Ɛfɛsɔ 2:17 - Ku̍o̍ Delee 1999

¹⁷ Klai ji̍-aɛ, wɛ̀ ɔ̍ bla̍ kmɔ̌ i̍ gbe̍ɛ̍ɛn pɔ̀n chɛ̀-a tìh we̍i̍ dě mɔ̀ɔ̍ ùh se̍-a Juu nyɔ̍ ùh ti̍ɛ̍ɛn-a Nyɔsoa we̍ i̍ de-ɛ we̍. Iě ɔ̍ bla̍ ɛ̍ dě Juu nyɔ̍ juh kɔǎn-ɛa ɔ̍ we̍ i̍-ɛ we̍ ke.

Ɛfɛsɔ 2:17 Iomraidhean Croise

Matio 10:13

Nɛ̀ pò gbò kɔn nyɔ̍ gbɛ̍n mɔ̀-a tìh i̍-ɛ, nɛ̀ mɔ̀ sà-ɛ u̍h nǐ wɔ̍n. Jɛ pò u̍h se̍ mɔ̀-a tìh i̍ gbɛ̍n-ɛ, nɛ̀ mɔ̀ bɔ̌ u̍h nǐ wɔ̍n sà-ɛɛ.

Pɔ̀n Chɛ̀ Luu To-a La 15:8

“Nynɔ̌ ɔ̀ blě-a sebla̍ wlǐ-a jɔ̌ pùè-ɛ, pò i̍h-a due mǎ-ɛ, nɛ̀ dɛ̍ ɔ̍ mu̍ nu̍ ɛ? Nɛ̀ ɔ̍ mu̍ nape̍ tba̍ ɔ̍ iě dě gbò i̍ wo̍lo, ɔ̍ iě i̍ gbèɛ̀ɛ̍n te̍e̍, wɛ̀ ɔ̍ iě ɛ̍ jě-ɛ dǔ.

Pɔ̀n Chɛ̀ Luu To-a La 2:14

“Mɔ̀ à bɛ̌-ɛ Nyɔsoa-a nynɛ̌ i̍, ɔ̀ tǐn-a dě ja̍i̍wlɔ̀-ɛ, nɛ̀ nyɔ̍ ùh-a pɛ̌n-ɛa ɔ̍ wlùh i̍ nɔ̌ bloɔ̍-ɛ, pɔ̀ìě dǒ u̍h we̍.”

Nu̍-dɛ̍ᵻ 10:36

Mɔ̀ juo tu̍owli ɔ̍ dbo̍-a dě Eslɔɛ nyɔ̍ we̍-ɛ, nyɔ̍-a wlùh i̍ tè-e pɔ̀n chɛ̀ la Jusu Klai ɔ̀ nu̍-a nyɔ̍ kli̍hgbɛ̍-a Joi-ɛ, dě ɔ̍ ja̍a̍ bo ɔ̍ jii wɛ̀ ɔ̍ bla̍ ɛ̍ we̍i̍.

Nu̍-dɛ̍ᵻ 2:39

Dɛ̍nu̍ɛ, Nyɔsoa-a tɔ̀ma̍a̍ wlu̍ kɔn dǒ mɔ̀ ke mɔ̀-a nynuu̍ we̍, ɛ̍ ke nyɔ̍ kli̍hgbɛ̍ nɛ-a tà tɔ̀ɔ̀n-ɛ ke juh à Joi Nyɔsoa dǎ-a dǒ ɔ̍ chɛ̀ we̍-ɛ ke.”

Wloma 10:14

Jɛ nɛ̀ ɔ̀ u̍h se̍-a wlùh gbaɛ-ɛ, ka u̍h-a mu̍ ɔ̍ nynɛ̌ i̍ dǎ-a nu̍ ɛ? Nɛ̀ ɔ̀ kɔn nynɛ̌ u̍h se̍-a wɔ̌n-ɛ, ka u̍h-a mu̍ ɔ̍ wlùh gbaɛ nu̍ ɛ? Pò tìh bla̍ nyɔ̍ se̍ nɛ-ɛ, nɛ̀ ka u̍h-a mu̍ ɔ̍ nynɛ̌ wɔ̌n-ɛ nu̍ ɛ?

Wloma 5:1

Nɛ̀ɛ̍, ka à wlùh gbaɛ blě-ɛ nu̍-a ɛ̍ iě Nyɔsoa slè-ea àɔ̀ i̍ slɛ̌-nyɔ̍-ɛ, nɛ̀ à ke Nyɔsoa-a wɔ̌ɛn wlu̍ i̍ dě à Joi Jusu Klai ja̍a̍.

2 Kɔwlɛntiɔn 5:20

Ɛ̍ tìh-ɛ, à wlu Klai-a dɛ̍. Dě à ja̍a̍ bo Nyɔsoa-a ba̍le-e nyɔ̍. À gbɛ̍n mɔ̀-a bu̍hᵻ dǒ Klai-a tàà Nyɔsoa iě ɛ̍ nu̍ mɔ̀ ke ɔ̍ iě kɛ̍n i̍ gbe̍ɛ̍ɛn.

Ɛfɛsɔ 4:21

Ǐn juo ɛ̍-ɛ mɔ̀ wɔ̌n ɔ̍ dɛ-a pɔ̀n wɛ̀, iě mɔ̀ poe-ɛ nǎ wɛ̀ ke dǒ tìh-a taǐn ɛ̀ nɛ-a dě ɔ̍ ja̍a̍-ɛ we̍.