Ɛfɛsɔ 2:14 - Ku̍o̍ Delee 1999

¹⁴ Klai-a chɛ̀ bo ɔ̀ nu̍ ɛ̍ iě mɔ̀ɔ̍ ùh se̍-a Juu nyɔ̍-ɛ iě mɔ̀ ke Juu nyɔ̍-a wɔ̌ɛn ka wlu̍ i̍. Wɛ̀ nyeɛ̍ɛn-a chɛna̍ nɛ-a dǒ à nynɛ̌ de-ɛ, iě ɔ̍ wa̍ ɛ̍ dě ɔ̍ nyi̍ɔ̍ku di̍i̍. Wɛ̀ ɔ̍ nu̍ àɔ̀ nyɔ̍ due we̍i̍.

Ɛfɛsɔ 2:14 Iomraidhean Croise

Pɔ̀n Chɛ̀ Luu To-a La 1:79

Wɛ̀ ɔ̍ iě nyɔ̍ ùh tè-a dě kwile i̍-ɛ ke dě mɛ̌ɛ-a sùù di̍i̍-ɛ sɔ̀npli nyǐ, ɔ̍ iě à sɔ̍nᵻ we̍ i̍ naɛ dǒ wìè ɛ̀ gba̍-a nyɔ̍ dě wlùh-a i̍ tè-ɛ di̍i̍-ɛ we̍.”

Pɔ̀n Chɛ̀ Luu To-a La 2:14

“Mɔ̀ à bɛ̌-ɛ Nyɔsoa-a nynɛ̌ i̍, ɔ̀ tǐn-a dě ja̍i̍wlɔ̀-ɛ, nɛ̀ nyɔ̍ ùh-a pɛ̌n-ɛa ɔ̍ wlùh i̍ nɔ̌ bloɔ̍-ɛ, pɔ̀ìě dǒ u̍h we̍.”

Chɔɔn 10:16

Ǎn blawɛ̌ᵻ diih ìh se̍-a nɔ̌ kòò la di̍i̍ nɛ-ɛ ǐn kɔn iě i̍h ja ke, nɛ̀ i̍h-a mu̍ ǎn wlu̍-u i̍ wɔ̌n. Wɛ̀ i̍h iě blawɛ̌ᵻ gbà due nu̍ dǒ i̍h-a we̍ i̍ gbɛ̀n nyɔ̍ due sɔ̀n.

Chɔɔn 11:52

Jɛ ɛ̍ se̍ Juu bloa̍ nɛ due-a tìh ɔ̍ se̍ mɛ̌ mu̍. Jɛ ɔ̍ mɛ̌ɛ-a mu̍ Nyɔsoa-a nynuu̍ ùh gbà-a ja̍i̍-ɛ i̍ gbòe. Wɛ̀ u̍h iě nyɔ̍ due nu̍.

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Nu̍-dɛ̍ᵻ 10:28

Wɛ̀ Pitɛ la̍a̍ dě u̍h we̍, “Mɔ̀-a chɛ̀ juo ɛ̍-ɛ gbàkla̍a̍, ɛ̍ nu̍ telě àɔ̀ nu̍-a Juu-ɛ, à ke ùh se̍-a Juu nyɔ̍-ɛ ke à-a nɛ̍aɛ we̍ wɛ̀ à iě dě u̍h we̍-a chɛ̀ i̍ nala mu̍. Jɛ Nyɔsoa to ɛ̍-ɛ ka ǐn se̍-a kɔn iě-a nyɔ̍-o-nyɔ̍ dě Nyɔsoa jlǐh i̍ nyni nyɔ̍ ke nɛi̍ nɛ nyɔ̍ dǎɛ-ɛ.

Nu̍-dɛ̍ᵻ 10:36

Mɔ̀ juo tu̍owli ɔ̍ dbo̍-a dě Eslɔɛ nyɔ̍ we̍-ɛ, nyɔ̍-a wlùh i̍ tè-e pɔ̀n chɛ̀ la Jusu Klai ɔ̀ nu̍-a nyɔ̍ kli̍hgbɛ̍-a Joi-ɛ, dě ɔ̍ ja̍a̍ bo ɔ̍ jii wɛ̀ ɔ̍ bla̍ ɛ̍ we̍i̍.

