Ɛfɛsɔ 2:3 - Ku̍o̍ Delee 1999

³ Ka u̍h nɛ-aɛ, kǎ à nɛ ke de. Dɛ̍ᵻ à gblɛ̍n sɔ̀ɛ̀n ku̍ ke, à wlùh ke à nyi̍ɔ̍ku-a pɔ̀n-aɛ, i̍h bo à nu̍. Ka nyɔ̍ kli̍hgbɛ̍ nɛ-aɛ, kǎ à nɛ de, iě Nyɔsoa-a mu̍ à kli̍hgbɛ̍ jlu̍h po̍-e ke de à gblɛ̍n sɔ̀ɛ̀n-a tìh.

Ɛfɛsɔ 2:3 Iomraidhean Croise

Pɔ̀n Chɛ̀ Maɛ To-a La 4:19

kmɔ̌-a sèò ke ɛ̍ pàn-dɛ̍ᵻ i̍ jbɛɛ-ɛ ke pɔ̀n-dɛ̍ᵻ dɔu-a tìh bo ìh gbǎ dǒ u̍h wlùh kɛ̍n wɛ̀ i̍h mɔɛ wlu̍ laa̍ dlǔ i̍. Ɛ̍ kɔn ɛ̍ se̍ tlo.

Chɔɔn 1:13

Nyɔsoa-a chɛ̀ bo ɔ̀ nu̍ u̍h ɔ̍ nynuu̍ we̍i̍. U̍h se̍ wlǔh plǒai ka. U̍h-a wlǔh-ɛ se̍ dě nyi̍ɔ̍ we̍ sɔ-ɛ.

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Nu̍-dɛ̍ᵻ 14:16

Tɛin-ɛ, nɛ̀ ɔ̍ sà blǔh kli̍hgbɛ̍ sɔ̍n kɛ̍n dɛ̍ tba̍ dǒ u̍h wlì-ɛ, u̍h iě ɛ̍ nu̍.

Wloma 1:24

Ɛ̍ kɔn Nyɔsoa tǎli u̍h i̍ iě u̍h-a nu̍ sììjii̍ gblɛ̍n u̍h-a wlùh-a pɔ̀n-a nu̍-ɛ i̍-ɛ. U̍h-a sǔh-a nu̍-dɛ̍ᵻá sà u̍h-a chɛ̀-a nyi̍ɔ̍tu fau kɛ̍n.

Wloma 11:30

Mɔ̀ɔ̍ ùh se̍-a Juu nyɔ̍-ɛ, mɔ̀ blaɛ Nyɔsoa wɔ̍n tɛin. Jɛ kaka la̍, Juu nyɔ̍-a ɔ̍ wɔ̍n blaɛ bo ɛ̀ nu̍ ɛ̍ wɛ̀ ɔ̍ jě mɔ̀ wɔɛ.

Wloma 13:14

Jɛ Joi Jusu Klai bo ɔ̀ iě jliɛ̍ nu̍ mɔ̀ iě-e pa̍, nɛ̀ mɔ̀ bɔ̌ mɔ̀-a gblɛ̍n sɔ̀ɛ̀n nu̍ ku̍-a wlùh-a i̍ pɔ̀n-ɔ dɛ̍ᵻ nu̍-ɛ dɛ.

Wloma 2:14

Nyɔ̍ juh se̍-a Juu nyɔ̍ ùh se̍-a telě juo-ɛ, u̍h-a chɛ̀-a wlùh nu̍ ɛ̍ iě u̍h nu̍ dɛ̍ telě dǎ-aɛ. Kǎ ɛ̍ nɛ gbɛɛ u̍h se̍ telě juo, jɛ dě u̍h di̍i̍ bo u̍h-a chɛ̀-a telě nɛ.

Wloma 5:10

À nu̍ Nyɔsoa nyɛ̌-nyɔ̍ de, jɛ ɔ̍ Jǔ-a mɛ̌-ɛ bo ɛ̀ gbe̍ɛ̍ɛn ɔ̍ ke à kɛ̍n i̍ dode̍. Ka ɔ̍ gbe̍ɛ̍ɛn-a à kɛ̍n i̍ wɛ̀ dode̍-ɛ, jɛ nɛ̀ ɔ̍ kmɔ̌ i̍ tè naɛ bo ɛ̀ se̍ à pǔh-i mu̍ ae?

