Ɛfɛsɔ 2:16 - Ku̍o̍ Delee 1999

¹⁶ Ɔ̍ nu̍ àɔ̀ nyɔ̍ due we̍i̍, wɛ̀ ɔ̍ dǒ gbàɛ̍ kɛ̍n i̍ tu̍ wlì mɛ̌ɛ nu̍ ɛ̍ iě àɔ̀ ke Nyɔsoa gbe̍ɛ̍ɛn kɛ̍n i̍. Wɛ̀ ɛ̍ chlà nyeɛ̍ɛn-a tu̍h nɛ-a dǒ à nynɛ̌ we̍ de-ɛ.

Ɛfɛsɔ 2:16 Iomraidhean Croise

Wloma 5:10

À nu̍ Nyɔsoa nyɛ̌-nyɔ̍ de, jɛ ɔ̍ Jǔ-a mɛ̌-ɛ bo ɛ̀ gbe̍ɛ̍ɛn ɔ̍ ke à kɛ̍n i̍ dode̍. Ka ɔ̍ gbe̍ɛ̍ɛn-a à kɛ̍n i̍ wɛ̀ dode̍-ɛ, jɛ nɛ̀ ɔ̍ kmɔ̌ i̍ tè naɛ bo ɛ̀ se̍ à pǔh-i mu̍ ae?

Wloma 6:6

À juo i̍h à tu̍ soa nɔ̀ɔ̍ ɛ̍ mɛ̌-ɛ Klai we̍ wɛ̀ dǒ gbàɛ̍ kɛ̍n i̍ tu̍ wlì. Wɛ̀ à gblɛ̍n sɔ̀ɛ̀n ku̍ la ɛ̍ iě-e gbɔ̀lɔ, wɛ̀ à-a je̍e gblɛ̍n sɔ̀ɛ̀n-a kèi̍ nu̍ dɛ dode̍.

Wloma 8:3

Dɛ̍ ɛ̀ telě se̍-a nu̍-ɛ bɛ̌ɛ à gblɛ̍n sɔ̀ɛ̀n ku̍-a gbǐh-a mɛ̌-ɛ tìh-ɛ, ɛ̍ bo Nyɔsoa nu̍. Ɔ̍ dbo̍ ɔ̍ chɛ̀-a Jǔ dě gblɛ̍n sɔ̀ɛ̀n nu̍ nyɔ̍-a tu̍ di̍i̍ ɔ̍ iě gblɛ̍n sɔ̀ɛ̀n-a slaǎ sà-ɛ dɛ̍ nu̍. Nyɔsoa sà gblɛ̍n sɔ̀ɛ̀n kɛ̀n dě ɔ̍ Jǔ-a ku̍ laa̍ di̍i̍.

Wloma 8:7

Nɛ̀ɛ̍, nyɔ̍ ɔ̀ kɔn wlùh gblɛ̍n sɔ̀ɛ̀n-a tu̍ kɔn-a wlu̍ i̍-ɛ, nɛ̀ ɔ̍ tbaɛ Nyɔsoa bu̍hᵻ i̍. Ɔ̍ se̍ Nyɔsoa-a telě dɛ̍ɛ̍ jě-ɛ bɛ̌ɛ, ka ɛ̍ nɛ chɛ̀.

1 Kɔwlɛntiɔn 10:17

Blèe̍ gba̍n nɛ due, wɛ̀ àɔ̀ dɔu la iě à nu̍ nyɔ̍ due, dɛ̍nu̍ɛ, à kli̍hgbɛ̍ à gblè-e blèe̍ gba̍n due kwa̍a̍ i̍.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Ɛfɛsɔ 2:15

Ɔ̍ sà telě Nyɔsoa nyǐ-a Mose-ɛ ke telě diih Juu nyɔ̍ blě-a dǒ wìè-i. Ɔ̍ nu̍ ɛ̍-ɛ wɛ̀ u̍h-a gbɔ̍ᵻ nɛ-a sɔɔ̌n-ɛ, ɔ̍ iě u̍h nyɔ̍ delee we̍i̍ nu̍ u̍h iě due nɛ dě ɔ̍ chɛ̀ ja̍a̍. Wɛ̀ ɔ̍ nu̍ ɛ̍ iě u̍h-a wɔ̌ɛn ka wlu̍ i̍.

Ɛfɛsɔ 3:6

Ɛ̀ nu̍-a sìle dɛ̍-a chɛ̀-ɛ, ɛ̍ nu̍ Jusu Klai ke ùh se̍-a Juu nyɔ̍-ɛ nɛ due dě pɔ̀n chɛ̀ di̍i̍. Ɛ̍ bo ɛ̀ nu̍ ɛ̍ iě u̍h blě ka fɔ̌ wɛ̀ dǒ dɛ̍ᵻ Nyɔsoa tè-a i̍ dǒ Juu nyɔ̍ we̍-ɛ we̍. Ɛ̍-ɛ due laa̍ bo ɛ̀ nu̍ ɛ̍ iě u̍h ke Juu nyɔ̍ nu̍ nyɔ̍ due wɛ̀, iě u̍h kɔn dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a ke.

Ɛfɛsɔ 4:4

Mɔ̀ɔ̍ ku̍ due ɛ̀ kɔn-a dǒ Klai we̍-ɛ, iě mɔ̀ blě Nyɔsoa-a Sùù ɛ̀ nɛ-a due-ɛ ke. Wɛ̀ Nyɔsoa dǎ mɔ̀ mɔ̀ iě wlùh kɛ̍n i̍ kɔ̍ dɛ̍ due blě.

Kalase 2:14

Gba̍ telě po̍-a à dlǔ de-ɛ, ɛ̍ bo ɔ̍ sà wɛ̀, iě ɔ̍ po̍ ɛ̍ de̍ flɔ̀. Ɛ̍ de̍ po̍-ɛ nu̍ ɛ̍ dǒ gbàɛ̍ kɛ̍n i̍ tu̍ wlì kɔ̍-ɛ.

Kalase 3:15

Nɛ̀ wlùh-a i̍ tè-ɛ ɛ̀ sɔ-a dě Klai we̍-ɛ bo ɛ̀ iě mɔ̀-a pɔluh wlu̍ i̍ kɔn. Ɛ̍ kɔn Nyɔsoa dǎ mɔ̀ iě mɔ̀ nu̍ ku̍ due-a nyɔ̍. Mɔ̀ po̍ Nyɔsoa tlɔ̌.