Ɛfɛsɔ 4:11 - Ku̍o̍ Delee 1999

¹¹ Ɔ̍-ɔ bo ɔ̀ nyǐ nyɔ̍ɔ nyǐ-dɛ̍ᵻ. U̍h-a nyɔ̍ duuh nu̍ ɔ̍ gba̍tòà, iě duuh nu̍ tu̍owli po̍ nyɔ̍, wɛ̀ duuh nu̍ pɔ̀n chɛ̀ nya̍ naɛ nyɔ̍, iě duuh nu̍ pǎslɔ̀ ke nǎ po̍ nyɔ̍.

Ɛfɛsɔ 4:11 Iomraidhean Croise

Matio 28:20

Nɛ̀ mɔ̀ po̍ u̍h nǎ wɛ̀ u̍h iě dɛ̍ᵻ kli̍hgbɛ̍ ǐn sèàɛ̍-a mɔ̀ wlùh-ɛ nu̍. Nɛ̀ ǎn mu̍ mɔ̀ sɔ̍nᵻ we̍ i̍ naɛ ti̍ kli̍hgbɛ̍ we̍, sɔ da̍a ìè dě ti̍-a dlǔ i̍ chlà la̍ mu̍.”

Nu̍-dɛ̍ᵻ 13:1

Antiɔ nyɔ̍-a chɔchi̍h blě Nyɔsoa-a tu̍owli po̍ nyɔ̍ ke nǎ po̍ nyɔ̍. U̍h bo ùh nu̍-a Banaba ke Simiɔ u̍h-a dǎɛ-a Nyɔ̍ Gbeu-ɛ ke, Lusiɔ ɔ̀ sɔ-a dǒ Saiwlein-ɛ ke, Manea ɔ̀ nu̍-a kɔ̀mla̍ Ɛlo-a tlu̍h kɛ̍n de̍di̍i̍-ɛ, ɛ̍ ke Sɔɔ ke.

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

Nu̍-dɛ̍ᵻ 21:8

Sɔ̀n sɛ̀n-aɛ, wɛ̀ à sɔ-o iě à nyni̍ dǒ Sɛsewlia. Wɛ̀ à paɛ dě Nyɔsoa-a pɔ̀n chɛ̀ nya̍ naɛ nyɔ̍ Felɔ blǐ gbò. Nyɔ̍ mɛ̀sɔɔ̌n laa̍ u̍h tba̍-a chèɛ̀-ɛ u̍h-a due bo.

Wloma 12:7

Pò ɛ̍ tù nyɔ̍ jǔ dbee-ɛɛ, nɛ̀ ɔ̍ nu̍ ɛ̍. Pò ɛ̍ tù nǎ po̍-ɛɛ, nɛ̀ ɔ̍ po̍ nyɔ̍ nǎ.

1 Kɔwlɛntiɔn 12:4

Nyɔsoa-a Sùù-a nyǐ-dɛ̍ᵻ blě gbɔ̍ᵻ gbɔ̍ᵻ, jɛ ɔ̍ Sùù nɛ due.

Ɛfɛsɔ 2:20

Mɔ̀ɔ̍ bo ùh nu̍ gbò. Klai-a gba̍tòà ke Nyɔsoa-a tu̍owli po̍ nyɔ̍ bo ùh nu̍ gbò-a gbo̍tu, wɛ̀ Jusu Klai-a chɛ̀-a gbǎ nu̍ ɛ̍ sìtù.

Ɛfɛsɔ 3:5

Sìle dɛ̍ la nyɔ̍ se̍ ɛ̍ juo de tɛin, jɛ ɛ̍-ɛ bo Nyɔsoa-a Sùù toe ɔ̍ gba̍tòà ke ɔ̍ tu̍owli po̍ nyɔ̍ ɔ̍ tè-ea pɔ̌-ɛ wɛ̀.

Ɛfɛsɔ 4:8

Ɛ̍ kɔn Nyɔsoa-a wlu̍ la̍a̍, “Ɔ̍ wɔ̌an dě ja̍i̍-a ja̍i̍ mu̍ tìh-ɛ, ɔ̍ gba̍ gbɛ̍n-nyɔ̍ dɔu. Iě ɔ̍ nyǐ nyɔ̍ nyǐ-dɛ̍ᵻ.”

2 Timote 4:5

Jɛ mɔ̀ɔ̍, tù àn chɛ̀ tɔ̀ɔ̀n dǒ dɛ̍ᵻ kli̍hgbɛ̍ we̍. Ku̍-e klì i̍ dǒ jua̍i̍ sàɛ̀ la̍. Nu̍ àn pɔ̀n chɛ̀ bla̍ dbo̍, nɛ̀ ìn nu̍ ɛ̍ sɔ̍nᵻ ka ìn nu̍-a Nyɔsoa-a pòi̍ju-ɛ.

Iblu 5:12

Ti̍ nɛ-o wɛ̀ ke de mɔ̀ iě nǎ po̍ nyɔ̍ nu̍, jɛ nyɔ̍ kɔn u̍h iě mɔ̀ Nyɔsoa-a wlu̍-a bloɔ̍ i̍ bloɔ̍ i̍ naɛ toe ke̍. Mɔ̀ nɛ dǒ di̍-dɛ̍ᵻ klaklǎ di̍ la̍-a wɛ̀ de, jɛ mɔ̀ kɔn mɔ̀ iě nyɛnɛ nyǎ ke̍.

Judi 1:17

Jɛ ǎn tìh kma nyɔ̍, dɛ̍ à Joi Jusu Klai-a gba̍tòà sèàɛ̍-a mɔ̀ wlùh tɛin-ɛ, mɔ̀ bɔ̌ ɛ̍ we̍ mǎle-ɛ.

Wlɛfeleseɔn 18:20

Ja̍i̍wlɔ̀, nmɔ dǒ ɔ̍-ɔ gbɔ̀lɔ-ɛ we̍. Nyɔsoa-a nyɔ̍ ke, ɔ̍ tu̍owli po̍ nyɔ̍ ke, Klai-a gba̍tòà, mɔ̀ nu̍ mɔna̍ ke o. Dɛ̍nu̍ɛ, Nyɔsoa gbɛ̍n ɔ̍ kàn wɛ̀ dǒ dɛ̍ ɔ̍ nu̍-a mɔ̀ pùn-ɛ we̍ o.

Wlɛfeleseɔn 21:14

Saǎn-a chɛ̀ ɛ̍ blě sɔɔ̌ gbo̍ bu̍hᵻá pùè jɔ̌ sɔɔ̌n. Wɛ̀ Blawɛ̌ Jǔ-a gba̍tòà-a pùè jɔ̌ sɔɔ̌n-a nynɛ̌ chlǐh-ɛ due due dǒ i̍h pùn.