Ɛfɛsɔ 3:18 - Ku̍o̍ Delee 1999

¹⁸ Wɛ̀ mɔ̀ ke Nyɔsoa-a nyɔ̍ kli̍hgbɛ̍ iě gbǐh blě, mɔ̀ iě Klai-a mɔ̀ɔ̍ jbɛɛ ɛ̀ se̍-a sie-e la̍ kɔn-ɛ we̍ i̍ ju̍o̍e.

Ɛfɛsɔ 3:18 Iomraidhean Croise

Chɔɔn 15:13

Nyɔ̍ ɔ̀ sà-a ɔ̍ feɛ kwlǎ dǒ ɔ̍ jbɛɛ nyɔ̍ we̍-ɛ, nɛ̀ jbɛɛ dɛɛ se̍ wɔ̍n ku̍ ɛ̍ se̍ ɔ̍ naɛ sìì.

Wloma 10:3

Ka Nyɔsoa-a nu̍-a nyɔ̍ i̍ slɛ̌-ɛ, u̍h se̍ ɛ̍ dɛ-ɛ i̍ wɔ̌n. U̍h-a fɔ̀n dɛ̍ we̍ u̍h iě u̍h-a chɛ̀ naɛ gbɔ̀ tè. U̍h se̍ u̍h-a chɛ̀ wlù ja dǒ ka Nyɔsoa-a nu̍-a nyɔ̍ i̍ slɛ̌-ɛ we̍.

2 Kɔwlɛntiɔn 13:13

Nyɔsoa nyɔ̍ kli̍hgbɛ̍ la̍ u̍h sà mɔ̀ nyinɔ̍ i̍.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Kelesea 3:13

Klai pùhbɔ à kɛ̍ɛ̍n dǒ kàɔ̀ telě-a mu̍-a à dlǔ wlǎ de-ɛ we̍. Kàɔ̀ ɛ̀ iě-a à dlǔ wlǎ de-ɛ, ɛ̍ bo ɛ̀ wlǎ-a dǒ Klai dlǔ dǒ à wɔ̀ɔ̀. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ u̍h pèle-a dǒ tu̍ wlì-ɛ, nɛ̀ kàɔ̀ gbɛ̍n ɔ̍-ɛ.”

Ɛfɛsɔ 1:10

Di̍i̍chì Nyɔsoa chɛ̍n-aɛ, ɛ̍ nu̍ pò ti̍ blaɛ i̍-ɛ, nɛ̀ dɛ̍ᵻ nɛ-a dě ja̍i̍-ɛ ke jih nɛ-a nɔ̌ bloɔ̍-ɛ, nɛ̀ ɔ̍ mu̍ i̍h kli̍hgbɛ̍ tàdùè po̍, wɛ̀ Klai iě i̍h-a wlu̍ kwa̍ blě.

Ɛfɛsɔ 1:15

Ka Nyɔsoa nyǐ-a à pɔ̀ìě la-ɛ, ti̍ ǐn wɔ̌n-a mɔ̀-a nynɛ̌ ka mɔ̀ gbaɛ-a Joi Jusu wlùh iě mɔ̀ jbɛɛ-a Nyɔsoa nyɔ̍ kli̍hgbɛ̍-ɛ,

Ɛfɛsɔ 3:19

Wɛ̀ mɔ̀ iě ɛ̍ juo ka Klai jbɛɛ-a mɔ̀ɔ̍-ɛ. Nyɔ̍ se̍ ɔ̍ mɔ̀ɔ̍ jbɛɛ we̍ i̍ ju̍o̍e-ɛ bɛ̌ɛ kleǐnklein. Nɛ̀ ɔ̍ jbɛɛ-a mu̍ ɛ̍ nu̍ Nyɔsoa-a nɛ ka̍ iě mɔ̀ɔ̍ i̍ jǐi.

Kalase 1:4

Ka mɔ̀ gbaɛ-a Jusu Klai wlùh-ɛ, ɛ̍ kɔn pɔ̀n bo à wɔ̌n, ɛ̍ ke ka mɔ̀ kma-a Nyɔsoa nyɔ̍ kli̍hgbɛ̍-a tìh-ɛ ke.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.