Ɛfɛsɔ 3:2 - Ku̍o̍ Delee 1999

² Ǐn juo ɛ̍-ɛ mɔ̀ wɔ̌n i̍h wɛ̀, Nyɔsoa-a blɛ nɛ-ɛ bo ɛ̀ nu̍ ɛ̍ wɛ̀ ɔ̍ nyǐ ǐn dbo̍ la iě ɛ̍ nu̍ dǒ mɔ̀ we̍.

Ɛfɛsɔ 3:2 Iomraidhean Croise

Nu̍-dɛ̍ᵻ 13:2

U̍h nɛ dǒ Joi wɛɛ sà la̍ u̍h-a po̍ jlǔh, wɛ̀ Nyɔsoa-a Sùù la̍a̍ dě u̍h we̍, “Mɔ̀ tè-e Banaba ke Sɔɔ pɔ̌ dǒ ǐn we̍, dbo̍ kɔn tìh ǐn dǎ-a u̍h-ɛ, u̍h iě ɛ̍ nu̍.”

Nu̍-dɛ̍ᵻ 13:46

Wɛ̀ Pɔɔ ke Banaba wlu gbài̍gbài̍, u̍h la̍a̍, “Dě mɔ̀ we̍ bo à kɔn à iě Nyɔsoa-a wlu̍ la bla̍-ɛ sàǐtòò. Jɛ ka mɔ̀ tba̍-a ɛ̍ chla-ɛ, iě mɔ̀-a chɛ̀ nɔ̀ɔ̍, mɔ̀ se̍-a kmɔ̌ sie feɛ jě ka̍ nɛ-ɛ, nɛ̀ à mu̍ à dɛ̍ dě ùh se̍-a Juu nyɔ̍-ɛ we̍ o.

Nu̍-dɛ̍ᵻ 22:21

Wɛ̀ Joi la̍a̍, ‘Mu̍, dɛ̍nu̍ɛ, ǎn mu̍ ìn tà tɔ̀ɔ̀n dbo̍ dě ùh se̍-a Juu nyɔ̍-ɛ we̍.’ ”

Nu̍-dɛ̍ᵻ 9:15

Jɛ Joi la̍a̍ dě ɔ̍ we̍, “Mu̍, dɛ̍nu̍ɛ, ǐn tba̍ ɔ̍ chèɛ̀ wɛ̀ ɔ̍ iě ǐn jǔ dbee, wɛ̀ ɔ̍ iě ǎn nynɛ̌ dě ùh se̍-a Juu nyɔ̍-ɛ ke blǔh baaᵻ we̍ gba̍, ɛ̍ ke dě Eslɔɛ nyɔ̍ we̍ ke.

Wloma 1:5

Dě ɔ̍ ja̍a̍ bo à jii wɛ̀ Nyɔsoa-a blɛ nɛ-ɛ nui àɔ̀ ɔ̍ gba̍tòà we̍i̍. Ɔ̍ nynɛ̌-a i̍ bɛ̌-ɛ tìh bo ɔ̍ dbo̍ àɔ̀ dě kmɔ̌ nyɔ̍ kli̍hgbɛ̍ we̍, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 11:13

Kaka la̍, mɔ̀ɔ̍ ùh se̍-a Juu nyɔ̍-ɛ, dě mɔ̀ we̍ bo ǎn wlu. Ka jɛ ǐn nu̍-a Klai-a gba̍tòà dǒ mɔ̀ we̍-ɛ, sɔ nɛ̀ dbo̍-a chɛ̀ kɔn tìh bo ǎn po̍ tlɔ̌.

Wloma 12:3

Blɛ Nyɔsoa nɛ-a dǒ ǐn we̍-ɛ, dǒ ǐn tba̍ bu̍h i̍ iě ǎn sèàɛ̍ ka mɔ̀ kli̍hgbɛ̍ wlùh. Mɔ̀ bɔ̌ mɔ̀-a chɛ̀ dɛ̍kɛ̍n gbǎ nyɔ̍ slè-eɛ wɛ̀ mɔ̀ bɔ̌-o i̍ sì-ɛ. Jɛ mɔ̀ kɔn gblɛ̍n mɔ̀ iě mɔ̀-a chɛ̀ tɔ̀ɔ̀n tù dǒ wlùh gbaɛ Nyɔsoa nyǐ-a mɔ̀-ɛ we̍.

1 Kɔwlɛntiɔn 4:1

Mɔ̀ jě àɔ̀ Klai-a pòi̍nynuu̍ ka, ɛ̍ ke nyɔ̍ ùh-a sèàɛ̍-a Nyɔsoa-a slǎn wlu̍ we̍ i̍-ɛ ke.

Kelesea 1:13

Ti̍ iě-a dě Juu nyɔ̍ naɛ Nyɔsoa wɛɛ sà kmɔ̌ di̍i̍ nɛ tɛin-ɛ, mɔ̀ wɔ̌n ɛ̍ pɔ̀n. Nɛ̀ ǎn jě-e Nyɔsoa-a chɔchi̍h klě kàka̍, iě ǎn fɔ̀n dɛ̍ we̍ iě i̍h-i gbɔ̀lɔ.

