Ɛfɛsɔ 2:8 - Ku̍o̍ Delee 1999

⁸ Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀. Mɔ̀-a ɔ̍ wlùh gbaɛ bo ɛ̀ nu̍ ɛ̍. Ɛ̍ se̍ mɔ̀-a chɛ̀-a nu̍-dɛ̍, Nyɔsoa-a nyǐ-dɛ̍ bo.

Ɛfɛsɔ 2:8 Iomraidhean Croise

Matio 16:17

Wɛ̀ Jusu la̍a̍, “Jona-a jǔ Samo, ìn nmɔ i̍, dɛ̍nu̍ɛ, ɛ̍ se̍ wlɔ̀ nyi̍ɔ̍ ùh se̍ ìn nǎ po̍ dǒ tìh-a taǐn la we̍. Jɛ ǐn Baa nɛ-a dě ja̍i̍wlɔ̀-ɛ bo ɔ̀ toe ìn ìh la.

Matio 20:9

Nyɔ̍ ùh bɔ̌ɛ-a ji̍-ɛ dǒ jlǔh-a tu̍ᵻ pɛ̌n la̍-ɛ, jɔ-ɛ, nɛ̀ ɔ̍ jě weɛ̍ gbàǐ-a wliɛ̍.

Pɔ̀n Chɛ̀ Maɛ To-a La 16:16

Nyɔ̍ ɔ̀ po̍-a ɛ̍ tìh chɛ̀ wɛ̀ ɔ̍ iě nǐ dlǔ po̍-ɛ, nɛ̀ ɔ̍ mu̍ pǔh. Jɛ nyɔ̍ ɔ̀ se̍-a ɛ̍ tìh chɛ̀ po̍-ɛ, nɛ̀ kɛ̀n-a mu̍ ɔ̍ kwa̍a̍ sɔ.

Pɔ̀n Chɛ̀ Luu To-a La 7:50

Wɛ̀ Jusu la̍a̍ dě nynɔ̌ laa̍ we̍, “Àn wlùh gbaɛ bo ɛ̀ pǔh-i m̀. Mu̍ pɛlɛpɛ.”

Chɔɔn 3:36

Nyɔ̍ jɔ gbaɛ-a Jǔ la wlùh-ɛ, nɛ̀ ɔ̍ blě kmɔ̌ sie feɛ. Jɛ nyɔ̍ jɔ se̍-a Jǔ la ɔ̍ wlu̍ nu̍-ɛ, ɔ̍ se̍ feɛ jě mu̍. Jɛ nɛ̀ Nyɔsoa-a mu̍ ɔ̍ kàn gbɛ̍n.

Chɔɔn 4:10

Wɛ̀ Jusu la̍a̍, “Pò ìn juo Nyɔsoa-a nyǐ-dɛ̍ de wɛ̀ ìè nyɔ̍ ɔ̀ jbǎ-ɛa ìn nǐ-ɛ juo ke de-ɛ, nɛ̀ àn mu̍ ɔ̍ i̍ tèle wɛ̀ ɔ̍ iě ìn nǐ ɛ̀ nyǐ-a nyɔ̍ feɛ-ɛ nyǐ de.”

Chɔɔn 5:24

“Tìh-a taǐn ǎn sèàɛ̍ mɔ̀ wlùh, pò nyɔ̍ wɔ̌n ǎn wlu̍ wɛ̀ ɔ̍ iě nyɔ̍ ɔ̀ dbo̍-a m-ɛ wlùh gbaɛ-ɛ, nɛ̀ ɔ̍ blě kmɔ̌ sie feɛ. Nɛ̀ tìh se̍ ɔ̍ gbɛ̍n mu̍ dɛ, nɛ̀ ɔ̍ chɛ̍n dǒ mɛ̌ɛ we̍ tìè iě ɔ̍ jɛɛ feɛ.

Chɔɔn 6:35

Iě ɔ̍ la̍a̍, “Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ. Nyɔ̍ ɔ̀ ji̍-a ǐn we̍-ɛ, nɛ̀ mɔ̌ se̍ gba̍ ɔ̍ nu̍. Nɛ̀ nyɔ̍ ɔ̀ gbaɛ-a ǐn wlùh-ɛ, nɛ̀ dǒ ɔ̍ wlì se̍ gba̍ bǔ.

