Ɛfɛsɔ 4:17 - Ku̍o̍ Delee 1999

¹⁷ Nɛ̀ɛ̍, ǐn gbɛ̍n mɔ̀-a bu̍hᵻ i̍ dǒ Joi-a nynɛ̌ kɛ̍n, mɔ̀ bɔ̌ kmɔ̌ nɛ-ɛ dɛ ka se̍ Nyɔsoa juo nyɔ̍-ɛ. Dɛ̍nu̍ɛ, u̍h nɔ̀ɔ̍, pɔ̀ɔ̍pìe̍ dɛ̍ᵻ bo u̍h-a slè-e wlùh i̍.

Ɛfɛsɔ 4:17 Iomraidhean Croise

Pɔ̀n Chɛ̀ Luu To-a La 16:28

Dɛ̍nu̍ɛ, ǐn blě de̍di̍i̍ᵻ m̀m̌, wɛ̀ ɔ̍ iě u̍h wɔ̍i̍n gbɛ̍n-ɛ u̍h-u je̍e nɔ̍ɔ̀ la ǎn jě-ea ka tìh-ɛ ji̍ ke.’

Nu̍-dɛ̍ᵻ 14:15

“Dɛ̍nu̍ mɔ̀-a nu̍ dɛ̍ la ɛ? Àɔ̀ la ka mɔ̀ nu̍-a wlɔ̀ nyi̍ɔ̍-ɛ, kǎ à nɛ ke. À nɛ da̍a à iě pɔ̀n chɛ̀-a tìh bla̍ dě mɔ̀ we̍. À sèàɛ̍ mɔ̀ wlùh mɔ̀ iě pɔ̀ɔ̍pìe̍ dɛ̍ᵻ la kɛ̍n i̍ poe, wɛ̀ mɔ̀ iě dě kmɔ̌ nɛ Nyɔsoa we̍ i̍ bǐi. Nyɔsoa bo ɔ̀ nu̍ blǔh ke ja̍u̍n ke jbǒ, ɛ̍ ke dɛ̍ᵻ kli̍hgbɛ̍ nɛ-a dě i̍h di̍i̍-ɛ ke.

Nu̍-dɛ̍ᵻ 18:5

Ti̍ Sale ke Timote sɔ-a Mɛsedonia fɔɔ u̍h sǐ-a wlɔ̀ i̍-ɛ, sɔ Nyɔsoa-a tìh bla̍-a bo Pɔɔ tè-o jua̍i̍ wɛ̀ sǔh. Ɔ̍ sèàɛ̍ Juu nyɔ̍ wlùh te̍gbe̍i̍n ka Jusu bo ɔ̀ nu̍-a Nyɔsoa-a Chèɛ̀ Tba̍ju-ɛ.

Nu̍-dɛ̍ᵻ 2:40

Wɛ̀ Pitɛ bla̍ gbòɛ̀ diih dě u̍h we̍, iě ɔ̍ tù u̍h slɛ̌n, ɔ̍ la̍a̍, “Ǐn gbɛ̍n mɔ̀-a bu̍hᵻ, mɔ̀ sèìe mɔ̀-a chɛ̀ dě ti̍laa nyɔ̍-a tba̍ɛ kɛ̍n i̍ la di̍i̍ lě.”

Nu̍-dɛ̍ᵻ 20:21

Nɛ̀ ǎn gbɛ̍n-ɛ Juu nyɔ̍ ke ùh se̍-a Juu nyɔ̍-ɛ wɔ̍i̍n u̍h iě dě Nyɔsoa we̍ i̍ bǐi, wɛ̀ u̍h iě à Joi Jusu wlùh gbaɛ.

Wloma 1:21

U̍h juo Nyɔsoa-a tìh, jɛ u̍h-u tè ɔ̍ ja̍, iě u̍h wɔ̍-ɔ po̍ ɔ̍ tlɔ̌ ke. U̍h boe, u̍h-a wlùh gbe kɛ̍n i̍, iě u̍h-a wlùh i̍ naɛ dɛ̍ᵻ se̍ dɛ̍kɛ̍n gbǎ.