Wloma 5:1

Nɛ̀ɛ̍, ka à wlùh gbaɛ blě-ɛ nu̍-a ɛ̍ iě Nyɔsoa slè-ea àɔ̀ i̍ slɛ̌-nyɔ̍-ɛ, nɛ̀ à ke Nyɔsoa-a wɔ̌ɛn wlu̍ i̍ dě à Joi Jusu Klai ja̍a̍.

Kelesea 3:28

Juu nyɔ̍ se̍-o dɔɔ̌ nɛ, wɛ̀ ùh se̍-a Juu nyɔ̍-ɛ se̍-o dɔɔ̌ nɛ. Kèi̍ se̍-o dɔɔ̌ nɛ, wɛ̀ i̍ flɔn nyɔ̍ se̍-o dɔɔ̌ nɛ. Jɔ̍gbau se̍-o dɔɔ̌ nɛ, wɛ̀ nynɔ̌gbaɔ se̍-o dɔɔ̌ nɛ. Jɛ mɔ̀ kli̍hgbɛ̍ mɔ̀ nɛ due wɛ̀ dě Jusu Klai ja̍a̍.

Ɛfɛsɔ 2:15

Ɔ̍ sà telě Nyɔsoa nyǐ-a Mose-ɛ ke telě diih Juu nyɔ̍ blě-a dǒ wìè-i. Ɔ̍ nu̍ ɛ̍-ɛ wɛ̀ u̍h-a gbɔ̍ᵻ nɛ-a sɔɔ̌n-ɛ, ɔ̍ iě u̍h nyɔ̍ delee we̍i̍ nu̍ u̍h iě due nɛ dě ɔ̍ chɛ̀ ja̍a̍. Wɛ̀ ɔ̍ nu̍ ɛ̍ iě u̍h-a wɔ̌ɛn ka wlu̍ i̍.

Ɛfɛsɔ 2:17

Klai ji̍-aɛ, wɛ̀ ɔ̍ bla̍ kmɔ̌ i̍ gbe̍ɛ̍ɛn pɔ̀n chɛ̀-a tìh we̍i̍ dě mɔ̀ɔ̍ ùh se̍-a Juu nyɔ̍ ùh ti̍ɛ̍ɛn-a Nyɔsoa we̍ i̍ de-ɛ we̍. Iě ɔ̍ bla̍ ɛ̍ dě Juu nyɔ̍ juh kɔǎn-ɛa ɔ̍ we̍ i̍-ɛ we̍ ke.

Ɛfɛsɔ 3:15

Ɔ̍-ɔ bo ɔ̀ nyǐ nyɔ̍ kli̍hgbɛ̍ nɛ-a dě ja̍i̍wlɔ̀-ɛ ke nɔ̌ bloɔ̍-ɛ feɛ.

Ɛfɛsɔ 4:16

Dě ɔ̍ ja̍a̍ bo ku̍ kli̍hgbɛ̍ tùi i̍ iě ɛ̍ gbe̍ɛ̍ɛn i̍, wɛ̀ ɛ̍ poe-ɛ nǐ i̍. Pò ka ɛ̍ fɔ̌ᵻ nu̍-a nɛ-ɛ i̍h ja laan dbo̍ nu̍-ɛ nu̍-ɛ, nɛ̀ ku̍-a chɛ̀ ɛ̍ mu̍ ku̍ wɛ̀ ɛ̍ iě ɛ̍ chɛ̀ dǒ ta̍i̍ po̍ dě jbɛɛ di̍i̍.

Kalase 1:20

Dě ɔ̍ ja̍a̍ bo Nyɔsoa ke dɛ̍ᵻ kli̍hgbɛ̍ gbǎ-ɛ tàdùè. Jih nɛ-a nɔ̌ kmɔ̌-ɛ ke, jih nɛ-a dě ja̍i̍wlɔ̀-ɛ, ɔ̍ dǒ gbàɛ̍ kɛ̍n i̍ tu̍ wlì mɛ̌ɛ bo ɛ̀ gbe̍ɛ̍ɛn i̍h ke Nyɔsoa-a wlu̍ kɛ̍n i̍ dode̍.