Ɛfɛsɔ 1:10

Di̍i̍chì Nyɔsoa chɛ̍n-aɛ, ɛ̍ nu̍ pò ti̍ blaɛ i̍-ɛ, nɛ̀ dɛ̍ᵻ nɛ-a dě ja̍i̍-ɛ ke jih nɛ-a nɔ̌ bloɔ̍-ɛ, nɛ̀ ɔ̍ mu̍ i̍h kli̍hgbɛ̍ tàdùè po̍, wɛ̀ Klai iě i̍h-a wlu̍ kwa̍ blě.

Ɛfɛsɔ 3:7

Nyɔsoa-a gbǐh-a nu̍ dbo̍, ɛ̍ kɔn ɔ̍ blɛ nɛ-ɛ nui ǐn pòi̍ju dǒ pɔ̀n chɛ̀ la we̍.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Ɛfɛsɔ 3:9

Wɛ̀ iě dɛ̍ ɛ̀ Nyɔsoa ɔ̀ nu̍-a dɛ̍ᵻ kli̍hgbɛ̍-ɛ ɔ̍ sìle-a de tɛin-ɛ, ɛ̍ tìh we̍i̍ flɔn-ɛ ke dě nyɔ̍ kli̍hgbɛ̍ we̍.

Ɛfɛsɔ 4:21

Ǐn juo ɛ̍-ɛ mɔ̀ wɔ̌n ɔ̍ dɛ-a pɔ̀n wɛ̀, iě mɔ̀ poe-ɛ nǎ wɛ̀ ke dǒ tìh-a taǐn ɛ̀ nɛ-a dě ɔ̍ ja̍a̍-ɛ we̍.

Ɛfɛsɔ 4:7

Nyǐ-dɛ̍ᵻ Klai nyǐ-a àɔ̀ blɛ ka-ɛ, ka ɔ̍ pɔ̀n-a i̍h iě-a nɛ-ɛ nu̍-ɛ kǎ ɔ̍ nu̍ i̍h gblè-ɛ.

Kalase 1:4

Ka mɔ̀ gbaɛ-a Jusu Klai wlùh-ɛ, ɛ̍ kɔn pɔ̀n bo à wɔ̌n, ɛ̍ ke ka mɔ̀ kma-a Nyɔsoa nyɔ̍ kli̍hgbɛ̍-a tìh-ɛ ke.

Kalase 1:6

Pɔ̀n chɛ̀ la ɛ̍ ku̍ i̍ iě ɛ̍ wɔ̀ ka bloa̍ kli̍hgbɛ̍ dlǔ. Kǎ ɛ̍ nu̍ ke dě mɔ̀ nynɛ̌ sɔ dǒ weɛ̍ mɔ̀ wɔ̌n-a ɛ̍ iě mɔ̀ ju̍o̍e-a Nyɔsoa-a blɛ we̍ i̍-ɛ.

1 Timote 1:11

Pɔ̀ìě Nyɔsoa ɔ̀ kɔn nynɛ̌ bɛ̌-a i̍-ɛ, pɔ̀n chɛ̀ ɔ̍ nyǐ-a m iě-a bla̍-ɛ, dě ɛ̍ di̍i̍ bo nǎ po̍ wlu̍ la ɛ̍ sɔ-ɔ.

1 Timote 1:4

Sèàɛ̍ u̍h wlùh, se̍o̍nɛ-ɛ sà-a ke baaᵻá baaᵻ slè-ɛ se̍ siee la̍ kɔn laa̍, u̍h bɔ̌ i̍h we̍ fòè-ɛ. Dɛ̍nu̍ɛ, Nyɔsoa-a di̍i̍chì à juo-a dě wlùh gbaɛ di̍i̍-ɛ, ɛ̍ ke i̍h se̍ wìè due gba̍. Jɛ i̍h blě wɔ̍ɔ̍n i̍ sà-a sǔh.

1 Timote 2:7

Ɛ̍ tìh bo Nyɔsoa tba̍ ǐn chèɛ̀ iě tìh bla̍ nyɔ̍ ke gba̍tòà nu̍. Wɛ̀ ǐn nu̍ ùh se̍-a Juu nyɔ̍-ɛ nǎ po̍ nyɔ̍ dǒ wlùh gbaɛ ke tìh-a taǐn we̍. (Tìh-a taǐn bo ǎn sà-a, ǐn se̍ si̍h tmɔ̌.)

2 Timote 1:11

Pɔ̀n chɛ̀ la ɛ̍ tìh bo Nyɔsoa tba̍ ǐn chèɛ̀ iě ɛ̍ tìh bla̍ nyɔ̍ ke, gba̍tòà ke nǎ po̍ nyɔ̍ nu̍.