Ɛfɛsɔ 3:20 - Ku̍o̍ Delee 1999

²⁰ Nyɔsoa ɔ̀ kɔn gbǐh-a nu̍-a dbo̍ dě à ja̍a̍-ɛ, ɔ̍ bɛ̌ɛ dɛ̍ᵻ dɔu nu̍-ɛɛ ɛ̍ iě à jbǎ-a dɛ̍ᵻ ke wlùh i̍ naɛ dɛ̍ᵻ kli̍hgbɛ̍ sìì.

Ɛfɛsɔ 3:20 Iomraidhean Croise

Matio 3:9

Mɔ̀ bɔ̌ ka nu̍, ‘Àɔ̀ Eblaɛɛn-a nynuu̍, nɛ̀ Nyɔsoa se̍ à kàn gbɛ̍n mu̍,’ ɛ̍ nɔ̀ɔ̍, mɔ̀ bɔ̌ ɛ̍ dě di̍i̍ i̍ po̍-ɛ, dɛ̍nu̍ɛ, Nyɔsoa bɛ̌ɛ sɔɔ̌ᵻ la Eblaɛɛn-a nynuu̍ we̍i̍ nu̍-ɛ. Ɛ̍ kɔn ǎn sèàɛ̍ mɔ̀ wlùh,

Chɔɔn 10:10

Jlǐ-nyɔ̍ nɔ̀ɔ̍, ɔ̍ ji̍-i ɔ̍ iě nyɔ̍ dbǎ, ɔ̍ iě jlǐ, ɔ̍ iě dɛ̍-ɛ gbɔ̀lɔ. Jɛ mɔ̍ɔ, ǐn ji̍-i wɛ̀ nyɔ̍-a feɛ-a tùlɛ̀ iě wɛ̀n i̍ tba̍-ɛ.

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

Wloma 4:21

Ɔ̍ juo ɛ̍ kleǐn Nyɔsoa se̍ ɔ̍ tɔ̀ma̍a̍ wlu̍ kɛ̍n gblìh-ɛ bɛ̌ɛ.

1 Kɔwlɛntiɔn 2:9

Jɛ Nyɔsoa-a wlu̍ la̍a̍, “Dɛ̍ ɛ̀ jlǐhɛ̍ se̍-a jě, dounᵻ se̍-a wɔ̌n, wɛ̀ nyɔ̍ se̍-a wlùh kɛ̍n tè ɛ̀ iě-a nɛ-ɛ, ɛ̍ bo Nyɔsoa po̍ gba̍a̍ dǒ nyɔ̍ ùh jbɛɛ-a ɔ̍-ɛ we̍.”

2 Kɔwlɛntiɔn 9:8

Nɛ̀ Nyɔsoa bɛ̌ɛ ɔ̍ iě mɔ̀ pɔ̀ìě kli̍hgbɛ̍ nyǐ. Wɛ̀ mɔ̀ iě ìh kli̍hgbɛ̍ mɔ̀ nɛ-a blě ka̍-ɛ blě ti̍ kli̍hgbɛ̍ we̍ dǒ mɔ̀-a chɛ̀ we̍. Nɛ̀ mɔ̀-a mu̍ dɛ̍ᵻ tlùgbei̍ blě dǒ nu̍-dɛ̍ᵻ chɛ̀ kli̍hgbɛ̍ nu̍-ɛ we̍.

Ɛfɛsɔ 1:19

Wɛ̀ mɔ̀ iě ɛ̍ juo ke ka ɔ̍ gbǐh ku̍-a wɔ̍n dě àɔ̀ ùh gbaɛ-a ɔ̍ wlùh-ɛ ja̍a̍ kaa̍-ɛ. Gbǐh laa̍ bo ìh nu̍ klà dě à ja̍a̍ ìh kmu-a.

Ɛfɛsɔ 3:7

Nyɔsoa-a gbǐh-a nu̍ dbo̍, ɛ̍ kɔn ɔ̍ blɛ nɛ-ɛ nui ǐn pòi̍ju dǒ pɔ̀n chɛ̀ la we̍.

Kalase 1:29

Ɛ̍ kɔn ǐn nu̍ dbo̍, iě ǐn po̍ gbɔ̍igbɔ̍ dǒ ǎn kmu-gbǐh ìh Klai po̍-a dě ǐn ku̍u̍-ɛ we̍.

1 Timote 1:14

Wɛ̀ à Joi-a blɛ-a wlǎ-ɛ sɔ̀n i̍ dǒ ǐn we̍. Wɛ̀ ɔ̍ nyǐ ǐn wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ.

Iblu 11:19

Jɛ ɔ̍ juo ɛ̍-ɛ ka Nyɔsoa bɛ̌ɛ-a Ase dě-e sà-aɛ. Sɔ nɛ̀ kǎ à mu̍ la̍ ka dǎ, Ase wlǔh-e, iě Eblaɛɛn jě ɔ̍ jǔ dode̍.

Iblu 7:25

Ɛ̍ tìh-ɛ, nyɔ̍ ùh-a ji̍-a Nyɔsoa we̍ dě ɔ̍ ja̍a̍-ɛ, ɔ̍ bɛ̌ɛ u̍h pǔh-iɛ kaka ke ti̍ kli̍hgbɛ̍ we̍. Dɛ̍nu̍ɛ, ɔ̍ nɛ kmɔ̌ kleǐnklein ɔ̍ iě Nyɔsoa gbòɛ̀ i̍ bla̍-ɛ dǒ u̍h-a tàà.

Chiin 4:12

Nyɔsoa due gbài̍ ɔ̀ nu̍-a telě po̍ nyɔ̍-ɛ, ɔ̍-ɔ bo ɔ̀ iě nyɔ̍ tìh pùn tù. Ɔ̍ nɛ due bo ɔ̀ bɛ̌ɛ nyɔ̍ pǔh-iɛ, àe̍e̍ nyɔ̍-ɔ gbɔ̀lɔ-ɛ. Mɔ̀ɔ̍ àn nynɛ̌-ɛ ke iě àn tù ìn ba̍ tìh pùn ɛ?

2 Pitɛ 1:11

Nɛ̀ Nyɔsoa-a mu̍ mɔ̀ bu̍h i̍ sàɛ̀ wɛ̀ mɔ̀ iě dě à Sèìe Nyɔ̍ Joi Jusu Klai-a kmɔ̌ wlu̍ i̍ kɔn-ɛ di̍i̍ nɛ, ɛ̀ se̍-a i̍ sì la̍ kɔn-ɛ.

Judi 1:24

Nyɔsoa bo ɔ̀ bɛ̌ɛ kmɔ̌ nɛ-ɛ iě mɔ̀ se̍ tàmlain gbǎ-ɛ mu̍, wɛ̀ mɔ̀ iě nɛi̍ wɛ̀. Nɛ̀ ɔ̍ mu̍ mɔ̀ dǒ ɔ̍ chɛ̀ jlǐhwai gba̍ dǒ mɔna̍ dɔu we̍, wɛ̀ mɔ̀ iě ɔ̍ tìh-a i̍ bɛ̌-ɛ jě.