Ɛfɛsɔ 3:8 - Ku̍o̍ Delee 1999

⁸ Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Ɛfɛsɔ 3:8 Iomraidhean Croise

Pɔ̀n Chɛ̀ Luu To-a La 14:22

Pòi̍ju ji̍-a de̍-ɛ, wɛ̀ ɔ̍ la̍a̍, ‘Nyɔ̍ klaa, dɛ̍ ìn sèàɛ̍ ǐn wlùh-ɛ, ǐn wɔ̀ ɛ̍ nu̍-ɛ wɛ̀. Jɛ tèla̍ sie i̍ ke̍.’

Chɔɔn 1:16

Blɛ ɛ̀ jǐ-a dě ɔ̍ ja̍a̍-ɛ, ɛ̍ bo ɛ̀ jě-e à kli̍hgbɛ̍ pɔ̀ìě dɔu dɔu.

Nu̍-dɛ̍ᵻ 5:41

Ti̍ gba̍tòà-a sɔ-a dǒ taɔ laa̍ we̍-ɛ, nɛ̀ u̍h-a nu̍ mɔna̍ kaa̍, dɛ̍nu̍ɛ, Nyɔsoa slè-e u̍h nyɔ̍ chɛ̀ wɛ̀ u̍h iě mlɔ̌ wɔ̍n gbǎ dǒ Jusu-a nynɛ̌ kɛ̍n.

Nu̍-dɛ̍ᵻ 9:15

Jɛ Joi la̍a̍ dě ɔ̍ we̍, “Mu̍, dɛ̍nu̍ɛ, ǐn tba̍ ɔ̍ chèɛ̀ wɛ̀ ɔ̍ iě ǐn jǔ dbee, wɛ̀ ɔ̍ iě ǎn nynɛ̌ dě ùh se̍-a Juu nyɔ̍-ɛ ke blǔh baaᵻ we̍ gba̍, ɛ̍ ke dě Eslɔɛ nyɔ̍ we̍ ke.

Wloma 11:33

Nyɔsoa-a wɔɛ kɔn-ɛ bɛ̌ i̍ kaa̍. Kǎ ɔ̍ flɔ̍nwlùh ke ɔ̍ tɔɔ nu̍ di̍i̍ tɛn-ɛ ke. Nyɔ̍ se̍ ɔ̍ tìh i̍ chɛ̍n-ɛ we̍ i̍ ju̍o̍e. Nyɔ̍ se̍ ɔ̍ wlùh juo-ɛ bɛ̌ɛ.

Wloma 12:10

Mɔ̀ tbà mɔ̀-a we̍ jbɛɛ nɛ̍ i̍ ka mɔ̀ nu̍-a de̍di̍i̍ᵻɛ́. Mɔ̀ tù-e gbǐh mɔ̀ iě we̍ ja̍ tìèe̍.

Wloma 2:4

Mɔ̀-a chɛ̀ la lee̍, ka Nyɔsoa nmɔ-a gblɛ̍n kaa̍ wɛ̀ ɔ̍ gbɛ̍n-a wlùh i̍ iě ɔ̍ po̍-a mɔ̀ blɛ we̍ i̍-ɛ, mɔ̀ mǎle-e ae? Mɔ̀ juo ɛ̍-ɛ te̍kle̍e̍, Nyɔsoa-a pɔ̀n mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, ɛ̍ kɔn ɔ̍ nmɔ gblɛ̍n-ɛ dǒ mɔ̀ we̍.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 15:9

Sɔ mɔ̍ bo ɔ̀ nu̍ Klai-a gba̍tòà kli̍hgbɛ̍-a konynǐ naɛ. Ǐn se̍ i̍ blaɛ-a chɛ̀ u̍h iě ǐn gba̍tòà dǎɛ. Dɛ̍nu̍ɛ, ǐn jě-e Nyɔsoa-a chɔchi̍h klě.

1 Kɔwlɛntiɔn 2:9

Jɛ Nyɔsoa-a wlu̍ la̍a̍, “Dɛ̍ ɛ̀ jlǐhɛ̍ se̍-a jě, dounᵻ se̍-a wɔ̌n, wɛ̀ nyɔ̍ se̍-a wlùh kɛ̍n tè ɛ̀ iě-a nɛ-ɛ, ɛ̍ bo Nyɔsoa po̍ gba̍a̍ dǒ nyɔ̍ ùh jbɛɛ-a ɔ̍-ɛ we̍.”

Kelesea 1:16

ɔ̍ iě ɔ̍ jǔ tà sà dě ǐn we̍, wɛ̀ iě ɔ̍ tìh we̍i̍ bla̍ dě ùh se̍-a Juu nyɔ̍-ɛ nynɛ̌. Ǐn se̍ nyɔ̍-o-nyɔ̍ dlǔ i̍ te.

Kelesea 2:8

Ka Nyɔsoa nu̍-a Pitɛ gba̍tòà we̍i̍ nu̍-ɛ dǒ Juu nyɔ̍ we̍-ɛ, kǎ ɔ̍ nu̍ ǐn gba̍tòà we̍i̍ nu̍-ɛ ke dǒ ùh se̍-a Juu nyɔ̍-ɛ we̍.

Ɛfɛsɔ 2:7

Ɔ̍ nu̍ ɛ̀ la wɛ̀ ɔ̍ iě ɔ̍ blɛ to dě nyɔ̍ɔ we̍ dǒ ti̍ ɛ̀ se̍a sie la̍ kɔn-ɛ we̍. Ɔ̍ blɛ nɛ-ɛ la ɛ̍ ku̍ wɔ̍n kaa̍ ɛ̍ sìì-o dɛ̍ i̍. Ɛ̍ jii dě ɔ̍ gblɛ̍n-ɛ nmɔ-ɛ di̍i̍. Ɛ̍-ɛ bo ɛ̀ nu̍ ɛ̍ iě ɔ̍ dbo̍ Jusu Klai nɔ̌ à we̍.

