Ɛfɛsɔ 4:10 - Ku̍o̍ Delee 1999

¹⁰ Ɔ̍-ɔ due ji̍-a nɔ̌ bloɔ̍-ɛ, ɔ̍-ɔ due laa̍ bo ɔ̀ mu̍ ja̍i̍ dě ja̍u̍n dlǔwèàì-a dlǔwèàì. Ɔ̍ nu̍ ɛ̍-ɛ wɛ̀ ɔ̍ iě kmɔ̌ kli̍hgbɛ̍-ɛ i̍ jǐi.

Ɛfɛsɔ 4:10 Iomraidhean Croise

Matio 24:34

Bɔ̌ ǐn sèàɛ̍ mɔ̀ tìh-a taǐn wlùh, nyɔ̍ la ùh nɛ-a ka kmɔ̌-ɛ, u̍h se̍ mɛ̌ mu̍ te̍e̍ wɛ̀ ìh kli̍hgbɛ̍ la i̍h iě gbǎ.

Pɔ̀n Chɛ̀ Luu To-a La 24:44

Wɛ̀ ɔ̍ la̍a̍ dě u̍h we̍, “Ti̍ mɔ̀ ke ǐn ke à na-aɛ, ìh kɔn taǐn ǐn bla̍-a dě mɔ̀ we̍-ɛ, i̍h bo ìh-a nɛ-a. Na̍ dɛ̍ᵻ kli̍hgbɛ̍ ìh chlǐh-a dě Mose-a telě chlǐh-dɛ̍ᵻ ke, Nyɔsoa-a tu̍owli po̍ nyɔ̍ naɛ ke Duǐh Chlǐh-dɛ̍ di̍i̍-ɛ, i̍h kɔn i̍h iě chɛ̀-ɛ gbǎ.”

Chɔɔn 1:16

Blɛ ɛ̀ jǐ-a dě ɔ̍ ja̍a̍-ɛ, ɛ̍ bo ɛ̀ jě-e à kli̍hgbɛ̍ pɔ̀ìě dɔu dɔu.

Chɔɔn 19:24

Iě u̍h la̍a̍, “Mɔ̀ à bɔ̌ ɛ̍ fǎle-ɛ. Jɛ mɔ̀ à po̍ nibo, nyɔ̍ mu̍-a wlǔh-ɛ, ɔ̍ iě ɛ̍ gba̍.” Ɛ̀ la ɛ̍ nɛ-ɛ, wɛ̀ ɛ̍ iě Nyɔsoa-a wlu̍ kɛ̀ǐn po̍. Ɔ̍ wlu̍-a chɛ̀ la̍a̍, “U̍h gblè-e ǎn jlii̍ kwa̍a̍ i̍, wɛ̀ u̍h fɔ̀n-ɛ ǎn plɛ̀i̍ nibo.” Ɛ̍-ɛ bo fledlǔ laa̍ u̍h nu̍-a.

Chɔɔn 19:28

Ti̍ Jusu juo-ao dɛ̍ i̍ ka dɛ̍ᵻ kli̍hgbɛ̍ wɛ̀-a i̍ wɛ̀-ɛ, iě ɔ̍ la̍a̍, “Dǒ ǐn wlì-a bǔ-i.” Ɔ̍ bla̍ ɛ̀ la wɛ̀ ɔ̍ iě Nyɔsoa-a wlu̍ kɛ̀ǐn po̍.

Chɔɔn 19:36

Ìh la i̍h nɛ-ɛ, wɛ̀ ɛ̍ iě Nyɔsoa-a wlu̍ kɛ̀ǐn po̍. Wlu̍-a chɛ̀ la̍a̍, “Ɔ̍ gbǎ due-a chɛ̀ bo ɛ̀ se̍ chlà mu̍.”

Nu̍-dɛ̍ᵻ 1:11

Iě u̍h la̍a̍, “Kaladii nynuu̍, dɛ̍ kɔn da̍a mɔ̀ nyna i̍ iě mɔ̀-a gbɛ̀n dě ja̍u̍n we̍ ɛ? Jusu la ɔ̀ sà-ɛa da̍a mɔ̀ we̍ ɔ̀ gba̍-ɛa ja̍i̍wlɔ̀-ɛ, ka mɔ̀ nu̍-a ɔ̍ ja̍i̍wlɔ̀ mu̍ la̍ jě-ɛɛ, kǎ ɔ̍ mu̍ de̍ ji̍-ɛ nu̍.”

Nu̍-dɛ̍ᵻ 1:9

Ɔ̍ wɔ̀-a dɛ̍ laa̍ bla̍-a dě u̍h we̍-ɛ, wɛ̀ ɔ̍ dǔ-iɛ ja̍i̍. U̍h nɛ dǒ ɔ̍ kɛ̍n i̍ gbɛ̀n la̍ sǔh iě nǐgban kaɛn ɔ̍ i̍, wɛ̀ ɔ̍ mǎ-ɛ u̍h jlǐh.

