Ɛfɛsɔ 2:15 - Ku̍o̍ Delee 1999

¹⁵ Ɔ̍ sà telě Nyɔsoa nyǐ-a Mose-ɛ ke telě diih Juu nyɔ̍ blě-a dǒ wìè-i. Ɔ̍ nu̍ ɛ̍-ɛ wɛ̀ u̍h-a gbɔ̍ᵻ nɛ-a sɔɔ̌n-ɛ, ɔ̍ iě u̍h nyɔ̍ delee we̍i̍ nu̍ u̍h iě due nɛ dě ɔ̍ chɛ̀ ja̍a̍. Wɛ̀ ɔ̍ nu̍ ɛ̍ iě u̍h-a wɔ̌ɛn ka wlu̍ i̍.

Ɛfɛsɔ 2:15 Iomraidhean Croise

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

Kelesea 3:10

Nyɔ̍ ùh tè-a telě dɛ̍ɛ̍ jě-ɛ wlì-ɛ, nɛ̀ kàɔ̀-a mu̍ u̍h gbɛ̍n. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ se̍-a dɛ̍ᵻ kli̍hgbɛ̍ ìh chlǐh-a dě telě chlǐh-dɛ̍ di̍i̍-ɛ dɛ̍ɛ̍ jě-ɛ dluwe̍ gba̍ mu̍-ɛ, nɛ̀ Nyɔsoa-a kàɔ̀ gbɛ̍n ɔ̍-ɛ.”

Kelesea 3:28

Juu nyɔ̍ se̍-o dɔɔ̌ nɛ, wɛ̀ ùh se̍-a Juu nyɔ̍-ɛ se̍-o dɔɔ̌ nɛ. Kèi̍ se̍-o dɔɔ̌ nɛ, wɛ̀ i̍ flɔn nyɔ̍ se̍-o dɔɔ̌ nɛ. Jɔ̍gbau se̍-o dɔɔ̌ nɛ, wɛ̀ nynɔ̌gbaɔ se̍-o dɔɔ̌ nɛ. Jɛ mɔ̀ kli̍hgbɛ̍ mɔ̀ nɛ due wɛ̀ dě Jusu Klai ja̍a̍.

Kelesea 6:15

Nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ tìh se̍ kma. Jɛ nyɔ̍ delee nu̍ tìh bo ɛ̀ kma.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 2:14

Klai-a chɛ̀ bo ɔ̀ nu̍ ɛ̍ iě mɔ̀ɔ̍ ùh se̍-a Juu nyɔ̍-ɛ iě mɔ̀ ke Juu nyɔ̍-a wɔ̌ɛn ka wlu̍ i̍. Wɛ̀ nyeɛ̍ɛn-a chɛna̍ nɛ-a dǒ à nynɛ̌ de-ɛ, iě ɔ̍ wa̍ ɛ̍ dě ɔ̍ nyi̍ɔ̍ku di̍i̍. Wɛ̀ ɔ̍ nu̍ àɔ̀ nyɔ̍ due we̍i̍.

Ɛfɛsɔ 2:16

Ɔ̍ nu̍ àɔ̀ nyɔ̍ due we̍i̍, wɛ̀ ɔ̍ dǒ gbàɛ̍ kɛ̍n i̍ tu̍ wlì mɛ̌ɛ nu̍ ɛ̍ iě àɔ̀ ke Nyɔsoa gbe̍ɛ̍ɛn kɛ̍n i̍. Wɛ̀ ɛ̍ chlà nyeɛ̍ɛn-a tu̍h nɛ-a dǒ à nynɛ̌ we̍ de-ɛ.

Ɛfɛsɔ 4:16

Dě ɔ̍ ja̍a̍ bo ku̍ kli̍hgbɛ̍ tùi i̍ iě ɛ̍ gbe̍ɛ̍ɛn i̍, wɛ̀ ɛ̍ poe-ɛ nǐ i̍. Pò ka ɛ̍ fɔ̌ᵻ nu̍-a nɛ-ɛ i̍h ja laan dbo̍ nu̍-ɛ nu̍-ɛ, nɛ̀ ku̍-a chɛ̀ ɛ̍ mu̍ ku̍ wɛ̀ ɛ̍ iě ɛ̍ chɛ̀ dǒ ta̍i̍ po̍ dě jbɛɛ di̍i̍.

Kalase 2:14

Gba̍ telě po̍-a à dlǔ de-ɛ, ɛ̍ bo ɔ̍ sà wɛ̀, iě ɔ̍ po̍ ɛ̍ de̍ flɔ̀. Ɛ̍ de̍ po̍-ɛ nu̍ ɛ̍ dǒ gbàɛ̍ kɛ̍n i̍ tu̍ wlì kɔ̍-ɛ.

