Ɛfɛsɔ 4:14 - Ku̍o̍ Delee 1999

¹⁴ Nɛ̀ à se̍ nynuu̍plìh wɔ̀ mu̍ dɛ dode̍, wɛ̀ nyɔ̍ i̍ boe nyɔ̍-a nǎ po̍ wlu̍-a poɔ-ɔ je̍e à gba̍. Nɛ̀ à se̍ mu̍-ɔn ji̍-ɔn nu̍ mu̍ dǒ u̍h-a gblàa̍ ɛ̀ po̍-a nyɔ̍ chǔh we̍ niɔ̍-ɛ pùn.

Ɛfɛsɔ 4:14 Iomraidhean Croise

Matio 11:7

Chɔɔn-a kòà-a sɔ-a la̍-oɛ, wɛ̀ Jusu tè wlu-ɛ gbɔ̀ dě nyɔ̍ tlùgbei̍ laa̍ we̍ Chɔɔn tìh. Ɔ̍ la̍a̍, “Ti̍ mɔ̀ mu̍-a dě Chɔɔn we̍ kwlǎslò we̍-ɛ, dɛ̍ mɔ̀ mu̍ jě la̍ ɛ? Dli̍h wlɔ̍nᵻ ìh poɔ-a gba̍-a, i̍h bo mɔ̀ mu̍ jě la̍ ae?

Matio 24:11

Nɛ̀ Nyɔsoa-a tu̍owli po̍ nyɔ̍-a si̍h naɛ dɔu-a mu̍ mɔ̀ kɛ̍n wlǔh-i, u̍h iě nyɔ̍ dɔu i̍ boe.

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Nu̍-dɛ̍ᵻ 23:21

Jɛ bɔ̌ ɛ̍-ɛ wɔ̌ɛn-ɛ, dɛ̍nu̍ɛ, u̍h-a nyɔ̍ ùh tè-ea ɔ̍ gbɛ̀ɛ̀-ɛ, u̍h sì kwela nyìɛ̍ (40) kɛ̍n. U̍h tè u̍h-a chɛ̀ di̍i̍h, u̍h la̍ u̍h se̍ niɛ̍ nǎ mu̍ te̍e̍ wɛ̀ u̍h iě ɔ̍ dbǎ-a wɔ̀. U̍h chlìì kɛ̍n wɛ̀, ka àn mu̍-a dǎ-a bo u̍h-a chlì la̍ we̍ i̍ sǔh.”

1 Kɔwlɛntiɔn 12:2

Mɔ̀ juo ɛ̍-ɛ, ti̍ mɔ̀ se̍-a Nyɔsoa juo-ɛ, nɛ̀ kwɛ̍i̍n gbo̍ᵻ ìh se̍-a feɛ blě-ɛ i̍h mɔ̀-a sà wɛɛ. Nɛ̀ ka mɔ̀ jě-ɛ mɔ̀-a nu̍.

1 Kɔwlɛntiɔn 14:20

Ǐn de̍di̍i̍ᵻ, mɔ̀ bɔ̌ wlùh i̍ naɛ ka nynuu̍plìh-ɛ. Dǒ dɛ̍ sɔ̀n we̍ bo mɔ̀ iě nynuu̍plìh wɔ̀ɛ-ɛɛ. Jɛ mɔ̀ nu̍ nyɔ̍ klaaᵻ nɔ̀ɔ̍ dǒ wlùh-i naɛ la̍.

1 Kɔwlɛntiɔn 3:19

Dɛ̍ kmɔ̌ la ɛ̍ dǎɛ-a flɔ̍nwlùh-ɛ, nɛ̀ se̍o̍nɛ bo dǒ Nyɔsoa we̍. Nyɔsoa-a wlu̍ la̍a̍, “Ɔ̍ gbɛ̍n di̍i̍ i̍ flɔn nyɔ̍ dě u̍h-a chɛ̀-a gblàa̍ kɔn-ɛ di̍i̍.”

2 Kɔwlɛntiɔn 2:17

À ke nyɔ̍ dɔu ùh-a ple̍-a Nyɔsoa-a wlu̍-ɛ se̍ wɔ̀ɛ. Dɛ̍nu̍ɛ, Nyɔsoa bo ɔ̀ dbo̍ àɔ̀. Tìh gbɛ̍n àɔ̀ i̍ dǒ wlu la̍ dǒ Nyɔsoa jǔ ka Klai-a pòi̍nynuu̍-ɛ.

