Ɛfɛsɔ 2:2 - Ku̍o̍ Delee 1999

² Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Ɛfɛsɔ 2:2 Iomraidhean Croise

Matio 11:19

Nyi̍ɔ̍-a Jǔ ji̍-aɛ, iě ɔ̍ di̍ dɛ̍ wɛ̀ ɔ̍ nǎ. Iě u̍h la̍a̍, ‘Ɔ̍ nyni wɔ̍i̍n iě ɔ̍ sìèè ɔ̍ chɛ̀ nmɔ̍ wlì. Gbɛ̀n-e, ɔ̍ ke taa̍sìh sà nyɔ̍ ke gblɛ̍n sɔ̀ɛ̀n nyɔ̍ jbɛɛ.’ Jɛ Nyɔsoa-a flɔ̍nwlùh-a flɔn-ɛ ɛ̍ chɛ̀ we̍ i̍ dǒ ɛ̍ nu̍-dɛ̍ we̍.”

Matio 13:22

Jɔ̌ jih gbǎ-a dě klàɛ̀n di̍i̍-ɛ, i̍h bo ìh wɔ̀ nyɔ̍ ùh wɔ̌n-a tu̍owli la wɛ̀ kmɔ̌-a sèò ke ɛ̍ pàn-dɛ̍ᵻ i̍ jbɛɛ-ɛ mɔɛ tu̍owli laa̍ dlǔ i̍. Ɛ̍ kɔn u̍h se̍ tlo.

Matio 13:38

Klè bo ɛ̀ nu̍ kmɔ̌, nɛ̀ dɛ̍ᵻ jɔ̌ chɛ̀ laa̍ bo ìh nu̍ nyɔ̍ ùh kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ. Pei laa̍ bo ìh nu̍ nyɔ̍ ùh kɔn-a dǒ Nyɔ̍ Sɔ̀n laa̍ we̍-ɛ.

Pɔ̀n Chɛ̀ Maɛ To-a La 4:19

kmɔ̌-a sèò ke ɛ̍ pàn-dɛ̍ᵻ i̍ jbɛɛ-ɛ ke pɔ̀n-dɛ̍ᵻ dɔu-a tìh bo ìh gbǎ dǒ u̍h wlùh kɛ̍n wɛ̀ i̍h mɔɛ wlu̍ laa̍ dlǔ i̍. Ɛ̍ kɔn ɛ̍ se̍ tlo.

Pɔ̀n Chɛ̀ Luu To-a La 16:8

Dlǔtu po̍ se̍ i̍ slɛ̌ pòi̍ju la tìhwe̍ dǒ ɔ̍ flɔ̍nwlùh chɛ̀ la we̍. Dɛ̍nu̍ɛ, kmɔ̌ we̍ nyɔ̍ blě flɔ̍nwlùh chɛ̀ dǒ u̍h-a chɛ̀-a dɛ̍ we̍ ɛ̍ sìì nyɔ̍ ùh kɔn-a dǒ sɔ̀npli we̍-ɛ.

Pɔ̀n Chɛ̀ Luu To-a La 22:31

Jusu la̍a̍, “Samo, Samo, Setɔn sà-ɛ wlu̍ kɛ̍n ɛ̍ iě mɔ̀-ɔ slɛ̌n ka klè joi-a fùn kwǐ kɛnɛ̌ i̍-ɛ.

Chɔɔn 12:31

Jɛwɛ̀ ɛ̍ nu̍ ti̍ kmɔ̌ la ɛ̍ iě kɛ̀n sà-ɛ. Nɛ̀ ɛ̀ blě-a kmɔ̌ la ɛ̍ wlu̍ kwa̍-ɛ, jɛwɛ̀ tu̍h-a mu̍ ɛ̍ du̍.

Chɔɔn 13:2

Jusu ke ɔ̍ kòà iě-a dǒ wìe̍dɛ di̍ la̍ nɛ-ɛ, Juda Ɛkɛlia ɔ̀ nu̍-a Samo-a jǔ-ɛ, nɛ̀ Kǔ gbǎ dǒ ɔ̍ wlùh kɛ̍n wɛ̀ se̍e̍ ɔ̍ iě Jusu kwlǎ sà.

