Ɛfɛsɔ 3:7 - Ku̍o̍ Delee 1999

⁷ Nyɔsoa-a gbǐh-a nu̍ dbo̍, ɛ̍ kɔn ɔ̍ blɛ nɛ-ɛ nui ǐn pòi̍ju dǒ pɔ̀n chɛ̀ la we̍.

Ɛfɛsɔ 3:7 Iomraidhean Croise

Nu̍-dɛ̍ᵻ 9:15

Jɛ Joi la̍a̍ dě ɔ̍ we̍, “Mu̍, dɛ̍nu̍ɛ, ǐn tba̍ ɔ̍ chèɛ̀ wɛ̀ ɔ̍ iě ǐn jǔ dbee, wɛ̀ ɔ̍ iě ǎn nynɛ̌ dě ùh se̍-a Juu nyɔ̍-ɛ ke blǔh baaᵻ we̍ gba̍, ɛ̍ ke dě Eslɔɛ nyɔ̍ we̍ ke.

Wloma 1:5

Dě ɔ̍ ja̍a̍ bo à jii wɛ̀ Nyɔsoa-a blɛ nɛ-ɛ nui àɔ̀ ɔ̍ gba̍tòà we̍i̍. Ɔ̍ nynɛ̌-a i̍ bɛ̌-ɛ tìh bo ɔ̍ dbo̍ àɔ̀ dě kmɔ̌ nyɔ̍ kli̍hgbɛ̍ we̍, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 12:3

Blɛ Nyɔsoa nɛ-a dǒ ǐn we̍-ɛ, dǒ ǐn tba̍ bu̍h i̍ iě ǎn sèàɛ̍ ka mɔ̀ kli̍hgbɛ̍ wlùh. Mɔ̀ bɔ̌ mɔ̀-a chɛ̀ dɛ̍kɛ̍n gbǎ nyɔ̍ slè-eɛ wɛ̀ mɔ̀ bɔ̌-o i̍ sì-ɛ. Jɛ mɔ̀ kɔn gblɛ̍n mɔ̀ iě mɔ̀-a chɛ̀ tɔ̀ɔ̀n tù dǒ wlùh gbaɛ Nyɔsoa nyǐ-a mɔ̀-ɛ we̍.

Wloma 15:16

iě Jusu Klai-a pòi̍ju nu̍ dǒ ùh se̍-a Juu nyɔ̍-ɛ we̍. Ǐn wɔ̀ slaǎ sà nyɔ̍ ɔ̀ bla̍-a Nyɔsoa-a pɔ̀n chɛ̀-ɛ. Wɛ̀ ùh se̍-a Juu nyɔ̍-ɛ u̍h iě nyǐ-dɛ̍ ɛ̀ nmɔ-a dě Nyɔsoa jlǐh i̍ iě ɔ̍ Sùù tè-a ɛ̍ pɔ̌ dǒ ɔ̍ we̍-ɛ wɔ̀.

1 Kɔwlɛntiɔn 15:10

Jɛ Nyɔsoa-a blɛ bo ɛ̀ nu̍ ɛ̍ wɛ̀ ǐn nɛ ka ǐn nɛ-a ka-ɛ. Sɔ ɔ̍ blɛ ɔ̍ nɛ-a dǒ ǐn we̍-ɛ, ɛ̍ se̍ bu̍ɛ̍i̍ nu̍. Iěe, ǐn nu̍ dbo̍ kaa̍ ɛ̍ sìì gba̍tòà kli̍hgbɛ̍. Ɛ̍ se̍ ǎn chɛ̀ ɔ̀ se̍ dbo̍ nu̍, jɛ Nyɔsoa-a blɛ ɔ̍ nɛ-a dǒ ǐn we̍-ɛ bo ɛ̀ nu̍ ɛ̍.

