Ɛfɛsɔ 2:6 - Ku̍o̍ Delee 1999

⁶ À ke Jusu Klai-a due nɛ-ɛ bo ɛ̀ nu̍ ɛ̍ iě ɔ̍ sà-ae à ke Klai, wɛ̀ à ke ɔ̍ iě dě ja̍i̍wlɔ̀ wlu̍ i̍ kɔn.

Ɛfɛsɔ 2:6 Iomraidhean Croise

Matio 26:29

Ǎn sèàɛ̍ mɔ̀ wlùh, ǐn se̍ nmɔ̍ la nǎ mu̍ dɛ. Weɛ̍ ǎn mu̍-a ɛ̍ nǎ-a delee i̍ po̍-ɛ nɛ̀ ɛ̍ mu̍ dě ǐn Baa-a kmɔ̌ wlu̍ i̍ kɔn-ɛ di̍i̍ nu̍.”

Pɔ̀n Chɛ̀ Luu To-a La 12:37

Pòi̍nynuu̍ ùh kɔn dlǔtu ji̍-a wɛ̀ ɔ̍ se̍-a u̍h nyinɔ̍ i̍ jɛɛ-ɛ, nɛ̀ u̍h nmɔ i̍. Tìh-a taǐn ǎn sèàɛ̍ mɔ̀ wlùh, nɛ̀ ɔ̍ mu̍ ɔ̍ dɛ̍wlo̍o̍ i̍ sà chɛ̀gbɛɛ, wɛ̀ ɔ̍ iě u̍h dǒ teble̍ gbɔ̀ gba̍, ɔ̍ iě u̍h-a dɛ̍i̍ nu̍.

Chɔɔn 12:26

Nyɔ̍-o-nyɔ̍ ɔ̀ pɔ̀n-a ǐn jǔ dbee-ɛ i̍-ɛ, nɛ̀ ɔ̍ kɔn ɔ̍ iě dǒ ǐn de̍e̍ gbǎ. Wɛ̀ tà ǐn nɛ-aɛ, ǎn pòi̍ju iě-o nɛ ke. Nyɔ̍ ɔ̀ mu̍-a ǐn jǔ dbee-ɛ, ǐn Baa-a mu̍ ɔ̍ ja̍ tè.

Chɔɔn 14:3

Nɛ̀ pò ǐn mu̍ wɛ̀ iě tà gba̍a̍ po̍ dǒ mɔ̀ we̍-ɛ, nɛ̀ ǎn mu̍ de̍ ji̍ dɛ, wɛ̀ iě mɔ̀ dě ǐn we̍ gba̍. Wɛ̀ tà ǐn nɛ-aɛ, mɔ̀ iě-o nɛ ke.

Ɛfɛsɔ 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ Nyɔsoa nyɔ̍ nɛ-a dǒ Ɛfɛsɔ wlɔ̀ di̍i̍-ɛ we̍, ùh gbaɛ-a Jusu Klai wlùh-ɛ.

Ɛfɛsɔ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à po̍ ɔ̍ tlɔ̌. À ke Klai-a due nɛ-ɛ bo ɛ̀ nu̍ ɛ̍ wɛ̀ ɔ̍ nyǐ à pɔ̀ìě kli̍hgbɛ̍ nɛ-a dě ja̍i̍wlɔ̀ ìh-a kui-a à wlùh gbaɛ i̍-ɛ.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 2:13

Jɛ mɔ̀ɔ̍ ùh ti̍ɛ̍ɛn-a Nyɔsoa we̍ i̍ de-ɛ, mɔ̀ ke Jusu Klai-a due nɛ-ɛ bo ɛ̀ ja ka mɔ̀ de̍ kɛklɛɛ dě ɔ̍ nymɔ̍-a i̍ wlǎ-a di̍i̍.

Kalase 1:18

Chɔchi̍h nu̍ ɔ̍ ku̍ iě ɔ̍ nu̍ ɛ̍ dlǔ. Ɔ̍-ɔ bo ɔ̀ nu̍ tɔ̀blɔ̍ɔ̍, iě ɔ̍ nu̍ sàǐtòò Jǔ ɔ̀ wlǔh-e, wɛ̀ ɔ̍ iě dɛ̍ᵻ kli̍hgbɛ̍-a chìnɔ̀ɔ̀n nu̍.