Ɛfɛsɔ 3:17 - Ku̍o̍ Delee 1999

¹⁷ Wɛ̀ Klai iě dě mɔ̀ wlùh di̍i̍ tǐn dǒ mɔ̀-a wlùh gbaɛ blě-ɛ we̍. Ǎn ba̍le Nyɔsoa wɛ̀ jbɛɛ iě mɔ̀-a blǔh nu̍ mɔ̀ iě ɛ̍ sɛ̌n kɛ̍n poe, wɛ̀ mɔ̀ iě i̍ ku̍.

Ɛfɛsɔ 3:17 Iomraidhean Croise

Pɔ̀n Chɛ̀ Luu To-a La 6:48

nɛ̀ ɔ̍ wɔ̀ jɔ̍gbau ɔ̀ ji̍-a gbò po̍ la̍-ɛ. Ɔ̍ blǔ biě tɔ̀ɔ̀n dǒ sɔɔ̌ kɛ̍n, dǒ ɔ̍ poe gbò laa̍ wlù i̍. Wɛ̀ tègbè tè, iě ɛ̍ du̍ gbò laa̍ we̍, wɛ̀ gbò-a chɛ̀ se̍ i̍ tǐhlɔ. Dɛ̍nu̍ɛ, ɛ̍ poe-ɛ kèi̍nkèi̍n.

Chɔɔn 14:23

Iě Jusu la̍a̍, “Pò nyɔ̍ jbɛɛ m-ɛ, nɛ̀ ɔ̍ mu̍ ǎn wlu̍ nu̍, nɛ̀ ǐn Baa-a mu̍ ɔ̍-ɔ jbɛɛ. Nɛ̀ à mu̍ dě ɔ̍ we̍ ji̍, wɛ̀ dě ɔ̍ we̍ iě à blǐ nu̍.

Chɔɔn 17:23

Ǐn nɛ u̍h-u iě ìn nɛ m, wɛ̀ u̍h-a due nɛ-ɛ iě gblɛ̍ja̍i̍ wɛ̀. Wɛ̀ kmɔ̌ iě ɛ̍ juo ka ìn dbo̍-a m, iě ìn jbɛɛ-a u̍h-u ka ìn nu̍-a ǐn jbɛɛ-ɛ.

Chɔɔn 6:56

Nyɔ̍ jɔ di̍-a ǎn ku̍, iě ɔ̍ nǎ-a ǎn nymɔ̍-ɛ, nɛ̀ ɔ̍ nɛ dě ǐn ja̍a̍, iě ǐn nɛ dě ɔ̍ ja̍a̍.

Wloma 5:5

Nɛ̀ wlùh i̍ kɔ̍ dɛ̍ se̍ à si̍h wɔ̍n po̍ mu̍, dɛ̍nu̍ɛ, Nyɔsoa-a Sùù ɛ̀ ɔ̍ nyǐ-a àɔ̀-ɛ, ɛ̍ nu̍ ɛ̍ iě Nyɔsoa jbɛɛ àɔ̀ kaa̍.

1 Kɔwlɛntiɔn 3:6

Mɔ̍ bo ɔ̀ tù dɛ̍, iě Apolo nyǐ ɛ̍ nǐ, jɛ nɛ̀ Nyɔsoa bo ɔ̀ nu̍ ɛ̍ wɛ̀ ɛ̍ ku̍.

1 Kɔwlɛntiɔn 8:1

Nɛ̀ɛ̍, ɛ̀ la bo ɛ̀ tba̍ dǒ kwɛ̍i̍n gbo̍ᵻá slaǎ sà di̍-dɛ̍ᵻ pùn i̍. À juo i̍h ka “à kli̍hgbɛ̍ à blě-a tɔɔ-ɛ.” Jɛ tɔɔ-a bɛ̌-ɛ ɛ̍ chɛ̀ i̍, wɛ̀ jbɛɛ nɔ̀ɔ̍, ɛ̍ po̍ muɔ.

2 Kɔwlɛntiɔn 13:5

Mɔ̀ chlɛ̌ mɔ̀-a chɛ̀ i̍ pò mɔ̀ blě wlùh gbaɛ chɛ̀ɛ̌chɛ̀-ɛ. Mɔ̀ tɛ̀n mɔ̀-a chɛ̀-ɛ. Mɔ̀ se̍ i̍h juo ka Jusu Klai nɛ-a dě mɔ̀ ja̍a̍-ɛ ae? Pò mɔ̀ pɔ̀ dě mɔ̀-a tɛ̀n-ɛ di̍i̍-ɛ, ɛ̍ kɔn tɛ̀ ǐn sà-o.

