Ɛfɛsɔ 2:5 - Ku̍o̍ Delee 1999

⁵ Ɛ̍ kɔn ti̍ à mɛ̌-a dě à telě wa̍-a di̍i̍-ɛ, wɛ̀ ɔ̍ nu̍ ɛ̍ iě à ke Klai wlǔh-e dǒ tàdùè. Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀.

Ɛfɛsɔ 2:5 Iomraidhean Croise

Pɔ̀n Chɛ̀ Luu To-a La 15:24

Dɛ̍nu̍ɛ, ǎn jǔ la ɔ̍ mɛ̌-ɛ de, wɛ̀ ɔ̍ wlǔh-e. Ɔ̍ mǎ-ɛ de, wɛ̀ ɔ̍ jě-ɛ wɛ̀.’ Wɛ̀ u̍h tè mɔna̍ nu̍-ɛ gbɔ̀.

Chɔɔn 5:21

Ka Baa-a sà-e mɛ̌-nyɔ̍ iě ɔ̍ nyǐ-a u̍h feɛ-ɛ, kǎ Jǔ-a nu̍ nyɔ̍ ɔ̍ pɔ̀n-a feɛ nyǐ-ɛ i̍-ɛ ke.

Chɔɔn 6:63

Nyɔsoa-a Sùù bo ɛ̀ nyǐ nyɔ̍ feɛ, ku̍ nɔ̀ɔ̍, ɛ̍ se̍ dɛ̍kɛ̍n gbǎ. Wlu̍ ǐn wlu-ia dě mɔ̀ we̍-ɛ, ɛ̍ bo ɛ̀ ja Nyɔsoa-a Sùù ɛ̀ nyǐ-a nyɔ̍ feɛ-ɛ.

Nu̍-dɛ̍ᵻ 15:11

Dɛ̍nu̍ɛ, ka à gbaɛ-a ɛ̍ wlùh à pǔh-a wɛ̀ dě Joi Jusu-a blɛ nɛ-ɛ di̍i̍-ɛ, kǎ u̍h nɛ ke.”

Wloma 16:20

Nɛ̀ Nyɔsoa ɔ̀ nyǐ-a nyɔ̍ wlùh-a i̍ tè-ɛɛ, ɔ̍ mu̍ Setɔn keě wlǎ tiɔ tiɔ dě mɔ̀ bu̍h sɔ̀n. Ǎn sà nǐ wɔ̍n à Joi Jusu Klai-a blɛ iě dǒ mɔ̀ we̍ nɛ.

Wloma 3:24

Nyɔsoa-a bu̍ɛ̍i̍ blɛ ɔ̍ nu̍-a u̍h pùn-ɛ bo ɛ̀ slɛ̌-ɛ u̍h i̍ dě ɔ̍ jlǐh. Jusu Klai ɔ̀ sà-a u̍h dě kàn kwa̍a̍-a dě ɔ̍ ja̍a̍ bo ɛ̍ jii.

Wloma 4:16

Nɛ̀ɛ̍, tɔ̀ma̍a̍ wlu̍ la ɛ̍ tba̍ dǒ wlùh gbaɛ kɛ̍n i̍, wɛ̀ ɛ̍ iě dě Nyɔsoa-a blɛ nɛ-ɛ di̍i̍ jii. Tɔ̀ma̍a̍ wlu̍ la ɛ̍ kɔn dǒ Eblaɛɛn-a tloemlai kli̍hgbɛ̍ we̍. Ɛ̍ se̍ dǒ telě dɛ̍ɛ̍ jě nyɔ̍ nɛ due we̍ ɛ̍ se̍ kɔn, jɛ nyɔ̍ ùh gbaɛ-ɛa Klai wlùh ka Eblaɛɛn-ɛ, ɛ̍ kɔn dǒ u̍h we̍ ke. Dɛ̍nu̍ɛ, ɔ̍ bo ɔ̀ nu̍ àɔ̀ kli̍hgbɛ̍ à baa.

Wloma 5:10

À nu̍ Nyɔsoa nyɛ̌-nyɔ̍ de, jɛ ɔ̍ Jǔ-a mɛ̌-ɛ bo ɛ̀ gbe̍ɛ̍ɛn ɔ̍ ke à kɛ̍n i̍ dode̍. Ka ɔ̍ gbe̍ɛ̍ɛn-a à kɛ̍n i̍ wɛ̀ dode̍-ɛ, jɛ nɛ̀ ɔ̍ kmɔ̌ i̍ tè naɛ bo ɛ̀ se̍ à pǔh-i mu̍ ae?