Wloma 5:9

Nyɔsoa to ɔ̍-ɛ ɔ̍ iě slaǎ sà-ɛɛ, wɛ̀ à iě i̍ slɛ̌-nyɔ̍ nu̍. Jɛ nɛ̀ Nyɔsoa-a jlu̍h bo ɔ̍ se̍ à wɔ̍i̍n sèìe mu̍ ae?

Wloma 6:12

Nɛ̀ɛ̍, mɔ̀ bɔ̌ wɔ̌n-ɛ gblɛ̍n sɔ̀ɛ̀n bɔ̌ mɔ̀-a ku̍ ɛ̀ mu̍-a mɛ̌-ɛ wlu̍ i̍ kɔn-ɛ wɛ̀ mɔ̀-ɔ je̍e ɛ̍ wlùh dɛ̍ᵻ dɛ̍ɛ̍ jě.

Wloma 7:18

Ǐn juo ɛ̍-ɛ dɛ̍ chɛ̀ se̍ dě ǐn ja̍a̍ nɛ, ǎn dǎ dě ǎn gblɛ̍n sɔ̀ɛ̀n ku̍ di̍i̍. Dɛ̍nu̍ɛ, ǎn pɔ̀n dɛ̍ chɛ̀ nu̍-ɛ i̍ de, jɛ nɛ̌ nu̍ ɛ̍.

Wloma 9:22

Nyɔsoa-a pɔ̀n nyɔ̍ iě ɔ̍ jlu̍h ke ɔ̍ gbǐh blě dɛ̍ i̍ juo. Jɛ ɔ̍ gbɛ̍n wlùh i̍ kaa̍ dǒ nyɔ̍ ùh ɔ̍ gbǎ-ɛa jlu̍h-u ɔ̍ mu̍-a gbɔ̀lɔ de-ɛ we̍.

1 Kɔwlɛntiɔn 4:7

Nyɔ̍ bo ùh nu̍ mɔ̀ nynɛ̌ nyɔ̍ we̍i̍ dǒ mɔ̀ ba̍ᵻ kɛ̍n ɛ? Ɛ̍ se̍ Nyɔsoa ɔ̀ se̍ mɔ̀ dɛ̍ᵻ kli̍hgbɛ̍ nyǐ ae? Nɛ̀ɛ̍, dɛ̍nu̍ mɔ̀-a po̍ ɛ̍ naɛ bu̍hᵻ wlù i̍ ka nyɔ̍ la̍ dɛ̍ᵻ mɔ̀ blě-aɛ, nyɔ̍ se̍ i̍h mɔ̀ nyǐ-ɛ.

2 Kɔwlɛntiɔn 7:1

Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

Kelesea 3:22

Ɛ̍ kɔn Nyɔsoa-a wlu̍ la̍ kmɔ̌ kli̍hgbɛ̍ nɛ dě gblɛ̍n sɔ̀ɛ̀n-a kèìe̍e̍, wɛ̀ tɔ̀ma̍a̍ wlu̍ ɛ̀ kɔ̍-a dǒ wlùh gbaɛ kɛ̍n i̍ dě Jusu Klai ja̍a̍-ɛ, wɛ̀ ɛ̍ iě wlùh gbaɛ blě nyɔ̍ nyǐ-ɛ.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Ɛfɛsɔ 4:22

Mɔ̀-a tu̍ soa mɔ̀ nɛ-a dě di̍i̍ de ɛ̀ kɔn-a dǒ mɔ̀-a kmɔ̌ soa we̍-ɛ, mɔ̀ sɔ dě ɛ̍ di̍i̍. Ɛ̍ nyni i̍ mɔ̀ jii̍ dǒ mɔ̀-a chɛ̀-a wlùh dɛ̍ᵻ ìh-a boe-a mɔ̀ i̍-ɛ we̍.

Kalase 1:21

Mɔ̀ poe Nyɔsoa kɛ̍n i̍ tɛin, iě mɔ̀ nu̍ ɔ̍ nyɛ̌-nyɔ̍ dǒ dɛ̍ᵻ sɔ̀nᵻ mɔ̀ nu̍-aɛ we̍.

1 Tɛsoloniɔn 4:13

À de̍di̍i̍ᵻ, à pɔ̀n dě mɔ̀ di̍i̍ iě i̍ flɔn dǒ nyɔ̍ ùh mɛ̌-aɛ dɛ we̍, wɛ̀ mɔ̀ɔ̍ jěe seɔn gbǎ ka nyɔ̍ ùh se̍-a wlùh i̍ tba̍ dɛ̍ blě-ɛ.

