Ɛfɛsɔ 2:12 - Ku̍o̍ Delee 1999

¹² Ɛ̍ ti̍ laa̍ nɛ̀ mɔ̀ nɛ-ɛ fɔ̌ i̍ dǒ Klai we̍. Nɛ̀ mɔ̀ ke Nyɔsoa-a chèɛ̀ tba̍ nyɔ̍ se̍ nɔ̌ i̍ nɛ-ɛɛ. Ku̍o̍ ìh Nyɔsoa po̍-a dǒ ɔ̍ tɔ̀ma̍a̍ wlu̍ kɛ̍n-ɛ, nɛ̀ mɔ̀ nu̍ dakɔ̍ pàɔ̀n dǒ i̍h we̍. Nɛ̀ mɔ̀ se̍ wlùh i̍ kɔ̍ dɛ̍ blě, iě mɔ̀ se̍ Nyɔsoa dɛ i̍ juo nɔ̌ kmɔ̌ we̍.

Ɛfɛsɔ 2:12 Iomraidhean Croise

Pɔ̀n Chɛ̀ Luu To-a La 1:72

Ɔ̍ chɛ̀-a ku̍o̍ bo ɔ̍ nu̍ wlùh we̍, wɛ̀ ɔ̍ jě à baaᵻ wɔɛ.

Chɔɔn 10:16

Ǎn blawɛ̌ᵻ diih ìh se̍-a nɔ̌ kòò la di̍i̍ nɛ-ɛ ǐn kɔn iě i̍h ja ke, nɛ̀ i̍h-a mu̍ ǎn wlu̍-u i̍ wɔ̌n. Wɛ̀ i̍h iě blawɛ̌ᵻ gbà due nu̍ dǒ i̍h-a we̍ i̍ gbɛ̀n nyɔ̍ due sɔ̀n.

Chɔɔn 15:5

“Mɔ̍ bo ɔ̀ nu̍ tlo-dɛ̍ᵻá tu̍, mɔ̀ɔ̍ bo ùh nu̍ ɛ̍ bu̍hᵻ. Nyɔ̍ ɔ̀ nɛ-a dě ǐn ja̍a̍-ɛ, nɛ̀ ǐn nɛ dě ɔ̍ ja̍a̍ ke. Nɛ̀ ɔ̍-ɔ bo ɔ̀ mu̍ buǒᵻ dɔu tlo. Pò mɔ̀ sà ǐn sɔ̍nᵻ i̍-ɛ, nɛ̀ mɔ̀ se̍ dɛ̍ nu̍-ɛ bɛ̌ɛ mu̍.

Chɔɔn 4:22

Mɔ̀ɔ̍ Sɛmewlea nyɔ̍, nyɔ̍ mɔ̀-a sà-a wɛɛ-ɛ, mɔ̀ se̍ ɔ̍ juo. Jɛ àɔ̀ Juu nyɔ̍ nɔ̀ɔ̍, à juo nyɔ̍ à sà-a wɛɛ-ɛ, dɛ̍nu̍ɛ, Nyɔsoa-a nyɔ̍ sèìe-ɛ sɔ-ɛ dě Juu nyɔ̍ we̍.

Nu̍-dɛ̍ᵻ 2:39

Dɛ̍nu̍ɛ, Nyɔsoa-a tɔ̀ma̍a̍ wlu̍ kɔn dǒ mɔ̀ ke mɔ̀-a nynuu̍ we̍, ɛ̍ ke nyɔ̍ kli̍hgbɛ̍ nɛ-a tà tɔ̀ɔ̀n-ɛ ke juh à Joi Nyɔsoa dǎ-a dǒ ɔ̍ chɛ̀ we̍-ɛ ke.”

Nu̍-dɛ̍ᵻ 28:20

Ɛ̍ kɔn ǐn tèle mɔ̀-a tìh i̍ iě mɔ̀ jě, wɛ̀ iě wlu dě mɔ̀ we̍. Dɛ̍nu̍ɛ, ɔ̀ kɔn tìh Eslɔɛ nyɔ̍ tè-a wlùh kɛ̍n-ɛ, ɛ̍ kɔn mɔ̍ u̍h sa̍n-ɛ jɔɔdbǔ la.”