2 Kɔwlɛntiɔn 4:2

À se̍ sìle dɛ̍ᵻ ke tɛ̀n dɛ̍ᵻ kli̍hgbɛ̍-a ti̍ blě. À-a nu̍ nyɔ̍ i̍ boe dɛ̍ᵻ, à-a sà-ɛ Nyɔsoa-a wlu̍ gbààn i̍ ke. Jɛ tìh-a taǐn nɛ due bo à bla̍. À fɔ̀n dɛ̍ we̍ à iě dě nyɔ̍ kli̍hgbɛ̍ jlǐh i̍ nmɔ dǒ Nyɔsoa jǔ.

Kelesea 3:1

Mɔ̀ɔ̍ Kelesea nyɔ̍ ùh bo-a we̍i̍-ɛ, ǐn juo ɛ̍-ɛ nyɔ̍ po̍ mɔ̀ dɛ̍ jlǐh. Ǐn nyna dǒ mɔ̀ jǔ i̍ wɛ̀ ǐn sèàɛ̍ ɛ̍ we̍ i̍ nmɔ jii̍ dě mɔ̀ we̍ ka Jusu Klai mɛ̌-a dǒ gbàɛ̍ kɛ̍n i̍ tu̍ wlì-ɛ.

Ɛfɛsɔ 6:11

Mɔ̀ pa̍ fɔ̀n-dɛ̍ᵻ kli̍hgbɛ̍ Nyɔsoa nyǐ-a mɔ̀-ɛ, wɛ̀ mɔ̀ iě Kǔ-a gblàa̍ i̍ nyna-a bɛ̌ɛ.

1 Timote 3:6

Ɛ̍ bɔ̌ nyɔ̍ ɔ̀ gbǎ-a dě chɔchi̍h delee bla-a nu̍-ɛ, ɔ̍-ɔ je̍e blɔ̌. Wɛ̀ ka Nyɔsoa nu̍-a Kǔ kɛ̀n sà-aɛ, ɔ̍-ɔ je̍e laan nɛ ke.

2 Timote 1:15

Ìn juo ɛ̍-ɛ nyɔ̍ kli̍hgbɛ̍ nɛ-a dě Esea bloa̍ kɛ̍n-ɛ, u̍h poe ǐn kɛ̍n i̍ wɛ̀. Fekɛlɔ ke Ɔmɔchini nɛ dě u̍h-a kòo ke.

2 Timote 3:13

Nɛ̀ dɛ̍ᵻ sɔ̀nᵻ nyɔ̍ ke de̍ sì nyɔ̍-a mu̍ dě de̍i̍ gbǎ. U̍h-a boe nyɔ̍ɔ i̍, iě u̍h-a boe u̍h-a chɛ̀ i̍ ke.

2 Timote 4:3

Ɛ̍ mu̍ ti̍ kɔn nɛ̀ nyɔ̍ɔ se̍ dě Nyɔsoa dɛ-a nǎ po̍-ɛ we̍ dounᵻ po̍ mu̍, wɛ̀ u̍h iě dǒ u̍h-a chɛ̀-a wlùh dɛ̍ᵻ de̍e̍ wɔ̀. Nɛ̀ u̍h-a mu̍ nǎ po̍ nyɔ̍ dɔu i̍ gbòe dǒ u̍h-a chɛ̀ we̍, wɛ̀ u̍h iě dɛ̍ᵻ u̍h-a pɔ̀n-a wɔ̌n-ɛ i̍-ɛ sà.

Iblu 13:9

Mɔ̀ bɔ̌ wɔ̌n-ɛ nǎ po̍ wlu̍ kaɛn kaɛn bɔ̌ mɔ̀ dǒ wìè slɛ̌ i̍ kɛ̍n sà-a. Ɛ̍ nmɔ jii̍ Nyɔsoa-a blɛ iě à pɔluh i̍ kui ɛ̍ sìì di̍-dɛ̍ᵻá gbànᵻ tù-ɛ. Dɛ̍nu̍ɛ, nyɔ̍ ùh tù-a di̍-dɛ̍ᵻá gbànᵻɛ́, ɛ̍-ɛ po̍-o dɛ̍ dǒ u̍h we̍.

