Ɛfɛsɔ 3:15 - Ku̍o̍ Delee 1999

¹⁵ Ɔ̍-ɔ bo ɔ̀ nyǐ nyɔ̍ kli̍hgbɛ̍ nɛ-a dě ja̍i̍wlɔ̀-ɛ ke nɔ̌ bloɔ̍-ɛ feɛ.

Ɛfɛsɔ 3:15 Iomraidhean Croise

Nu̍-dɛ̍ᵻ 11:26

Ti̍ ɔ̍ jě-a Sɔɔ-ɛ, wɛ̀ ɔ̍ ja ɔ̍ Antiɔ. Iě u̍h dǔ sɔ̀n gbàǐ dǒ u̍h ke chɔchi̍h-a tàdùè gbǎ-a we̍, iě u̍h po̍ nyɔ̍ dɔu nǎ. Dě Antiɔ laa̍ bo u̍h sàɛ̀ Jusu-a kòà Klai nyɔ̍ dǎɛ-ɛ i̍.

Ɛfɛsɔ 1:10

Di̍i̍chì Nyɔsoa chɛ̍n-aɛ, ɛ̍ nu̍ pò ti̍ blaɛ i̍-ɛ, nɛ̀ dɛ̍ᵻ nɛ-a dě ja̍i̍-ɛ ke jih nɛ-a nɔ̌ bloɔ̍-ɛ, nɛ̀ ɔ̍ mu̍ i̍h kli̍hgbɛ̍ tàdùè po̍, wɛ̀ Klai iě i̍h-a wlu̍ kwa̍ blě.

Ɛfɛsɔ 1:21

Dɛ̍ᵻ wlu̍ i̍ kɔn-ɛ ke, gbǐh ke, tùn blě-ɛ ke, joi kli̍hgbɛ̍ nɛ-a dě dlǔwèàì-ɛ, Klai kɔn i̍h wlu̍ kɛ̍ɛ̍n wɛ̀. Nɛ̀ nyɔ̍ wɔ̍n sìì nynɛ̌ kli̍hgbɛ̍ nɛ-a kaka-ɛ ke jih-a mu̍-a ji̍-ɛ, ɔ̍ naɛ sìì i̍h wɔ̍n.

Ɛfɛsɔ 3:14

Dɛ̍ Baa Nyɔsoa nu̍-aɛ, ɛ̍ tìh bo ǐn po̍ kɔlu̍ᵻ wlù dǒ ɔ̍ jǔ.

Ɛfɛsɔ 3:16

Ǎn ba̍le ɔ̍-ɛ, ɔ̍ tìh-a i̍ bɛ̌-ɛ ɛ̀ ku̍-a wɔ̍n kaa̍-ɛ, ɔ̍ iě ɛ̍ mɔ̀-a wlùh fùka-ɛ dě ɔ̍ Sùù di̍i̍.

Kalase 1:20

Dě ɔ̍ ja̍a̍ bo Nyɔsoa ke dɛ̍ᵻ kli̍hgbɛ̍ gbǎ-ɛ tàdùè. Jih nɛ-a nɔ̌ kmɔ̌-ɛ ke, jih nɛ-a dě ja̍i̍wlɔ̀-ɛ, ɔ̍ dǒ gbàɛ̍ kɛ̍n i̍ tu̍ wlì mɛ̌ɛ bo ɛ̀ gbe̍ɛ̍ɛn i̍h ke Nyɔsoa-a wlu̍ kɛ̍n i̍ dode̍.

Wlɛfeleseɔn 2:17

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ di̍-dɛ̍ᵻ u̍h-a dǎɛ-a mana ìh sìle-aɛ, ǎn mu̍ ɔ̍ diih nyǐ. Nɛ̀ ǎn mu̍ ɔ̍ sɔɔ̌ gbo̍ plǔ nyǐ, nynɛ̌ delee iě chlǐh-ɛ dǒ ɛ̍ kɛ̍n. Nyɔ̍ dɔɔ se̍ nynɛ̌ laa̍ juo mu̍. Nyɔ̍ ɔ̀ blě-a sɔɔ̌ laa̍-ɛ, ɔ̍ kɔn tɛ̀ ǐn sà-o.”

Wlɛfeleseɔn 3:12

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ sìtù we̍i̍ nu̍ dě ǎn Nyɔsoa-a slaǎ sà gbò sɔ̀n. Nɛ̀ ɔ̍ se̍ gba̍ deě sɔ dɛ. Nɛ̀ ǎn mu̍ ǎn Nyɔsoa-a nynɛ̌ chlǐh dǒ ɔ̍ pùn, ɛ̍ ke ǎn Nyɔsoa-a tùgbàwlɔ̀-a nynɛ̌ ke, ɛ̀ nu̍-a Juluslɛn wlɔ̀ delee ɛ̀ sɔ-a dě ǎn Nyɔsoa we̍ ja̍i̍wlɔ̀-ɛ. Ǎn mu̍ ǎn chɛ̀-a nynɛ̌ delee chlǐh ke dǒ ɔ̍ pùn.