Ɛfɛsɔ 3:5 - Ku̍o̍ Delee 1999

⁵ Sìle dɛ̍ la nyɔ̍ se̍ ɛ̍ juo de tɛin, jɛ ɛ̍-ɛ bo Nyɔsoa-a Sùù toe ɔ̍ gba̍tòà ke ɔ̍ tu̍owli po̍ nyɔ̍ ɔ̍ tè-ea pɔ̌-ɛ wɛ̀.

Ɛfɛsɔ 3:5 Iomraidhean Croise

Matio 13:17

Tìh-a taǐn ǎn sèàɛ̍ mɔ̀ wlùh, ìh mɔ̀ jě-aɛ, Nyɔsoa-a tu̍owli po̍ nyɔ̍ dɔu ke Nyɔsoa-a wlùh nu̍ nyɔ̍-a pɔ̀n i̍h jě-ɛ i̍ de, jɛ u̍h se̍ i̍h jě. U̍h-a pɔ̀n ìh mɔ̀ wɔ̌n-aɛ wɔ̌n-ɛ i̍ de, jɛ u̍h se̍ i̍h wɔ̌n.”

Matio 20:7

U̍h la̍a̍, ‘Dɛ̍nu̍ɛ, nyɔ̍ se̍ à dǔ à iě dbo̍ nu̍.’ Iě ɔ̍ la̍a̍ dě u̍h we̍, ‘Iě nɛ̀ mɔ̀ mu̍ dě ǐn blǐ klè ke mɔ̀ iě-e dbo̍ nui.’

Matio 23:34

Ɛ̍ tìh-ɛ, ǎn mu̍ Nyɔsoa-a tu̍owli po̍ nyɔ̍ ke di̍i̍-i flɔn nyɔ̍ ke nǎ po̍ nyɔ̍ dě mɔ̀ we̍ dbo̍. Nɛ̀ mɔ̀-a mu̍ duuh dbǎ, mɔ̀ iě duuh dǒ gbàɛ̍ kɛ̍n i̍ tu̍ wlì kɔ̍-ɛ. Nɛ̀ mɔ̀-a mu̍ duuh bla̍ dě mɔ̀-a wɛɛ sà gbòᵻ sɔ̀n i̍, wɛ̀ mɔ̀ iě duuh i̍ nu̍ wlɔ̀ᵻ di̍i̍ i̍.

Pɔ̀n Chɛ̀ Luu To-a La 10:24

Ǎn sèàɛ̍ mɔ̀ wlùh, ìh mɔ̀ jě-aɛ, Nyɔsoa-a tu̍owli po̍ nyɔ̍ dɔu ke blǔh baaᵻá pɔ̀n i̍h jě-ɛ i̍ de, jɛ u̍h se̍ i̍h jě. U̍h-a pɔ̀n ìh mɔ̀ wɔ̌n-aɛ wɔ̌n-ɛ i̍ de, jɛ u̍h se̍ i̍h wɔ̌n.”

Pɔ̀n Chɛ̀ Luu To-a La 11:49

Ɛ̍ tìh-ɛ, Nyɔsoa-a flɔ̍nwlùh la̍a̍ ke-ɛ, ‘Ǎn mu̍ ǎn tu̍owli po̍ nyɔ̍ ke gba̍tòà dě u̍h we̍ dbo̍, nɛ̀ u̍h-a mu̍ u̍h-a duuh dbǎ, wɛ̀ u̍h iě duuh klě jě-e.’

Chɔɔn 14:26

Jɛ Nyɔsoa-a Sùù ɛ̀ naɛ-a nyɔ̍ sɔ̍nᵻ we̍ i̍-ɛ, Baa-a mu̍ ɛ̍ dbo̍ dǒ ǎn nynɛ̌ kɛ̍n, nɛ̀ ɛ̍ mu̍ mɔ̀ dɛ̍ᵻ kli̍hgbɛ̍ nǎ poe. Wɛ̀ ɛ̍ iě dɛ̍ᵻ kli̍hgbɛ̍ ǎn bla̍-a ka dě mɔ̀ we̍-ɛ dǒ mɔ̀ wlì i̍ sǐ-i.

