Ɛfɛsɔ 4:16 - Ku̍o̍ Delee 1999

¹⁶ Dě ɔ̍ ja̍a̍ bo ku̍ kli̍hgbɛ̍ tùi i̍ iě ɛ̍ gbe̍ɛ̍ɛn i̍, wɛ̀ ɛ̍ poe-ɛ nǐ i̍. Pò ka ɛ̍ fɔ̌ᵻ nu̍-a nɛ-ɛ i̍h ja laan dbo̍ nu̍-ɛ nu̍-ɛ, nɛ̀ ku̍-a chɛ̀ ɛ̍ mu̍ ku̍ wɛ̀ ɛ̍ iě ɛ̍ chɛ̀ dǒ ta̍i̍ po̍ dě jbɛɛ di̍i̍.

Ɛfɛsɔ 4:16 Iomraidhean Croise

Chɔɔn 15:5

“Mɔ̍ bo ɔ̀ nu̍ tlo-dɛ̍ᵻá tu̍, mɔ̀ɔ̍ bo ùh nu̍ ɛ̍ bu̍hᵻ. Nyɔ̍ ɔ̀ nɛ-a dě ǐn ja̍a̍-ɛ, nɛ̀ ǐn nɛ dě ɔ̍ ja̍a̍ ke. Nɛ̀ ɔ̍-ɔ bo ɔ̀ mu̍ buǒᵻ dɔu tlo. Pò mɔ̀ sà ǐn sɔ̍nᵻ i̍-ɛ, nɛ̀ mɔ̀ se̍ dɛ̍ nu̍-ɛ bɛ̌ɛ mu̍.

Wloma 12:4

Nyi̍ɔ̍tu blě fɔ̌ᵻ dɔu, wɛ̀ i̍h-a nu̍-dɛ̍ᵻ se̍ due nɛ.

1 Kɔwlɛntiɔn 10:17

Blèe̍ gba̍n nɛ due, wɛ̀ àɔ̀ dɔu la iě à nu̍ nyɔ̍ due, dɛ̍nu̍ɛ, à kli̍hgbɛ̍ à gblè-e blèe̍ gba̍n due kwa̍a̍ i̍.

1 Kɔwlɛntiɔn 13:13

Ɛ̍ tìh-ɛ, wlùh gbaɛ ke, dɛ̍ wlì tè-ɛ ke jbɛɛ bo ìh se̍ i̍ sì mu̍. Jɛ i̍h nɛ-a ta̍a̍n-ɛ, jbɛɛ bo ɛ̀ ku̍ wɔ̍n.

1 Kɔwlɛntiɔn 8:1

Nɛ̀ɛ̍, ɛ̀ la bo ɛ̀ tba̍ dǒ kwɛ̍i̍n gbo̍ᵻá slaǎ sà di̍-dɛ̍ᵻ pùn i̍. À juo i̍h ka “à kli̍hgbɛ̍ à blě-a tɔɔ-ɛ.” Jɛ tɔɔ-a bɛ̌-ɛ ɛ̍ chɛ̀ i̍, wɛ̀ jbɛɛ nɔ̀ɔ̍, ɛ̍ po̍ muɔ.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Ɛfɛsɔ 1:4

Kmɔ̌ la ɛ̍ iě-a nui-ɛ, nɛ̀ ɔ̍ tba̍ à chèɛ̀ wɛ̀ se̍e̍ à ke Klai iě due nɛ. Ɔ̍ tba̍ à chèɛ̀ à iě nɛi̍ wɛ̀, wɛ̀ à nynɛ̌-ɛ je̍e kɔ̌ dǒ ɔ̍ jlǐhwai. Nyɔsoa-a à-a jbɛɛ bo

Ɛfɛsɔ 3:17

Wɛ̀ Klai iě dě mɔ̀ wlùh di̍i̍ tǐn dǒ mɔ̀-a wlùh gbaɛ blě-ɛ we̍. Ǎn ba̍le Nyɔsoa wɛ̀ jbɛɛ iě mɔ̀-a blǔh nu̍ mɔ̀ iě ɛ̍ sɛ̌n kɛ̍n poe, wɛ̀ mɔ̀ iě i̍ ku̍.