Chɔɔn 13:27

Juda dǔ-a blèe̍ laa̍ ka-ɛ, Setɔn gbǎ dě ɔ̍ ja̍a̍ kleǐn. Jusu la̍a̍ dě ɔ̍ we̍, “Dɛ̍ àn ji̍-a nu̍ la̍-ɛ, nu̍ ɛ̍ suei̍.”

Chɔɔn 14:30

Ǐn se̍ dɛ̍ dɔu wlu mu̍ dɛ dě mɔ̀ we̍, dɛ̍nu̍ɛ, ɛ̀ blě-a kmɔ̌ la ɛ̍ wlu̍ kwa̍-ɛ, ɛ̍ ji̍ la̍-ɛ. Ɛ̍ se̍ gbǐh blě dǒ ǐn we̍.

Chɔɔn 15:19

Pò mɔ̀ kɔn dǒ kmɔ̌ we̍ de-ɛ, nɛ̀ kmɔ̌-a mu̍ mɔ̀-ɔ jbɛɛ de ka ɛ̍ chɛ̀-a nyɔ̍-ɛ. Jɛ mɔ̀ se̍ dǒ kmɔ̌ we̍ kɔn dɛ. Ǎn mɔ̀ chèɛ̀ tba̍-a sà mɔ̀ dě kmɔ̌ di̍i̍ wɛ̀. Ɛ̍ kɔn tìh kmɔ̌ faɛn mɔ̀.

Chɔɔn 16:11

U̍h klǐ-i dǒ tìh-a gbɛ̍n-ɛ dɛ we̍, dɛ̍nu̍ɛ, Nyɔsoa sà ɛ̀ blě-a kmɔ̌ la ɛ̍ wlu̍ kwa̍-ɛ kɛ̀n wɛ̀.

Chɔɔn 7:7

Mɔ̀ɔ̍ nɔ̀ɔ̍, kmɔ̌ se̍ mɔ̀-ɔ faɛn, jɛ mɔ̍ɔ, ɛ̍ faɛn m. Dɛ̍nu̍ɛ, ǎn sèàɛ̍ ɛ̍ wlùh ma̍u̍ ka ɛ̍ nu̍-a dɛ̍ᵻ sɔ̀nᵻɛ́.

Chɔɔn 8:23

Jusu la̍a̍, “Mɔ̀ sɔ nɔ̌ kmɔ̌ we̍ nɔ̌ sɔ̀n, iě ǐn sɔ dě dlǔwèàì dě ja̍i̍wlɔ̀. Mɔ̀ kɔn nɔ̌ kmɔ̌ la we̍, jɛ ǐn se̍ nɔ̌ kmɔ̌ la we̍ kɔn.

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Nu̍-dɛ̍ᵻ 19:35

Wɛ̀ wlɔ̀-a klaki̍h po̍ u̍h bɔ̌ i̍. Iě ɔ̍ la̍a̍, “Mɔ̀ɔ̍ Ɛfɛsɔ nyɔ̍, Atemi ke ɛ̍ gbàìn nɛ sɔɔ̌ blu̍-a dě ja̍u̍n wlì-ɛ, ka Ɛfɛsɔ wlɔ̀ bo ɛ̀ gbɛ̀n-a dǒ i̍h-a slaǎ sà gbò we̍ i̍-ɛ, nyɔ̍we̍ ɔ̀ se̍ i̍h juo da̍a kmɔ̌ la we̍ ɛ?

Nu̍-dɛ̍ᵻ 5:3

Wɛ̀ Pitɛ la̍a̍, “Ɛlenaea, dɛ̍nu̍ àn wɔ̌n iě Setɔn-a gbǎ dǒ ìn pɔluh kɛ̍n wɛ̀ àn tmɔ̌-ɛ Nyɔsoa-a Sùù si̍h wɔ̍i̍n iě àn si̍e̍ àn blǔh-a wlǐ diih dǒ àn chɛ̀ de̍e̍ ɛ?

Wloma 12:2

Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.

