Ɛfɛsɔ 3:12 - Ku̍o̍ Delee 1999

¹² Nɛ̀ ka à ke Klai nɛ-a due iě à gbaɛ-a ɔ̍ wlùh-ɛ, nɛ̀ à bɛ̌ wlì i̍ wɛ̀. Nɛ̀ dɛ̍ se̍ à i̍ ka̍n dɛ dǒ Nyɔsoa wlì mu̍ la̍.

Ɛfɛsɔ 3:12 Iomraidhean Croise

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Wloma 3:22

Nyɔsoa-a slè-e nyɔ̍ i̍ slɛ̌-nyɔ̍ dě nyɔ̍-a Jusu Klai wlùh gbaɛ di̍i̍. Ɔ̍ nu̍ ɛ̍-ɛ dǒ nyɔ̍ kli̍hgbɛ̍ ùh blě-a wlùh gbaɛ-ɛ we̍, ɔ̍-ɔ chlɛ̌-e nyɔ̍ i̍.

Wloma 5:2

Dě ɔ̍ ja̍a̍ bo à jii iě à jě Nyɔsoa-a blɛ à nɛ-a ka dě di̍i̍-ɛ ɛ̍ gbɛ̍n la̍. Nyɔsoa-a tìh-a i̍ bɛ̌-ɛ à mu̍-a kwa̍a̍ i̍ klɛ̀ɛ̀n-ɛ, ɛ̍ bo à kɔ̍ wlùh i̍ wɛ̀ à nmɔ.

2 Kɔwlɛntiɔn 3:4

À bla̍ ìh la, dɛ̍nu̍ɛ, Klai nu̍ ɛ̍ iě à tè Nyɔsoa wlì.

Ɛfɛsɔ 2:18

Dě Klai ja̍a̍ bo à jii wɛ̀ à wìè flɔn ka wɔ̍n dě Baa Nyɔsoa we̍ dǒ ɔ̍ Sùù-a à we̍ gbǎ-a we̍.

Iblu 10:35

Ɛ̍ tìh-ɛ, mɔ̀ ku̍ di̍i̍ i̍, dɛ̍nu̍ɛ, dě ɛ̍ di̍i̍ bo jě-dɛ̍ klaa nɛ.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Chɔɔn 2:28

Nɛ̀ɛ̍, ǎn nynuu̍, mɔ̀ nɛ dě ɔ̍ ja̍a̍, wɛ̀ ti̍ ɔ̍ mu̍-a à kɛ̍n wlǔh-iɛ, wɛ̀ à iě faɔn wɛ̀. Iě tɛ̀n-ɛ je̍e à nu̍, wɛ̀ à-a je̍e sìle dǒ ɔ̍ ji̍ la̍-a.

1 Chɔɔn 3:21

Ǎn tìh kma nyɔ̍, pò à wlùh se̍ à kɛ̀n sà-ɛ, nɛ̀ à mu̍ wlì i̍ bɛ̌ dǒ Nyɔsoa jǔ.