Ɛfɛsɔ 3:13 - Ku̍o̍ Delee 1999

¹³ Ɛ̍ tìh-ɛ, ǐn gbɛ̍n mɔ̀-a bu̍hᵻ i̍, mɔ̀-a wlùh bɔ̌ dě de̍ i̍ gbǎ-a ka ǎn sàɛ̀-a jua̍i̍ mɔ̀-a tìh-ɛ. Ɛ̍ bo ɛ̀ mu̍-o mɔ̀-a dɛ̍ po̍.

Ɛfɛsɔ 3:13 Iomraidhean Croise

Nu̍-dɛ̍ᵻ 14:22

Wɛ̀ u̍h-a po̍ Jusu-a kòà nɛ-a deě-ɛ gbǐh ku̍u̍, iě u̍h-a fùka u̍h-a wlùh u̍h iě wlùh gbaɛ dɛ kɛ̍n sie. U̍h la̍a̍, “Dě jua̍i̍ sàɛ̀-ɛ dɔu di̍i̍ bo à mu̍ jii sasǎ wɛ̀ à iě dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍.”

2 Kɔwlɛntiɔn 1:6

Pò à jě tìh-ɛ, nɛ̀ mɔ̀-a we̍ gbǎ-a ke mɔ̀-a pǔh-u tìh bo. Pò à gbǎ-ɛ we̍-ɛ, nɛ̀ mɔ̀ gbǎ-ɛ we̍ ke, iě mɔ̀ nyǐ-ɛ gbǐh mɔ̀ iě-e klì i̍ ku̍ mɔ̀ iě wlùh i̍ gbɛ̍n dě mɔ̀-a jua̍i̍ sàɛ̀ di̍i̍ ka à nu̍-a jua̍i̍ sàɛ̀-ɛ ke-ɛ.

2 Kɔwlɛntiɔn 4:1

Dě Nyɔsoa-a wɔɛ kɔn-ɛ di̍i̍ bo ɔ̍ nyǐ-i àɔ̀ dbo̍ la à iě nu̍. Ɛ̍ tìh-ɛ, à se̍ se̍a̍ dǒ dbo̍ nu̍ la̍.

Kelesea 6:9

Nɛ̀ɛ̍, mɔ̀ à bɔ̌ se̍a̍-a dǒ dɛ̍ chɛ̀ nu̍-ɛ we̍. Pò à se̍ se̍a̍ wɛ̀ ti̍ iě nyni̍-ɛ, nɛ̀ à mu̍ dɛ̍ chɛ̀ gbǎn.

Ɛfɛsɔ 3:1

Dɛ̍ laa̍ ɛ̀ Nyɔsoa nu̍-a, ɛ̍ kɔn tìh ǎn ba̍le ɔ̍. Mɔ̀ɔ̍ ùh se̍-a Juu nyɔ̍-ɛ mɔ̀-a tìh bo wɛ̀ ǐn nu̍ Jusu Klai-a pòi̍ju, iě ǐn nu̍ ka gbɛ̍n-nyɔ̍.

Felepai 2:18

Mɔ̀-a pɔluh kɔn ɛ̍ iě i̍ pɛ̌n ke mɔ̀ ke ǐn ke à iě mɔna̍ we̍ nui.

Kalase 1:24

Kaka la̍ tìh ǐn jě-a dǒ mɔ̀ we̍-ɛ, ɛ̍ po̍ ǐn mɔna̍-a. Dɛ̍nu̍ɛ, tìh ǐn jě-a dǒ ǎn nyi̍ɔ̍ku we̍-ɛ, ɛ̍ nɛ kmɔ̌ wɛ̀ tìh jě-ɛ sie-a dǒ Klai we̍-ɛ, iě ǐn wɔ̀ ɛ̍ i̍ dǒ chɔchi̍h ɛ̀ nu̍-a ɔ̍ ku̍-ɛ we̍.

2 Tɛsoloniɔn 3:13

À de̍di̍i̍ᵻ, mɔ̀ bɔ̌ se̍a̍ dǒ dɛ̍ chɛ̀ nu̍-ɛ we̍.