Ɛfɛsɔ 3:1 - Ku̍o̍ Delee 1999

¹ Dɛ̍ laa̍ ɛ̀ Nyɔsoa nu̍-a, ɛ̍ kɔn tìh ǎn ba̍le ɔ̍. Mɔ̀ɔ̍ ùh se̍-a Juu nyɔ̍-ɛ mɔ̀-a tìh bo wɛ̀ ǐn nu̍ Jusu Klai-a pòi̍ju, iě ǐn nu̍ ka gbɛ̍n-nyɔ̍.

Ɛfɛsɔ 3:1 Iomraidhean Croise

Pɔ̀n Chɛ̀ Luu To-a La 21:12

Jɛ pò ìh kli̍hgbɛ̍ la i̍h iě nɛ-ɛ, mɔ̀-a mu̍ gbɛ̍n-ɛ, u̍h iě mɔ̀ klě jě-e. Nɛ̀ u̍h-a mu̍ mɔ̀ sàwi̍h sì la̍ gba̍ dě wɛɛ sà gbòᵻ sɔ̀n i̍, wɛ̀ u̍h iě mɔ̀ kasooᵻ i̍ po̍. Ǎn tìh-ɛ, u̍h-a mu̍ mɔ̀ dǒ blǔh baaᵻ ke kɔ̀mla̍ᵻ jǔ gba̍.

Nu̍-dɛ̍ᵻ 21:33

Wɛ̀ ɔ̍ mu̍ iě ɔ̍ gbɛ̍n Pɔɔ. Wɛ̀ ɔ̍ po̍ ɔ̍ fledlǔ slǔh u̍h iě Pɔɔ jɔɔdbǔᵻ sɔɔ̌n sa̍n-ɛ. Wɛ̀ ɔ̍ tèle u̍h i̍, ɔ̍ la̍a̍, “Jɔ̍gbau la ka ɔ̍ tìh nɛ ɛ? Dɛ̍ ɔ̍ nu̍ ɛ?”

Nu̍-dɛ̍ᵻ 23:18

Wɛ̀ ɔ̍ gba̍ jǔ laa̍ dě u̍h-a nyɔ̍ klaa we̍, iě ɔ̍ la̍a̍, “Gbɛ̍n-nyɔ̍ Pɔɔ bo ɔ̀ dǎ m̌ iě jɔ̍gbau jǔ la nɔ̌ ìn we̍ ja. Dɛ̍nu̍ɛ, ɔ̍ blě dɛ̍ ɔ̍ iě ìn wlùh sèàɛ̍.”

Nu̍-dɛ̍ᵻ 26:29

Pɔɔ la̍a̍, “Ti̍ tile o, ti̍ tɔ̀ɔ̀n o, ǎn ba̍le Nyɔsoa ɛ̍ iě laǎn nɛ. Ɛ̍ se̍ ìn nɛ due, jɛ nyɔ̍ kli̍hgbɛ̍ ùh-a po̍-a nɔ̌ ǐn we̍ dounᵻ da̍a sèàn-ɛ, kǎ ǐn nɛ-aɛ, u̍h iě laǎn nɛ. Jɔɔdbǔᵻ la i̍h kɔn tɛ̀ ǐn sà-o.”

Nu̍-dɛ̍ᵻ 9:15

Jɛ Joi la̍a̍ dě ɔ̍ we̍, “Mu̍, dɛ̍nu̍ɛ, ǐn tba̍ ɔ̍ chèɛ̀ wɛ̀ ɔ̍ iě ǐn jǔ dbee, wɛ̀ ɔ̍ iě ǎn nynɛ̌ dě ùh se̍-a Juu nyɔ̍-ɛ ke blǔh baaᵻ we̍ gba̍, ɛ̍ ke dě Eslɔɛ nyɔ̍ we̍ ke.

2 Kɔwlɛntiɔn 1:6

Pò à jě tìh-ɛ, nɛ̀ mɔ̀-a we̍ gbǎ-a ke mɔ̀-a pǔh-u tìh bo. Pò à gbǎ-ɛ we̍-ɛ, nɛ̀ mɔ̀ gbǎ-ɛ we̍ ke, iě mɔ̀ nyǐ-ɛ gbǐh mɔ̀ iě-e klì i̍ ku̍ mɔ̀ iě wlùh i̍ gbɛ̍n dě mɔ̀-a jua̍i̍ sàɛ̀ di̍i̍ ka à nu̍-a jua̍i̍ sàɛ̀-ɛ ke-ɛ.