Chiin 1:6

Jɛ pò nyɔ̍ ja ɔ̍ dɛ̍ jbǎ-ɛɛ, nɛ̀ ɔ̍ blě wlùh gbaɛ. Jɛ nɛ̀ ɔ̍ bɔ̌ ɛ̍ pòkɔ̌ɔ po̍-ɛ. Nyɔ̍ jɔ po̍-a pòkɔ̌ɔ-ɛ, nɛ̀ ka poɔ-a ji̍ iě jbǒ-a dǒ-a nu̍ sàkǎsàkǎ-ɛ, nɛ̀ kǎ nyɔ̍ laa̍ ɔ̍ tìh nɛ.

Chiin 3:4

Gbɛ̀n blǎgbè ja̍ ìè jě ke. Ɛ̍ nu̍ dɛ̍ slìì iě tìlèè poɔ-a bli̍a ɛ̍. Tipɛ̌n juwɛ bo bli̍a nyɔ̍-a nu̍ iě ɔ̍ po̍ ɛ̍ wìè-e, iě ɛ̍ mu̍ tà ɔ̍ pɔ̀n-a ɛ̍ iě-a mu̍-ɛ.

2 Pitɛ 2:18

U̍h-a chɛ̍n blɔ̌-ɛ ke bo-sɔ̀ìn. Wɛ̀ u̍h-a nu̍ se̍i̍kɔɛn, nyɔ̍ ùh-a ple̍-a la̍ de ùh-a sɔ-a dě dɛ̍ᵻ sɔ̀nᵻ di̍i̍ tǐn nyɔ̍ we̍-ɛ, u̍h-u bo u̍h-a po̍ dě de̍ biě laa̍ di̍i̍.

1 Chɔɔn 2:19

Nyɔ̍ laa̍ u̍h se̍ nɔ̌ àɔ̀ we̍ kɔn, ɛ̍ kɔn u̍h tǎli àɔ̀ i̍. Pò u̍h kɔn nɔ̌ àɔ̀ we̍ de-ɛ, nɛ̀ u̍h-a mu̍ nɔ̌ àɔ̀ we̍ nɛ de. Jɛ u̍h-a mu̍-ɛ bo ɛ̀ flɔn-ɛ ɛ̍ we̍i̍ ka u̍h se̍-a nɔ̌ àɔ̀ we̍ kɔn-ɛ.

1 Chɔɔn 2:26

Ǎn chlǐh mɔ̀ ìh la we̍ dǒ ùh la ùh-a pɔ̀n-a mɔ̀ i̍ boe-ɛ i̍-ɛ u̍h-a dɛ we̍.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.

Judi 1:12

U̍h ke mɔ̀-a sɔ̍n jǔ gbo̍a̍ɛ-ɛ dǒ jbɛɛ dɛ̍ di̍ la̍-a ɛ̍ po̍ ɛ̍ mlɔ̌ wɔ̍n. Dɛ̍nu̍ɛ, u̍h ku̍ jii̍, iě u̍h-u gbɛ̍n u̍h-a chɛ̀ i̍. U̍h-a sì u̍h-a chɛ̀-a tìh sǔh. U̍h wɔ̀ nǐgbanᵻ ìh poɔ-a gba̍-a wɛ̀ i̍h-i dba̍-ɛa nǐ-ɛ. Tu̍ᵻ ìh kɔn tlo-o nɔɔ ji̍-a wɛ̀ i̍h-i tlo-aɛ, i̍h bo u̍h wɔ̀. Ɛ̍ kɔn i̍h wɔ̌li, wɛ̀ i̍h mɛ̌ jlɛjlɛ.

Wlɛfeleseɔn 19:20

Wɛ̀ tu̍h gbɛ̍n nmi̍ɛ̍-a chɛ̀ ke ɛ̍ tu̍owli po̍ nyɔ̍-a si̍h naɛ ɔ̀ po̍-a jbaɛdih dǒ ɔ̍ jǔ-ɛ. Nyɔ̍ ùh blě-a ka nmi̍ɛ̍-a juola ùh-a sà-a ɛ̍ mɛ̍-dɛ̍ wɛɛ-ɛ, jbaɛdih laa̍ bo ɔ̍ nu̍ iě ɔ̍ boe u̍h i̍. Nmi̍ɛ̍ ke tu̍owli po̍ nyɔ̍-a si̍h naɛ-a chɛ̀ poe-ɛ dě pɔ̀nɔ̌ nɛ̍-a pàìbǒ di̍i̍ wɛ̀.