Ɛfɛsɔ 4:12 - Ku̍o̍ Delee 1999

¹² Ɔ̍ nu̍ ɛ̍-ɛ wɛ̀ ɔ̍ iě Nyɔsoa-a nyɔ̍ gba̍a̍ po̍ dǒ Nyɔsoa-a dbo̍ u̍h-a mu̍-a nu̍-ɛ we̍. Wɛ̀ u̍h iě ɔ̍ nyɔ̍ ùh nu̍-a ɔ̍ ku̍-ɛ dǒ ta̍i̍ po̍.

Ɛfɛsɔ 4:12 Iomraidhean Croise

Pɔ̀n Chɛ̀ Luu To-a La 22:32

Jɛ ǐn ba̍le dǒ àn tàà wɛ̀ àn wlùh gbaɛ je̍e ìn si̍h wɔ̍n po̍. Nɛ̀ pò ìn fèàɛ̀ nɔ̌ ǐn we̍ dode̍-ɛ, nɛ̀ ìn po̍ ìn de̍di̍i̍ᵻ gbǐh ku̍u̍ ke o.”

Nu̍-dɛ̍ᵻ 1:17

Juda laa̍ à nyɔ̍ due bo dě à gbɔ̀ù di̍i̍. Ɔ̍ blě ɔ̍ naɛ nu̍-dɛ̍ ke de nɔ̌ dbo̍ la di̍i̍.” (

Nu̍-dɛ̍ᵻ 1:25

Iě gba̍tòà dbo̍ ɛ̀ Juda tǎli-a i̍ iě ɔ̍ mu̍-a tà ɔ̍ kɔn-aɛ, wɛ̀ ɔ̍ iě dǒ ɔ̍ wɔ̀ɔ̀ gbǎ-ɛ.”

Nu̍-dɛ̍ᵻ 11:23

Ti̍ ɔ̍ nyni̍-a deě-ɛ, dǒ ɔ̍ jě-e ɛ̍ ka Nyɔsoa nu̍-a blɛ nɛ-ɛɛ. Sɔ ɛ̍ po̍ ɔ̍ mɔna̍, iě ɔ̍ gbɛ̍n-ɛ nyɔ̍ laa̍ wɔ̍i̍n u̍h iě Joi dɛ kɛ̍n nɛ dǒ u̍h-a pɔluh kli̍hgbɛ̍ we̍.

Nu̍-dɛ̍ᵻ 20:24

Jɛ ǎn feɛ nɔ̀ɔ̍, ǐn se̍ ɛ̍ dɛ̍ dǎɛ. Jɛ pɔ̀n chɛ̀ la ɛ̀ kɔ̍-a dǒ Nyɔsoa-a blɛ pùn i̍-ɛ, ɛ̍ we̍i̍ bla̍ dbo̍ Joi Jusu nyǐ-a m-ɛ, ɛ̍-ɛ due gbài̍ ǎn pɔ̀n iě i̍ wɔ̀ gblaan.

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

Nu̍-dɛ̍ᵻ 9:31

Sɔ chɔchi̍h nyɔ̍ kli̍hgbɛ̍ nɛ-a dě Judia ke, Kaladii ke Sɛmewlea bloa̍ kɛ̍n i̍-ɛ, u̍h-a wlùh tè i̍, wɛ̀ u̍h-a gbǐh-a gbǎ-e. Nɛ̀ ka u̍h-a ple̍-a Joi-a faɔn-ɛ, nɛ̀ kǎ Nyɔsoa-a Sùù-a gbǎ u̍h we̍. Iě u̍h ku̍ dɛ̍blɔ.

Wloma 12:5

Ɛ̍ kɔn ba̍ bo ke, à tìè i̍ sǔh jɛ à ke Klai-a due nɛ-ɛ nu̍ ɛ̍ iě à nu̍ nyi̍ɔ̍tu due. Sɔ nɛ̀ jɔ-ɛ, nɛ̀ ɔ̍ ke àɔ̀ juh sie-a dǒ de̍-ɛ, à tùi i̍ iě à nu̍ nyi̍ɔ̍tu due.

Wloma 12:7

Pò ɛ̍ tù nyɔ̍ jǔ dbee-ɛɛ, nɛ̀ ɔ̍ nu̍ ɛ̍. Pò ɛ̍ tù nǎ po̍-ɛɛ, nɛ̀ ɔ̍ po̍ nyɔ̍ nǎ.

Wloma 14:19

Ka ɛ̍ nɛ-a ka-a, nɛ̀ dɛ̍ mu̍-a à kɛ̍n i̍ gbe̍ɛ̍ɛn-ɛ bo à iě we̍ fɔ̀n à iě nu̍. Mɔ̀ à nu̍ po̍ ìn ba̍ gbǐh ku̍u̍ ìn ba̍ po̍ ìn gbǐh ku̍u̍.