Ɛfɛsɔ 3:7

Nyɔsoa-a gbǐh-a nu̍ dbo̍, ɛ̍ kɔn ɔ̍ blɛ nɛ-ɛ nui ǐn pòi̍ju dǒ pɔ̀n chɛ̀ la we̍.

Ɛfɛsɔ 4:12

Ɔ̍ nu̍ ɛ̍-ɛ wɛ̀ ɔ̍ iě Nyɔsoa-a nyɔ̍ gba̍a̍ po̍ dǒ Nyɔsoa-a dbo̍ u̍h-a mu̍-a nu̍-ɛ we̍. Wɛ̀ u̍h iě ɔ̍ nyɔ̍ ùh nu̍-a ɔ̍ ku̍-ɛ dǒ ta̍i̍ po̍.

Ɛfɛsɔ 4:15

Jɛ pò à ja la̍ tìh-a taǐn sà dě jbɛɛ di̍i̍-ɛ, nɛ̀ à mu̍ ku̍ tà kli̍hgbɛ̍ wɛ̀ à iě Klai wɔ̀ ɔ̀ nu̍-a chɔchi̍h-a dlǔ-ɛ.

Felepai 1:9

Ǎn ba̍le wlu̍ nu̍ mɔ̀-a jbɛɛ iě kɛ̍n i̍ gboǎɛ dě tɔɔ blě-ɛ ke dɛ̍ ɛ̀ slɛ̌-a i̍-ɛ juo-ɛ di̍i̍.

Kalase 2:19

Dɛ̍nu̍ɛ, nɛ̀ Klai jɔ nu̍-a chɔchi̍h-a dlǔ, ɔ̍ jɔ gbɛ̀n-a dǒ ku̍ kli̍hgbɛ̍ we̍ i̍ wɛ̀ ɛ̍ di̍-a dɛ̍, iě ɛ̍ tùi-a i̍, wɛ̀ ɛ̍ ku̍-a Nyɔsoa-a wlùh dɛ̍-ɛ, nɛ̀ ɔ̍ bo u̍h tǎli i̍ wɛ̀.

Kalase 2:2

Ǎn nu̍ ɛ̍-ɛ wɛ̀ ɛ̍ iě u̍h-a wlùh fùka, u̍h iě due nɛ dě jbɛɛ di̍i̍. Nɛ̀ u̍h-a mu̍ dɛ̍ɛ̍ i̍ wɔ̌n-ɛa nya̍ pàn-ɛ slèěslè, wɛ̀ u̍h iě Klai ɔ̀ nu̍-a Nyɔsoa-a sìle dɛ̍-ɛ juo.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.

1 Tɛsoloniɔn 3:12

Ǎn sà nǐ wɔ̍n dɛ ke, Joi iě mɔ̀-a we̍ jbɛɛ kɛ̍n poe, ɛ̍ ke dǒ nyɔ̍ kli̍hgbɛ̍ we̍ ke, ɛ̀ kɔn ba̍ à nu̍-a mɔ̀ɔ̍ jbɛɛ-ɛ.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

1 Timote 1:5

Jbɛɛ ɛ̀ sɔ-a dě pɔluh wlaǎwla we̍-ɛ ke wlùh ɛ̀ se̍-a kɛ̍ i̍ nɛ-ɛ ke wlùh gbaɛ ɛ̀ wɛ̀-a nɛi̍-ɛ, ɛ̍ kɔn tìh ǎn po̍ ìn slɛ̌ chèɛ̀ i̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Chɔɔn 4:16

Jbɛɛ Nyɔsoa blě-a dǒ à we̍-ɛ, à chɛ̀-a gbǎ juo ɛ̍ i̍ iě à gbaɛ ɛ̍ wlùh. Nyɔsoa mɔ jbɛɛ nɛ̀ nyɔ̍ jɔ nɛ-a dě jbɛɛ di̍i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ dě ɔ̍ ja̍a̍.