Ɛfɛsɔ 3:1

Dɛ̍ laa̍ ɛ̀ Nyɔsoa nu̍-a, ɛ̍ kɔn tìh ǎn ba̍le ɔ̍. Mɔ̀ɔ̍ ùh se̍-a Juu nyɔ̍-ɛ mɔ̀-a tìh bo wɛ̀ ǐn nu̍ Jusu Klai-a pòi̍ju, iě ǐn nu̍ ka gbɛ̍n-nyɔ̍.

Ɛfɛsɔ 3:16

Ǎn ba̍le ɔ̍-ɛ, ɔ̍ tìh-a i̍ bɛ̌-ɛ ɛ̀ ku̍-a wɔ̍n kaa̍-ɛ, ɔ̍ iě ɛ̍ mɔ̀-a wlùh fùka-ɛ dě ɔ̍ Sùù di̍i̍.

Ɛfɛsɔ 3:19

Wɛ̀ mɔ̀ iě ɛ̍ juo ka Klai jbɛɛ-a mɔ̀ɔ̍-ɛ. Nyɔ̍ se̍ ɔ̍ mɔ̀ɔ̍ jbɛɛ we̍ i̍ ju̍o̍e-ɛ bɛ̌ɛ kleǐnklein. Nɛ̀ ɔ̍ jbɛɛ-a mu̍ ɛ̍ nu̍ Nyɔsoa-a nɛ ka̍ iě mɔ̀ɔ̍ i̍ jǐi.

Ɛfɛsɔ 3:2

Ǐn juo ɛ̍-ɛ mɔ̀ wɔ̌n i̍h wɛ̀, Nyɔsoa-a blɛ nɛ-ɛ bo ɛ̀ nu̍ ɛ̍ wɛ̀ ɔ̍ nyǐ ǐn dbo̍ la iě ɛ̍ nu̍ dǒ mɔ̀ we̍.

Felepai 2:3

Mɔ̀ tǎli klǎn kɔn dɛ i̍, mɔ̀ bɔ̌ mɔ̀-a chɛ̀ i̍ bɛ̌-ɛ. Jɛ mɔ̀ ja mɔ̀-a chɛ̀ wlù dě mɔ̀-a sǔh nynɛ̌, nɛ̀ mɔ̀ jě nyɔ̍ duuh chɛ̀ ka ɛ̍ iě mɔ̀-a chɛ̀ sìì.

Felepai 4:19

Nɛ̀ ǎn Nyɔsoa-a mu̍ mɔ̀ dɛ̍ᵻ kli̍hgbɛ̍ mɔ̀ nɛ-a blě ka̍-ɛ nyǐ dě ɔ̍ pàn-dɛ̍ᵻ dɔu ɔ̍ jaɛ-a dě Jusu Klai ja̍a̍-ɛ di̍i̍.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

1 Timote 1:13

Kǎ ɛ̍ nɛ gbɛɛ, tɛin laa̍ nɛ̀ ǐn nyni ɔ̍ wlu̍ wɔ̍i̍n, iě ǎn chlèe ɔ̍, wɛ̀ ǎn jě-e ɔ̍ nyɔ̍ klě. Wɛ̀ Nyɔsoa jě ǐn wɔɛ, dɛ̍nu̍ɛ, ǎn se̍ wlùh gbaɛ blě bo ɛ̀ nu̍ ɛ̍ wɛ̀ ǐn se̍ dɛ̍ sɔ̀n ǎn nu̍-aɛ juo.

1 Timote 1:15

Jusu Klai ji̍ da̍a kmɔ̌ la we̍ ɔ̍ iě gblɛ̍n sɔ̀ɛ̀n nyɔ̍ sèìe. Wlu̍ la tìh-a taǐn bo, ɛ̍ nɛ i̍ gbɛ̍n ka̍ klìmàtàìn. Jɛ gblɛ̍n sɔ̀ɛ̀n nyɔ̍-a chɛ̀, mɔ̍ bo ɔ̀ nu̍ u̍h-a gblìmia.

1 Timote 2:7

Ɛ̍ tìh bo Nyɔsoa tba̍ ǐn chèɛ̀ iě tìh bla̍ nyɔ̍ ke gba̍tòà nu̍. Wɛ̀ ǐn nu̍ ùh se̍-a Juu nyɔ̍-ɛ nǎ po̍ nyɔ̍ dǒ wlùh gbaɛ ke tìh-a taǐn we̍. (Tìh-a taǐn bo ǎn sà-a, ǐn se̍ si̍h tmɔ̌.)

2 Timote 1:11

Pɔ̀n chɛ̀ la ɛ̍ tìh bo Nyɔsoa tba̍ ǐn chèɛ̀ iě ɛ̍ tìh bla̍ nyɔ̍ ke, gba̍tòà ke nǎ po̍ nyɔ̍ nu̍.

Wlɛfeleseɔn 3:18

Ɛ̍ tìh-ɛ, ǎn tù mɔ̀ slɛ̌n mɔ̀ iě kòo̍ wlihwlǐh tɛ̀n nɔ̌ ǐn we̍, wɛ̀ mɔ̀ iě pàn. Mɔ̀ tɛ̀n jlii̍ plǔᵻ ke mɔ̀ iě-e pa̍. Wɛ̀ mɔ̀ iě dɛ̍ jǔ wlǎ, tɛ̀n-ɛ je̍e mɔ̀ nu̍. Mɔ̀ tɛ̀n kwɛ̍i̍n mɔ̀ iě jlǐh i̍ po̍, wɛ̀ mɔ̀ iě i̍ jě.