Nu̍-dɛ̍ᵻ 3:25

Mɔ̀ɔ̍ bo ùh nu̍ Nyɔsoa-a tu̍owli po̍ nyɔ̍-a nynuu̍. Mɔ̀ɔ̍ kɔn ku̍o̍ bo ɔ̍ po̍-a dǒ mɔ̀ baaᵻ we̍. Ɔ̍ la̍a̍ dě Eblaɛɛn we̍, ‘Dě àn tloemlai ja̍a̍ bo ǎn mu̍ kmɔ̌ nyɔ̍ kli̍hgbɛ̍ pɔ̀ìě nyǐ-i.’

Wloma 9:8

Ɛ̍ se̍ Eblaɛɛn-a nynuu̍ kli̍hgbɛ̍ ùh se̍ Nyɔsoa-a nynuu̍. Jɛ nynuu̍ juh wlǔh-a dǒ Nyɔsoa-a tɔ̀ma̍a̍ wlu̍ we̍-ɛ, u̍h bo ùh nu̍ Eblaɛɛn-a nynuu̍.

Kelesea 4:8

Mɔ̀ se̍ Nyɔsoa juo de tɛin, ɛ̍ kɔn mɔ̀ nu̍ kèi̍ᵻ dǒ nyɔsoa-a si̍h naɛ we̍.

Ɛfɛsɔ 2:19

Nɛ̀ sɔ da̍a sèàn blǐ-ɛ, mɔ̀ se̍ dakɔ̍ nynuu̍ ke dihwi̍hᵻ dɛ fu̍u̍. Mɔ̀ɔ̍ blǔh nynuu̍ wɛ̀ dě Nyɔsoa-a nyɔ̍ nynɛ̌, mɔ̀ɔ̍ ɔ̍ gbò nynuu̍ wɛ̀.

Ɛfɛsɔ 4:18

U̍h-a wlùh gbe kɛ̍n i̍ dǒ dɛ̍ɛ̍ i̍ wɔ̌n la̍-a, sɔ u̍h nɛ-ɛ fɔ̌ i̍ dǒ kmɔ̌ Nyɔsoa nyǐ-a àɔ̀-ɛ we̍. Dɛ̍nu̍ɛ, u̍h-a se̍ dɛ̍ jlǐh juo ke u̍h-a dlǔ ku̍-ɛ bo ɛ̀ nu̍ ɛ̍.

Kalase 1:21

Mɔ̀ poe Nyɔsoa kɛ̍n i̍ tɛin, iě mɔ̀ nu̍ ɔ̍ nyɛ̌-nyɔ̍ dǒ dɛ̍ᵻ sɔ̀nᵻ mɔ̀ nu̍-aɛ we̍.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

Kalase 1:5

Mɔ̀-a nu̍ ìh la, dɛ̍nu̍ɛ, ɛ̀ mɔ̀ kɔ̍-a wlùh i̍-ɛ ɛ̍ tè-eɛ i̍ dě ja̍i̍wlɔ̀ dǒ mɔ̀ we̍. Ti̍ tìh-a taǐn pɔ̀n chɛ̀ sàɛ̀-a ji̍-ɛ i̍ dě mɔ̀ we̍-ɛ, dǒ mɔ̀ wɔ̌n-ɛ wlùh kɛ̍n i̍ kɔ̍ dɛ la ɛ̍ nynɛ̌.

1 Tɛsoloniɔn 4:13

À de̍di̍i̍ᵻ, à pɔ̀n dě mɔ̀ di̍i̍ iě i̍ flɔn dǒ nyɔ̍ ùh mɛ̌-aɛ dɛ we̍, wɛ̀ mɔ̀ɔ̍ jěe seɔn gbǎ ka nyɔ̍ ùh se̍-a wlùh i̍ tba̍ dɛ̍ blě-ɛ.