1 Kɔwlɛntiɔn 1:12

Dɛ̍ ǎn sà-aɛ, ɛ̍ nu̍ mɔ̀-a jɔ-ɛ, nɛ̀ ɔ̍ la̍a̍, “Mɔ̍ Pɔɔ-a nyɔ̍,” nɛ̀ dɔɔ la̍a̍, “Mɔ̍ Apolo-a nyɔ̍,” nɛ̀ dɔɔ la̍a̍, “Mɔ̍ Pitɛ-a nyɔ̍,” nɛ̀ dɔɔ la̍a̍, “Mɔ̍ Klai-a nyɔ̍.”

1 Kɔwlɛntiɔn 15:50

Ǐn de̍di̍i̍ᵻ, ǎn sèàɛ̍ mɔ̀ wlùh, nyi̍ɔ̍ku ke nymɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ nyni̍-ɛ bɛ̌ɛ. Dɛ̍ ɛ̀ mu̍-a mɛ̌-ɛ, ɛ̍ se̍ dɛ̍ kɔn-ɛ bɛ̌ɛ dě dɛ̍ ɛ̀ se̍-a mɛ̌ la̍ kɔn-ɛ di̍i̍.

2 Kɔwlɛntiɔn 9:6

Mɔ̀ bɔ̌ mǎle-ɛ ka nyɔ̍ ɔ̀ po̍-a dɛ̍ᵻ wei-ɛ, nɛ̀ ɔ̍ mu̍-a dɛ̍ᵻ wei chɛ̍n-ɛ. Iě nyɔ̍ ɔ̀ po̍-a dɛ̍ᵻ dɔu-ɛ, nɛ̀ ɔ̍ mu̍-a dɛ̍ᵻ dɔu chɛ̍n-ɛ.

Kelesea 3:17

Dɛ̍ ǎn pɔ̀n-a iě-a bla̍-ɛ, ɛ̍ nu̍ Nyɔsoa po̍ ku̍o̍ dě Eblaɛɛn we̍, iě ɔ̍ po̍ wlu̍ tɔ̀ma̍a̍ ka ɔ̍ se̍-a ɛ̍ wa̍ mu̍-ɛ. Telě ɛ̀ nu̍-a sɔ̀nᵻá kmɛ nyìɛ̍ kwela ta̍a̍n (430) wɛ̀-ɛ, ɛ̍ se̍ ku̍o̍ la wa̍-a bɛ̌ɛ wɛ̀ ɛ̍ iě Nyɔsoa-a tɔ̀ma̍a̍ wlu̍-a chɛ̀ dǒ wìè-i sà.

Kelesea 5:3

Ǎn sèàɛ̍ nyɔ̍ kli̍hgbɛ̍ wlùh dɛ, nyɔ̍ jɔ mu̍-a wɔ̌n u̍h iě-a plɔ̀n po̍-ɛ, nɛ̀ ɔ̍ kɔn ɔ̍ iě telě kli̍hgbɛ̍ dɛ̍ɛ̍ jě.

Ɛfɛsɔ 1:22

Wɛ̀ Nyɔsoa po̍ dɛ̍ᵻ kli̍hgbɛ̍ dě Klai bu̍h sɔ̀n. Iě Nyɔsoa nu̍ ɛ̍ ɔ̍ iě dǒ dɛ̍ᵻ kli̍hgbɛ̍ dlǔwèàì nɛ dǒ chɔchi̍h we̍.

Ɛfɛsɔ 4:22

Mɔ̀-a tu̍ soa mɔ̀ nɛ-a dě di̍i̍ de ɛ̀ kɔn-a dǒ mɔ̀-a kmɔ̌ soa we̍-ɛ, mɔ̀ sɔ dě ɛ̍ di̍i̍. Ɛ̍ nyni i̍ mɔ̀ jii̍ dǒ mɔ̀-a chɛ̀-a wlùh dɛ̍ᵻ ìh-a boe-a mɔ̀ i̍-ɛ we̍.

