh-u je̍e dɛ̍ɛ̍ i̍ wɔ̌n. Wɛ̀ u̍h-u je̍e dě ɔ̍ we̍ i̍ bǐi, ɔ̍-ɔ je̍e u̍h pǔh-i.”

Nu̍-dɛ̍ᵻ 17:30

Ti̍ kmɔ̌ nyɔ̍ se̍-a dɛ̍ jlǐh juo tɛin-ɛ, nɛ̀ Nyɔsoa-a tàn-ɛ dɛ̍ᵻ jlǐh kɛ̍n de. Jɛ kaka nɔ̀ɔ̍, ɔ̍ sèàɛ̍ la̍ nyɔ̍ wlùh tà kli̍hgbɛ̍ u̍h iě i̍ bǐi.

Nu̍-dɛ̍ᵻ 3:17

“Jɛ dɛ̍ ǐn juo-aɛ, ǐn de̍di̍i̍ᵻ, dɛ̍ sɔ̀n mɔ̀ ke mɔ̀-a wlu̍ kwa̍ blě nyɔ̍ nu̍-a Jusu pùn-ɛ, mɔ̀ se̍ ɛ̍ i̍ juo dɛbo.

Wloma 1:28

Ka u̍h se̍-a Nyɔsoa-a tìh-a taǐn-a tìh i̍ wɔ̌ɛn-ɛ, ɛ̍ kɔn ɔ̍ tǎli u̍h i̍ wɛ̀ u̍h wɔ̀ dǒ u̍h-a tba̍ɛ kɛ̍n i̍ nu̍ wlùh de̍e̍, iě u̍h-a nu̍ se̍i̍kɔɛn.

Wloma 11:25

Ǐn de̍di̍i̍ᵻ, mɔ̀ bɔ̌ ka nu̍ mɔ̀ blě flɔ̍nwlùh kli̍hgbɛ̍ wɛ̀. Ǎn pɔ̀n mɔ̀ iě tìh-a taǐn ɛ̀ sìle-a juo. Ɛ̍ se̍ Eslɔɛ nyɔ̍ kli̍hgbɛ̍ ùh se̍ dlǔ ku̍. Jɛ kǎ ɛ̍ mu̍ nɛ ke̍ te̍e̍ wɛ̀ ùh se̍-a Juu nyɔ̍ ùh Nyɔsoa tba̍-a chèɛ̀-ɛ, wɛ̀ u̍h iě ɔ̍ we̍ ji̍.

Wloma 11:7

Nɛ̀ kaka la̍, dɛ̍ Eslɔɛ nyɔ̍-a pɔ̀n-a i̍-ɛ, u̍h se̍ ɛ̍ jě. Jɛ ùh Nyɔsoa tba̍-a chèɛ̀-ɛ bo ùh jě ɛ̍. Juh sie-aoɛ, u̍h ku̍ dlǔ.

Wloma 2:19

Ìn juo ɛ̍-ɛ gblagblǎ, mɔ̀ bo ɔ̀ nu̍ dɔ̌-nyɔ̍ wìè-e po̍ nyɔ̍. Nyɔ̍ ùh nɛ-a dě kwile-ɛ, mɔ̀ bo ɔ̀ nu̍ u̍h-a sɔ̀npli,

1 Kɔwlɛntiɔn 1:21

Nyɔsoa nu̍ ɛ̍ dě ɔ̍ flɔ̍nwlùh di̍i̍ wɛ̀ kmɔ̌ nyɔ̍ se̍ ɔ̍ juo-ɛ bɛ̌ɛ dě u̍h naɛ flɔ̍nwlùh di̍i̍. Dɛ̍ à bla̍-a iě kmɔ̌ nyɔ̍-a dǎɛ ɛ̍ se̍o̍nɛ. Nyɔ̍ ùh gbaɛ-a ɛ̍ wlùh-ɛ, u̍h-u bo Nyɔsoa pǔh-i.

1 Kɔwlɛntiɔn 2:8

Kmɔ̌ la ɛ̍ wlu̍ i̍ kɔn nyɔ̍-a nyɔ̍ se̍ flɔ̍nwlùh la blě. Pò u̍h blě ɛ̍ de-ɛ, nɛ̀ u̍h se̍ tìh-a i̍ bɛ̌-ɛ Joi dbǎ mu̍ dǒ gbàɛ̍ kɛ̍n i̍ tu̍ wlì de.

2 Kɔwlɛntiɔn 3:14

Jɛ u̍h-a wlùh-u wɔ̌n dɛ̍-ɛ i̍. Sèàn-a chɛ̀ jliɛ̍-a taǐn laa̍ ɛ̍ ka̍n-ɛ u̍h-a wlùh kɛ̍n ke̍ pò u̍h ja Mose-a telě chlǐh-dɛ̍ᵻ slè-ɛ. Dɛ̍nu̍ɛ, Klai nɛ due bo ɔ̀ sà ɛ̍ dǒ nyɔ̍ jua̍i̍.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

Kelesea 4:8

Mɔ̀ se̍ Nyɔsoa juo de tɛin, ɛ̍ kɔn mɔ̀ nu̍ kèi̍ᵻ dǒ nyɔsoa-a si̍h naɛ we̍.