1 Kɔwlɛntiɔn 5:10

Kmɔ̌ we̍ nyɔ̍ ùh-a nu̍-a gbǎn, ùh kɔn-a klǎn, ùh-a jlǐ-a, ùh-a sà-a kwɛ̍i̍n gbo̍ᵻ wɛɛ-ɛ, u̍h nɔ̀ɔ̍, ǐn se̍ u̍h dǎ fu̍u̍. Pò mɔ̀ iě u̍h-a tìh i̍ tǎli-ɛ, nɛ̀ mɔ̀-a mu̍ nɔ̌ kmɔ̌ la we̍ sɔ sasǎ.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Ɛfɛsɔ 1:21

Dɛ̍ᵻ wlu̍ i̍ kɔn-ɛ ke, gbǐh ke, tùn blě-ɛ ke, joi kli̍hgbɛ̍ nɛ-a dě dlǔwèàì-ɛ, Klai kɔn i̍h wlu̍ kɛ̍ɛ̍n wɛ̀. Nɛ̀ nyɔ̍ wɔ̍n sìì nynɛ̌ kli̍hgbɛ̍ nɛ-a kaka-ɛ ke jih-a mu̍-a ji̍-ɛ, ɔ̍ naɛ sìì i̍h wɔ̍n.

Ɛfɛsɔ 2:11

Mɔ̀ɔ̍ ùh se̍-a Juu nyɔ̍-a wlǔh-i nynuu̍-ɛ, mɔ̀ nu̍ ka mɔ̀ nɛ-a tɛin-ɛ wlùh we̍. Tɛin-ɛ, Juu nyɔ̍ ùh-a dǎɛ-a u̍h-a chɛ̀ plɔ̀n gbǎ nyɔ̍ ɛ̀ nyi̍ɔ̍-a sɔ̍n-a nu̍-a dǒ jɔ̍gbauᵻá ku̍ pùn-ɛ, u̍h-a dǎɛ mɔ̀ se̍ plɔ̀n gbǎ nyɔ̍.

Ɛfɛsɔ 2:13

Jɛ mɔ̀ɔ̍ ùh ti̍ɛ̍ɛn-a Nyɔsoa we̍ i̍ de-ɛ, mɔ̀ ke Jusu Klai-a due nɛ-ɛ bo ɛ̀ ja ka mɔ̀ de̍ kɛklɛɛ dě ɔ̍ nymɔ̍-a i̍ wlǎ-a di̍i̍.

Ɛfɛsɔ 2:3

Ka u̍h nɛ-aɛ, kǎ à nɛ ke de. Dɛ̍ᵻ à gblɛ̍n sɔ̀ɛ̀n ku̍ ke, à wlùh ke à nyi̍ɔ̍ku-a pɔ̀n-aɛ, i̍h bo à nu̍. Ka nyɔ̍ kli̍hgbɛ̍ nɛ-aɛ, kǎ à nɛ de, iě Nyɔsoa-a mu̍ à kli̍hgbɛ̍ jlu̍h po̍-e ke de à gblɛ̍n sɔ̀ɛ̀n-a tìh.

Ɛfɛsɔ 4:17

Nɛ̀ɛ̍, ǐn gbɛ̍n mɔ̀-a bu̍hᵻ i̍ dǒ Joi-a nynɛ̌ kɛ̍n, mɔ̀ bɔ̌ kmɔ̌ nɛ-ɛ dɛ ka se̍ Nyɔsoa juo nyɔ̍-ɛ. Dɛ̍nu̍ɛ, u̍h nɔ̀ɔ̍, pɔ̀ɔ̍pìe̍ dɛ̍ᵻ bo u̍h-a slè-e wlùh i̍.

Ɛfɛsɔ 4:22

Mɔ̀-a tu̍ soa mɔ̀ nɛ-a dě di̍i̍ de ɛ̀ kɔn-a dǒ mɔ̀-a kmɔ̌ soa we̍-ɛ, mɔ̀ sɔ dě ɛ̍ di̍i̍. Ɛ̍ nyni i̍ mɔ̀ jii̍ dǒ mɔ̀-a chɛ̀-a wlùh dɛ̍ᵻ ìh-a boe-a mɔ̀ i̍-ɛ we̍.

Ɛfɛsɔ 5:6

Bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ si̍h tmɔ̌-ɛ we̍. Dɛ̍ᵻ sɔ̀nᵻ la bo ìh-a mu̍ ɛ̍ nu̍ wɛ̀ Nyɔsoa iě nyɔ̍ ùh se̍-a ɔ̍ wlu̍ nu̍-ɛ jlu̍h-u gbǎ-ɛ.