Wloma 15:14

Ǐn de̍di̍i̍ᵻ, jɛwɛ̀ ǎn pɔluh pɛ̌n i̍ dǒ mɔ̀ we̍ ka mɔ̀ blě-a gblɛ̍n chɛ̀ ke tɔɔ kli̍hgbɛ̍-ɛ, iě mɔ̀ bɛ̌ɛ-a slɛ̌n we̍ tù i̍-ɛ wɛ̀-ɛ.

Wloma 15:2

À jɔ-ɛ, nɛ̀ ɔ̍ tè-e ɔ̍ pònyɔ̍-a wlùh i̍ ɛ̍ iě ɔ̍ wlùh gbaɛ-ɛ i̍ kui.

Wloma 15:29

Nɛ̀ ǐn juo ɛ̍-ɛ ti̍ ǎn mu̍-a dě mɔ̀ we̍ ji̍-ɛ, ǎn mu̍ mɔ̀ pɔ̀ìě klaa ɛ̀ Klai blě-a dǒ mɔ̀ we̍-ɛ ja.

1 Kɔwlɛntiɔn 12:27

Nɛ̀ɛ̍, mɔ̀ɔ̍ bo ùh nu̍ ku̍ ɛ̀ kɔn-a dǒ Klai we̍-ɛ, iě mɔ̀ nu̍ ɛ̍ fɔ̌ᵻ due due dɛ.

1 Kɔwlɛntiɔn 12:7

Nyɔ̍ jɔ-ɛ, nɛ̀ Nyɔsoa-a Sùù nɛ dě ɔ̍ ja̍a̍ wɛ̀ ɔ̍ iě u̍h kli̍hgbɛ̍ we̍ gbǎ.

1 Kɔwlɛntiɔn 14:12

Ka mɔ̀-a wlùh-a nu̍-a jàjà mɔ̀ iě-a Sùù-a nyǐ-dɛ̍ᵻ blě-ɛ, nɛ̀ mɔ̀ fɔ̀n dɛ̍ we̍ mɔ̀ iě nyǐ-dɛ̍ᵻ ìh-a mu̍-a chɔchi̍h i̍ kui-ɛ blě.

1 Kɔwlɛntiɔn 14:14

Pò ǐn ba̍le dě wlu̍ diih po̍-ɛ di̍i̍-ɛ, nɛ̀ ǎn sùù bo ɛ̀ ba̍le, jɛ nɛ̀ ǎn wlùh se̍ dǒ ɛ̍ kɛ̍n i̍ kɔ̍.

1 Kɔwlɛntiɔn 14:26

Ka ǐn dǎ ka-o ǐn de̍di̍i̍ᵻ, pò mɔ̀ gbǎ tàdùè mɔ̀ iě Nyɔsoa wɛɛ sà-ɛ, nɛ̀ mɔ̀-a nyɔ̍ due ble̍, wɛ̀ dɔɔ iě nyɔ̍ nǎ po̍, nɛ̀ dɔɔ to Nyɔsoa-a nyɔ̍ i̍ toe dɛ̍, wɛ̀ dɔɔ iě wlu̍ diih po̍, wɛ̀ dɔɔ iě wlu̍ diih we̍ i̍ sèàɛ̍ nyɔ̍ nu̍. Dɛ̍ᵻ kli̍hgbɛ̍ kɔn i̍h iě nɛ dǒ chɔchi̍h-a gbǐh ku̍u̍ po̍-ɛ we̍.

2 Kɔwlɛntiɔn 12:19

Nyɔ̍-se̍-juo mɔ̀-a naɛ wlùh i̍ ti̍ kli̍hgbɛ̍ we̍, mɔ̀ la̍ à sà à chɛ̀ tìh dlǔ i̍ dǒ mɔ̀ jǔ. À wlu-i dǒ Nyɔsoa jǔ ka Klai-a pòi̍nynuu̍-ɛ. À tìh kma nyɔ̍, dɛ̍ᵻ kli̍hgbɛ̍ à nu̍-aɛ, à nu̍ i̍h i̍h iě-o mɔ̀ dɛ̍ po̍.

2 Kɔwlɛntiɔn 13:11

Ɛ̀ bɔ̌ɛ-aoɛ ǐn de̍di̍i̍ᵻ, mɔ̀ à nɛ klàe̍. Mɔ̀ fɔ̀n dɛ̍ we̍ mɔ̀ iě gblɛ̍ja̍i̍ wɛ̀. Mɔ̀ nu̍ ǎn slɛ̌n tù wlu̍, mɔ̀ wɔ̌ɛn wlu̍ i̍. Mɔ̀ na-ɛe wlùh-a i̍ tè-ɛ di̍i̍, nɛ̀ Nyɔsoa ɔ̀ jbɛɛ-a àɔ̀ iě ɔ̍ nyǐ-a à wlùh-a i̍ tè-ɛ, nɛ̀ ɔ̍ mu̍ mɔ̀ we̍ nɛ-o.

