Ɛfɛsɔ 2:13 - Ku̍o̍ Delee 1999

¹³ Jɛ mɔ̀ɔ̍ ùh ti̍ɛ̍ɛn-a Nyɔsoa we̍ i̍ de-ɛ, mɔ̀ ke Jusu Klai-a due nɛ-ɛ bo ɛ̀ ja ka mɔ̀ de̍ kɛklɛɛ dě ɔ̍ nymɔ̍-a i̍ wlǎ-a di̍i̍.

Ɛfɛsɔ 2:13 Iomraidhean Croise

Chɔɔn 10:16

Ǎn blawɛ̌ᵻ diih ìh se̍-a nɔ̌ kòò la di̍i̍ nɛ-ɛ ǐn kɔn iě i̍h ja ke, nɛ̀ i̍h-a mu̍ ǎn wlu̍-u i̍ wɔ̌n. Wɛ̀ i̍h iě blawɛ̌ᵻ gbà due nu̍ dǒ i̍h-a we̍ i̍ gbɛ̀n nyɔ̍ due sɔ̀n.

Nu̍-dɛ̍ᵻ 15:14

Samo sèàɛ̍ àɔ̀ wlùh tiɔ, ɔ̍ la̍ Nyɔsoa iě-a ùh se̍-a Juu nyɔ̍-ɛ ja̍ gbɛ̀n-ɛ i̍ sàɛ̀-ɛ, dǒ ɔ̍ sà-ɛ nyɔ̍ dě u̍h nynɛ̌ ɔ̍ nynɛ̌ iě u̍h kɛ̍n nɛ.

Nu̍-dɛ̍ᵻ 2:39

Dɛ̍nu̍ɛ, Nyɔsoa-a tɔ̀ma̍a̍ wlu̍ kɔn dǒ mɔ̀ ke mɔ̀-a nynuu̍ we̍, ɛ̍ ke nyɔ̍ kli̍hgbɛ̍ nɛ-a tà tɔ̀ɔ̀n-ɛ ke juh à Joi Nyɔsoa dǎ-a dǒ ɔ̍ chɛ̀ we̍-ɛ ke.”

Nu̍-dɛ̍ᵻ 22:21

Wɛ̀ Joi la̍a̍, ‘Mu̍, dɛ̍nu̍ɛ, ǎn mu̍ ìn tà tɔ̀ɔ̀n dbo̍ dě ùh se̍-a Juu nyɔ̍-ɛ we̍.’ ”

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Wloma 8:1

Nɛ̀ɛ̍, kaka la̍, nyɔ̍ ùh ke Jusu Klai nɛ-a due-ɛ, u̍h se̍ kɛ̀n sà-ɛɛ.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 12:13

Kǎ ɛ̍ nɛ ke dǒ à kli̍hgbɛ̍ we̍. Juu nyɔ̍ o, se̍ Juu o, kèi̍ᵻ o, de̍e̍ i̍ flɔn nyɔ̍ o, à kli̍hgbɛ̍ dě ku̍ due di̍i̍ bo Sùù poe àɔ̀ nǐ dlǔ. À kli̍hgbɛ̍ Nyɔsoa nyǐ àɔ̀ Sùù due dě à wlùh di̍i̍.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

Kelesea 3:28

Juu nyɔ̍ se̍-o dɔɔ̌ nɛ, wɛ̀ ùh se̍-a Juu nyɔ̍-ɛ se̍-o dɔɔ̌ nɛ. Kèi̍ se̍-o dɔɔ̌ nɛ, wɛ̀ i̍ flɔn nyɔ̍ se̍-o dɔɔ̌ nɛ. Jɔ̍gbau se̍-o dɔɔ̌ nɛ, wɛ̀ nynɔ̌gbaɔ se̍-o dɔɔ̌ nɛ. Jɛ mɔ̀ kli̍hgbɛ̍ mɔ̀ nɛ due wɛ̀ dě Jusu Klai ja̍a̍.

Ɛfɛsɔ 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ Nyɔsoa nyɔ̍ nɛ-a dǒ Ɛfɛsɔ wlɔ̀ di̍i̍-ɛ we̍, ùh gbaɛ-a Jusu Klai wlùh-ɛ.

Ɛfɛsɔ 1:7

Klai-a nymɔ̍ bo ɛ̀ pùhbɔ à kɛ̍ɛ̍n, iě à gblɛ̍n sɔ̀ɛ̀n-a tìh tǎli-ɛ i̍ Nyɔsoa-a blɛ-a nya̍ pàn-ɛ tìh.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 2:12

Ɛ̍ ti̍ laa̍ nɛ̀ mɔ̀ nɛ-ɛ fɔ̌ i̍ dǒ Klai we̍. Nɛ̀ mɔ̀ ke Nyɔsoa-a chèɛ̀ tba̍ nyɔ̍ se̍ nɔ̌ i̍ nɛ-ɛɛ. Ku̍o̍ ìh Nyɔsoa po̍-a dǒ ɔ̍ tɔ̀ma̍a̍ wlu̍ kɛ̍n-ɛ, nɛ̀ mɔ̀ nu̍ dakɔ̍ pàɔ̀n dǒ i̍h we̍. Nɛ̀ mɔ̀ se̍ wlùh i̍ kɔ̍ dɛ̍ blě, iě mɔ̀ se̍ Nyɔsoa dɛ i̍ juo nɔ̌ kmɔ̌ we̍.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Ɛfɛsɔ 2:6

À ke Jusu Klai-a due nɛ-ɛ bo ɛ̀ nu̍ ɛ̍ iě ɔ̍ sà-ae à ke Klai, wɛ̀ à ke ɔ̍ iě dě ja̍i̍wlɔ̀ wlu̍ i̍ kɔn.

Iblu 9:18

Ka ɛ̍ nɛ ke, ku̍o̍ jɛ nɛ-a sàǐtòò-ɛ, pò ɛ̍ ke dɛ̍-a nymɔ̍ se̍ na-ɛ, nɛ̀ ɛ̍ se̍ gbɔ̀ tè-ɛ ke̍.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.