Ɛfɛsɔ 5:8

Mɔ̀ nɛ dě kwile-e de sàǐtòò, jɛ kaka la̍ mɔ̀ nɛ dě sɔ̀npli di̍i̍ wɛ̀ ka mɔ̀ kɔn-a dǒ Joi we̍-ɛ. Mɔ̀ na dě sɔ̀npli di̍i̍ nɛ nyɔ̍-a dɛ la̍ sǔh.

Ɛfɛsɔ 6:12

Dɛ̍nu̍ɛ, à se̍ wlɔ̀ nyi̍ɔ̍ we̍ fɔ̀n, jɛ dɛ̍ᵻ wlu̍ i̍ kɔn-ɛ ke, tùn blě-ɛ ke, si̍h nyɔsoa ìh kɔn-a kwile kmɔ̌ la wlu̍ i̍-ɛ ke, gbǐh sɔ̀nᵻ ìh nɛ-a dě ja̍i̍-ɛ bo à fɔ̀n we̍.

Kalase 1:21

Mɔ̀ poe Nyɔsoa kɛ̍n i̍ tɛin, iě mɔ̀ nu̍ ɔ̍ nyɛ̌-nyɔ̍ dǒ dɛ̍ᵻ sɔ̀nᵻ mɔ̀ nu̍-aɛ we̍.

2 Timote 4:10

Dɛ̍nu̍ɛ, Dima gbǎ dě ti̍laa kmɔ̌ la ɛ̍ we̍ jbɛɛ dɛ di̍i̍. Ɛ̍ kɔn ɔ̍ sà ǐn sɔ̍nᵻ i̍, iě ɔ̍ mu̍ dǒ Tɛsolonaika. Klɛsɛin mu̍ Kelesea fɔɔ, iě Taitɔ mu̍ Damɛtia fɔɔ.

Chiin 1:27

Dɛ̍ Baa Nyɔsoa-a dǎɛ-a Nyɔsoa dɛ-a gblangbai̍-ɛ, ɛ̍ nu̍ kwie̍nynuu̍ ke tèwànynɔ̌ᵻ ùh-a jě-a tìh-ɛ we̍ i̍ gbɛ̀n-ɛ, ɛ̍ ke nyɔ̍ ɔ̀ sà-a ɔ̍ chɛ̀ dě kmɔ̌-a sììjii̍ di̍i̍-ɛ ke.

Chiin 1:7

Nyɔ̍ kaɛn laa̍ nɛ̀ ɔ̍ bɔ̌ dɛ̍ jě tìh gbàɛ̀-ɛ dě Joi we̍.

Chiin 4:4

Mɔ̀ɔ̍ la ùh sɔ-a dǒ Nyɔsoa de̍e̍-ɛ, ka pò nyɔ̍ jbɛɛ kmɔ̌-ɛ, nɛ̀ ɔ̍ nu̍-a Nyɔsoa-a nyɛ̌-nyɔ̍-ɛ, mɔ̀ se̍ i̍h juo ae? Nyɔ̍ jɔ pɔ̀n-a kmɔ̌-a jbɛɛ nyɔ̍ nu̍-ɛ i̍-ɛ, nɛ̀ ɔ̍ nu̍ ɔ̍ chɛ̀ Nyɔsoa-a nyɛ̌-nyɔ̍ we̍i̍.

1 Pitɛ 1:14

Mɔ̀ nu̍ Nyɔsoa-a wlu̍, nɛ̀ mɔ̀-a chɛ̀-a wlùh dɛ̍ᵻ mɔ̀-a nu̍-a tɛin ti̍ mɔ̀ se̍-a Klai juo-ɛ, mɔ̀ bɔ̌ wɔ̌n-ɛ i̍h bɔ̌ dě mɔ̀-a kmɔ̌ di̍i̍ nɛ-ɛ dɛ.

1 Pitɛ 4:3

Ɛ̍ se̍ ti̍ dɛ mɔ̀ iě ùh se̍-a Nyɔsoa juo-ɛ u̍h-a gblɛ̍n nu̍. Tɛin-ɛ, nɛ̀ mɔ̀-a nu̍ nynɛ̌à, mɔ̀-a sìèè mɔ̀-a chɛ̀ nmɔ̍ wlì, mɔ̀-a nu̍ sììjii̍, mɔ̀-a sà kwɛ̍i̍n wɛɛ, iě mɔ̀-a mu̍ nmɔ̍ nǎ peě kɛ̍n i̍ mɔ̀-a nu̍ mɔ̀-a chɛ̀-a wlùh.