2 Kɔwlɛntiɔn 13:9

À gbǎ mɔna̍-a pò à gbǐh ja sɔɔn nu̍ iě mɔ̀ iě kmu-ɛ. Dɛ̍ kɔn tìh à ba̍le-aɛ, ɛ̍ nu̍ mɔ̀ iě gblɛ̍ja̍i̍ wɛ̀.

2 Kɔwlɛntiɔn 3:8

Jɛ ku̍o̍ ɛ̀ Nyɔsoa-a Sùù nyǐ-a àɔ̀-ɛ, ɛ̍ tìh-a i̍ bɛ̌-ɛ ku̍ wɔ̍n ɛ̍ sìì telě.

2 Kɔwlɛntiɔn 4:1

Dě Nyɔsoa-a wɔɛ kɔn-ɛ di̍i̍ bo ɔ̍ nyǐ-i àɔ̀ dbo̍ la à iě nu̍. Ɛ̍ tìh-ɛ, à se̍ se̍a̍ dǒ dbo̍ nu̍ la̍.

2 Kɔwlɛntiɔn 5:18

Nyɔsoa bo ɔ̀ nu̍ ìh kli̍hgbɛ̍ la. Ɔ̍ nu̍ ɛ̍ iě ɔ̍ ke à gbe̍ɛ̍ɛn kɛ̍n i̍ dě Klai ja̍a̍. Ɔ̍ nyǐ àɔ̀ dbo̍ à iě nu̍ wɛ̀ ɔ̍ ke nyɔ̍ duuh iě kɛ̍n i̍ gbe̍ɛ̍ɛn ke.

2 Kɔwlɛntiɔn 6:3

À se̍ pɔ̀n nyɔ̍-o-nyɔ̍ iě à dbo̍ kɛ̍ pùn jě. Ɛ̍ kɔn à fɔ̀n dɛ̍ we̍, à-a je̍e ɛ̍ nu̍ nyɔ̍-o-nyɔ̍ je̍e gbèle.

2 Kɔwlɛntiɔn 7:1

Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

Ɛfɛsɔ 1:23

Chɔchi̍h bo ɛ̀ wɔ̀ Klai-a ku̍ iě ɔ̍ wɔ̀ ɛ̍ dlǔ, wɛ̀ ɔ̍ jǐi chɔchi̍h i̍. Ɔ̍ nɛ tà kli̍hgbɛ̍, iě ɔ̍ jǐi kmɔ̌ kli̍hgbɛ̍-ɛ i̍.

Ɛfɛsɔ 4:16

Dě ɔ̍ ja̍a̍ bo ku̍ kli̍hgbɛ̍ tùi i̍ iě ɛ̍ gbe̍ɛ̍ɛn i̍, wɛ̀ ɛ̍ poe-ɛ nǐ i̍. Pò ka ɛ̍ fɔ̌ᵻ nu̍-a nɛ-ɛ i̍h ja laan dbo̍ nu̍-ɛ nu̍-ɛ, nɛ̀ ku̍-a chɛ̀ ɛ̍ mu̍ ku̍ wɛ̀ ɛ̍ iě ɛ̍ chɛ̀ dǒ ta̍i̍ po̍ dě jbɛɛ di̍i̍.

Ɛfɛsɔ 4:29

Mɔ̀ bɔ̌ wɔ̌n-ɛ wlu̍ sɔ̀n bɔ̌ dě mɔ̀ wɔ̍ɔ̍n sɔ-ɛ, jɛ wlu̍ ɛ̀ iě-a u̍h dǒ ta̍i̍ po̍ ɛ̀ blaɛ-a i̍ dǒ ti̍ laa̍ di̍i̍ ɛ̀ iě-a u̍h we̍ gbǎ-a, ɛ̍-ɛ bo mɔ̀ iě bla̍. Wɛ̀ nyɔ̍ ùh-a mu̍-a ɛ̍ dounᵻ we̍ po̍-ɛ, ɛ̍ iě-o u̍h-a dɛ̍ po̍.

Ɛfɛsɔ 4:4

Mɔ̀ɔ̍ ku̍ due ɛ̀ kɔn-a dǒ Klai we̍-ɛ, iě mɔ̀ blě Nyɔsoa-a Sùù ɛ̀ nɛ-a due-ɛ ke. Wɛ̀ Nyɔsoa dǎ mɔ̀ mɔ̀ iě wlùh kɛ̍n i̍ kɔ̍ dɛ̍ due blě.

