Ɛfɛsɔ 2:4 - Ku̍o̍ Delee 1999

⁴ Jɛ Nyɔsoa-a wɔɛ bo ɛ̀ tìè i̍, iě ɔ̍ àɔ̀ jbɛɛ ku̍ wɔ̍n.

Ɛfɛsɔ 2:4 Iomraidhean Croise

Pɔ̀n Chɛ̀ Luu To-a La 1:78

À Nyɔsoa nɛ blɛ, iě ɔ̍ kɔn wɔɛ. Ɛ̍ kɔn ɔ̍ mu̍ ɛ̍ nu̍ sɔ̀n chɛ̀ ɛ̀ sɔ-a dě ja̍i̍wlɔ̀-ɛ ɛ̍ iě à sɛ̀n-ɛ, wɛ̀ à iě pǔh.

Wloma 10:12

Nyɔsoa se̍-e Juu nyɔ̍ ke juh se̍-a Juu nyɔ̍-ɛ i̍ chlɛ̌. Dɛ̍nu̍ɛ, ɔ̍ due laa̍ bo ɔ̀ nu̍ Joi dǒ nyɔ̍ kli̍hgbɛ̍ we̍. Nɛ̀ nyɔ̍ kli̍hgbɛ̍ ùh-a dǎ-a ɔ̍ nynɛ̌ i̍-ɛ, u̍h bo ɔ̍ nyǐ nya̍ pàn-ɛ pɔ̀ìě.

Wloma 2:4

Mɔ̀-a chɛ̀ la lee̍, ka Nyɔsoa nmɔ-a gblɛ̍n kaa̍ wɛ̀ ɔ̍ gbɛ̍n-a wlùh i̍ iě ɔ̍ po̍-a mɔ̀ blɛ we̍ i̍-ɛ, mɔ̀ mǎle-e ae? Mɔ̀ juo ɛ̍-ɛ te̍kle̍e̍, Nyɔsoa-a pɔ̀n mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, ɛ̍ kɔn ɔ̍ nmɔ gblɛ̍n-ɛ dǒ mɔ̀ we̍.

Wloma 5:8

Jɛ Nyɔsoa to ɛ̍-ɛ ka ɔ̍ jbɛɛ-a àɔ̀-ɛ. Ti̍ à nɛ-a dě gblɛ̍n sɔ̀ɛ̀n di̍i̍-ɛ, wɛ̀ Klai mɛ̌ à tìh.

Wloma 9:23

Ɔ̍ pɔ̀n nyɔ̍ ùh kɔn-a dǒ ɔ̍ wɔɛ we̍-ɛ, u̍h iě ɔ̍ tìh-a i̍ bɛ̌-ɛ ɛ̀ ku̍-a wɔ̍n kaa̍-ɛ juo. U̍hɔ̍ɔ̍ laa̍ bo ɔ̍ po̍ gba̍a̍ se̍e̍ u̍h iě ɔ̍ tìh-a i̍ bɛ̌-ɛ i̍ gbɛ̍n.

Ɛfɛsɔ 1:7

Klai-a nymɔ̍ bo ɛ̀ pùhbɔ à kɛ̍ɛ̍n, iě à gblɛ̍n sɔ̀ɛ̀n-a tìh tǎli-ɛ i̍ Nyɔsoa-a blɛ-a nya̍ pàn-ɛ tìh.

Ɛfɛsɔ 2:7

Ɔ̍ nu̍ ɛ̀ la wɛ̀ ɔ̍ iě ɔ̍ blɛ to dě nyɔ̍ɔ we̍ dǒ ti̍ ɛ̀ se̍a sie la̍ kɔn-ɛ we̍. Ɔ̍ blɛ nɛ-ɛ la ɛ̍ ku̍ wɔ̍n kaa̍ ɛ̍ sìì-o dɛ̍ i̍. Ɛ̍ jii dě ɔ̍ gblɛ̍n-ɛ nmɔ-ɛ di̍i̍. Ɛ̍-ɛ bo ɛ̀ nu̍ ɛ̍ iě ɔ̍ dbo̍ Jusu Klai nɔ̌ à we̍.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

2 Tɛsoloniɔn 2:13

À de̍di̍i̍ᵻ, Joi jbɛɛ mɔ̀ɔ̍. À kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. Dɛ̍nu̍ɛ, sɔ dě tɔ̀blɔ̍ɔ̍-ɛ, Nyɔsoa tba̍ mɔ̀ chèɛ̀ mɔ̀ iě pǔh, wɛ̀ mɔ̀ iě ɔ̍ nyɔ̍ nu̍ dǒ ɔ̍ Sùù ke tìh-a taǐn wlùh gbaɛ we̍.

1 Timote 1:14

Wɛ̀ à Joi-a blɛ-a wlǎ-ɛ sɔ̀n i̍ dǒ ǐn we̍. Wɛ̀ ɔ̍ nyǐ ǐn wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.