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Kɔwlɛntiɔn 11:23

Ǎn mu̍ la̍ wlu ka se̍na̍-a nu̍ nyɔ̍-ɛ. U̍h-u Klai-a pòi̍nynuu̍ ae? Ǐn nu̍ pòi̍ju chɛ̀ dǒ u̍h kɛ̍n. Ǐn nu̍ dbo̍ wɛ̀ kaa̍ dǒ u̍h kɛ̍n, iě ǐn poe-ɛ kasoo wɛ̀ dɛ̍ dɔu. Ǐn bla̍-ɛ wɛ̀ dɛ̍ dɔu, iě ǐn na-ɛ mɛ̌ɛ wɔ̍i̍n wɛ̀ dɛ̍ dɔu.

Kelesea 5:11

Ǐn de̍di̍i̍ᵻ, pò ǐn ja plɔ̀n gbǎ tìh bla̍-a dluwe̍ i̍ gba̍ wɛ̀ iě ka nu̍ ɛ̍ nmɔ jii̍-ɛ, nɛ̀ dɛ̍-ɛ tìh u̍h-a jě-e ǐn klě ɛ? Pò ɛ̍ nɛ la̍a̍n-ɛ, nɛ̀ tìh ǎn bla̍-a dǒ Klai-a gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, nɛ̀ ɛ̍ se̍ nyɔ̍ɔ wɔ̍i̍n nyaɛ mu̍ de.

Kelesea 5:2

Mɔ̀ po̍ dě ǐn we̍ dounᵻ. Mɔ̍ Pɔɔ, ǎn sèàɛ̍ mɔ̀ wlùh, pò mɔ̀ wɔ̌n wɛ̀ mɔ̀ iě plɔ̀n gbǎ-ɛ, nɛ̀ Klai se̍ dɛ̍ i̍ blaɛ dɛ dǒ mɔ̀ we̍.

Kelesea 5:24

Nyɔ̍ ùh kɔn-a dǒ Jusu Klai we̍-ɛ, nɛ̀ u̍h dbǎ u̍h-a gblɛ̍n sɔ̀ɛ̀n-a ku̍ ke, ɛ̍ wlùh dɛ̍ᵻ ke, ɛ̍ pɔ̀n-dɛ̍ᵻ kli̍hgbɛ̍ wɛ̀.

Ɛfɛsɔ 3:11

Nɛ̀ Nyɔsoa-a di̍i̍chì la ɔ̍ chɛ̍n-a wɛ̀ kmɔ̌ iě-a nui-ɛ dǔ-ɛ, ka ɔ̍ nu̍-a ɛ̍ dɛ plǐn-ɛɛ, kǎ ɔ̍ nu̍ ɛ̍ nu̍-ɛ dě à Joi Jusu Klai ja̍a̍.

Ɛfɛsɔ 3:13

Ɛ̍ tìh-ɛ, ǐn gbɛ̍n mɔ̀-a bu̍hᵻ i̍, mɔ̀-a wlùh bɔ̌ dě de̍ i̍ gbǎ-a ka ǎn sàɛ̀-a jua̍i̍ mɔ̀-a tìh-ɛ. Ɛ̍ bo ɛ̀ mu̍-o mɔ̀-a dɛ̍ po̍.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Ɛfɛsɔ 4:1

Nɛ̀ɛ̍, mɔ̍ ɔ̀ tù-a Joi tìh wɛ̀ ɔ̀ nu̍-a gbɛ̍n-nyɔ̍-ɛ, ǐn gbɛ̍n mɔ̀-a bu̍hᵻ i̍, mɔ̀ iě dě kmɔ̌ ɛ̀ kɔn tìh Nyɔsoa dǎ-a mɔ̀-ɛ di̍i̍ nɛ.

Ɛfɛsɔ 6:20

Pɔ̀n chɛ̀-a tìh bo ǎn wlu dě Klai we̍, ɛ̍ kɔn tìh bo ǐn nɛ ka dě jɔɔdbǔᵻ di̍i̍. Jɛ mɔ̀ ba̍le dǒ ǎn tàà wɛ̀ ka ǐn kɔn iě-a pɔ̀n chɛ̀-a tìh bla̍-a nu̍ gbài̍gbài̍-ɛ, iě laǎn nu̍.