2 Kɔwlɛntiɔn 6:16

Ka Nyɔsoa-a slaǎ sà gbò ke kwɛ̍i̍n gbo̍ᵻá mu̍ wlu̍ i̍ wɔɛ̌ɛn-ɛ nu̍ ɛ? À-a bo à nu̍ kmɔ̌ nɛ Nyɔsoa-a slaǎ sà gbò. Nyɔsoa-a chɛ̀ la̍a̍, “Ǎn mu̍ dě ǎn nyɔ̍ nynɛ̌ tǐn, wɛ̀ iě u̍h nynɛ̌ i̍ na. Ǎn mu̍ u̍h-a Nyɔsoa nu̍, wɛ̀ u̍h iě ǎn nyɔ̍ nu̍.”

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Kalase 1:23

Jɛ nɛ̀ mɔ̀ kɔn mɔ̀ iě wlùh gbaɛ dluwe̍ i̍ gba̍, mɔ̀ iě gbǐh blě, mɔ̀ iě dě tu̍ i̍ ku̍ dǒ pɔ̀n chɛ̀ mɔ̀ wɔ̌n-aɛ pùn. Ɛ̍ bo ɛ̀ nu̍ wlì tè dɛ̍, mɔ̀ bɔ̌ dǒ ɛ̍ de̍e̍ sɔ-ɛ. Pɔ̀n chɛ̀ la ɛ̍ kɔn tìh bo ɛ̀ bla̍-ɛa dě kmɔ̌ nyɔ̍ kli̍hgbɛ̍ we̍. Mɔ̍ Pɔɔ la, ɛ̍ kɔn pòi̍ju bo ǐn nu̍.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

Kalase 2:7

Mɔ̀ po̍ sɛ̌n mɔ̀ iě-o ta̍i̍ gbǎ dě ɔ̍ ja̍a̍. Mɔ̀ tè ɔ̍ wlì. Ka mɔ̀ nu̍-a nǎ poe-ɛɛ, kǎ mɔ̀-a wlùh gbaɛ iě kmu-ɛ nu̍. Nɛ̀ tlɔ̌ po̍-ɛ bo ɛ̀ iě i̍ tìè dě mɔ̀ ku̍sɔ̀n.

1 Chɔɔn 4:16

Jbɛɛ Nyɔsoa blě-a dǒ à we̍-ɛ, à chɛ̀-a gbǎ juo ɛ̍ i̍ iě à gbaɛ ɛ̍ wlùh. Nyɔsoa mɔ jbɛɛ nɛ̀ nyɔ̍ jɔ nɛ-a dě jbɛɛ di̍i̍-ɛ, nɛ̀ ɔ̍ nɛ dě Nyɔsoa ja̍a̍ iě Nyɔsoa nɛ dě ɔ̍ ja̍a̍.

1 Chɔɔn 4:4

Ǎn nynuu̍, mɔ̀ɔ̍ nɔ̀ɔ̍, mɔ̀ sɔ dě Nyɔsoa we̍, iě mɔ̀ sà tu̍owli po̍ nyɔ̍-a si̍h naɛ klà. Dɛ̍nu̍ɛ, Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ɛ̍ gbǐh ku̍ wɔ̍n ɛ̍ sìì Nyɔ̍ Sɔ̀n jɔ nɛ-a nɔ̌ kmɔ̌ we̍-ɛ.

Wlɛfeleseɔn 3:20

Kaka la̍, ǐn nyna i̍ dǒ gbaba kɛ̍ɛ̍n iě ǎn bla̍ ɛ̍. Pò nyɔ̍-o-nyɔ̍ wɔ̌n ǎn wlu̍ wɛ̀ ɔ̍ iě dǒ gbò wɔ̍i̍n pɔ̀ni-ɛ, nɛ̀ ǎn mu̍ dě ɔ̍ we̍ gbò pa̍ ɔ̍ ke ǐn ke à iě sɔ̍n jǔ gbo̍a̍ɛ.