Kalase 2:18

Nyɔ̍ duuh-a ja u̍h-a chɛ̀ wlù fɔɔ ka iě u̍h-a sà Nyɔsoa-a ǐnchɔ̀ wɛɛ. Mɔ̀ bɔ̌ wɔ̌n-ɛ u̍h bɔ̌ mɔ̀-a wɔ̍n klèɛ̍-ɛ sà-a. Nyɔ̍ kaɛn laa̍ u̍h-a se̍ mɔ̌ ja̍ᵻ u̍h-a ja̍-a bo u̍h tè wlì. Wlɔ̀ nyi̍ɔ̍-a flɔ̍nwlùh bo u̍h-a blɔ̌-ɛ i̍ bu̍ɛ̍i̍.

Kalase 2:4

Ǎn sà ìh la-a wɛ̀ nyɔ̍-ɔ je̍e mɔ̀ i̍ boe dǒ u̍h-a wɔ̍n i̍ nmɔ-ɛ we̍.

1 Tɛsoloniɔn 4:6

Nɛ̀ɛ̍, nyɔ̍ bɔ̌ ɔ̍ de̍di̍i̍ dɛ̍ sɔ̀n pùn nu̍-ɛ, àe̍e̍ ɔ̍ bɔ̌ ɔ̍ wɔ̍n sìì dɛ nu̍-ɛ dě blǐ tǐn-i dɛ la di̍i̍. À sèàɛ̍ mɔ̀ wlùh se̍e̍, iě à gbòɛ̀ɛ̀ mɔ̀ ka Joi-a mu̍-a ɛ̍ we̍ nyɔ̍ kàn gbɛ̍n-ɛ.

1 Timote 5:21

Da̍a Jusu Klai ke, Nyɔsoa ke ɔ̍ ǐnchɔ̀ jlǐhwai bo ǎn chlì-i àn dounᵻ. Nu̍ slɛ̌ ǎn po̍-a ìn chèɛ̀-ɛ i̍-ɛ. Bɔ̌-e nyɔ̍ i̍ chlɛ̌-ɛ, bɔ̌ wìè fɔ̌ due sà-a.

1 Timote 6:13

Nɛ̀ɛ̍, Nyɔsoa ɔ̀ nyǐ-a dɛ̍ᵻ kli̍hgbɛ̍ feɛ-ɛ ke, Jusu Klai jɔ wlu-a ɔ̍ wlùh gbaɛ blě tìh gbài̍gbài̍ dǒ Pɔntiɔ Pale jǔ-ɛ, da̍a u̍h jǔ bo ǎn po̍-e ìn slǔh.

2 Timote 4:1

Dǒ Nyɔsoa ke Jusu Klai jɔ mu̍-a mɛ̌-nyɔ̍ ke kmɔ̌ nɛ nyɔ̍-a sàwi̍h sì-ɛ jǔ bo ǎn poe ka ìn slǔh. Dɛ̍nu̍ɛ, ɔ̍ mu̍ ji̍ ɔ̍ iě kmɔ̌ wlu̍ i̍ kɔn.

1 Pitɛ 1:18

Mɔ̀ juo ka Nyɔsoa nu̍-a mɔ̀ kɛ̍ɛ̍n pùhbɔ-ɛ dě mɔ̀ baaᵻá pɔ̀ɔ̍pìe̍ kmɔ̌ di̍i̍-ɛ. Ɔ̍ se̍ sebla̍ ke kòo̍ ìh-a gbɔ̀lɔ-aɛ nu̍ dǒ mɔ̀ kɛ̍ɛ̍n pùhbɔ la̍.

2 Pitɛ 2:18

U̍h-a chɛ̍n blɔ̌-ɛ ke bo-sɔ̀ìn. Wɛ̀ u̍h-a nu̍ se̍i̍kɔɛn, nyɔ̍ ùh-a ple̍-a la̍ de ùh-a sɔ-a dě dɛ̍ᵻ sɔ̀nᵻ di̍i̍ tǐn nyɔ̍ we̍-ɛ, u̍h-u bo u̍h-a po̍ dě de̍ biě laa̍ di̍i̍.