Ɛfɛsɔ 2:18 - Ku̍o̍ Delee 1999

¹⁸ Dě Klai ja̍a̍ bo à jii wɛ̀ à wìè flɔn ka wɔ̍n dě Baa Nyɔsoa we̍ dǒ ɔ̍ Sùù-a à we̍ gbǎ-a we̍.

Ɛfɛsɔ 2:18 Iomraidhean Croise

Matio 28:19

Ɛ̍ tìh-ɛ, mɔ̀ mu̍, mɔ̀ ple̍ blǔh kli̍hgbɛ̍ la we̍ mɔ̀ iě nyɔ̍ kli̍hgbɛ̍ ǎn kòà we̍i̍ nu̍. Nɛ̀ mɔ̀ po̍ u̍h nǐ dlǔ dǒ Baa ke Jǔ ke Nyɔsoa-a Sùù-a nynɛ̌ kɛ̍n.

Chɔɔn 10:7

Ɛ̍ kɔn Jusu wlu dɛ dě u̍h we̍, ɔ̍ la̍a̍, “Tìh-a taǐn ǎn sèàɛ̍ mɔ̀ wlùh, mɔ̍ bo ɔ̀ nu̍ kòò-a wɔ̍n dǒ blawɛ̌ᵻ we̍.

Chɔɔn 10:9

Mɔ̍ bo ɔ̀ nu̍ kòò-a wɔ̍n. Nyɔ̍ jɔ mu̍-a ǐn we̍ jii-ɛ, nɛ̀ ɔ̍ mu̍ pǔh. Nɛ̀ ɔ̍ mu̍ pa̍ sǐ sɔ̀n nu̍, wɛ̀ ɔ̍ iě di̍-dɛ̍ jě.

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Wloma 5:2

Dě ɔ̍ ja̍a̍ bo à jii iě à jě Nyɔsoa-a blɛ à nɛ-a ka dě di̍i̍-ɛ ɛ̍ gbɛ̍n la̍. Nyɔsoa-a tìh-a i̍ bɛ̌-ɛ à mu̍-a kwa̍a̍ i̍ klɛ̀ɛ̀n-ɛ, ɛ̍ bo à kɔ̍ wlùh i̍ wɛ̀ à nmɔ.

Wloma 8:15

Dɛ̍nu̍ɛ, Sùù ɛ̀ mɔ̀ jě-aɛ, ɛ̍ se̍ mɔ̀ kèi̍ᵻ we̍i̍ nu̍ la̍ ji̍ dode̍ mɔ̀ iě faɔn ple̍. Jɛ mɔ̀ jě ɛ̍-ɛ, ɛ̍ iě mɔ̀ Nyɔsoa-a nynuu̍ we̍i̍ nu̍, wɛ̀ à iě Nyɔsoa à Baa dǎɛ.

1 Kɔwlɛntiɔn 12:13

Kǎ ɛ̍ nɛ ke dǒ à kli̍hgbɛ̍ we̍. Juu nyɔ̍ o, se̍ Juu o, kèi̍ᵻ o, de̍e̍ i̍ flɔn nyɔ̍ o, à kli̍hgbɛ̍ dě ku̍ due di̍i̍ bo Sùù poe àɔ̀ nǐ dlǔ. À kli̍hgbɛ̍ Nyɔsoa nyǐ àɔ̀ Sùù due dě à wlùh di̍i̍.

1 Kɔwlɛntiɔn 8:6

Jɛ àɔ̀ nɔ̀ɔ̍-ɛ, à blě Nyɔsoa due gbài̍. Baa ɔ̀ nu̍-a dɛ̍ᵻ kli̍hgbɛ̍-ɛ, ɔ̀ à nɛ-ɛa kmɔ̌-ɛ bo. Nɛ̀ à blě Joi due gbài̍. Jusu Klai, ɔ̀ kɔn ja̍a̍ dɛ̍ᵻ kli̍hgbɛ̍ nui-aɛ bo. Ɔ̍ kɔn ja̍a̍ bo à nɛ-ɛ kmɔ̌.