Nu̍-dɛ̍ᵻ 2:33

Ɔ̍-ɔ bo Nyɔsoa dǔ-a ka ja̍i̍ wɛ̀ dǒ ɔ̍ di̍na̍ we̍, iě ɔ̍ jě Sùù kɔn wlu̍ Baa Nyɔsoa po̍-a tɔ̀ma̍a̍-ɛ. Sùù ɔ̍ po̍-a àɔ̀ kɛ̍n-ɛ, ɛ̍ kɔn nu̍-dɛ̍ᵻ bo mɔ̀-a wɔ̌n-a, iě mɔ̀-a jě-a sèàn.

Nu̍-dɛ̍ᵻ 3:18

Jɛ ɛ̀ Nyɔsoa sà-a dě ɔ̍ tu̍owli po̍ nyɔ̍ kli̍hgbɛ̍ ja̍a̍ tɛin-ɛ, ɛ̍ gbǎ chɛ̀-ɛ wɛ̀. Ɔ̍ la̍ ɔ̍ Chèɛ̀ Tba̍ju-a mu̍ jua̍i̍ sàɛ̀.

2 Kɔwlɛntiɔn 12:2

Ǐn juo jɔ̍gbau ɔ̀ gbaɛ-a Klai wlùh iě Nyɔsoa gba̍-a dě ja̍i̍wlɔ̀ tà Nyɔsoa tè-a i̍-ɛ. Ɛ̍ nɛ-aɛ, sɔ̀nᵻá pùè jɔ̌ nyìɛ̍ sì wɛ̀. Ǎn chɛ̀ bo ǎn dǎ. Ǐn se̍ ɛ̍ juo pò ǐn nɛ dě ǎn nyi̍ɔ̍ku di̍i̍ chɛ̀ iě ǐn gba̍-ɛ deě-ɛ. Nyɔsoa nɛ due bo ɔ̀ juo ɛ̍.

Ɛfɛsɔ 3:19

Wɛ̀ mɔ̀ iě ɛ̍ juo ka Klai jbɛɛ-a mɔ̀ɔ̍-ɛ. Nyɔ̍ se̍ ɔ̍ mɔ̀ɔ̍ jbɛɛ we̍ i̍ ju̍o̍e-ɛ bɛ̌ɛ kleǐnklein. Nɛ̀ ɔ̍ jbɛɛ-a mu̍ ɛ̍ nu̍ Nyɔsoa-a nɛ ka̍ iě mɔ̀ɔ̍ i̍ jǐi.

Kalase 1:19

Dɛ̍nu̍ɛ, Nyɔsoa-a wlùh tè i̍ ɔ̍ nɛka kli̍hgbɛ̍ iě dě ɔ̍ Jǔ la ja̍a̍ nɛ.

Kalase 2:9

Dě Nyɔsoa-a nɛka kli̍hgbɛ̍ di̍i̍ bo Klai nɛ.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Iblu 4:14

Wlùh gbaɛ blě tìh à sà-aɛ, mɔ̀ à gbɛ̍n ɛ̍ i̍ klìmàtàìn, dɛ̍nu̍ɛ, à blě Slaǎ Sà Nyɔ̍-a Dlǔtu ɔ̀ ku̍-a wɔ̍n-ɛ. Nyɔsoa-a Jǔ Jusu ɔ̀ mu̍-a dě ja̍i̍wlɔ̀ wɛ̀-ɛ bo.

Iblu 7:26

Jusu laa̍ bo ɔ̀ nu̍ ka Slaǎ Sà Nyɔ̍-a Dlǔtu à kɔn à iě blě. Ɔ̍ wɛ̀ nɛi̍. Nyɔ̍ se̍ ɔ̍ kɔ̌-ɛ nynɛ̌ blě, ɔ̍ se̍ gblɛ̍n sɔ̀ɛ̀n nu̍. Ɔ̍ tè-ɛ pɔ̌ dě gblɛ̍n sɔ̀ɛ̀n nyɔ̍ nynɛ̌, iě ɔ̍ dǔ-iɛ ja̍i̍ dě ja̍i̍wlɔ̀.

Iblu 8:1

Dɛ̍ à sà-a chɛ̀ gbe̍i̍n-ɛ, ɛ̍-ɛ la. Slaǎ Sà Nyɔ̍-a Dlǔtu kaɛn la bo à blě, wɛ̀ ɔ̍ tè i̍ dě ja̍i̍wlɔ̀ dǒ Tìh-a I̍ Bɛ̌ɛ Nyɔsoa-a nynɛ̌ gbalǎ-a di̍na̍ we̍.