Wloma 5:6

Ti̍ à se̍-a à chɛ̀ we̍ gbǎ-a bɛ̌ɛ-ɛ, wɛ̀ Klai mɛ̌ àɔ̀ gblɛ̍n sɔ̀ɛ̀n nyɔ̍-a tìh dǒ ti̍ Nyɔsoa tba̍-aɛ di̍i̍.

Wloma 5:8

Jɛ Nyɔsoa to ɛ̍-ɛ ka ɔ̍ jbɛɛ-a àɔ̀-ɛ. Ti̍ à nɛ-a dě gblɛ̍n sɔ̀ɛ̀n di̍i̍-ɛ, wɛ̀ Klai mɛ̌ à tìh.

Wloma 8:2

Dɛ̍nu̍ɛ, Nyɔsoa-a Sùù-a telě ɛ̀ ja-a à feɛ dě à ke Jusu Klai-a due nɛ-ɛ di̍i̍-ɛ, ɛ̍ bo ɛ̀ nu̍ ɛ̍ iě telě ɛ̀ ja-a gblɛ̍n sɔ̀ɛ̀n ke mɛ̌ɛ-ɛ, wɛ̀ ɛ̍ se̍ ǐn wlu̍ i̍ kɔn.

2 Kɔwlɛntiɔn 13:14

Ǎn sà nǐ wɔ̍n Joi Jusu Klai-a blɛ nɛ-ɛ ke Nyɔsoa-a jbɛɛ iě mɔ̀ we̍ nɛ. Mɔ̀ kli̍hgbɛ̍ ke Nyɔsoa-a Sùù nɛ̍aɛ we̍.

Ɛfɛsɔ 2:1

Ti̍ mɔ̀-a nu̍-a gblɛ̍n sɔ̀ɛ̀n mɔ̀-a wa̍-a Nyɔsoa-a telě-ɛ, nɛ̀ mɔ̀ mɛ̌ wlɔ̀ i̍ de.

Ɛfɛsɔ 2:8

Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀. Mɔ̀-a ɔ̍ wlùh gbaɛ bo ɛ̀ nu̍ ɛ̍. Ɛ̍ se̍ mɔ̀-a chɛ̀-a nu̍-dɛ̍, Nyɔsoa-a nyǐ-dɛ̍ bo.

Ɛfɛsɔ 5:14

Dɛ̍nu̍ɛ, dɛ̍ ɛ̀ sà-a dɛ̍ tà te̍gbe̍i̍n-ɛ, nɛ̀ sɔ̀npli bo. Ɛ̍ kɔn wlu̍ la ɛ̍ la̍a̍, “Mɛ̌-nyɔ̍, wlǔh-e ìè bloɔ̍ sɔ, wɛ̀ Klai-a sɔ̀npli iě ìn kɛ̍n i̍ fa̍n-ɛ.”

Kalase 2:13

Mɔ̀ mɛ̌ wlɔ̀ i̍ de, dɛ̍nu̍ɛ, mɔ̀ɔ̍ gblɛ̍n sɔ̀ɛ̀n nyɔ̍ iě mɔ̀-a wlùh se̍ Nyɔsoa juo. Jɛ ka Nyɔsoa nu̍-ae Klai sà-aɛ, kǎ ɔ̍ nu̍ mɔ̀ wɛ̀ ke, iě ɔ̍ tǎli à gblɛ̍n sɔ̀ɛ̀n kli̍hgbɛ̍-a tìh i̍.

Taitɔ 2:11

Dɛ̍nu̍ɛ, Nyɔsoa-a blɛ ɛ̀ pǔh-ia nyɔ̍-ɛ, ɛ̍ wlǔh tà wɛ̀ dǒ nyɔ̍ kli̍hgbɛ̍ we̍.

Taitɔ 3:5

iě ɔ̍ sèìe àɔ̀. Ɛ̍ se̍ à nu̍-dɛ̍ᵻá i̍ slɛ̌ tìh ɔ̍ se̍ àɔ̀ sèìe. Jɛ ɔ̍ wɔɛ kɔn-ɛ bo ɛ̀ nu̍ ɛ̍ iě ɔ̍ pǔh-i àɔ̀ dě ɔ̍ Sùù di̍i̍. Ɔ̍ Sùù dle àɔ̀ i̍ ɛ̍ kɔn à wlǔh-ɛ ke à kmɔ̌ gbǎ delee i̍.

Wlɛfeleseɔn 22:21

Ǎn sà nǐ wɔ̍n Joi Jusu-a blɛ iě dǒ mɔ̀ kli̍hgbɛ̍ we̍ nɛ. Kǎ ɛ̍-ɛ nɛ.