Chɔɔn 6:37

Jɛ nyɔ̍ kli̍hgbɛ̍ ǐn Baa nyǐ-a m-ɛ, u̍h-a mu̍ ǐn we̍ ji̍. Nɛ̀ nyɔ̍ jɔ mu̍-a ǐn we̍ ji̍-ɛ, ǐn se̍ gba̍ ɔ̍ i̍ nu̍.

Chɔɔn 6:40

Nɛ̀ ǐn Baa-a wlùh dɛ nu̍, nyɔ̍ juh jě-a Jǔ la sǔh wɛ̀ u̍h gbaɛ-a ɔ̍ wlùh-ɛ, nɛ̀ u̍h-a mu̍ kmɔ̌ sie feɛ blě. Nɛ̀ ǎn mu̍ u̍h bloɔ̍ sà dǒ bɔ̌ɛ-o weɛ̍ di̍i̍.”

Chɔɔn 6:44

Nyɔ̍ se̍ bɛ̌ɛ ɔ̍ iě ǐn we̍ ji̍. Ǐn Baa ɔ̀ dbo̍-a m-ɛ, nyɔ̍ ɔ̍ mu̍-a ǐn we̍ ja-a, ɔ̍ kɔn tɛ̀ ǐn sà-o. Nɛ̀ ǎn mu̍ ɔ̍ bloɔ̍ sà dǒ bɔ̌ɛ-o weɛ̍ di̍i̍.

Chɔɔn 6:65

Iě ɔ̍ la̍a̍, “Ɛ̍ kɔn ǐn sèàɛ̍ mɔ̀ wlùh, na̍ nyɔ̍ se̍ ǐn we̍ ji̍-ɛ bɛ̌ɛ. Nyɔ̍ Baa-a mu̍-a gbǐh nyǐ-ɛ ɔ̍ kɔn tɛ̀ ǐn sà-o.”

Nu̍-dɛ̍ᵻ 13:39

Nɛ̀ɛ̍, nyɔ̍-o-nyɔ̍ ɔ̀ mu̍-a ɔ̍ wlùh gbaɛ-ɛ, nɛ̀ ɔ̍ sɔ dě dɛ̍ᵻ kli̍hgbɛ̍-a kǎn wɔ̍ɔ̍n wɛ̀, ìh kɔn kǎn wɔ̍ɔ̍n Mose-a telě se̍-a mɔ̀ sà mu̍ de-ɛ.

Nu̍-dɛ̍ᵻ 14:27

U̍h nyni̍-a Antiɔ-ɛ, iě u̍h po̍ chɔchi̍h kli̍hgbɛ̍ tàdùè. Dɛ̍ᵻ Nyɔsoa nu̍-a dě u̍h ja̍a̍-ɛ, iě u̍h po̍ i̍h-a kunǎ kli̍hgbɛ̍. Ɛ̍ ke ka ɔ̍ pɔ̀ni-a wìè wɛ̀ ke dǒ ùh se̍-a Juu nyɔ̍-ɛ we̍ u̍h iě-a ɔ̍ wlùh gbaɛ-ɛ.

Nu̍-dɛ̍ᵻ 15:11

Dɛ̍nu̍ɛ, ka à gbaɛ-a ɛ̍ wlùh à pǔh-a wɛ̀ dě Joi Jusu-a blɛ nɛ-ɛ di̍i̍-ɛ, kǎ u̍h nɛ ke.”

Nu̍-dɛ̍ᵻ 16:14

Nynɔ̌gbaɔᵻ ùh wɔ̌n-a à wlu̍ i̍ dě u̍h nynɛ̌-ɛ, u̍h-a due-a nynɛ̌ bo Ledia. Nǐnmɛ jlii̍ bo ìh nu̍ ɔ̍ naɛ ple̍-dɛ̍. Ɔ̍ sɔ dǒ Taɛtawla wlɔ̀ di̍i̍, iě ɔ̍ sà Nyɔsoa wɛɛ. Ɔ̍ kɔn wlùh bo Joi Nyɔsoa pɔ̀ni ɔ̍ iě Pɔɔ-a wlu̍ i̍ wɔ̌n.