Felepai 1:7

Ɛ̍ slɛ̌ i̍ ǎn wlùh iě ka wa̍-a nu̍ mɔ̀-a tìh. Dɛ̍nu̍ɛ, mɔ̀-a dɛ nɛ-a dǒ ǐn wlì-ɛ, ɛ̍ bɛ̌ i̍. Nɛ̀ ǎn pɔ̀n chɛ̀ kɛ̍n wlǔh-ɛ ke, ǎn ɛ̍ i̍ kui-ɛ ke, ǎn dě kasoo nɛ-ɛ ke, mɔ̀ kli̍hgbɛ̍ ke ǐn ke à nu̍ i̍h dě Nyɔsoa-a blɛ nɛ-ɛ di̍i̍.

Kalase 1:24

Kaka la̍ tìh ǐn jě-a dǒ mɔ̀ we̍-ɛ, ɛ̍ po̍ ǐn mɔna̍-a. Dɛ̍nu̍ɛ, tìh ǐn jě-a dǒ ǎn nyi̍ɔ̍ku we̍-ɛ, ɛ̍ nɛ kmɔ̌ wɛ̀ tìh jě-ɛ sie-a dǒ Klai we̍-ɛ, iě ǐn wɔ̀ ɛ̍ i̍ dǒ chɔchi̍h ɛ̀ nu̍-a ɔ̍ ku̍-ɛ we̍.

Kalase 4:18

Mɔ̍ Pɔɔ, ǎn chɛ̀-a sɔ̍n bo ǎn chlǐh i̍ nyinɔ̍ i̍ sà wlu̍ la. Mɔ̀ bɔ̌ ǎn kasoo nɛ tìh we̍ mǎle-ɛ o. Ǎn sà nǐ wɔ̍n Nyɔsoa-a blɛ iě mɔ̀ we̍ nɛ.

Kalase 4:3

Nɛ̀ mɔ̀ ba̍le dǒ à tàà ke, wɛ̀ Nyɔsoa iě wìè wɔ̍n flɔn-ɛ dǒ tu̍owli à mu̍-a po̍-ɛ we̍. Wɛ̀ à iě sìle dɛ̍ ɛ̀ tba̍-a dǒ Klai pùn i̍-ɛ bla̍. Sìle dɛ̍ la ɛ̍ bla̍-a tìh bo ǐn nɛ nɔ̌ kasoo.

2 Timote 1:16

Ǎn sà nǐ wɔ̍n Joi iě Onɛsefɔwlɔ ke ɔ̍ chɛ̌ wɔɛ jě. Dɛ̍nu̍ɛ, ɔ̍ se̍ ǎn dě kasoo nɛ-ɛ tɛ̀n i̍ ple̍-e, iě ɔ̍ nu̍ ǎn dɛ̍i̍ chɛ̍chɛ̍ kleǐn.

2 Timote 1:8

Ɛ̍ tìh-ɛ, bɔ̌ à Joi-a tìh i̍ sà-a tɛ̀n ple̍-ɛ. Nɛ̀ ka ǐn nɛ-a kasoo ɔ̍ tìh-ɛ, bɔ̌ ɛ̍ tɛ̀n ple̍-ɛ ke. Jɛ tù pɔ̀n chɛ̀-a tìh ìè ǐn kɛ̍n gbǎ à iě jua̍i̍ sàɛ̀-ɛ la kwa̍a̍ i̍ gblè-e dě Nyɔsoa-a gbǐh di̍i̍.

Faɛlimɔ 1:1

Mɔ̍ Pɔɔ ɔ̀ nu̍-a gbɛ̍n-nyɔ̍ Jusu Klai-a tìh-ɛ, nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À tìh kma nyɔ̍ Faɛlimɔ, mɔ̀ nu̍-a ǐn ba̍ dbo̍ nu̍ nyɔ̍-ɛ, dě ìn we̍ ɛ̍ ji̍.

Faɛlimɔ 1:23

Ipafla ɔ̀ nu̍-a ǐn ba̍ gbɛ̍n-nyɔ̍ Jusu Klai-a tìh-ɛ, ɔ̍ la̍ ɔ̍ sà ìn nyinɔ̍ i̍.

Faɛlimɔ 1:9

Jɛ we̍ jbɛɛ tìh-ɛ, ǐn gbɛ̍n àn bu̍hᵻ i̍. Mɔ̍ Pɔɔ la ǐn nu̍ nyɔ̍ klaa wɛ̀, iě ǐn nu̍ ka gbɛ̍n-nyɔ̍ Jusu Klai-a tìh.

Wlɛfeleseɔn 2:10

Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.