Kalase 1:24

Kaka la̍ tìh ǐn jě-a dǒ mɔ̀ we̍-ɛ, ɛ̍ po̍ ǐn mɔna̍-a. Dɛ̍nu̍ɛ, tìh ǐn jě-a dǒ ǎn nyi̍ɔ̍ku we̍-ɛ, ɛ̍ nɛ kmɔ̌ wɛ̀ tìh jě-ɛ sie-a dǒ Klai we̍-ɛ, iě ǐn wɔ̀ ɛ̍ i̍ dǒ chɔchi̍h ɛ̀ nu̍-a ɔ̍ ku̍-ɛ we̍.

Kalase 1:28

À bla̍ ɔ̍ tìh dě nyɔ̍ kli̍hgbɛ̍ we̍. À gbòɛ̀ɛ̀ iě à po̍ u̍h nǎ dǒ flɔ̍nwlùh kli̍hgbɛ̍ we̍. Nɛ̀ ɛ̍ mu̍ kmɔ̌ nɛ u̍h iě ku̍ dě dɛ̍ɛ̍ i̍ wɔ̌n-ɛ di̍i̍ dě Klai ja̍a̍.

Kalase 4:17

Mɔ̀ sèàɛ̍ Achipo wlùh dbo̍ Joi nyǐ-a ɔ̍ ɔ̍ iě-a nu̍-ɛ, ɔ̍ iě ɛ̍ i̍ wɔ̀.

1 Timote 1:12

Ǐn po̍ à Joi Jusu Klai tlɔ̌, dɛ̍nu̍ɛ, ɔ̍ wlǎ ǐn wlùh dlǔ i̍ iě ɔ̍ tba̍ ǐn chèɛ̀. Wɛ̀ ɔ̍ nyǐ ǐn gbǐh iě ɔ̍ dbo̍ nu̍.

2 Timote 4:11

Luu nɛ due bo ɔ̀ nɛ da̍a ǐn we̍. Nɛ̀ ìn mu̍ Maɛ bǒ ɔ̍ ke ìè ji̍. Dɛ̍nu̍ɛ, ɔ̍ sà ǐn sɔ̍n-ɔ nɔ̌ dbo̍ la di̍i̍.

2 Timote 4:5

Jɛ mɔ̀ɔ̍, tù àn chɛ̀ tɔ̀ɔ̀n dǒ dɛ̍ᵻ kli̍hgbɛ̍ we̍. Ku̍-e klì i̍ dǒ jua̍i̍ sàɛ̀ la̍. Nu̍ àn pɔ̀n chɛ̀ bla̍ dbo̍, nɛ̀ ìn nu̍ ɛ̍ sɔ̍nᵻ ka ìn nu̍-a Nyɔsoa-a pòi̍ju-ɛ.

Iblu 13:17

Mɔ̀ nu̍ mɔ̀-a nyɔ̍ klaaᵻá wlu̍ mɔ̀ iě mɔ̀-a chɛ̀ wlù ja dǒ u̍h we̍. U̍h-u bo ùh-a tù mɔ̀-a tìh jlǐhɛ̍, dɛ̍nu̍ɛ, u̍h kɔn u̍h iě u̍h-a dbo̍-a tìh we̍ i̍ sèàɛ̍ dě Nyɔsoa we̍. Mɔ̀ jě u̍h dɛ̍ɛ̍ wɛ̀ u̍h iě nmɔ dǒ u̍h-a nyɔ̍ klaaᵻ nu̍ dɛ we̍, u̍h-a wlùh-u je̍e dě de̍ i̍ gbǎ. Jɛ pò ɛ̍ se̍ la̍a̍n nɛ-ɛ, nɛ̀ ɛ̍ se̍-o mɔ̀ dɛ̍ po̍ mu̍.

Iblu 6:1

Nɛ̀ɛ̍, mɔ̀ à sà bu̍h de̍ à iě cheǎn-dɛ̍ᵻá bloɔ̍ i̍ bloɔ̍ i̍ jih tba̍-a dǒ Klai pùn i̍-ɛ de̍ poe, à iě ku̍ dě i̍h cheǎn-a di̍i̍. Mɔ̀ à bɔ̌ dɛ̍ᵻ à cheǎn-a sàì-ɛ i̍h nɛ due cheǎn-a sǔh, i̍h bo ìh nu̍-a pɔ̀ɔ̍pìe̍ dɛ̍ᵻ kɛ̍n i̍ poe-ɛ ke, Nyɔsoa wlùh gbaɛ ke,