Ɛfɛsɔ 2:20 - Ku̍o̍ Delee 1999

²⁰ Mɔ̀ɔ̍ bo ùh nu̍ gbò. Klai-a gba̍tòà ke Nyɔsoa-a tu̍owli po̍ nyɔ̍ bo ùh nu̍ gbò-a gbo̍tu, wɛ̀ Jusu Klai-a chɛ̀-a gbǎ nu̍ ɛ̍ sìtù.

Ɛfɛsɔ 2:20 Iomraidhean Croise

Matio 16:18

Jɛ Pitɛ, ǎn sèàɛ̍ ìn wlùh, mɔ̀ bo ɔ̀ nu̍ sɔɔ̌, dǒ sɔɔ̌ la kɛ̍n bo ǎn mu̍ ǎn chɔchi̍h poe. Nɛ̀ mɛ̌ɛ se̍ ɛ̍ klà sà mu̍.

Matio 21:42

Jusu la̍a̍ dě u̍h we̍, “Mɔ̀-ɔ se̍-a Nyɔsoa-a wlu̍ slè sàì ae? Ɛ̍ la̍a̍, ‘Sɔɔ̌ ɛ̀ gbò po̍ nyɔ̍ tba̍-a chla-ɛ, ɛ̍ bo ɛ̀ bɔ̌ɛ-a gbò-a sìtù nu̍-ɛ wɛ̀. Joi bo ɔ̀ nu̍ ɛ̀ la. Sɔ ɛ̍ nu̍ nyɔ̍ wɔ̍n flɔn-ɛ dɛ̍ dǒ à we̍.’

1 Kɔwlɛntiɔn 12:28

Nyɔsoa tba̍ Klai-a gba̍tòà chèɛ̀ dě chɔchi̍h, iě ɔ̍ tba̍ ɔ̍ tu̍owli po̍ nyɔ̍ chèɛ̀. Wɛ̀ ɔ̍ tba̍ nǎ po̍ nyɔ̍ chèɛ̀, iě ɔ̍ tba̍ jbaɛdih po̍ nyɔ̍ chèɛ̀. Wɛ̀ ɔ̍ tba̍ nyɔ̍ pǔh-i nyɔ̍ ke, nyɔ̍ we̍ gbǎ nyɔ̍ ke, dɛ̍ᵻ we̍ i̍ gbɛ̀n nyɔ̍ ke, wlu̍ diih po̍ nyɔ̍ chèɛ̀.

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

Ɛfɛsɔ 3:5

Sìle dɛ̍ la nyɔ̍ se̍ ɛ̍ juo de tɛin, jɛ ɛ̍-ɛ bo Nyɔsoa-a Sùù toe ɔ̍ gba̍tòà ke ɔ̍ tu̍owli po̍ nyɔ̍ ɔ̍ tè-ea pɔ̌-ɛ wɛ̀.

Kalase 2:7

Mɔ̀ po̍ sɛ̌n mɔ̀ iě-o ta̍i̍ gbǎ dě ɔ̍ ja̍a̍. Mɔ̀ tè ɔ̍ wlì. Ka mɔ̀ nu̍-a nǎ poe-ɛɛ, kǎ mɔ̀-a wlùh gbaɛ iě kmu-ɛ nu̍. Nɛ̀ tlɔ̌ po̍-ɛ bo ɛ̀ iě i̍ tìè dě mɔ̀ ku̍sɔ̀n.

1 Pitɛ 2:6

Ɛ̍ kɔn Nyɔsoa-a wlu̍ la̍a̍, “Ǐn tba̍ kèàǎn sɔɔ̌ chèɛ̀, ɔ̍ nu̍ sìtù ǎn po̍ wlù dǒ Juluslɛn wlɔ̀ di̍i̍. Nyɔ̍-o-nyɔ̍ ɔ̀ mu̍-a ɔ̍ wlùh gbaɛ-ɛ, nɛ̀ ɔ̍ se̍ si̍h wɔ̍n poe-ɛ mu̍.”

Wlɛfeleseɔn 21:14

Saǎn-a chɛ̀ ɛ̍ blě sɔɔ̌ gbo̍ bu̍hᵻá pùè jɔ̌ sɔɔ̌n. Wɛ̀ Blawɛ̌ Jǔ-a gba̍tòà-a pùè jɔ̌ sɔɔ̌n-a nynɛ̌ chlǐh-ɛ due due dǒ i̍h pùn.