2 Pitɛ 2:14

U̍h nɛ sɛ̌ jlǐh kleǐn, u̍h-u bɔ̌ gblɛ̍n sɔ̀ɛ̀n nu̍-ɛ. U̍h-a po̍ dli̍h wlɔ̍nᵻ we̍ nyɔ̍ blu̍ja̍a̍. Klǎn kɔn-ɛ bo u̍h cheǎn. Jɛ Nyɔsoa-a mu̍ u̍h wlu̍we̍i̍ po̍.

1 Chɔɔn 3:10

Kǎ à nu̍ ka Nyɔsoa ke Kǔ-a nynuu̍ we̍ sèàɛ̍-ɛ. Nyɔ̍ ɔ̀-ɔ nu̍-a i̍ slɛ̌-dɛ̍-ɛ, nɛ̀ ɔ̍ se̍ Nyɔsoa-a jǔ, ɛ̍ ke nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ ke.

1 Chɔɔn 3:8

Nyɔ̍ jɔ gba̍-a gblɛ̍n sɔ̀ɛ̀n dluwe̍ i̍-ɛ, nɛ̀ ɔ̍ kɔn dǒ Kǔ we̍. Dɛ̍nu̍ɛ, Kǔ sà gblɛ̍n sɔ̀ɛ̀n nu̍-ɛ dě tɔ̀blɔ̍ɔ̍. Ɛ̍ kɔn Nyɔsoa-a Jǔ ji̍ wɛ̀ ɔ̍ iě Kǔ-a nu̍-dɛ̍ᵻ i̍ gbɔ̀lɔ.

1 Chɔɔn 4:4

Ǎn nynuu̍, mɔ̀ɔ̍ nɔ̀ɔ̍, mɔ̀ sɔ dě Nyɔsoa we̍, iě mɔ̀ sà tu̍owli po̍ nyɔ̍-a si̍h naɛ klà. Dɛ̍nu̍ɛ, Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ɛ̍ gbǐh ku̍ wɔ̍n ɛ̍ sìì Nyɔ̍ Sɔ̀n jɔ nɛ-a nɔ̌ kmɔ̌ we̍-ɛ.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

1 Chɔɔn 5:4

Dɛ̍nu̍ɛ, nyɔ̍ jɔ nu̍-a Nyɔsoa-a jǔ-ɛ, nɛ̀ ɔ̍ sà kmɔ̌-a dɛ̍ᵻ sɔ̀nᵻ klà wɛ̀. Dɛ̍ à du̍ i̍-a kmɔ̌ tu̍h-uɛ, ɛ̍ nu̍ à wlùh gbaɛ.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 13:14

Wɛ̀ ɛ̍ boe kmɔ̌ nyɔ̍ kli̍hgbɛ̍ i̍ dǒ jbaɛdih ɛ̍ sà-ɛa wlu̍ kɛ̍n iě ɛ̍ po̍-a dǒ sàǐtòò nmi̍ɛ̍ jlǐhwai-ɛ we̍. Wɛ̀ ɛ̍ po̍ nyɔ̍ kli̍hgbɛ̍ slǔh u̍h iě dɛ̍ mɛ̍ dǒ sàǐtòò nmi̍ɛ̍ la we̍, ɛ̀ plàn chlɛ̀n tba̍-a de iě ɛ̍ nɛ-a kmɔ̌ ke̍-ɛ.

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 16:17

Wɛ̀ ǐnchɔ̀-a mɛ̀sɔɔ̌n naɛ chɛ̌li ɛ̍ boo̍ dě ja̍i̍. Iě we̍le wlu̍ sɔ dě nynɛ̌ gbalǎ we̍ dě slaǎ sà gbò sɔ̀n. Ɛ̍ la̍a̍, “Ɛ̍ wɛ̀ i̍ wɛ̀.”

Wlɛfeleseɔn 20:2

Iě ɛ̍ gbɛ̍n dɔ̍sɛ ɛ̀ nu̍-a tɛin tɛin sɛ̍-ɛ. Ɛ̍-ɛ due laa̍ bo ɛ̀ nu̍ Kǔ ke Setɔn. Wɛ̀ ɛ̍ sa̍n Kǔ laa̍ tàǎntàǎn dǒ sɔ̀nᵻá wlǔ due (1,000) di̍i̍.