Ɛfɛsɔ 3:3 - Ku̍o̍ Delee 1999

³ Dɛ̍ ɛ̀ Nyɔsoa sìle-aɛ, ɛ̍ bo ɔ̍ toe m iě ɛ̍ juo. Kǎ ǐn nu̍ ɛ̍ dɛ̍ tile wɛ chlǐh-ɛ ke.

Ɛfɛsɔ 3:3 Iomraidhean Croise

Nu̍-dɛ̍ᵻ 22:17

“Wɛ̀ ǐn mu̍ dǒ de̍ Juluslɛn. Ǐn nɛ dǒ ba̍le la̍ dě Nyɔsoa-a slaǎ sà gbò sɔ̀n iě ǐn ja se̍ mɔ̌ ja̍.

Nu̍-dɛ̍ᵻ 22:21

Wɛ̀ Joi la̍a̍, ‘Mu̍, dɛ̍nu̍ɛ, ǎn mu̍ ìn tà tɔ̀ɔ̀n dbo̍ dě ùh se̍-a Juu nyɔ̍-ɛ we̍.’ ”

Nu̍-dɛ̍ᵻ 23:9

Sɔ dɛ̍ slɛ̀ nu̍-a i̍ tìè-ɛ wɛ̀-ɛ, wɛ̀ telě nǎ poe nyɔ̍ duuh ùh nɛ-a dě Fɛlesii nyɔ̍-a gbɔ̀ù di̍i̍-ɛ, wɛ̀ u̍h nyna i̍. Iě u̍h tù ɛ̍ wɔ̍n di̍i̍, u̍h la̍a̍, “Jɔ̍gbau la à se̍ ɔ̍ dɛ̍ pùn jě. Nyɔ̍-se̍-juo sùù àe̍e̍ Nyɔsoa-a ǐnchɔ̀ bo ɛ̀ wlu dě ɔ̍ we̍.”

Wloma 11:25

Ǐn de̍di̍i̍ᵻ, mɔ̀ bɔ̌ ka nu̍ mɔ̀ blě flɔ̍nwlùh kli̍hgbɛ̍ wɛ̀. Ǎn pɔ̀n mɔ̀ iě tìh-a taǐn ɛ̀ sìle-a juo. Ɛ̍ se̍ Eslɔɛ nyɔ̍ kli̍hgbɛ̍ ùh se̍ dlǔ ku̍. Jɛ kǎ ɛ̍ mu̍ nɛ ke̍ te̍e̍ wɛ̀ ùh se̍-a Juu nyɔ̍ ùh Nyɔsoa tba̍-a chèɛ̀-ɛ, wɛ̀ u̍h iě ɔ̍ we̍ ji̍.

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

2 Kɔwlɛntiɔn 12:1

Ǐn kɔn iě wɔ̍i̍n po̍. Ɛ̍ se̍-o dɛ̍ po̍ mu̍ gbɛɛ, jɛ ǎn mu̍ se̍ mɔ̌ ja̍ᵻ ke nyɔ̍ i̍ toe dɛ̍ᵻ Joi toe-a m-ɛ sà.

Kelesea 1:12

Nyɔ̍-o-nyɔ̍ se̍ ɛ̍ ǐn nyǐ, iě nyɔ̍ se̍ ɛ̍ ǐn nǎ poe ke. Jusu Klai-a chɛ̀-a gbǎ bo ɔ̀ toe ɛ̍ m.

Ɛfɛsɔ 1:17

Nɛ̀ à Joi Jusu Klai-a Nyɔsoa ɔ̀ nu̍-a tìh-a i̍ bɛ̌-ɛ Baa-ɛ, ǎn wlu dě ɔ̍ we̍ ɔ̍ iě mɔ̀ ɔ̍ Sùù nyǐ. Wɛ̀ ɛ̍ iě mɔ̀ flɔ̍nwlùh nyǐ, ɛ̍ iě mɔ̀ Nyɔsoa toe, wɛ̀ mɔ̀ iě ɔ̍ juo.

Ɛfɛsɔ 3:4

Nɛ̀ pò mɔ̀ slè ɛ̍-ɛ, ka ǐn nu̍-a sìle dɛ̍ ɛ̀ tba̍-a dǒ Klai pùn i̍-ɛ we̍ i̍ wɔ̌n-ɛ, nɛ̀ mɔ̀-a mu̍ ɛ̍ juo.