Chɔɔn 16:13

Jɛ ti̍ Sùù ɛ̀ sèàɛ̍-a nyɔ̍ Nyɔsoa-a tìh-a taǐn wlùh-ɛ ɛ̍ mu̍-a ji̍-ɛ, nɛ̀ ɛ̍ mu̍ ɛ̍ nu̍ mɔ̀ iě tìh-a taǐn kli̍hgbɛ̍ juo. Ɛ̍ se̍ dǒ ɛ̍ chɛ̀-ɛ sɔ̍n kɛ̍n wlu-i mu̍. Jɛ dɛ̍ ɛ̍ wɔ̌n-aɛ bo ɛ̍ mu̍ wlu, wɛ̀ ɛ̍ iě mɔ̀ dɛ̍ᵻ ìh-a mu̍-a nɛ dě nya̍-ɛ wlùh sèàɛ̍.

Nu̍-dɛ̍ᵻ 10:28

Wɛ̀ Pitɛ la̍a̍ dě u̍h we̍, “Mɔ̀-a chɛ̀ juo ɛ̍-ɛ gbàkla̍a̍, ɛ̍ nu̍ telě àɔ̀ nu̍-a Juu-ɛ, à ke ùh se̍-a Juu nyɔ̍-ɛ ke à-a nɛ̍aɛ we̍ wɛ̀ à iě dě u̍h we̍-a chɛ̀ i̍ nala mu̍. Jɛ Nyɔsoa to ɛ̍-ɛ ka ǐn se̍-a kɔn iě-a nyɔ̍-o-nyɔ̍ dě Nyɔsoa jlǐh i̍ nyni nyɔ̍ ke nɛi̍ nɛ nyɔ̍ dǎɛ-ɛ.

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

1 Kɔwlɛntiɔn 2:10

Nyɔsoa nu̍ ɛ̍ iě ɔ̍ Sùù toe i̍h àɔ̀ wɛ̀, dɛ̍nu̍ɛ, Sùù bo ɛ̀ juo dɛ̍ᵻ kli̍hgbɛ̍. Ɛ̍ juo Nyɔsoa-a wlùh dɛ̍ᵻ.

Ɛfɛsɔ 2:20

Mɔ̀ɔ̍ bo ùh nu̍ gbò. Klai-a gba̍tòà ke Nyɔsoa-a tu̍owli po̍ nyɔ̍ bo ùh nu̍ gbò-a gbo̍tu, wɛ̀ Jusu Klai-a chɛ̀-a gbǎ nu̍ ɛ̍ sìtù.

Ɛfɛsɔ 3:9

Wɛ̀ iě dɛ̍ ɛ̀ Nyɔsoa ɔ̀ nu̍-a dɛ̍ᵻ kli̍hgbɛ̍-ɛ ɔ̍ sìle-a de tɛin-ɛ, ɛ̍ tìh we̍i̍ flɔn-ɛ ke dě nyɔ̍ kli̍hgbɛ̍ we̍.

2 Pitɛ 3:2

Wlu̍ Nyɔsoa-a tu̍owli po̍ nyɔ̍ bla̍-a dě mɔ̀ we̍ tɛin-ɛ, ǎn pɔ̀n mɔ̀ iě i̍h wlùh we̍ nu̍, ɛ̍ ke à Joi ɔ̀ nu̍-a à Sèìe Nyɔ̍-ɛ, ɔ̍ nyɔ̍ slǔh po̍-ɛ ɔ̍ jaɛ-a dě mɔ̀-a gba̍tòà ja̍a̍-ɛ ke.

Judi 1:17

Jɛ ǎn tìh kma nyɔ̍, dɛ̍ à Joi Jusu Klai-a gba̍tòà sèàɛ̍-a mɔ̀ wlùh tɛin-ɛ, mɔ̀ bɔ̌ ɛ̍ we̍ mǎle-ɛ.