1 Kɔwlɛntiɔn 3:5

Nyɔ̍ bo ɔ̀ nu̍ Apolo ɛ? Iě nyɔ̍ bo ɔ̀ nu̍ Pɔɔ ɛ? Àɔ̀ Nyɔsoa-a pòi̍nynuu̍, àɔ̀ kɔn ja̍a̍ bo mɔ̀ jii wɛ̀ mɔ̀ blě ka wlùh gbaɛ. À jɔ-ɛ, nɛ̀ Joi nyǐ ɔ̍ naɛ dɛ̍ ɔ̍ iě nu̍.

2 Kɔwlɛntiɔn 3:6

Ɔ̍ nyǐ àɔ̀ gbǐh dǒ ku̍o̍ delee-a pòi̍nynuu̍ nu̍-ɛ we̍. Ku̍o̍ delee la ɛ̍ se̍ telě ɛ̀ chlǐh-aɛ, jɛ ɛ̍ sɔ dě Nyɔsoa-a Sùù we̍. Telě ɛ̀ chlǐh-aɛ, ɛ̍ ja̍ mɛ̌ɛ, jɛ Sùù-a nyǐ nyɔ̍ feɛ.

2 Kɔwlɛntiɔn 4:1

Dě Nyɔsoa-a wɔɛ kɔn-ɛ di̍i̍ bo ɔ̍ nyǐ-i àɔ̀ dbo̍ la à iě nu̍. Ɛ̍ tìh-ɛ, à se̍ se̍a̍ dǒ dbo̍ nu̍ la̍.

Kelesea 2:8

Ka Nyɔsoa nu̍-a Pitɛ gba̍tòà we̍i̍ nu̍-ɛ dǒ Juu nyɔ̍ we̍-ɛ, kǎ ɔ̍ nu̍ ǐn gba̍tòà we̍i̍ nu̍-ɛ ke dǒ ùh se̍-a Juu nyɔ̍-ɛ we̍.

Ɛfɛsɔ 1:19

Wɛ̀ mɔ̀ iě ɛ̍ juo ke ka ɔ̍ gbǐh ku̍-a wɔ̍n dě àɔ̀ ùh gbaɛ-a ɔ̍ wlùh-ɛ ja̍a̍ kaa̍-ɛ. Gbǐh laa̍ bo ìh nu̍ klà dě à ja̍a̍ ìh kmu-a.

Ɛfɛsɔ 3:2

Ǐn juo ɛ̍-ɛ mɔ̀ wɔ̌n i̍h wɛ̀, Nyɔsoa-a blɛ nɛ-ɛ bo ɛ̀ nu̍ ɛ̍ wɛ̀ ɔ̍ nyǐ ǐn dbo̍ la iě ɛ̍ nu̍ dǒ mɔ̀ we̍.

Ɛfɛsɔ 3:20

Nyɔsoa ɔ̀ kɔn gbǐh-a nu̍-a dbo̍ dě à ja̍a̍-ɛ, ɔ̍ bɛ̌ɛ dɛ̍ᵻ dɔu nu̍-ɛɛ ɛ̍ iě à jbǎ-a dɛ̍ᵻ ke wlùh i̍ naɛ dɛ̍ᵻ kli̍hgbɛ̍ sìì.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Ɛfɛsɔ 4:16

Dě ɔ̍ ja̍a̍ bo ku̍ kli̍hgbɛ̍ tùi i̍ iě ɛ̍ gbe̍ɛ̍ɛn i̍, wɛ̀ ɛ̍ poe-ɛ nǐ i̍. Pò ka ɛ̍ fɔ̌ᵻ nu̍-a nɛ-ɛ i̍h ja laan dbo̍ nu̍-ɛ nu̍-ɛ, nɛ̀ ku̍-a chɛ̀ ɛ̍ mu̍ ku̍ wɛ̀ ɛ̍ iě ɛ̍ chɛ̀ dǒ ta̍i̍ po̍ dě jbɛɛ di̍i̍.

Kalase 1:29

Ɛ̍ kɔn ǐn nu̍ dbo̍, iě ǐn po̍ gbɔ̍igbɔ̍ dǒ ǎn kmu-gbǐh ìh Klai po̍-a dě ǐn ku̍u̍-ɛ we̍.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.