Nu̍-dɛ̍ᵻ 16:31

Wɛ̀ u̍h la̍a̍, “Gbaɛ Joi Jusu wlùh nɛ̀ àn mu̍ pǔh, ɛ̍ ke àn chɛ̌ kli̍hgbɛ̍ ke.”

Wloma 10:14

Jɛ nɛ̀ ɔ̀ u̍h se̍-a wlùh gbaɛ-ɛ, ka u̍h-a mu̍ ɔ̍ nynɛ̌ i̍ dǎ-a nu̍ ɛ? Nɛ̀ ɔ̀ kɔn nynɛ̌ u̍h se̍-a wɔ̌n-ɛ, ka u̍h-a mu̍ ɔ̍ wlùh gbaɛ nu̍ ɛ? Pò tìh bla̍ nyɔ̍ se̍ nɛ-ɛ, nɛ̀ ka u̍h-a mu̍ ɔ̍ nynɛ̌ wɔ̌n-ɛ nu̍ ɛ?

Wloma 10:17

Nɛ̀ɛ̍, dě tu̍owli i̍ wɔ̌n-ɛ di̍i̍ bo wlùh gbaɛ blě-ɛa sɔ-ɔ. Nɛ̀ dě Klai-a tìh we̍i̍ bla̍-a di̍i̍ bo tu̍owli i̍ wɔ̌n-ɛa sɔ-ɔ.

Wloma 4:16

Nɛ̀ɛ̍, tɔ̀ma̍a̍ wlu̍ la ɛ̍ tba̍ dǒ wlùh gbaɛ kɛ̍n i̍, wɛ̀ ɛ̍ iě dě Nyɔsoa-a blɛ nɛ-ɛ di̍i̍ jii. Tɔ̀ma̍a̍ wlu̍ la ɛ̍ kɔn dǒ Eblaɛɛn-a tloemlai kli̍hgbɛ̍ we̍. Ɛ̍ se̍ dǒ telě dɛ̍ɛ̍ jě nyɔ̍ nɛ due we̍ ɛ̍ se̍ kɔn, jɛ nyɔ̍ ùh gbaɛ-ɛa Klai wlùh ka Eblaɛɛn-ɛ, ɛ̍ kɔn dǒ u̍h we̍ ke. Dɛ̍nu̍ɛ, ɔ̍ bo ɔ̀ nu̍ àɔ̀ kli̍hgbɛ̍ à baa.

Wloma 4:5

Nɛ̀ nyɔ̍ ɔ̀ se̍-a ɔ̍ chɛ̀-a nu̍-dɛ̍ᵻ wlì tè wɛ̀ ɔ̍ iě Nyɔsoa ɔ̀ slɛ̌-a gblɛ̍n sɔ̀ɛ̀n nyɔ̍ i̍-ɛ wlùh gbaɛ-ɛ, nɛ̀ ɔ̍ wlùh gbaɛ bo ɛ̀ mu̍ ɛ̍ nu̍ wɛ̀ Nyɔsoa iě ɔ̍ i̍ slɛ̌-nyɔ̍ slè-e.

Wloma 9:16

Sɔ nɛ̀ Nyɔsoa-a nyɔ̍ chèɛ̀ tba̍-a se̍ dǒ nyi̍ɔ̍-a wlùh dɛ̍ ke nu̍-dɛ̍ kɛ̍n i̍ tba̍, jɛ ɛ̍ tba̍ dǒ ɔ̍ wɔɛ kɛ̍n i̍.

Kelesea 3:14

Ɔ̍ pùhbɔ à kɛ̍ɛ̍n iě pɔ̀ìě Nyɔsoa-a mu̍-a Eblaɛɛn nyǐ-ɛ, wɛ̀ ɛ̍ iě ùh se̍-a Juu nyɔ̍-ɛ we̍ ji̍ ke dě ɔ̍ ja̍a̍. Wɛ̀ à iě Sùù kɔn wlu̍ Nyɔsoa po̍-a tɔ̀ma̍a̍-a jě dě wlùh gbaɛ di̍i̍.