Kalase 2:20

Ka mɔ̀ mɛ̌-ɛa Klai we̍ wɛ̀-ɛ, nɛ̀ mɔ̀ se̍ dǒ gbǐh jih kɔn-a kmɔ̌ la wlu̍ i̍-ɛ we̍ kɔn dɛ. Dɛ̍nu̍ mɔ̀-a nu̍ dě kmɔ̌ we̍ nɛ nyɔ̍-a dɛ̍ᵻ ke̍ gbɔ̀ɔ-ɛ, iě mɔ̀-a tè-o i̍h-a gbànᵻ i̍ ke̍ ɛ?

Kalase 3:11

Ɛ̍ tìh-ɛ, ùh se̍-a Juu nyɔ̍-ɛ u̍h se̍-o dɔɔ̌ nɛ, wɛ̀ Juu nyɔ̍ se̍-o dɔɔ̌ nɛ. Plɔ̀n gbǎ nyɔ̍ se̍-o dɔɔ̌ nɛ, wɛ̀ se̍ plɔ̀n gbǎ nyɔ̍ se̍-o dɔɔ̌ nɛ. Nyɔ̍ ùh se̍-a Klii nyɔ̍-ɛ se̍-o dɔɔ̌ nɛ, wɛ̀ nyɔ̍ ùh-a nu̍-a dɛ̍ᵻ ka gbɛ̍n-ɛ nmi̍i̍-ɛ u̍h se̍-o dɔɔ̌ nɛ. Nɛ̀ kèi̍ se̍-o dɔɔ̌ nɛ, wɛ̀ nyɔ̍ ùh flɔn-a i̍-ɛ se̍-o dɔɔ̌ nɛ. Jɛ Klai bo ɔ̀ gbǎ dɛ̍kɛ̍n dǒ dɛ̍ᵻ kli̍hgbɛ̍ we̍, iě ɔ̍ nɛ mɔ̀ɔ̍ kli̍hgbɛ̍.

Kalase 3:15

Nɛ̀ wlùh-a i̍ tè-ɛ ɛ̀ sɔ-a dě Klai we̍-ɛ bo ɛ̀ iě mɔ̀-a pɔluh wlu̍ i̍ kɔn. Ɛ̍ kɔn Nyɔsoa dǎ mɔ̀ iě mɔ̀ nu̍ ku̍ due-a nyɔ̍. Mɔ̀ po̍ Nyɔsoa tlɔ̌.

Iblu 13:20

Ǎn sà nǐ wɔ̍n kmɔ̌ i̍ gbe̍ɛ̍ɛn Nyɔsoa iě mɔ̀ dɛ̍ᵻ chɛ̀ kli̍hgbɛ̍ nyǐ, wɛ̀ mɔ̀ iě ɔ̍ wlùh nu̍. Ɔ̍ sà-e à Joi Jusu ɔ̀ nu̍-a Blawɛ̌ᵻ We̍ I̍ Gbɛ̀n Nyɔ̍-a wɔ̍n ku̍ naɛ ɔ̀ kɔn nymɔ̍ to-a ɛ̍ ka Nyɔsoa po̍-a ku̍o̍ kleǐnklein-ɛ. Ǎn sà nǐ wɔ̍n ke Nyɔsoa iě ɛ̍ nu̍ à iě ɔ̍ wlùh i̍ tè-e dě Jusu Klai ja̍a̍. Nɛ̀ dǒ Klai we̍ bo tìh-a i̍ bɛ̌-ɛ kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

Iblu 7:2

Wɛ̀ gbɛ̍n-dɛ̍ᵻ kli̍hgbɛ̍-a gbɔ̍ᵻ gbɔ̍ᵻ Eblaɛɛn sà-a dě tu̍h we̍-ɛ, jɛ po̍ i̍h-a pùè-ɛ, nɛ̀ ɔ̍ nyǐ ɛ̍ Mɛokeslɛ. (Mɛokeslɛ-a nynɛ̌ la, ɛ̍ gbɔ̀ nu̍ I̍ Slɛ̌-ɛ Blǔh Baa. Ɔ̍ nynɛ̌ dɛɛ nu̍ Kmɔ̌ I̍ Gbe̍ɛ̍ɛn Blǔh Baa. Dɛ̍nu̍ɛ, ɔ̍ nu̍ Selɛn-a Blǔh Baa. Selɛn-a gbɔ̀ nu̍ Kmɔ̌ I̍ Gbe̍ɛ̍ɛn.)