1 Tɛsoloniɔn 5:6

Nɛ̀ɛ̍, mɔ̀ à bɔ̌ nyɔ̍ duuh we̍ dɛ̍ mɔ̌-ɛ. Jɛ mɔ̀ à sà nyinɔ̍ jlǐh i̍, à iě jlǐh i̍ klihklǐh nɛ.

1 Timote 6:9

Jɛ juh-a pɔ̀n-a pàn i̍-ɛ, nɛ̀ u̍h-a gbǎ blu̍ja̍a̍. Nɛ̀ bo-o dɛ̍ᵻ dɔu pɔ̀n-ɛ ìh-a pa̍-a nyɔ̍ i̍-ɛ, dě i̍h-a gbɛɛ̍ di̍i̍ bo u̍h-a gbǎ. Jɛ i̍h nɔ̀ɔ̍, i̍h-a nyni i̍ nyɔ̍ jii̍, wɛ̀ i̍h-a gbɔ̀lɔ nyɔ̍-ɔ.

Taitɔ 3:3

Sàì laa̍ nɛ̀ à bo we̍i̍ ke, nɛ̀ à-a nu̍ nyɔ̍-a wlu̍, iě à sìì wìè. Nɛ̀ à nu̍ gbale̍e̍ gbǎ-a ke wlùh dɛ̍ᵻ kaɛn kaɛn-a kèi̍. Nɛ̀ gblɛ̍n-ɛ nyni-ɛ ke wlɛ̀n kɔn-ɛ bo à ja-ɛ ja̍-a. Nɛ̀ nyɔ̍ɔ faɛn àɔ̀, iě à faɛn nyɔ̍ɔ.

1 Pitɛ 1:14

Mɔ̀ nu̍ Nyɔsoa-a wlu̍, nɛ̀ mɔ̀-a chɛ̀-a wlùh dɛ̍ᵻ mɔ̀-a nu̍-a tɛin ti̍ mɔ̀ se̍-a Klai juo-ɛ, mɔ̀ bɔ̌ wɔ̌n-ɛ i̍h bɔ̌ dě mɔ̀-a kmɔ̌ di̍i̍ nɛ-ɛ dɛ.

2 Pitɛ 2:14

U̍h nɛ sɛ̌ jlǐh kleǐn, u̍h-u bɔ̌ gblɛ̍n sɔ̀ɛ̀n nu̍-ɛ. U̍h-a po̍ dli̍h wlɔ̍nᵻ we̍ nyɔ̍ blu̍ja̍a̍. Klǎn kɔn-ɛ bo u̍h cheǎn. Jɛ Nyɔsoa-a mu̍ u̍h wlu̍we̍i̍ po̍.

2 Pitɛ 2:18

U̍h-a chɛ̍n blɔ̌-ɛ ke bo-sɔ̀ìn. Wɛ̀ u̍h-a nu̍ se̍i̍kɔɛn, nyɔ̍ ùh-a ple̍-a la̍ de ùh-a sɔ-a dě dɛ̍ᵻ sɔ̀nᵻ di̍i̍ tǐn nyɔ̍ we̍-ɛ, u̍h-u bo u̍h-a po̍ dě de̍ biě laa̍ di̍i̍.

1 Chɔɔn 2:16

Dɛ̍ᵻ kli̍hgbɛ̍ ìh nɛ-a nɔ̌ kmɔ̌ la we̍-ɛ, ìh nu̍-a nyɔ̍-a chɛ̀-a wlùh dɛ̍ᵻ ke, jlǐh-a nɛ̀ sì dɛ̍ i̍ ke kɔn-dɛ̍ᵻ i̍ blɔ̌-ɛ ke, i̍h se̍ dě Baa Nyɔsoa we̍ sɔ. I̍h sɔ nɔ̌ kmɔ̌ la we̍.

1 Chɔɔn 2:8

Jɛ telě delee bo ǎn chlǐh la̍ mɔ̀ we̍ ɛ̀ mɔ̀ ke Klai to-a ka ɛ̍ nu̍-a gblangbai̍-ɛ. Dɛ̍nu̍ɛ, kwile-a sì la̍-ɛ, iě sɔ̀npli-a gblangbai̍-a fa̍n la̍.