Kalase 2:20

Ka mɔ̀ mɛ̌-ɛa Klai we̍ wɛ̀-ɛ, nɛ̀ mɔ̀ se̍ dǒ gbǐh jih kɔn-a kmɔ̌ la wlu̍ i̍-ɛ we̍ kɔn dɛ. Dɛ̍nu̍ mɔ̀-a nu̍ dě kmɔ̌ we̍ nɛ nyɔ̍-a dɛ̍ᵻ ke̍ gbɔ̀ɔ-ɛ, iě mɔ̀-a tè-o i̍h-a gbànᵻ i̍ ke̍ ɛ?

Kalase 3:10

Mɔ̀ gbǎ-e tu̍ delee di̍i̍ wɛ̀, wɛ̀ Nyɔsoa ɔ̀ nu̍-a ɛ̍ nu̍ nyɔ̍-ɛ, ɛ̍ iě ɔ̍ dɛ̍ i̍ juo. Ɛ̍ kɔn ɔ̍ po̍ ɛ̍ delee i̍ dě ɔ̍ chɛ̀-a tu̍ di̍i̍.

Kalase 3:11

Ɛ̍ tìh-ɛ, ùh se̍-a Juu nyɔ̍-ɛ u̍h se̍-o dɔɔ̌ nɛ, wɛ̀ Juu nyɔ̍ se̍-o dɔɔ̌ nɛ. Plɔ̀n gbǎ nyɔ̍ se̍-o dɔɔ̌ nɛ, wɛ̀ se̍ plɔ̀n gbǎ nyɔ̍ se̍-o dɔɔ̌ nɛ. Nyɔ̍ ùh se̍-a Klii nyɔ̍-ɛ se̍-o dɔɔ̌ nɛ, wɛ̀ nyɔ̍ ùh-a nu̍-a dɛ̍ᵻ ka gbɛ̍n-ɛ nmi̍i̍-ɛ u̍h se̍-o dɔɔ̌ nɛ. Nɛ̀ kèi̍ se̍-o dɔɔ̌ nɛ, wɛ̀ nyɔ̍ ùh flɔn-a i̍-ɛ se̍-o dɔɔ̌ nɛ. Jɛ Klai bo ɔ̀ gbǎ dɛ̍kɛ̍n dǒ dɛ̍ᵻ kli̍hgbɛ̍ we̍, iě ɔ̍ nɛ mɔ̀ɔ̍ kli̍hgbɛ̍.

Kalase 3:15

Nɛ̀ wlùh-a i̍ tè-ɛ ɛ̀ sɔ-a dě Klai we̍-ɛ bo ɛ̀ iě mɔ̀-a pɔluh wlu̍ i̍ kɔn. Ɛ̍ kɔn Nyɔsoa dǎ mɔ̀ iě mɔ̀ nu̍ ku̍ due-a nyɔ̍. Mɔ̀ po̍ Nyɔsoa tlɔ̌.

Iblu 7:16

Slaǎ sà nyɔ̍ ɔ̍ nu̍-a ka-ɛ, ɛ̍ se̍ ɔ̍ tè-o telě ɛ̀ la̍ nyɔ̍ iě-a slaǎ sà nyɔ̍-a tloemlai nu̍-ɛ tìh. Jɛ ɔ̍ nui-ɛ slaǎ sà nyɔ̍, dɛ̍nu̍ɛ, gbǐh ɔ̍ blě-aɛ, ɛ̍ sɔ dě feɛ ɛ̀ se̍-a dlǔ i̍ chla la̍ kɔn-ɛ di̍i̍.

Iblu 8:13

Dǒ ku̍o̍ delee-a tìh i̍ sà la̍ bo Nyɔsoa nui sàì naɛ dɛ̍ soa we̍i̍. Nɛ̀ dɛ̍-o-dɛ̍ ɛ̀ gbǎ-a soa i̍ iě ɛ̀ wɛ̀-a wɔ̍n-ɛ, nɛ̀ ɛ̍ tìh-a mu̍ i̍ wɛ̀.

Iblu 9:23

Slaǎ sà-a kaɛn laa̍ bo ìh kɔn ìh iě ɛ̍ nu̍ wɛ̀ wɛɛ sà dɛ̍ᵻ kaɛn laa̍ ìh wɔ̀-a jih nɛ-a dě ja̍i̍wlɔ̀-ɛ i̍h iě dě Nyɔsoa jlǐh i̍ nmɔ. Jɛ wɛɛ sà dɛ̍ᵻ jih nɛ-a dě ja̍i̍wlɔ̀-ɛ nɔ̀ɔ̍, i̍h kɔn i̍h iě slaǎ sà-ɛ chɛ̀ blě i̍h iě jih la sìì.