Ɛfɛsɔ 3:6

Ɛ̀ nu̍-a sìle dɛ̍-a chɛ̀-ɛ, ɛ̍ nu̍ Jusu Klai ke ùh se̍-a Juu nyɔ̍-ɛ nɛ due dě pɔ̀n chɛ̀ di̍i̍. Ɛ̍ bo ɛ̀ nu̍ ɛ̍ iě u̍h blě ka fɔ̌ wɛ̀ dǒ dɛ̍ᵻ Nyɔsoa tè-a i̍ dǒ Juu nyɔ̍ we̍-ɛ we̍. Ɛ̍-ɛ due laa̍ bo ɛ̀ nu̍ ɛ̍ iě u̍h ke Juu nyɔ̍ nu̍ nyɔ̍ due wɛ̀, iě u̍h kɔn dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a ke.

Ɛfɛsɔ 3:9

Wɛ̀ iě dɛ̍ ɛ̀ Nyɔsoa ɔ̀ nu̍-a dɛ̍ᵻ kli̍hgbɛ̍-ɛ ɔ̍ sìle-a de tɛin-ɛ, ɛ̍ tìh we̍i̍ flɔn-ɛ ke dě nyɔ̍ kli̍hgbɛ̍ we̍.

Ɛfɛsɔ 6:19

Nɛ̀ mɔ̀ ba̍le dǒ ǎn tàà ke, pò ǐn ja wlu-ɛ wɛ̀ Nyɔsoa iě ǐn wlu̍ wɔ̍ɔ̍n po̍, wɛ̀ iě sìle dɛ̍ ɛ̀ tba̍-a dǒ pɔ̀n chɛ̀ pùn i̍-ɛ ɛ̍ tìh bla̍ gbài̍gbài̍.

Kalase 2:2

Ǎn nu̍ ɛ̍-ɛ wɛ̀ ɛ̍ iě u̍h-a wlùh fùka, u̍h iě due nɛ dě jbɛɛ di̍i̍. Nɛ̀ u̍h-a mu̍ dɛ̍ɛ̍ i̍ wɔ̌n-ɛa nya̍ pàn-ɛ slèěslè, wɛ̀ u̍h iě Klai ɔ̀ nu̍-a Nyɔsoa-a sìle dɛ̍-ɛ juo.

Kalase 4:3

Nɛ̀ mɔ̀ ba̍le dǒ à tàà ke, wɛ̀ Nyɔsoa iě wìè wɔ̍n flɔn-ɛ dǒ tu̍owli à mu̍-a po̍-ɛ we̍. Wɛ̀ à iě sìle dɛ̍ ɛ̀ tba̍-a dǒ Klai pùn i̍-ɛ bla̍. Sìle dɛ̍ la ɛ̍ bla̍-a tìh bo ǐn nɛ nɔ̌ kasoo.

Iblu 13:22

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍ ǎn slɛ̌n tù wlu̍ la mɔ̀ iě ɛ̍ dounᵻ we̍ po̍. Ɛ̍ kɔn chlǐh-dɛ̍ la ǐn chlǐh-a mɔ̀ we̍-ɛ, ɛ̍ se̍ dlǔ tɛn.

1 Pitɛ 5:12

Sale ɔ̀ nu̍-a ǐn de̍di̍i̍ ǐn gbaɛ-a wlùh-ɛ, ɔ̍ bo ɔ̀ gbǎ ǐn we̍ wɛ̀ ǐn chlǐh mɔ̀ chlǐh-dɛ̍ tile la we̍. Ǎn pɔ̀n iě mɔ̀-a wlùh fùka wɛ̀ mɔ̀ iě ɛ̍ juo ka ɛ̀ la ɛ̍ nu̍-a Nyɔsoa-a tìh-a taǐn blɛ-ɛ. Mɔ̀ ku̍-e i̍ dě ɛ̍ di̍i̍.

2 Pitɛ 3:15

Mɔ̀ blě-e ɛ̀ la dǒ wlùh kɛ̍n, à Joi-a wlùh i̍ gbɛ̍n-a nyǐ mɔ̀ flɔna̍ mɔ̀ iě pǔh. Kǎ à tìh kma de̍di̍i̍ Pɔɔ nu̍ mɔ̀ we̍ chlǐh-ɛ ke dǒ flɔ̍nwlùh Nyɔsoa nyǐ-a ɔ̍-ɛ we̍.