Kelesea 4:6

Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

Ɛfɛsɔ 3:12

Nɛ̀ ka à ke Klai nɛ-a due iě à gbaɛ-a ɔ̍ wlùh-ɛ, nɛ̀ à bɛ̌ wlì i̍ wɛ̀. Nɛ̀ dɛ̍ se̍ à i̍ ka̍n dɛ dǒ Nyɔsoa wlì mu̍ la̍.

Ɛfɛsɔ 3:14

Dɛ̍ Baa Nyɔsoa nu̍-aɛ, ɛ̍ tìh bo ǐn po̍ kɔlu̍ᵻ wlù dǒ ɔ̍ jǔ.

Ɛfɛsɔ 4:4

Mɔ̀ɔ̍ ku̍ due ɛ̀ kɔn-a dǒ Klai we̍-ɛ, iě mɔ̀ blě Nyɔsoa-a Sùù ɛ̀ nɛ-a due-ɛ ke. Wɛ̀ Nyɔsoa dǎ mɔ̀ mɔ̀ iě wlùh kɛ̍n i̍ kɔ̍ dɛ̍ due blě.

Ɛfɛsɔ 6:18

Mɔ̀-a ba̍le-ɛ kli̍hgbɛ̍ ke, dɛ̍ jbǎ-a ke̍, dě Nyɔsoa-a Sùù ja̍a̍ bo i̍h iě jii. Mɔ̀ bɔ̌ se̍a̍-a, mɔ̀ ba̍le dǒ Nyɔsoa nyɔ̍ kli̍hgbɛ̍-a tàà te̍e̍ kleǐn.

Kalase 1:12

Wɛ̀ mɔ̀ iě Baa Nyɔsoa tlɔ̌ po̍, ɔ̀ jɔ nɛ-a kmɔ̌ wɛ̀ mɔ̀ iě-a ɔ̍ nyɔ̍ nynɛ̌ gbǎ, iě dɛ̍ ɔ̍ tè-a i̍ dě sɔ̀npli di̍i̍-ɛ mɔ̀ kɔn-a ɛ̍ fɔ̌ wɛ̀-ɛ.

Iblu 7:19

Dɛ̍nu̍ɛ, Mose-a telě se̍ nyɔ̍ i̍ slɛ̌-ɛ bɛ̌ɛ. Jɛ ɔ̀ nu̍-a à wlùh i̍ kɔ̍ dɛ̍ ɔ̀ sìì-a telě-ɛ ɔ̍ wlǔh tà wɛ̀. Ɔ̍-ɔ bo ɔ̀ nɛ kmɔ̌ wɛ̀ à kɔǎɛn ka Nyɔsoa we̍ i̍.

Chiin 3:9

Ɛ̍-ɛ bo à nu̍ wɛ̀ à po̍ à Joi ɔ̀ nu̍-a Baa-a tlɔ̌. Ɛ̍-ɛ due laa̍ bo à nu̍ wɛ̀ à chlèe à ba̍ ɔ̀ Nyɔsoa nu̍-a dě ɔ̍ chɛ̀-a tu̍ di̍i̍-ɛ.

1 Pitɛ 1:17

Nyɔsoa-a sà wìè fɔ̌ due dǒ sàwi̍h sì la̍, ɔ̀ mɔ̀-a dǎɛ-a Baa-ɛ. Ɛ̍ tìh-ɛ, ti̍ mɔ̀-a mu̍-a da̍a kmɔ̌ la we̍ nɛ-ɛɛ, ɔ̍-ɔ bo mɔ̀ iě gbiǐh jě.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

Judi 1:20

Jɛ ǎn tìh kma nyɔ̍, mɔ̀ kui mɔ̀-a chɛ̀ i̍ dě Nyɔsoa wlùh gbaɛ di̍i̍. Nɛ̀ mɔ̀ ba̍le dě ɔ̍ Sùù di̍i̍.