Ɛfɛsɔ 2:1

Ti̍ mɔ̀-a nu̍-a gblɛ̍n sɔ̀ɛ̀n mɔ̀-a wa̍-a Nyɔsoa-a telě-ɛ, nɛ̀ mɔ̀ mɛ̌ wlɔ̀ i̍ de.

Ɛfɛsɔ 2:12

Ɛ̍ ti̍ laa̍ nɛ̀ mɔ̀ nɛ-ɛ fɔ̌ i̍ dǒ Klai we̍. Nɛ̀ mɔ̀ ke Nyɔsoa-a chèɛ̀ tba̍ nyɔ̍ se̍ nɔ̌ i̍ nɛ-ɛɛ. Ku̍o̍ ìh Nyɔsoa po̍-a dǒ ɔ̍ tɔ̀ma̍a̍ wlu̍ kɛ̍n-ɛ, nɛ̀ mɔ̀ nu̍ dakɔ̍ pàɔ̀n dǒ i̍h we̍. Nɛ̀ mɔ̀ se̍ wlùh i̍ kɔ̍ dɛ̍ blě, iě mɔ̀ se̍ Nyɔsoa dɛ i̍ juo nɔ̌ kmɔ̌ we̍.

Kalase 1:21

Mɔ̀ poe Nyɔsoa kɛ̍n i̍ tɛin, iě mɔ̀ nu̍ ɔ̍ nyɛ̌-nyɔ̍ dǒ dɛ̍ᵻ sɔ̀nᵻ mɔ̀ nu̍-aɛ we̍.

1 Tɛsoloniɔn 4:5

Bɔ̌ ɛ̍ wlùh sɔ̀n we̍ blě-ɛ, ka nyɔ̍ ùh se̍-a Nyɔsoa juo-ɛ.

Iblu 5:2

Ka dɛ̍ᵻ dɔu-a nu̍-a ɔ̍ gbǐh-a sɔɔn ke-ɛ, nɛ̀ ɔ̍ bɛ̌ɛ gba̍n gbɛ̍n-ɛ sǔh dǒ nyɔ̍ ùh se̍-a dɛ̍ jlǐh juo ùh-a nu̍-a klǐ-dɛ̍ᵻɛ́ we̍.

Iblu 9:7

Jɛ dě jliɛ̍ de̍e̍ ka laa̍, slaǎ sà nyɔ̍-a dlǔtu nɛ due bo ɔ̀ pa̍-e. Ɔ̍ nu̍ deě pa̍-a due dǒ sɔ̀n di̍i̍. Jɛ ɔ̍-ɔ ja-e mu̍ wɛ̀ ɔ̍-ɔ se̍ nmi̍ɛ̍-a nymɔ̍ gba̍. Nymɔ̍ laa̍ bo ɔ̍ to dǒ ɔ̍ chɛ̀ ke Eslɔɛ nyɔ̍-a gblɛ̍n sɔ̀ɛ̀n u̍h nu̍-a ìh kɔn dɛ u̍h se̍-a i̍ juo-ɛ we̍.

Chiin 4:4

Mɔ̀ɔ̍ la ùh sɔ-a dǒ Nyɔsoa de̍e̍-ɛ, ka pò nyɔ̍ jbɛɛ kmɔ̌-ɛ, nɛ̀ ɔ̍ nu̍-a Nyɔsoa-a nyɛ̌-nyɔ̍-ɛ, mɔ̀ se̍ i̍h juo ae? Nyɔ̍ jɔ pɔ̀n-a kmɔ̌-a jbɛɛ nyɔ̍ nu̍-ɛ i̍-ɛ, nɛ̀ ɔ̍ nu̍ ɔ̍ chɛ̀ Nyɔsoa-a nyɛ̌-nyɔ̍ we̍i̍.

1 Pitɛ 1:14

Mɔ̀ nu̍ Nyɔsoa-a wlu̍, nɛ̀ mɔ̀-a chɛ̀-a wlùh dɛ̍ᵻ mɔ̀-a nu̍-a tɛin ti̍ mɔ̀ se̍-a Klai juo-ɛ, mɔ̀ bɔ̌ wɔ̌n-ɛ i̍h bɔ̌ dě mɔ̀-a kmɔ̌ di̍i̍ nɛ-ɛ dɛ.

1 Chɔɔn 2:11

Jɛ nyɔ̍ ɔ̀ faɛn-a ɔ̍ de̍di̍i̍-ɛ, nɛ̀ ɔ̍ nɛ dě kwile-e, iě ɔ̍ na-ɛ dě kwile-e. Nɛ̀ ɔ̍ se̍ ɔ̍ chɛ̀-a mu̍-i la̍ juo, dɛ̍nu̍ɛ, kwile gbe-e dě ɔ̍ jlǐh.