1 Tɛsoloniɔn 4:5

Bɔ̌ ɛ̍ wlùh sɔ̀n we̍ blě-ɛ, ka nyɔ̍ ùh se̍-a Nyɔsoa juo-ɛ.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

1 Timote 1:1

Wlu̍ la ɛ̍ sɔ nɔ̌ mɔ̍ Pɔɔ ɔ̀ nu̍-a Jusu Klai-a gba̍tòà-a we̍. Nyɔsoa ɔ̀ sèìe-a àɔ̀-ɛ ke Jusu Klai à kɔ̍-a wlùh i̍-ɛ, dǒ u̍h-a wlu̍ kɛ̍n bo ǐn nui gba̍tòà.

Iblu 11:34

Iě u̍h mɔ̌-ɛ nɛ̍ ɛ̀ nɛ-a jojǒ-ɛ, wɛ̀ u̍h wa̍n plàn chlɛ̀n wɔ̍i̍n iě ɛ̍ se̍ u̍h dbǎ, wɛ̀ u̍h-a gbǐh-a sɔɔn nu̍-ɛ sàɛ̀ kmu-ɛ. U̍h-a wlùh gbaɛ blě-ɛ bo ɛ̀ kmu i̍ u̍h dě tu̍h, iě u̍h sà dakɔ̍ pàɔ̀n-a fledlǔ klà.

Iblu 6:18

Nyɔsoa-a tɔ̀ma̍a̍ wlu̍ ke ɔ̍ slɛ̀ɛ̀n-ɛ la i̍h se̍-e i̍ bǐi la̍ kɔn. I̍h bo Nyɔsoa to ka ɔ̍ se̍-a si̍h tmɔ̌-ɛ bɛ̌ɛ-ɛ. Sɔ nɛ̀ àɔ̀ juh à ple̍-a wɛ̀ à ji̍-a ɔ̍ we̍ ɔ̍ iě-a à we̍ gbǎ-ɛ, nɛ̀ ɛ̍ fùka à wlùh wɛ̀ kaa̍ à iě wlùh i̍ kɔ̍ dɛ̍ pɛ̌n-a dǒ à jǔ i̍-ɛ i̍ gbɛ̍n klìmàtàìn.

Iblu 8:6

Nyɔsoa nu̍ Jusu slaǎ sà nyɔ̍ we̍i̍ ɔ̀ ku̍-a wɔ̍n ɔ̀ sìì-a slaǎ sà nyɔ̍ juh nɛ-a nɔ̌ bloɔ̍-ɛ. Kǎ ɛ̍ nɛ ke. Ku̍o̍ kɔn tùna̍-i-tu̍ Jusu nu̍-a ɛ̀ Nyɔsoa po̍-a dǒ ɔ̍ ke ɔ̍ nyɔ̍ nynɛ̌-ɛ, ɛ̍ nmɔ jii̍ ɛ̍ sìì ku̍o̍ ɛ̀ poe-a dě Mose ja̍a̍-ɛ. Dɛ̍nu̍ɛ, ɛ̍ tba̍ dǒ tɔ̀ma̍a̍ wlu̍ ɛ̀ nmɔ-a jii̍ ɛ̀ sìì-a sàì naɛ kɛ̍n i̍.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

1 Pitɛ 3:15

Mɔ̀ jě Klai dɛ̍ɛ̍ kleǐnklein ka ɔ̍ nu̍-a mɔ̀-a Joi-ɛ. Mɔ̀ gbàɛ̀ ti̍ kli̍hgbɛ̍ we̍ nyɔ̍ mu̍-a mɔ̀ i̍ tèle-ɛ, wɛ̀ mɔ̀ iě u̍h wlùh sèàɛ̍ dɛ̍ kɔn tìh mɔ̀ tè-a Nyɔsoa wlì-ɛ.

1 Chɔɔn 3:3

Nyɔ̍ jɔ tè-a Nyɔsoa wlì ɛ̀ la ɛ̍ tìh-ɛ, nɛ̀ ka Klai nu̍-a wlaǎwla nɛ-ɛɛ, kǎ ɔ̍ nu̍ ɔ̍ chɛ̀-a wlaǎwla nu̍-ɛ wɛ̀ ke.