Ɛfɛsɔ 2:19 - Ku̍o̍ Delee 1999

¹⁹ Nɛ̀ sɔ da̍a sèàn blǐ-ɛ, mɔ̀ se̍ dakɔ̍ nynuu̍ ke dihwi̍hᵻ dɛ fu̍u̍. Mɔ̀ɔ̍ blǔh nynuu̍ wɛ̀ dě Nyɔsoa-a nyɔ̍ nynɛ̌, mɔ̀ɔ̍ ɔ̍ gbò nynuu̍ wɛ̀.

Ɛfɛsɔ 2:19 Iomraidhean Croise

Matio 10:25

Ɛ̍ mu̍ i̍ blaɛ sǔh sùku̍u̍ jǔ iě ɔ̍ nǎ po̍ nyɔ̍ wɔ̀, wɛ̀ pòi̍ju iě ɔ̍ dlǔtu wɔ̀. Nyɔ̍ ɔ̀ nu̍-a gbò-a dlǔtu-ɛ, pò u̍h ja ɔ̍ jeědih-a dlǔtu Biɛsibo dǎɛ-ɛ, nɛ̀ à ji̍ gbò kli̍hgbɛ̍-a chɛ̀ jě lě.”

Kelesea 6:10

Ɛ̍ tìh-ɛ, pò à jě flɔn la̍-ɛ, mɔ̀ à nu̍ dɛ̍ᵻ chɛ̀ dǒ nyɔ̍ kli̍hgbɛ̍ we̍. Nyɔ̍ ùh ke à nɛ-a dě Klai wlùh gbaɛ dɛ di̍i̍-ɛ, u̍h bo à iě ɛ̍ pùn nu̍ chɛ̀ɛ̌chɛ̀.

Ɛfɛsɔ 2:12

Ɛ̍ ti̍ laa̍ nɛ̀ mɔ̀ nɛ-ɛ fɔ̌ i̍ dǒ Klai we̍. Nɛ̀ mɔ̀ ke Nyɔsoa-a chèɛ̀ tba̍ nyɔ̍ se̍ nɔ̌ i̍ nɛ-ɛɛ. Ku̍o̍ ìh Nyɔsoa po̍-a dǒ ɔ̍ tɔ̀ma̍a̍ wlu̍ kɛ̍n-ɛ, nɛ̀ mɔ̀ nu̍ dakɔ̍ pàɔ̀n dǒ i̍h we̍. Nɛ̀ mɔ̀ se̍ wlùh i̍ kɔ̍ dɛ̍ blě, iě mɔ̀ se̍ Nyɔsoa dɛ i̍ juo nɔ̌ kmɔ̌ we̍.

Ɛfɛsɔ 3:15

Ɔ̍-ɔ bo ɔ̀ nyǐ nyɔ̍ kli̍hgbɛ̍ nɛ-a dě ja̍i̍wlɔ̀-ɛ ke nɔ̌ bloɔ̍-ɛ feɛ.

Ɛfɛsɔ 3:6

Ɛ̀ nu̍-a sìle dɛ̍-a chɛ̀-ɛ, ɛ̍ nu̍ Jusu Klai ke ùh se̍-a Juu nyɔ̍-ɛ nɛ due dě pɔ̀n chɛ̀ di̍i̍. Ɛ̍ bo ɛ̀ nu̍ ɛ̍ iě u̍h blě ka fɔ̌ wɛ̀ dǒ dɛ̍ᵻ Nyɔsoa tè-a i̍ dǒ Juu nyɔ̍ we̍-ɛ we̍. Ɛ̍-ɛ due laa̍ bo ɛ̀ nu̍ ɛ̍ iě u̍h ke Juu nyɔ̍ nu̍ nyɔ̍ due wɛ̀, iě u̍h kɔn dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a ke.

Felepai 3:20

Jɛ àɔ̀ nɔ̀ɔ̍-ɛ, dě ja̍i̍wlɔ̀ bo ɛ̀ nu̍ à blǐ. Ɛ̍ kɔn à po̍-e gbǐh, iě à chlì à Sèìe Nyɔ̍ we̍ i̍ ɔ̍ iě dě ja̍i̍wlɔ̀ sɔ ɔ̍ iě ji̍, ɔ̀ nu̍-a Joi Jusu Klai-ɛ.

Iblu 11:13

Ùh kli̍hgbɛ̍ la dě u̍h-a wlùh gbaɛ blě-ɛ di̍i̍ bo u̍h mɛ̌-ɛ. U̍h se̍ dɛ̍ kɔn wlu̍ Nyɔsoa po̍-a tɔ̀ma̍a̍-ɛ jě, jɛ u̍h jě ɛ̍ dě nya̍ wɛ̀ u̍h nu̍ ɛ̍ dɛ̍i̍. Ka u̍h nu̍-a dakɔ̍ pàɔ̀n nɔ̌ bloɔ̍-ɛ, u̍h juo ɛ̍ i̍, iě u̍h sà ɛ̍-ɛ.

Iblu 13:14

Dɛ̍nu̍ɛ, nɔ̌ bloɔ̍ la à se̍ tùgbàwlɔ̀ ɛ̀ se̍-a wa̍ la̍ kɔn-ɛ blě, jɛ tùgbàwlɔ̀ jɛ mu̍-a ji̍-ɛ, ɛ̍ bo à pɔ̀n à iě kɔn.

1 Pitɛ 2:11

Ǎn tìh kma nyɔ̍, ǎn ba̍le mɔ̀ɔ̍-ɛ, ka mɔ̀ nu̍-a dihwi̍hᵻ ke kwlǎ-gbǎ-kèi̍ᵻ nɔ̌ kmɔ̌ la we̍-ɛ, mɔ̀ sà mɔ̀-a sɔ̍n dě gblɛ̍n sɔ̀ɛ̀n nu̍ dɛ di̍i̍, dɛ̍nu̍ɛ, i̍h-a pa̍-ɛ mɔ̀-a wlùh tu̍h we̍.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.