Kelesea 3:22

Ɛ̍ kɔn Nyɔsoa-a wlu̍ la̍ kmɔ̌ kli̍hgbɛ̍ nɛ dě gblɛ̍n sɔ̀ɛ̀n-a kèìe̍e̍, wɛ̀ tɔ̀ma̍a̍ wlu̍ ɛ̀ kɔ̍-a dǒ wlùh gbaɛ kɛ̍n i̍ dě Jusu Klai ja̍a̍-ɛ, wɛ̀ ɛ̍ iě wlùh gbaɛ blě nyɔ̍ nyǐ-ɛ.

Ɛfɛsɔ 1:19

Wɛ̀ mɔ̀ iě ɛ̍ juo ke ka ɔ̍ gbǐh ku̍-a wɔ̍n dě àɔ̀ ùh gbaɛ-a ɔ̍ wlùh-ɛ ja̍a̍ kaa̍-ɛ. Gbǐh laa̍ bo ìh nu̍ klà dě à ja̍a̍ ìh kmu-a.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 2:5

Ɛ̍ kɔn ti̍ à mɛ̌-a dě à telě wa̍-a di̍i̍-ɛ, wɛ̀ ɔ̍ nu̍ ɛ̍ iě à ke Klai wlǔh-e dǒ tàdùè. Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀.

Felepai 1:29

Dɛ̍nu̍ɛ, mɔ̀ɔ̍ nɔ̀ɔ̍, mɔ̀ jě bu̍h-a tba̍ la̍ wɛ̀ mɔ̀ iě Klai jǔ dbee. Ɛ̍ se̍ mɔ̀ iě ɔ̍ wlùh gbaɛ nɛ due, jɛ mɔ̀ iě jua̍i̍ sàɛ̀ ke ɔ̍ tìh.

Kalase 2:12

Ti̍ mɔ̀ po̍-a nǐ dlǔ-ɛ, ka u̍h nu̍-a Klai i̍ tè-ɛ bo u̍h nu̍ mɔ̀. Iě ka ɔ̍ nu̍-ae wlǔh-ɛɛ, wɛ̀ mɔ̀ nu̍ la̍a̍n dě-e wlǔh-ɛ ke dě mɔ̀-a wlùh gbaɛ di̍i̍, dǒ Nyɔsoa-a gbǐh ɛ̀ sà-e Klai-ɛ we̍.

2 Tɛsoloniɔn 1:9

U̍h-a mu̍ kàn gbɛ̍n-ɛ, wɛ̀ u̍h iě-e gbɔ̀lɔ nɔ̌ kmɔ̌-a kmɔ̌. U̍h se̍ Joi-a jua̍a̍ jě mu̍, ɛ̍ ke ɔ̍ tìh-a i̍ bɛ̌-ɛa i̍ bɛ̌ɛ gbǐh ke.

Iblu 6:4

Nyɔ̍ ùh sɔ-a dǒ Nyɔsoa-a wìè kɛ̍n-ɛ, nɛ̀ nyɔ̍ se̍ ɛ̍ nu̍-ɛ bɛ̌ɛ dɛ u̍h iě i̍ bǐi wɛ̀ u̍h iě u̍h-a gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, u̍h nɛ dě Nyɔsoa-a sɔ̀npli di̍i̍ sàì, iě u̍h juo dɛ̍ ɔ̍ nyǐ-a nyɔ̍-ɛ. U̍h jě ɔ̍ Sùù,

1 Pitɛ 1:5

Mɔ̀ɔ̍ bo Nyɔsoa-a gbǐh kaɛn kɛ̍n wɛ̀ ɔ̍ nyɔ̍ sèìe-ɛ ɛ̀ mu̍-a ji̍-ɛ, mɔ̀ iě ɛ̍ jě dǒ ti̍-a dlǔ i̍ chlà la̍. Dɛ̍nu̍ɛ, mɔ̀ blě wlùh gbaɛ-ɛ.